ເວລາ 17:30 ໂມງ (ຕາມເວລາທ້ອງຖິ່ນ) ວັນທີ 2 ທັນວາ 2024, ໃນສະພາບອາກາດ 4-5 ອົງສາເຊ, ສະມາຊິກຂອງອົງການແລກປ່ຽນສາກົນ ຫວຽດນາມ - ຍີ່ປຸ່ນ (FAVIJA) 32 ຄົນ ໄດ້ເກັບວຽກງານທັງໝົດໄວ້ ເພື່ອພ້ອມກັບຄະນະຜູ້ແທນສະຖານທູດ ຫວຽດນາມ ປະຈໍາ ຍີ່ປຸ່ນ ໄປສະໜາມບິນ Haneda (ໂຕກຽວ). ໜ້າທີ່ຂອງເຂົາເຈົ້າແມ່ນຕ້ອນຮັບທ່ານປະທານສະພາແຫ່ງຊາດ ຫວຽດນາມ ເຈີ່ນແທງເໝີນ, ພັນລະຍາ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ທີ່ໄປຢ້ຽມຢາມ ຍີ່ປຸ່ນ ຢ່າງເປັນທາງການ. ພາຍຫຼັງ 2 ຊົ່ວໂມງເຮັດຂັ້ນຕອນ ແລະ ຄອຍຖ້າໃນອາກາດໜາວຂອງຕອນຄ່ຳ, ຊາວຫວຽດນາມ ອາໄສຢູ່ຕ່າງປະເທດ ໄດ້ຈັບທຸງ, ດອກໄມ້, ໃບໜ້າປິຕິດີໃຈເມື່ອຖ້ຽວບິນພິເສດລົງຈອດ. ຢູ່ໂຮງແຮມທີ່ຄະນະພັກຢູ່, ບັນດາສະມາຊິກອື່ນໆຂອງ FAVIJA ພ້ອມກັນກັບສະມາຄົມ, ຄະນະຊາວຫວຽດນາມ ອາໄສຢູ່ ຍີ່ປຸ່ນ ພວມລໍຖ້າເພື່ອຕ້ອນຮັບຄະນະ.
tịch  |
| FAVIJA ແລະ ສະມາຄົມກິລາຕຳຫຼວດປະຊາຊົນ (ກະຊວງຕຳຫຼວດ ຫວຽດນາມ) ໄດ້ລົງນາມໃນບົດບັນທຶກຊ່ວຍຈຳການຮ່ວມມື. |
ທ່ານ ໂດ້ກວາງບາ, ປະທານ FAVIJA ແບ່ງປັນວ່າ ໃນບັນດາການໄປຢ້ຽມຢາມ ຍີ່ປຸ່ນ ຂອງການນຳພັກ ແລະ ລັດ ຍີ່ປຸ່ນ, ເມື່ອສະຖານທູດ ຫວຽດນາມ ປະຈຳ ຍີ່ປຸ່ນ ຕ້ອງການການໜູນຊ່ວຍ, ບັນດາສະມາຊິກ FAVIJA ພ້ອມແລ້ວທີ່ຈະຕອບສະໜອງ. ບໍ່ວ່າຕອນກາງເວັນ ຫຼື ກາງຄືນ, ອາກາດຝົນ ຫຼື ລົມແຮງ, ໜາວ ພວກເຂົາເຈົ້າລ້ວນແຕ່ເຂົ້າຮ່ວມຢ່າງກະຕືລືລົ້ນຈາກການຕ້ອນຮັບຄະນະເຖິງການໜູນຊ່ວຍບັນດາການເຄື່ອນໄຫວຂ້າງນອກ ...
FAVIJA ຍັງເປັນຂົວຕໍ່ໃຫ້ບັນດາຄະນະຜູ້ແທນການນຳບັນດາກະຊວງ, ຂະແໜງການ, ແຂວງ, ສະຖານທູດ ທີ່ເຮັດວຽກກັບບັນດາອົງການວິຊາສະເພາະຂອງຍີ່ປຸ່ນ. ຫວ່າງມໍ່ໆມານີ້, FAVIJA ໄດ້ໜູນຊ່ວຍໃຫ້ຄະນະຜູ້ແທນຂອງສະມາຄົມກິລາຕຳຫຼວດປະຊາຊົນ (ກະຊວງຕຳຫຼວດ ຫວຽດນາມ) ເຊື່ອມຕໍ່ກັບກົມໃຫຍ່ຕຳຫຼວດ ຍີ່ປຸ່ນ, ບັນດາມະຫາວິທະຍາໄລກິລາ, ສູນບຳລຸງສ້າງ ແລະ ຝຶກແອບກິລາ, ພະແນກວັດທະນະທຳຂອງບັນດາທ້ອງຖິ່ນປະເທດເພື່ອນມິດ. ພ້ອມກັນນັ້ນ, ເມື່ອຄະນະພະນັກງານສະຖາບັນວິທະຍາສາດກິລາ-ກາຍຍະກຳຂຶ້ນກັບກົມໃຫຍ່ກິລາ (ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ) ໄປ ຍີ່ປຸ່ນ ເພື່ອຊອກຫາຄູ່ຮ່ວມມືໃນຂົງເຂດກິລາ, FAVIJA ໄດ້ໜູນຊ່ວຍການເຊື່ອມຕໍ່ກັບພະແນກສຸຂະພາບການກິລາ, ມະຫາວິທະຍາໄລ Juntendo, ບັນດາສະຖາບັນຄົ້ນຄວ້າກິລາຂອງ ຍີ່ປຸ່ນ.
 |
| ຊາວຫວຽດນາມ ອາໄສຢູ່ ຍີ່ປຸ່ນ ໄດ້ຕ້ອນຮັບທ່ານປະທານສະພາແຫ່ງຊາດ ຫວຽດນາມ ເຈີ່ນແທງເໝີນ ແລະ ພັນລະຍາ ທີ່ໄປຢ້ຽມຢາມ ຍີ່ປຸ່ນ ຢ່າງເປັນທາງການໃນວັນທີ 3 ທັນວາ 2024. |
ບໍ່ພຽງເຮັດວຽກດ້ວຍບົດບາດເປັນປະທານສະມາຄົມໃຫຍ່ຊາວຫວຽດນາມ ຢູ່ ສ.ເກົາຫຼີ ເທົ່ານັ້ນ, ທ່ານນາງ ເລຫງວຽນມິງເຟືອງ ຍັງດຳລົງບົດບາດເປັນ MC ສອງພາສາ, ແປພາສາ, ໄປຕິດຕາມຄະນະບັນດາການນຳຫວຽດນາມ, ຄະນະປະຕິບັດງານທ້ອງຖິ່ນທີ່ໄປເຮັດວຽກຢູ່ ສ.ເກົາຫຼີ ແລະ ຄະນະປະຕິບັດງານລັດຖະບານຈາກ ສ.ເກົາຫຼີ ໄປຫວຽດນາມ. ທ່ານນາງ ມິງເຟືອງ ເຄີຍແປພາສາໃຫ້ການນຳບັນດາກະຊວງ, ຄະນະ, ຂະແໜງການຂອງຫວຽດນາມ ທີ່ໄປປະຕິບັດງານຢູ່ທີ່ນີ້.
 |
| ທ່ານນາງ ເລຫງວຽນມິງເຟືອງ ໄດ້ດຳລົງບົດບາດເປັນ MC |
ທ່ານນາງ ມິງເຟືອງ ໄດ້ດຳເນີນບບົດບາດເປັນ MC ສອງພາສາຂອງເຫດການສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ສ.ເກົາຫຼີ ດ້ວຍການເຂົ້າຮ່ວມຂອງການນຳຂັ້ນສູງ 2 ປະເທດ. ຫວ່າງມໍ່ໆມານີ້, ທ່ານນາງ ໄດ້ສືບຕໍ່ປະຕິບັດໜ້າທີ່ນີ້ຢູ່ເວທີປາໄສສົ່ງເສີມການທ່ອງທ່ຽວ ແລະ ການຮ່ວມມືດ້ານວັດທະນະທຳ ຫວຽດນາມ - ສ.ເກົາຫຼີ ໃນເດືອນກໍລະກົດ 2024, ດ້ວຍການເຂົ້າຮ່ວມຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ບັນດາລັດຖະມົນຕີ. ຄຽງຂ້າງນັ້ນ, ທ່ານນາງ ມິງເຟືອງ ຍັງໜູນຊ່ວຍການຈັດຕັ້ງກອງປະຊຸມສົ່ງເສີມການລົງທຶນຫຼາຍຢ່າງໃຫ້ຫຼາຍແຂວງ, ນະຄອນຂອງຫວຽດນາມ. ທ່ານນາງຍັງໄປຕິດຕາມຄະນະຜູ້ແທນໄປ ສ.ເກົາຫຼີ ເພື່ອເຊື່ອມຕໍ່ ແລະ ສົ່ງເສີມການລົງທຶນ.
“ນີ້ແມ່ນຄວາມເປັນກຽດກຽດ, ພ້ອມກັບເປັນໂອກາດເພື່ອໃຫ້ຂ້າພະເຈົ້າປະກອບສ່ວນເພີ່ມທະວີການພົວພັນລະຫວ່າງ 2 ປະເທດ, ພ້ອມທັງນຳທີ່ຕັ້ງຂອງ ຫວຽດນາມ ໃຫ້ນັບມື້ນັບກ້າວຂຶ້ນສູ່ລະດັບສູງ ແລະ ກວ້າງຂວາງໃນເວທີສາກົນ”, ທ່ານນາງ ມິງເຟືອງ ແບ່ງປັນ.
ທ່ານນາງ ມິງເຟືອງ ແບ່ງປັນວ່າ ບັນດາການນຳຢື້ຢາມຖາມຂ່າວຢ່າງເປັນປະຈຳກ່ຽວກັບຄວາມຫຍຸ້ງຍາກທີ່ປະຊາຊົນປະສົບໃນການດຳລົງຊີວິດຢູ່ ສ.ເກົາຫຼີ. ຂໍ້ມູນນີ້ໄດ້ນຳໃຊ້ເພື່ອຕິດຕໍ່ພົວພັນກັບການນຳ ສ.ເກົາຫຼີ ແລະ ບັນດາອົງການທີ່ກ່ຽວຂ້ອງ, ເພື່ອແນໃສ່ສ້າງເງື່ອນໄຂສະດວກໃຫ້ແກ່ຊີວິດການເປັນຢູ່ຂອງຊາວຫວຽດນາມ ຢູ່ຕ່າງປະເທດ. ສິ່ງດັ່ງກ່າວສະແດງໃຫ້ເຫັນເຖິງຄວາມຮັບຜິດຊອບ ແລະ ຄວາມເອົາໃຈໃສ່ຂອງການນຳຫວຽດນາມ ທີ່ມີຕໍ່ພີ່ນ້ອງຮ່ວມຊາດທີ່ຢູ່ຫ່າງໄກຈາກບ້ານເກີດເມືອງນອນ.
ຕາມທ່ານນາງ ຟານບິກທ້ຽນ ແລ້ວ, ຊາວຫວຽດນາມ ອາໄສຢູ່ ຮຸງກາຣີ, ວົງຄະນະຍາດຊາວຫວຽດນາມ ຢູ່ຕ່າງປະເທດ ແມ່ນຂົວຕໍ່ທີ່ສຳຄັນລະຫວ່າງບ້ານເກີດເມືອງນອນ ແລະ ປະເທດປະຈຳຖິ່ນ. ດ້ວຍຄວາມຊຳນານດ້ານພາສາ,ວັດທະນະທຳ ແລະ ເຄືອຂ່າຍສາຍພົວພັນທີ່ກວ້າງຂວາງ, ຊາວຫວຽດນາມ ອາໄສຢູ່ຕ່າງປະເທດ ໄດ້ປະກອບສ່ວນສຳຄັນໃຫ້ບັນດາສະຖານທູດໃນບັນດາການເຄື່ອນໄຫວພົບປະ ແລະ ເຮັດວຽກຂອງການນຳຫວຽດນາມ ຢູ່ຕ່າງປະເທດ.
 |
| ທ່ານນາງ ຟານບິກທ້ຽນ (ທີ 4 ຈາກຊ້າຍ) ພ້ອມກັນກັບວົງຄະນະຍາດຊາວ ຫວຽດນາມ ຢູ່ Budapest ມອບຂອງຂວັນບຸນຄຼິດສະມາດໃຫ້ສະຖານບັນຄົນຊະລາຢູ່ ຮຸງກາຣີ. |
 | ຄະນະປະຕິບັດງານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄປເຮັດວຽກຢູ່ Fukuoka, ຍີ່ປຸ່ນ ຍສໝ - ແຕ່ວັນທີ 7-8 ມິຖຸນາ, ຄະນະປະຕິບັດງານ ຫວຽດນາມ ໂດຍທ່ານຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫວຽນຮູຍຢຸ້ງ ນຳໜ້າຄະນະ ໄປຢ້ຽມຢາມເຮັດວຽກຢູ່ Fukuoka, ຍີ່ປຸ່ນ. |
 | Lanny Phetnion: ຄົນຕ່າງປະເທດຄົນທຳອິດທີ່ໄດ້ຮັບນາມມະຍົດທູດພາສາຫວຽດນາມ ຢູ່ຕ່າງປະເທດ ຍສໝ - ທ່ານນາງ Lanny Phetnion, ອາຈານພາກວິຊາພາສາຫວຽດນາມ, ມະຫາວິທະຍາໄລແຫ່ງຊາດລາວ, ໄດ້ຮັບນາມມະຍົດເປັນທູດພາສາຫວຽດນາມ ຢູ່ຕ່າງປະເທດໃນປີ 2024. ນີ້ແມ່ນຄົນຕ່າງປະເທດຄົນທຳອິດທີ່ໄດ້ຮັບນາມມະຍົດເປັນທູດພາສາຫວຽດນາມ ຢູ່ຕ່າງປະເທດ ດ້ວຍພາລະກິດໂຄສະນາວັດທະນາ, ສົ່ງແຮງບັນດານໃຈ, ສ້າງກຳລັງຜັກດັນໃນການສິດສອນ, ຮຽນຮູ້ ແລະ ນຳໃຊ້ພາສາຫວຽດນາມ ໃນປະຊາຄົມຊາວຫວຽດນາມ ອາໄສຢູ່ຕ່າງປະເທດ ແລະ ບັນດາເພື່ອນມິດສາກົນ. |
ມີງດຶກ
