ຂົວເຊື່ອມຕໍ່ຢ່າງໝັ້ນແກ່ນສຳລັບການ​ທູດ​ປະຊາຊົນ ​ແລະ ການ​ພັດທະນາ​ແບບ​ຍືນ​ຍົງ

	ບັນດານະ​ໂຍ​ບາຍ​ໃຫມ່​ຂອງກາ​ຊັກ​ສະຖານ ມຸ່ງ​ໄປ​ເຖິງ​ການ​ພັດ​ທະ​ນາ​ແບບ​ຍືນ​ຍົງ
	ນ້ຳໃຈມິດຕະພາບ​ຫວຽດນາມ - ກູ​ບາ ​ແມ່ນ​ແບບຢ່າງ​ໃນ​ການ​ພົວພັນ​ສາກົນ ​ແລະການ​ທູດ​ປະຊາຊົນ​

ດ້ວຍ​ການ​ຊີ້​ນຳ​ຢ່າງ​ໃກ້ຊິດ​ຂອງ​ຄະນະ​ພັກ​ນະຄອນ ​ແລະ ຄະນະ​ກຳມະການ​ປະຊາຊົນ​ນະຄອນ ດານັງ, ສະຫະພັນ​ມິດຕະພາບ​ນະຄອນ ດານັງ ​ໄດ້ຜັນຂະຫຍາຍບັນດາ​ການ​ເຄື່ອນ​ໄຫວ​ທາງການທູດຢ່າງຕັ້ງໜ້າ​ໃນ 4 ດ້ານ​ຄື: ການ​ເມືອງ, ​ເສດຖະກິດ, ວັດທະນະທຳ ​ແລະ ປະຊາຊົນຊາວຫວຽດນາມ ອາໄສຢູ່​ຕ່າງປະ​ເທດ. ບັນດາ​ຄວາມ​ມານະ​ພະຍາຍາມນີ້ ​ບໍ່​ພຽງ​ແຕ່​ປະກອບສ່ວນ​ເພີ່ມ​ທະວີ​ການ​ຮ່ວມ​ມື​ກັບ​ບັນດາ​ຄູ່​ຮ່ວມ​ມື​ສາກົນ​ເທົ່າ​ນັ້ນ ຫາກ​ຍັງ​ຢືນຢັນ​ບົດບາດ​ຂອງ​ນະຄອນ ດານັງ ໃນ​ຂະ​ບວນການ​ເຊື່ອມ​ໂຍງ​ເຂົ້າ​ກັບທົ່ວໂລກ.

ຫັນ​ການ​ເຄື່ອນ​ໄຫວ​ທາງການທູດປະຊາຊົນເປັນຫຼາກຫຼາຍ

ຕາມ​ບົດ​ລາຍ​ງານ​ຂອງ​ສະຫະພັນ​ມິດຕະພາບ​ນະຄອນ​ ດາ​ນັງ ​ແລ້ວ, ການ​ເຄື່ອນ​ໄຫວ​ສັນຕິພາບ, ຄວາມ​ສາມັກຄີ, ມິດຕະພາບ​ຂອງ​ສະຫະພັນ ​ແລະ ບັນດາ​ອົງການ​ສະມາຊິກ​ນັບ​ມື້​ນັບ​ມີ​ຄວາມ​ຫຼາກ​ຫຼາຍ, ຄວາມ​ອຸດົມສົມບູນກ່ຽວກັບເນື້ອໃນ, ໄດ້ດຶງ​ດູດ​ການ​ເຂົ້າ​ຮ່ວມ​ຂອງ​ປະຊາຊົນ​ເປັນ​ຈຳນວນ​ຫຼວງ​ຫຼາຍ, ພິ​ເສດ​ແມ່ນ​ໄວ​ໜຸ່ມ. ແບບຢ່າງແມ່ນ​ຮູບ​ແບບ “ລະດົມ​ບັນດາ​ອົງການ​ການ​ທູດ, ອົງການຈັດຕັ້ງ, ບຸກຄົນ​ຢູ່​ພາຍ​ໃນ ​ແລະ ຕ່າງປະ​ເທດ ​ເຂົ້າ​ຮ່ວມ​ຢ່າງ​ຕັ້ງໜ້າ​ໃນ​ການ​ສົມທົບ​ກັນ ເພື່ອຜັນຂະຫຍາຍ​ວຽກ​ງານ​ການ​ທູດປະຊາຊົນ​ຢູ່​ນະຄອນ ດານັງ”, ​ແມ່ນ​ຂໍ້​ລິ​ເລີ່​ມໜຶ່ງທີ່​ໄດ້​ຮັບ​ໝາກຜົນ​ຢ່າງຈະແຈ້ງໃນໄລຍະທີ່ຜ່ານມາ.

ຮອບຊີງຊະນະເລີດຂອງ​ການແຂ່ງຂັນເວົ້າພາສາຈີນ​ເກັ່ງ ທົ່ວ​ປະ​ເທດ - ດານັງ 2023. (ພາບ: dafo.danang.gov.vn)

ສຳ​ລັບ​ຈີນ, ສະ​ຫະ​ພັນ ​ໄດ້​ຈັດ​ຕັ້ງ​ຫຼາຍ​ການ​ເຄື່ອນ​ໄຫວ​ແລກ​ປ່ຽນ​ວັດ​ທະ​ນະ​ທຳ, ການ​ສຶກ​ສາທີ່ມີຂອບຂະ​ໜາດ​ໃຫຍ່​ຢ່າງ​ສຳ​ເລັດ​ຜົນ. ພົ້ນເດັ່ນ​ແມ່ນ ການແຂ່ງຂັນເວົ້າພາສາ​ຈີນເກັ່ງ, ຈາກ​ລະດັບ​ເຂດພາກ​​ກາງ - ໄຕງວຽນ ເປີດກ້ວາງ ໃນປີ 2019, ໄດ້​ຖືກ​ຍົກ​ລະດັບ​ເປັນ​ການ​ແຂ່ງຂັນ​ລະດັບ​ຊາດ​ໃນ​ປີ 2022 ​ແລະ 2023, ດຶງ​ດູດ​ຜູ້​ເຂົ້າ​ຮ່ວມ​ນັບ​ຮ້ອຍ​ຄົນ​ທີ່​ມາ​ຈາກ​ບັນດາແຂວງ, ນະຄອນ. ນອກຈາກນັ້ນ, ງານວາງສະແດງຮູບພາບ “ເສັ້ນທາງ 70 ປີແຫ່ງການພົວພັນທາງການທູດ ຫວຽດນາມ - ຈີນ” ໄດ້ນຳທັດສະນະຮອບດ້ານກ່ຽວກັບການ​ພົວພັນ​ມິດຕະພາບ​ອັນ​ຍາວ​ນານ​ລະຫວ່າງ​ສອງ​ປະ​ເທດມາໃຫ້ປະຊາຊົນ.

ມາ​ຮອດ​ປະຈຸ​ບັນ, ສະຫະພັນ​ມິດຕະພາບ​ນະຄອນ ດານັງ ​ໄດ້​ສ້າງ​ການ​ພົວພັນ​ກັບອົງການຈັດຕັ້ງ​ຕ່າງປະ​ເທດ 100 ກວ່າ​ແຫ່ງ, ​ເປີດ​ກາລະ​ໂອກາດ​ຮ່ວມ​ມື​ຢ່າງ​ເລິກເຊິ່ງກວ້າງຂວາງ ​ແລະ ມີ​ປະສິດທິ​ຜົນ.

ຊຸກຍູ້​ການ​ຮ່ວມ​ມື​ຫຼາຍ​ຝ່າຍ, ຫຼາຍຂົງເຂດ

ນອກຈາກ​ບັນດາການ​ເຄື່ອນ​ໄຫວ​ສອງ​ຝ່າຍ​ແລ້ວ, ສະຫະພັນ​ມິດຕະພາບ​ນະຄອນ ດານັງ ຍັງ​ສຸມ​ໃສ່​ຊຸກຍູ້​ການ​ຮ່ວມ​ມື​ຫຼາຍ​ຝ່າຍ. ສະຫະພັນ​ໄດ້​ສົມທົບ​ກັບ​ຄະນະ​ກຳມະການ​ສັນຕິພາບ​ນະຄອນ ​ເພື່ອ​ຈັດ​ຕັ້ງ​ບັນດາ​ຍຸດທະນາການ​ລະດົມປະຊາຊົນ​ສາກົນ, ໂດຍຜ່ານນັ້ນ ກໍ່ຮຽກຮ້ອງ​ການສະໜັບສະໜູນສຳລັບ ຫວຽດນາມ ໃນບັນດາ​ບັນຫາ​ສິດທິ​ມະນຸດ, ປະຊາທິປະ​ໄຕ, ທະ​ເລ​ຕາ​ເວັນ​ອອກ ​ແລະ ທາດພິດສີສົ້ມ.

​ໃນ​ໄລຍະ​ທີ່​ຜ່ານ​ມາ, ສະຫະພັນ​ມິດຕະພາບ​ນະຄອນ ດານັງ ​ຍັງ​ໄດ້​ລະດົມບ້ວງ​ຊ່ວຍ​ເຫຼືອລ້າ​ຢ່າງຕັ້ງໜ້າຈາກ​ບັນດາອົງການຈັດຕັ້ງ ​ແລະ ບຸກຄົນ​ຕ່າງປະ​ເທດ, ປະກອບສ່ວນ​ເຂົ້າ​ໃນ​ການ​ພັດທະນາ​ເສດຖະກິດ - ສັງຄົມ​ຂອງ​ນະຄອນ.

ສ້າງຮູບພາບນະຄອນ ດານັງ ກັບເພື່ອນມິດສາກົນ

ສະຫະພັນ​ມິດຕະພາບ​ນະຄອນ ດານັງ ​ໄດ້​ປ່ຽນແປງໃໝ່ວິທີ​ການ​ຖະແຫຼງຂ່າວສານການຕ່າງປະເທດຢ່າງບໍ່ຢຸດຢັ້ງ, ສົມທົບ​ກັນ​ຢ່າງ​ແໜ້ນ​ແຟ້ນກັບ​ບັນດາ​ອົງການ​ສື່​ມວນ​ຊົນ ​ເພື່ອໂຄສະນາຮູບພາບນະຄອນ ດານັງ ​ແລະ ຫວຽດນາມ ອອກສູ່​ໂລກ. ບັນດາເຫດການພົບປະແລກປ່ຽນປະຊາຊົນ, ງານວາງສະແດງ, ການສຳມະນາ, ກໍ່ຄືບັນດາຜະລິດຕະພັນສິ່ງພິມ​ສື່​ມວນ​ຊົນສອງພາສາ ໄດ້ຊ່ວຍເພີ່ມທະວີຄວາມເຂົ້າໃຈລະຫວ່າງນະຄອນ ດານັງ ແລະ ເພື່ອນມິດສາກົນ, ດ້ວຍເຫດນັ້ນ, ຈິ່ງດຶງດູດຄວາມສົນໃຈຂອງນັກລົງທຶນ ແລະ ນັກທ່ອງທ່ຽວຕ່າງປະເທດ.

ລາຍການສະແດງກິລາລວມໝູ່ Yoga ສາກົນ - ດານັງ 2024 ໂດຍສະຫະພັນບັນດາອົງການຈັດຕັ້ງມິດຕະພາບ ແລະ ສະມາຄົມມິດຕະພາບ ຫວຽດນາມ - ອິນເດຍ ນະຄອນ ດານັງ ສົມທົບກັບສະຖານທູດອິນເດຍ ປະຈຳ ຫວຽດນາມ ຈັດຕັ້ງ. (ພາບ: dafo.danang.gov.vn)

ເວັບ​ໄຊເອ​ເລັກ​ໂຕນິກ ສະຫະພັນ​ມິດຕະພາບ​ນະຄອນ ດານັງ ກໍ່​ມີ​ບົດບາດ​ສຳຄັນ​ໃນ​ການ​ສົ່ງ​ອອກຂ່າວສານການຕ່າງປະເທດ, ດ້ວຍ​ສອງ​ພາສາ​ ຫວຽດນາມ ​ແລະ ອັງກິດ, 200 ຂ່າວ/ບົດ​ຕໍ່​ປີ. ພິ​ເສດ​ແມ່ນ​ບັນດາ​ບົດ​ຂຽນ​ພາສາອັງກິດ​ ກໍ່ໄດ້​ຊ່ວຍ​ໃຫ້​ເພື່ອນ​ມິດສາ​ກົນ​ອັບ​ເດດ​ຂໍ້​ມູນ​ກ່ຽວ​ກັບ​ບັນດາການ​ເຄື່ອນ​ໄຫວທາງ​ການ​ທູດ​ປະຊາຊົນ​ນະຄອນ ດານັງ, ປະກອບສ່ວນ​ຍົກ​ສູງຮູບ​ພາບ​ນະຄອນ​ໃນ​ເວທີ​ສາກົນ.

ນອກ​ນັ້ນ, ສະຫະພັນ ​ຍັງໜູນ​ຊ່ວຍ​ປະຊາ​ຄົມ​ຊາວ ​ຫວຽດນາມ​ ຢູ່​ຕ່າງປະ​ເທດຢ່າງຕັ້ງໜ້າ. ຜ່ານ​ການ​ສົມທົບ​ກັບ​ບັນດາຫົວໜ່ວຍ​ທີ່​ກ່ຽວຂ້ອງ ​ເພື່ອ​ກຳ​ແໜ້ນ​ແນວ​ຄິດ, ຄວາມ​ມຸ່ງ​ມາດ​ປາດ​ຖະໜາ​ຂອງ​ປະຊາ​ຄົມ​ຊາວ ​ຫວຽດນາມ ຢູ່​ຕ່າງປະ​ເທດ ແລະ ຕີລາຄາຄຸນະພາບ ແລະ ສະເໜີນະໂຍບາຍ, ສະຫະພັນໄດ້ປະກອບສ່ວນກໍ່ສ້າງປະຊາຄົມຊາວ ຫວຽດນາມ ສາມັກຄີ, ຕິດພັນກັບບ້ານເກີດເມືອງນອນ, ປະກອບສ່ວນເຮັດໃຫ້ນະຄອນ ດານັງ ກາຍເປັນຈຸດໝາຍປາຍທາງທີ່ໜ້າເຊື່ອຖື.

ບາດກ້າວ​ໃໝ່​ໃນ​ການ​ພົວພັນ​ປະຊາຊົນ ​ແລະການ​ຮ່ວມ​ມື​ດ້ານ​ເສດຖະກິດ​ລະຫວ່າງ ຫວຽດນາມ ​ແລະກູ​ບາ ຍສໝ - ການຢ້ຽມຢາມທາງລັດຖະກິດຂອງ ສະຫາຍ ໂຕເລິມ ເລຂາທິການໃຫຍ່, ປະທານປະເທດຫວຽດນາມ ໄປຍັງ ກູບາ ນັບແຕ່ວັນທີ 25 – 27 ກັນຍາ ມີຄວາມໝາຍສຳຄັນໃນການປັບປຸງຄວາມສາມັກຄີລະຫວ່າງສອງປະເທດ. ນີ້​ບໍ່​ພຽງ​ແຕ່​ແມ່ນ​ກາລະ​ໂອກາດ​ເປີດ​ກວ້າງ​ການ​ຮ່ວມ​ມື​ດ້ານ​ເສດຖະກິດ​, ການ​ຄ້າ​ເທົ່າ​ນັ້ນ, ຫາກ​ຍັງ​ສະ​ແດງ​ໃຫ້​ເຫັນ​ສາຍ​ພົວພັນ​ມິດຕະພາບ​ອັນ​ຍາວ​ນານ​ລະຫວ່າງ​ປະຊາຊົນ​ສອງ​ປະ​ເທດ, ​ດ້ວຍບັນດາໝາກຜົນຢ່າງຕັ້ງໜ້າໃນ​ການພົບປະ​ແລກປ່ຽນ​ປະຊາຊົນ ​ແລະ ການ​ຮ່ວມ​ມື​ທ້ອງ​ຖິ່ນ.

ຍູ້ແຮງການ​ຮ່ວມ​ມື​ມິດຕະພາບ​ ຫວຽດນາມ - ໄທ ຜ່ານ​ບັນດາການ​ເຄື່ອນ​ໄຫວ​ທາງ​ການ​ທູດ​ປະຊາຊົນ ຍສໝ - ຄະ​ນະ​ຜູ້​ແທນ​ສະ​ມາ​ຄົມ​ມິດ​ຕະ​ພາບ ​ຫວຽດ​ນາມ - ໄທ, ໂດຍ​ທ່ານ ຫງວຽນ​ວັນ​ແທ່ງ - ປະ​ທານ​ສະ​ມາ​ຄົມນຳ​ໜ້າ ຫາກໍ່ມີການໄປ​ປະຕິບັດງານຢູ່ ໄທ ເພື່ອ​ແນ​ໃສ່​ຮັດ​ແໜ້ນ​ສາຍ​ພົວ​ພັນ​ມິດ​ຕະ​ພາບ​ລະ​ຫວ່າງ 2 ປະ​ເທດ.