ຄະນະຜູ້ແທນ ຫວຽດນາມ ໂດຍທ່ານ ນາງ ຫງວຽນມິງຮັ່ງ ຮອງລັດຖະມົນຕີກະຊວງການຕ່າງປະເທດ ເປັນຫົວໜ້າຄະນະ ເຂົ້າຮ່ວມເວທີປາໄສ.
ໂດຍເຂົ້າຮ່ວມເວທີປາໄສ, ທ່ານ ນາງ ຫງວຽນມິງຮັ່ງ ໄດ້ກ່າວຄຳປາໄສທີ່ສອງວາລະປຶກສາຫາລືກ່ຽວກັບການຊຸກຍູ້ແຫຼ່ງທຶນລົງທຶນແບບຍືນຍົງ ແລະ ຍົກສູງປະສິດທິຜົນຂອງບັນດາລະບົບສະໜອງທົ່ວໂລກ ແລະ ການກະກຽມໃຫ້ແກ່ພື້ນຖານເສດຖະກິດໃນອະນາຄົດ - ບັນດາການຄັດເລືອກ ແລະ ກະທຳຢ່າງຮີບດ່ວນ.
 |
| ທ່ານ ນາງ ຫງວຽນມິງຮັ່ງ ຮອງລັດຖະມົນຕີການຕ່າງປະເທດ ຫວຽດນາມ ກ່າວຄຳປາໄສທີ່ເວທີປາໄສ. ພາບ: BNG |
ໃນກ່າວຄຳປາໄສທີ່ນີ້, ທ່ານ ນາງ ຫງວຽນມິງຮັ່ງ ໄດ້ຕີລາຄາສູງບັນດາຜົນງານທີ່ບັນລຸໄດ້ ແລະ ການປະກອບສ່ວນຂອງ UNCTAD ໃນໄລຍະ 60 ປີທີ່ຜ່ານມາ ໃນບົດບາດເປັນຜູ້ຕາງໜ້າໃຫ້ແກ່ສຽງເວົ້າຂອງບັນດາປະເທດພວມພັດທະນາ ແລະ ຊຸກຍູ້ການຄ້າ ແລະ ການລົງທຶນທົ່ວໂລກ. ໂດຍແບ່ງປັນຕີລາຄາກ່ຽວກັບບັນດາກາລະໂອກາດ ແລະ ສິ່ງທ້າທາຍທີ່ຍົກອອກໃຫ້ການເຕີບໂຕເສດຖະກິດ, ການຄ້າ, ການລົງທຶນ ແລະ ການພັດທະນາແບບຍືນຍົງທົ່ວໂລກ, ທ່ານ ນາງ ຫງວຽນມິງຮັ່ງ ເນັ້ນໜັກເຖິງສິ່ງທ້າທາຍ 5 ຢ່າງຄື: ຄວາມອາດສາມາດປັບຕົວຂອງບັນດາປະເທດພວມພັດທະນາ ເຊິ່ງບໍ່ສາມາດໄປທັນກັບການປ່ຽນແປງຢ່າງໄວ ແລະ ເລິກເຊິ່ງຂອງໂລກໄດ້; ໄລຍະຫ່າງການພັດທະນາ, ເຕັກໂນໂລຢີ ແລະ ການລົງທຶນລະຫວ່າງບັນດາປະເທດຍັງມີຫຼາຍ; ແຫຼ່ງການເງິນ, ຊັບພະຍາກອນມະນຸດ ແລະ ທຳມະຊາດມີຈຳກັດ; ການປ່ຽນແປງຂອງດິນຟ້າອາກາດ ແລະ ສິ່ງທ້າທາຍສິ່ງແວດລ້ອມທີ່ຜັນແປຢ່າງສັບສົນ; ຄວາມເຄັ່ງຕຶງດ້ານພູມສາດການເມືອງ, ທ່າອ່ຽງການແຕກແຍກ, ການແກ່ງແຍ້ງທີ່ເພີ່ມຂຶ້ນ.
ໃນສະພາບການນັ້ນ, ທ່ານ ນາງ ຫງວຽນມິງຮັ່ງ ໄດ້ສະເໜີ 5 ທິດທາງເພື່ອ UNCTAD ສືບຕໍ່ເສີມຂະຫຍາຍບົດບາດ, ໜູນຊ່ວຍບັນດາປະເທດພວມພັດທະນາໃນໄລຍະຈະມາເຖິງ. ທີໜຶ່ງ, ແມ່ນສືບຕໍ່ນຳໜ້າໃນການຊຸກຍູ້ລັດທິຫຼາຍຝ່າຍ, ເພີ່ມທະວີການເຄື່ອນໄຫວຮ່ວມມືທົ່ວໂລກ. ທີສອງ, ແມ່ນພັດທະນາລະບົບການຄ້າ ແລະ ການລົງທຶນທີ່ເປີດກວ້າງ, ນຳມາເຊິ່ງຜົນປະໂຫຍດໃຫ້ແກ່ປະເທດ ແລະ ບັນດາຝ່າຍທີ່ກ່ຽວຂ້ອງທັງໝົດ. ທີສາມ, ແມ່ນ UNCTAD ໜູນຊ່ວຍຍົກສູງສຽງເວົ້າຂອງບັນດາປະເທດພວມພັດທະນາໃນຂະບວນການວາງແຜນກຳນົດນະໂຍບາຍ, ລະບຽບການ, ກຳນົດມາດຕະຖານສາກົນ, ພິເສດແມ່ນໃນບັນດາຂົງເຂດໃໝ່ຄື: ການເຕີບໂຕສີຂຽວ, ການຫັນເປັນດີຈີຕອນ, ນະວັດຕະກຳ... ທີສີ່, ແມ່ນໜູນຊ່ວຍບັນດາປະເທດພວມພັດທະນາ ເພື່ອເພີ່ມທະວີການຕ້ານທານກັບບັນດາເຫດການຊ໊ອກ ແລະ ວິກິດການຫຼາຍຢ່າງພາຍນອກ. ທີຫ້າ, ເພີ່ມທະວີການເຊື່ອມຕໍ່ບັນດາການເຄື່ອນໄຫວຂອງ UNCTAD ກັບບັນດາໂຄງການດຳເນີນງານທົ່ວໂລກ.
ທ່ານ ນາງ ຫງວຽນມິງຮັ່ງ ໄດ້ແບ່ງປັນບັນດາຜົນງານພັດທະນາເສດຖະກິດ, ແຜນນະໂຍບາຍ, ທິດທາງພັດທະນາ, ນະໂຍບາຍການລົງທຶນ, ການເຊື່ອມໂຍງເຂົ້າກັບສາກົນຂອງ ຫວຽດນາມ. ທ່ານ ນາງ ຫງວຽນມິງຮັ່ງ ກໍ່ໄດ້ສະແດງຄວາມຂອບໃຈຕໍ່ການໜູນຊ່ວຍຂອງ UNCTAD ສຳລັບ ຫວຽດນາມ ໃນໄລຍະມໍ່ໆມານີ້ ແລະ ສະເໜີ UNCTAD ສືບຕໍ່ຮ່ວມເດີນທາງພ້ອມກັບ ຫວຽດນາມ ໃນເສັ້ນທາງພັດທະນາຈະມາເຖິງ. ທ່ານ ນາງ ຫງວຽນມິງຮັ່ງ ຢືນຢັນຄຳໝັ້ນສັນຍາຂອງ ຫວຽດນາມ ໃນການສະໜັບສະໜູນບັນດາເປົ້າໝາຍ, ທິດທາງຮ່ວມມືຂອງ UNCTAD.
ເນື່ອງໃນໂອກາດເຂົ້າຮ່ວມເຫດການ, ທ່າ ນາງ ຫງວຽນມິງຮັ່ງ ໄດ້ມີການພົບປະກັບທ່ານເລຂາທິການໃຫຍ່ UNCTAD Rebeca Grynspan, ຜູ້ອຳນວຍການໃຫຍ່ອົງການການຄ້າໂລກ (WTO) ທ່ານ Ngozi Okonjo-Iweala, ຜູ້ອຳນວຍການບໍລິຫານເວທີປາໄສເສດຖະກິດໂລກ (WEF) ທ່ານ Mirek Dusek, ທ່ານລັດຖະມົນຕີຂັ້ນສູງຮັບຜິດຊອບບັນດາບັນຫາພິເສດ ກຳປູເຈຍ Sok Siphana.
 | ຫວຽດນາມ ສະໜັບສະໜູນບັນດາປະເທດ ອາຟຣິກາ ເພີ່ມທະວີບົດບາດໃນການແກ້ໄຂບັນດາສິ່ງທ້າທາຍດ້ານຄວາມໝັ້ນຄົງ ແລະ ການພັດທະນາທົ່ວໂລກ ຍສໝ - ອາທິດແລ້ວນີ້, ສະພາຄວາມໝັ້ນຄົງສະຫະປະຊາຊາດ (ສປຊ) ໄດ້ຈັດຕັ້ງວາລະປະຊຸມເປີດກ່ຽວກັບຫົວຂໍ້ “ເພີ່ມທະວີບົດບາດຂອງ ອາຟຣິກາ ໃນການແກ້ໄຂບັນດາສິ່ງທ້າທາຍດ້ານຄວາມໝັ້ນຄົງ ແລະ ການພັດທະນາທົ່ວໂລກ” ພາຍໃຕ້ການເປັນປະທານຂອງ ໂມຊຳບິກ, ປະເທດປະທານສະພາຄວາມໝັ້ນຄົງ ໃນເດືອນພຶດສະພາ 2024. |
 | ສະຖານທູດ ຫວຽດນາມ ປະຈຳ ໂປໂລຍ ໜູນຊ່ວຍປະຊາຊົນໃນການອອກເອກະສານຄືນໃໝ່ພາຍຫຼັງທີ່ເສຍຫາຍຍ້ອນໄຟໄໝ້ ຍສໝ - ວັນທີ 17 ພຶດສະພານີ້, ສະຖານທູດ ຫວຽດນາມ ປະຈຳ ໂປໂລຍ ໄດ້ເລີ່ມດຳເນີນວຽກງານກົງສຸນເພື່ອຮັບ, ແກ້ໄຂເອກະສານຂອງປະຊາຊົນທີ່ຖືກເສຍຫາຍໃນໄຟໄໝ້ສູນການຄ້າ Marywilska 44. ປະຊາຊົນຫຼາຍຄົນ ໄດ້ອອກເອກະສານໃໝ່ ຫລັງຈາກໄດ້ຍື່ນເອກະສານແລ້ວປະມານ 1 ຊົ່ວໂມງ. |
ມິງດຶກ
