 | ຊາວຫວຽດນາມ ອາໄສຢູ່ຕ່າງປະເທດ: ກຳລັງງຽບໆໃນແນວຮົບດ້ານການທູດ |
| ນາຍົກລັດຖະມົນຕີ ຟ້າມມິງຈິ໊ງ ພົບປະກັບເອກອັກຄະລັດຖະທູດ, ຫົວໜ້າອົງການຕາງໜ້າ ຫວຽດນາມ ປະຈຳຕ່າງປະເທດ |
ໂດຍເຂົ້າຮ່ວມການສຳມະນາມີຜູ້ຕາງໜ້າຄະນະກຳມະການສູນກາງແນວໂຮມປະເທດຊາດ ຫວຽດນາມ, ບັນດາອົງການການເມືອງ - ສັງຄົມ, ສະມາຄົມມະຫາຊົນໂດຍພັກ, ລັດ ມອບໝາຍໜ້າທີ່, ບັນດາອົງການສະມາຊິກສະຫະພັນບັນດາອົງການມິດຕະພາບຫວຽດນາມ ພ້ອມດ້ວຍບັນດາຜູ້ຊ່ຽວຊານ, ນັກການທູດ, ນັກວິທະຍາສາດ...
ການນຳສະຫະພັນບັນດາອົງການມິດຕະພາບຫວຽດນາມ ເປັນປະທານການສຳມະນາ.
 |
| ການສຳມະນາວິທະຍາສາດ "ການທູດປະຊາຊົນໃນໄລຍະການພັດທະນາໃຫມ່ຂອງປະເທດ". ພາບ: Dinh Hoa |
ປ່ຽນແປງໃໝ່ແນວຄິດການທູດປະຊາຊົນແມ່ນຄວາມຮຽກຮ້ອງຕ້ອງການອັນຮີບດ່ວນຂອງພາວະວິໄສ ແລະ ກຳລັງໃນຕົວ.
ກ່າວຄຳປາໄສທີ່ການສຳມະນາ, ທ່ານປະທານສະຫະພັນບັນດາອົງການມິດຕະພາບຫວຽດນາມ ຟານແອງເຊີນ ໃຫ້ຮູ້ວ່າ ກ້າວໄປສູ່ປີ 2025, ໂລກປະສົບກັບຄວາມຫຍຸ້ງຍາກຫຼາຍຢ່າງ, ພິເສດແມ່ນກ່ຽວກັບຄວາມໝັ້ນຄົງຂອງໂລກ ແລະ ອະທິປະໄຕຂອງປະເທດຊາດໃນສະພາບການປ່ຽນແປງຫຼາຍຢ່າງຂອງຄວາມເປັນລະບຽບຮຽບຮ້ອຍສາກົນ.
 |
| ທ່ານນາງ ເອກອັກຄະລັດຖະທູດ ຫງວຽນເຟືອງງາ, ອະດີດປະທານສະຫະພັນບັນດາອົງການມິດຕະພາບ ຫວຽດນາມ ກ່າວຄຳປາໄສທີ່ການສຳມະນາ. ພາບ: Dinh Hoa |
ນອກຈາກນັ້ນ, ການພັດທະນາທີ່ເຂັ້ມແຂງຂອງເຕັກໂນໂລຢີ (ປັນຍາປະດິດ, ຂໍ້ມູນໃຫຍ່, ຈີບເຄິ່ງຊັກນຳໄຟຟ້າ...) ໄດ້ວາງອອກຄຳຖາມກ່ຽວກັບບົດບາດຂອງບັນດາປະເທດໃນການນໍາທາງ ແລະ ບັນລຸໄດ້ຄວາມມຸ່ງຫວັງນະໂຍບາຍໃນອະນາຄົດ, ຜົນກະທົບຂອງປັນຍາປະດິດຕໍ່ອະນາຄົດຂອງມະນຸດ. ການຄ້າທົ່ວໂລກ ຍັງໄດ້ເຫັນການປ່ຽນແປງຢ່າງເລິກເຊິ່ງ, ບັນດາປະເທດຕ່າງໆໄດ້ປັບປ່ຽນນະໂຍບາຍ ແລະ ວິທີເຂົ້າເຖິງຢ່າງບໍ່ຢຸດຢັ້ງ, ເພີ່ມທະວີການທ້າທາຍໃນການຮ່ວມມືສາກົນ.
ບັນດາຄວາມຮຽກຮ້ອງຕ້ອງການຂອງການນຳພັກ ແລະ ລັດໃນໄລຍະໃໝ່, ຄວາມຮຽກຮ້ອງຕ້ອງການຕົນເອງຂອງຜູ້ເຮັດວຽກງານການທູດປະຊາຊົນ ໄດ້ຮຽກຮ້ອງໃຫ້ສະຫະພັນບັນດາອົງການມິດຕະພາບຫວຽດນາມ ແລະ ທົ່ວລະບົບຕ້ອງປ່ຽນໃໝ່ຢ່າງເຂັ້ມແຂງໃນແນວຄິດ, ວິທີເຂົ້າເຖິງ, ເນື້ອໃນ ແລະ ວິທີການເຄື່ອນໄຫວໃນໄລຍະຈະມາເຖິງ.
ວິທີແກ້ໄຂຫຼາຍຢ່າງເພື່ອຍົກສູງປະສິດທິຜົນຂອງການທູດປະຊາຊົນ
ທີ່ການສຳມະນາ, ບັນດາຜູ້ແທນໄດ້ເນັ້ນໜັກເຖິງຄວາມຕ້ອງການຂອງການເພີ່ມທະວີການສົມທົບກັນລະຫວ່າງ 3 ເສົາຄ້ຳການຕ່າງປະເທດຄື: ການທູດຂອງພັກ, ການທູດແຫ່ງລັດ ແລະ ການທູດປະຊາຊົນ. ໃນນັ້ນ, ການທູດປະຊາຊົນຕ້ອງເສີມຂະຫຍາຍບົດບາດ “ການທູດຊື່ສັດ”, ປະກອບສ່ວນສ້າງກຳລັງແຮງສັງລວມໃນຍຸດທະສາດການຕ່າງປະເທດຂອງຊາດ.
ທ່ານນາງ ເອກອັກຄະລັດຖະທູດ ຫງວຽນເຟືອງງາ, ອະດີດປະທານສະຫະພັນບັນດາອົງການມິດຕະພາບຫວຽດນາມ ໄດ້ສະເໜີບາງວິທີແກ້ໄຂເພື່ອຍົກສູງປະສິດທິຜົນການທູດປະຊາຊົນ, ໃນນັ້ນ ກໍ່ເນັ້ນໜັກເຖິງການສຳເລັດກົນໄກ, ນະໂຍບາຍ ເພື່ອກຳນົດຢ່າງຈະແຈ້ງບົດບາດຂອງການທູດປະຊາຊົນໃນສະພາບການໃໝ່ ແລະ ສືບຕໍ່ປ່ຽນໃໝ່, ປັບປຸງລະບົບ ແລະ ການຈັດຕັ້ງບັນດາກຳລັງວຽກງານການທູດຈາກສູນກາງເຖິງທ້ອງຖິ່ນ, ຮັບປະກັນການເໝາະສົມກັບຄວາມຕ້ອງການ, ໜ້າທີ່ໃນປະຈຸບັນ.
ທ່ານນາງ ເອກອັກຄະລັດຖະທູດ ຫງວຽນເຟືອງງາ ເນັ້ນໜັກເຖິງບົດບາດຂອງສະຫະພັນບັນດາອົງການມິດຕະພາບ ຫວຽດນາມ ແມ່ນກຳລັງພິເສດໃນການພົວພັນທາງການທູດປະຊາຊົນ, ພ້ອມທັງເປັນສະມາຊິກຂອງແນວໂຮມປະເທດຊາດ. ຕາມທ່ານນາງແລ້ວ, ບໍ່ມີອົງການໃດໃນຂົງເຂດນີ້ ມີປະສົບການ, ເຄືອຂ່າຍຄູ່ຮ່ວມມືສາກົນອັນກວ້າງຂວາງ ແລະ ຖັນແຖວພະນັກງານນັບມື້ນັບວິຊາຊີບຄືສະຫະພັນບັນດາອົງການມິດຕະພາບຫວຽດນາມ.
ແບ່ງປັນທັດສະນະດຽວກັນ, ທ່ານເອກອັກຄະລັດຖະທູດ ຟ້າມກວາງວິງ, ອະດີດຮອງລັດຖະມົນຕີກະຊວງການຕ່າງປະເທດ, ປະທານສະມາຄົມ ຫວຽດນາມ - ອາເມລິກາ ສະເໜີໃຫ້ອອກເອກະສານສະບັບໃໝ່ກ່ຽວກັບການພົວພັນທາງການທູດປະຊາຊົນໂດຍໄວ ເພື່ອອັບເດັດທິດທາງ, ກົນໄກເໝາະສົມກັບສະພາບການປະຈຸບັນ.
 |
| ທ່ານພົນໂທ, ຮສຈ.ປອ ຫງວຽນວັນແທ່ງ, ຮອງປະທານສະພາທິດສະດີສູນກາງ, ອະດີດຮອງລັດຖະມົນຕີກະຊວງຕຳຫຼວດ ໄດ້ນຳສະເໜີເອກະສານໃນການສຳມະນາ. (ພາບ: Dinh Hoa) |
ທ່ານພົນໂທ, ຮສຈ.ປອ ຫງວຽນວັນແທ່ງ, ຮອງປະທານສະພາທິດສະດີສູນກາງ, ອະດີດຮອງລັດຖະມົນຕີກະຊວງຕຳຫຼວດ ສະເໜີໃຫ້ສະຫະພັນບັນດາອົງການມິດຕະພາບຫວຽດນາມ ສືບຕໍ່ຍົກສູງຄຸນນະພາບວຽກງານຄົ້ນຄວ້າ, ຄາດຄະເນຍຸດທະສາດເພື່ອປຶກສາ, ເປັນເສນາທິການໃຫ້ການນຳຂັ້ນສູງໂດຍໄວ ກ່ຽວກັບການກໍ່ສ້າງ ແລະ ຜັນຂະຫຍາຍນະໂຍບາຍການຕ່າງປະເທດປະຊາຊົນຢ່າງມີປະສິດທິຜົນ; ສືບຕໍ່ເປີດກ້ວາງເຄືອຂ່າຍການພົວພັນຄູ່ຮ່ວມມືຕ່າງປະເທດປະຊາຊົນໃນໂລກ, ພິເສດແມ່ນບັນດາຄູ່ຮ່ວມມືທີ່ຫວຽດນາມ ໄດ້ສ້າງຕັ້ງການພົວພັນຮ່ວມມືຂັ້ນສູງ (ຄູ່ຮ່ວມມືຍຸດທະສາດຮອບດ້ານ, ຄູ່ຮ່ວມມືຍຸດທະສາດ, ຄູ່ຮ່ວມມືຮອບດ້ານ), ຄູ່ຮ່ວມມືທີ່ມີທ່າແຮງດ້ານວິທະຍາສາດ ແລະ ເຕັກໂນໂລຢີຢ່າງເຂັ້ມແຂງ... ເພື່ອຍາດແຍ່ງເອົາແຫຼ່ງກຳລັງຂອງບັນດາຄູ່ຮ່ວມມື, ຊຸກຍູ້ການຖ່າຍທອດເຕັກໂນໂລຢີເພື່ອພັດທະນາພື້ນຖານອຸດສາຫະກຳແຫ່ງຊາດ; ພ້ອມກັນນັ້ນ, ຕ້ອງເຮັດວຽກງານປົກປັກຮັກສາພົນລະເມືອງເປັນຢ່າງດີ ແລະ ເສີມຂະຫຍາຍແຫຼ່ງກຳລັງຂອງຊາວຫວຽດນາມ ອາໄສຢູ່ຕ່າງປະເທດໃຫ້ສູງສຸດເພື່ອປະກອບສ່ວນພັດທະນາປະເທດຊາດ.
ສະຫຼຸບການສຳມະນາ, ທ່ານ ຟານແອງເຊີນ ໄດ້ຕີລາຄາສູງບັນດາຄວາມຄິດຄວາມເຫັນຢ່າງຈິງໃຈຂອງບັນດານັກປາຖະກະຖາ ແລະ ຢືນຢັນວ່າ ສະຫະພັນບັນດາອົງການມິດຕະພາບ ຫວຽດນາມ ສືບຕໍ່ໄດ້ຮັບຄຳເຫັນຈາກບັນດານັກປາຖະກະຖາ, ສັງລວມ ແລະ ສ້າງບົດລາຍງານລະອຽດ. ສຳລັບບັນດາບັນຫາພິເສດໃນແຕ່ລະຂົງເຂດ, ສະຫະພັນບັນດາອົງການມິດຕະພາບ ຫວຽດນາມ ຈະຄົ້ນຄວ້າ, ຄັດເລືອກ ເພື່ອກໍ່ສ້າງແຜນການເຄື່ອນໄຫວລະອຽດ, ເໝາະສົມກັບແຕ່ລະພາກພື້ນ ໃນຂອບເຂດການເຄື່ອນໄຫວການທູດປະຊາຊົນ.
 | ຫວຽດນາມ ສະເໜີໃຫ້ UNCTAD ສືບຕໍ່ໜູນຊ່ວຍບັນດາປະເທດພວມພັດທະນາ ຍສໝ - ເວທີປາໄສການນຳທົ່ວໂລກເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນສ້າງຕັ້ງກອງປະຊຸມສະຫະປະຊາຊາດ (ສປຊ) ກ່ຽວກັບການຄ້າ ແລະ ການພັດທະນາ (UNCTAD) ໄດ້ດຳເນີນຢູ່ສຳນັກງານ ສປຊ ທີ່ນະຄອນ Geneva, ສະວິດ ແຕ່ວັນທີ 12 – 13 ມິຖຸນາ, ຕາມເວລາທ້ອງຖິ່ນ. |
 | ຂົວເຊື່ອມຕໍ່ຢ່າງໝັ້ນແກ່ນສຳລັບການທູດປະຊາຊົນ ແລະ ການພັດທະນາແບບຍືນຍົງ ຍສໝ - ໃນສະພາບການເຊື່ອມໂຍງເຂົ້າກັບສາກົນນັບມື້ນັບເລິກເຊິ່ງກ້ວາງຂວາງ ແລະ ບົດບາດຂອງການພົວພັນທາງການທູດປະຊາຊົນນັບມື້ນັບໄດ້ຮັບການຖືເປັນສຳຄັນ, ສະຫະພັນບັນດາອົງການມິດຕະພາບນະຄອນ ດານັງ (ສະຫະພັນມິດຕະພາບນະຄອນ ດານັງ) ໄດ້ສ້າງຂີດໝາຍຢ່າງເດັ່ນຊັດໃນໄລຍະ 2019-2024. ໂດຍຜ່ານບັນດາການເຄື່ອນໄຫວການທູດທີ່ມີຄວາມຫຼາກຫຼາຍ ແລະ ອຸດົມສົມບູນ, ສະຫະພັນມິດຕະພາບນະຄອນ ດານັງ ບໍ່ພຽງແຕ່ປະກອບສ່ວນຊຸກຍູ້ການພັດທະນາແບບຍືນຍົງຂອງນະຄອນເທົ່ານັ້ນ ຫາກຍັງໂຄສະນາຮູບພາບນະຄອນ ດານັງ - ນະຄອນທີ່ເປັນມິດ, ທີ່ຂະຫຍັນຂັນເຄື່ອນ, ໜ້າຢູ່ ໄປເຖິງເພື່ອນມິດສາກົນ. |
ມີງດຶກ
