 | ສະເຫຼີມສະຫຼອງ 106 ປີແຫ່ງວັນຊາດ ສ.ເຊັກ ຢູ່ຫວຽດນາມ: ເພີ່ມພູນຄູນສ້າງຄຸນຄ່າລວມເພື່ອອະນາຄົດ |
| ໂທລະເລກ ແລະຈົດໝາຍອວຍພອນ 79 ປີແຫ່ງວັນຊາດ ສາທາລະນະລັດ ສັງຄົມນິຍົມຫວຽດນາມ |
ກ່າວຄຳປາໄສທີ່ກອງປະຊຸມ, ທ່ານ ຫງວຽນເຈືອງຢາງ, ປະທານສະມາຄົມ ກ່າວວ່າ ໃນຫຼາຍປີຜ່ານມານີ້, ພື້ນຖານເສດຖະກິດ ຣູມານີ ບັນລຸໄດ້ບັນດາໝາກຜົນທີ່ໜ້າລະດົມສົ່ງເສີມ. ການເຕີບໂຕ GDP ຂອງ ຣູມານີ ຍາມໃດກໍ່ສູງກວ່າໝູ່ໃນບັນດາປະເທດ EU. ໃນສະພາບທີ່ໂລກປະສົບກັບຄວາມຫຍຸ້ງຍາກຫຼາຍຢ່າງ ແຕ່ການເຕີບໂຕດ້ານເສດຖະກິດຂອງ ຣູມານີ ຍັງບັນລຸ 4,8% ໃນປີ 2022; 2,2% ໃນປີ 2023 ແລະ ຄາດວ່າຈະບັນລຸ 2,8% ໃນປີ 2024. GDP ສະເລ່ຍຕໍ່ຫົວຄົນຂອງ ຣູມານີ ໄດ້ເພີ່ມຂຶ້ນຢ່າງຕໍ່ເນື່ອງ ພິເສດໃນຊຸມປີມໍ່ໆມານີ້.
 |
| ທ່ານ ຫງວຽນເຈືອງຢາງ,ປະທານສະມາຄົມມິດຕະພາບ ຫວຽດນາມ - ຣູມານີ ນະຄອນ ໂຮ່ຈິມິນ ກ່າວຄຳປາໄສທີ່ກອງປະຊຸມ. (ພາບ: hufo.vn) |
ເລີ່ມແຕ່ວັນທີ 31 ມີນາ 2024, ຫຼັງຈາກ 17 ປີທີ່ເຂົ້າຮ່ວມສະຫະພາບເອີຣົບ, ຣູມານີ (ແລະ ບູນກາລີ) ໄດ້ຮັບການອະນຸມັດໃຫ້ເຂົ້າຮ່ວມ "ບາງສ່ວນ" ໃນເຂດທີ່ບໍ່ມີວີຊາ Schengen; ສ້າງເງື່ອນໄຂສະດວກໃຫ້ ຣູມານີ ໃນການຄ້າພັດທະນາເສດຖະກິດ ແລະ ການທ່ອງທ່ຽວກັບບັນດາປະເທດ, ໃນນັ້ນມີ ຫວຽດນາມ.
ຕາມທ່ານ ຫງວຽນເຈືອງຢາງ ແລ້ວ, ໃນຊຸມປີມໍ່ໆມານີ້, ສະມາຄົມ ຍາມໃດກໍ່ມີບັນດາການເຄື່ອນໄຫວຢ່າງຕັ້ງໜ້າ, ຮ່ວມເດີນທາງກັບສະຖານທູດ ຣູມານີ ປະຈຳ ຫວຽດນາມ ເປັນຂົວເຊື່ອມຕໍ່, ຊຸກຍູ້ນ້ຳໃຈສາມັກຄີ, ມິດຕະພາບ ແລະ ການຮ່ວມມືລະຫວ່າງປະຊາຊົນນະຄອນ ໂຮ່ຈີມິນ ເວົ້າສະເພາະ ແລະ ປະຊາຊົນ ຫວຽດນາມ ເວົ້າລວມ ກັບປະຊາຊົນ ຣູມານີ ໂດຍຜ່ານຫຼາຍຮູບແບບທີ່ຫຼາກຫຼາຍ, ອຸດົມສົມບູນ ແລະ ແທດຈິງ.
 |
| ບັນດາຜູ້ແທນໄດ້ຖ່າຍຮູບທີ່ລະນຶກ. (ພາບ: hufo.vn) |
ທີ່ການພົບປະ, ທ່ານນາງ Cristina Romila, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ຣູມານີ ປະຈຳ ຫວຽດນາມ ໃຫ້ຮູ້ວ່າ ຣູມານີ ປະກອບສ່ວນບົດບາດຕັ້ງໜ້າໃນການຮ່ວມມືຂອງສະຫະພາບເອີລົບ ກັບບັນດາປະເທດ ອາຊຽນ, ໄດ້ຮັບການຍົກຂຶ້ນສູ່ລະດັບຄູ່ຮ່ວມມືຍຸດທະສາດແຕ່ປີ 2020. ພ້ອມກັນນັ້ນ ຣູມານີ ກໍ່ຊຸກຍູ້ການຮ່ວມມືດ້ານເສດຖະກິດລະຫວ່າງສະຫະພາບເອີລົບ ແລະ ຫວຽດນາມ. ສັນຍາການຄ້າເສລີ ແລະ ສັນຍາປົກປ້ອງການລົງທຶນ ແມ່ນບັນດາບາດກ້າວເພື່ອຢັ້ງຢືນຄືນຄວາມສາມັກຄີລະຫວ່າງ ຣູມານີ ແລະ ຫວຽດນາມ ໃນລະດັບສາກົນ.
ຕາມທ່ານນາງເອກອັກຄະລັດຖະທູດ Cristina Romila ແລ້ວ, ຄວາມສົນໃຈນັບມື້ນັບເພີ່ມຂຶ້ນໃນສະພາບແວດລ້ອມແຫ່ງການດຳເນີນທຸລະກິດຂອງຫວຽດນາມ ແລະ ຣູມານີ ສຳລັບການລົງທຶນເຂົ້າໃນບັນດາຂົງເຂດທີ່ມຸ່ງໄປເຖິງອະນາຄົດຄື ເຕັກໂນໂລຊີຂໍ້ມູນຂ່າວສານ ແລະ ພະລັງງານສີຂຽວ. ທ່ານເອກອັກຄະລັດຖະທູດຢືນຢັນວ່າ ການພົວພັນມິດຕະພາບທີ່ເປັນມູນເຊື້ອລະຫວ່າງປະຊາຊົນສອງປະເທດນັບມື້ນັບເພີ່ມຂຶ້ນ ໄດ້ສະແດງໃຫ້ເຫັນຜ່ານການຕິດຕໍ່ສອງຝ່າຍຂັ້ນສູງ, ມີປະຫວັດສາດກວ່າ 74 ປີຜ່ານມາ.
ແທັງຮັ່ງ
