 | ການຫັນເປັນດິຈິຕອນຂອງຫວຽດນາມເຂົ້າສູ່ໄລຍະເລັ່ງລັດ, ປະສິດທິຜົນ ແລະ ໃກ້ຊິດກັບປະຊາຊົນ |
| ລູກສາວລ້ຽງຂອງລຸງໂຮ່ ແບ່ງປັນຄວາມຢືດຢຸ່ນພິເສດຂອງຫວຽດນາມ |
- ຂໍຮຽນທ່ານນາງ, ທ່ານນາງໃຫ້ຮູ່ເລື່ອງ, ຄວາມຊົງຈໍາ ຫຼື ຄວາມຮູ້ສຶກບາງຢ່າງ ທີ່ຫນ້າຈົດຈໍາໃນເວລາເຮັດວຽກກັບປະຊາຊົນຂອງປະເທດເພື່ອນມິດໄດ້ບໍ?
 |
| ທ່ານນາງ ເຈີ່ນທິຊວານແອ່ວງ, ຫົວໜ້າຄະນະອາຊີ - ອາຟະລິກາ (ສະຫະພັນບັນດາອົງການມິດຕະພາບ ຫວຽດນາມ) ກ່າວຄຳປາໄສທີ່ກອງປະຊຸມໃຫຍ່ຄະນະອາຊີ-ອາຟຣິກາ ອາຍຸການ 2025-2027, ວັນທີ 9 ມິຖຸນາ 2025. (ພາບ: Dinh Hoa) |
ທ່ານນາງ ເຈີ່ນທິຊວານແອ່ວງ: ສຳລັບລາວ, ເລື່ອງທີ່ຂາ້ພະເຈົ້າມີຄວາມຕື້ນຕັນໃຈແມ່ນການຂົນຂວາຍຮ່ວມມື ເພື່ອສ້າງບ້ານມິດຕະພາບມອບໃຫ້ທ່ານນາງ Kanchia ແຂວງເຊກອງ, ຜູ້ທີ່ກ້າຫານໄດ້ສະລະນ້ຳນົມເພື່ອຊ່ວຍຊີວິດທະຫານອາສາສະໝັກຫວຽດນາມທີ່ເຈັບໜັກໃນສົງຄາມຕໍ່ຕ້ານ. ເນື່ອງໃນໂອກາດປີສາມັກຄີມິດຕະພາບ ຫວຽດນາມ - ລາວ, ລາວ - ຫວຽດນາມ 2017, ສະມາຄົມມິດຕະພາບ ຫວຽດນາມ - ລາວ ໄດ້ຈັດຕັ້ງການເຄື່ອນໄຫວລະດົມທຶນເພື່ອປຸກເຮືອນໃຫ້ທ່ານນາງ. ການເຄື່ອນໄຫວນີ້ໄດ້ຮັບການສະໜັບສະໜູນຈາກຫຼາຍອົງການຈັດຕັ້ງ, ທ້ອງຖິ່ນ, ວິສາຫະກິດຫວຽດນາມ, ສະແດງໃຫ້ເຫັນຄວາມຂອບອົກຂອບໃຈຢ່າງເລິກເຊິ່ງ ແລະ ຕີລາຄາສູງຈາກລາວ ທີ່ໄດ້ມອບຫຼຽນກາມິດຕະພາບໃຫ້ແກ່ສະມາຄົມ.
ສຳລັບກຳປູເຈຍ, າສາມາດກ່າວເຖິງໂຄງການ “ກ້າເບ້ຍມິດຕະພາບ” ອຸປະຖຳ, ໜູນຊ່ວຍນັກສຶກສາ ກຳປູເຈຍ ໄປຮ່ຳຮຽນຢູ່ ຫວຽດນາມ, ສ້າງກາລະໂອກາດຝຶກຝົນຫຼໍ່ຫຼອມຫວຽດນາມ ແລະ ສຶກສາກ່ຽວກັບຊີວິດ ແລະ ວັດທະນະທຳ ຫວຽດນາມ.
ພາຍຫຼັງ 10 ປີແຫ່ງການຜັນຂະຫຍາຍ, ໂຄງການ “ກ້າເບ້ຍມິດຕະພາບ” ໂດຍສະມາຄົມມິດຕະພາບ ຫວຽດນາມ - ກຳປູເຈຍ ລິເລີ່ມ, ໄດ້ດຶງດູດນັກສຶກສາ ກຳປູເຈຍ ປະມານ 700 ຄົນເຂົ້າຮ່ວມ. ນັກສຶກສາຫຼາຍຄົນ, ພາຍຫຼັງກັບຄືນເມືອບ້ານ, ຍັງຄົງຕິດຕໍ່ພົວພັນສະໜິດສະໜົມກັບຄອບຄົວຢູ່ຫວຽດນາມ. ນັກສຶກສາບາງຄົນທີ່ໄດ້ແຕ່ງງານແລ້ວໄດ້ເຊື້ອເຊີນພໍ່ແມ່ທີ່ເປັນເຈົ້າພາບຂອງເຂົາເຈົ້າເຂົ້າຮ່ວມ. ຮູບແບບນີ້ບໍ່ພຽງແຕ່ເຊື່ອມໂຍງນັກຮຽນກັບຄອບຄົວຫວຽດນາມເທົ່ານັ້ນ, ຫາກຍັງເຊື່ອມຕໍ່ຄວາມຮູ້ສຶກລະຫວ່າງຄອບຄົວກັບຄອບຄົວຫວຽດນາມ, ກາຍເປັນແກນນຳບຳລຸງສ້າງມິດຕະພາບລະຫວ່າງປະຊາຊົນສອງປະເທດ.
ສຳລັບຈີນ, ນີ້ແມ່ນການເຄື່ອນໄຫວສະແດງຄວາມຂອບອົກຂອບໃຈຕໍ່ບັນດາອົງການ, ບຸກຄົນທີ່ໄດ້ປະກອບສ່ວນເຂົ້າໃນພາລະກິດຕໍ່ສູ້ຍາດເອົາເອກະລາດແຫ່ງຊາດ ແລະ ທ້ອນໂຮມປະເທດຊາດເປັນເອກະພາບ. ປີ 2024, ສະຫະພັນບັນດາອົງການມິດຕະພາບຫວຽດນາມ ໄດ້ສົມທົບກັບກະຊວງປ້ອງກັນປະເທດຫວຽດນາມ ໄດ້ຕ້ອນຮັບຄະນະຍາດຕິພີ່ນ້ອງຂອງອະດີດທີ່ປຶກສາດ້ານການທະຫານຈີນທີ່ໄດ້ຊ່ວຍເຫຼືອ ຫວຽດນາມ ໃນສົງຄາມຕ້ານຝຣັ່ງ ມາຢ້ຽມຢາມ ແລະ ເຂົ້າຮ່ວມບັນດາການເຄື່ອນໄຫວສະເຫຼີມສະຫຼອງ 70 ປີແຫ່ງວັນໄຊຊະນະດ້ຽນບຽນຝູ. ສະມາຊິກຄະນະຜູ້ແທນລວມມີລູກຊາຍຫລ້າຂອງພົນໂທ Wei Guo Qing, ລູກສາວ, ຫລານຊາຍ ແລະ ຫລານພໍ່ເຖົ້າແມ່ເຖົ້າຂອງນາຍພົນ Chen Geng, ບັນດານາຍພົນທີ່ຕໍ່ສູ້ຄຽງບ່າຄຽງໄລ່ກັບກອງທັບ ແລະ ປະຊາຊົນ ຫວຽດນາມ ໃນສົງຄາມຕໍ່ສູ້ວິລະຊົນຂອງປະເທດຊາດsຫວຽດນາມ. ຍາດຕິພີ່ນ້ອງຂອງອະດີດທີ່ປຶກສາຈີນສະແດງຄວາມປິຕິຊົມຊື່ນເມື່ອໄດ້ເຫັນປະຈັກຕາບັນດາໝາກຜົນແຫ່ງພາລະກິດປະຕິວັດຂອງຫວຽດນາມ ແລະ ພາລະກິດປ່ຽນແປງໃໝ່ປະເທດຊາດ ກໍ່ຄືຄວາມຮັກແພງຂອງຊາວຫວຽດນາມ ທີ່ມີຕໍ່ປະຊາຊົນຈີນ. ເດືອນກັນຍາ 2025, ສະຫະພັນບັນດາອົງການມິດຕະພາບຫວຽດນາມ ໄດ້ຕ້ອນຮັບຄະນະຜູ້ແທນຈີນ, ໃນນັ້ນມີຜູ້ຕາງໜ້າ 2 ຄົນຂອງໂຮງໝໍໜານຊີຊານ, ແມ່ນໜ່ວຍປິ່ນປົວທະຫານບາດເຈັບຈາກ ຫວຽດນາມ ໃຕ້ ແລະ ບັນດາເຈົ້າໜ້າທີ່ຂັ້ນກາງ ແລະ ສູງສຸດ ຫວຽດນາມ ໃນສົງຄາມຕ້ານອາເມລິກາ ເພື່ອກູ້ຊາດ, ມາຢ້ຽມຢາມ ຫວຽດນາມ ແລະ ເຂົ້າຮ່ວມບັນດາການເຄື່ອນໄຫວສະເຫຼີມສະຫຼອງ 80 ປີແຫ່ງວັນຊາດ ຫວຽດນາມ. ທີ່ການພົບປະເພື່ອເປັນກຽດແກ່ເພື່ອນມິດສາກົນ, ກຳມະການກະຊ່ວງການເມືອງ, ເລຂາທິການສູນກາງພັກ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ້ວັນຈ໋ຽນ ໄດ້ມອບຫຼຽນໄຊມິດຕະພາບໃຫ້ແກ່ໂຮງໝໍໜານຊີຊານ. ໃນຄຳປາໄສຂອງຕົນ, ທ່ານ Liu Hong Lin, ເລຂາທິການຄະນະພັກໂຮງໝໍ ໃຫ້ຮູ້ວ່າ ໂຮງໝໍ ໄດ້ສືບທອດ ແລະ ເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ ແລະ ຈີນ, ເປັນພື້ນຖານ ແລະ ເປັນປະຕູໃຫ້ແກ່ການແລກປ່ຽນປະຊາຊົນລະຫວ່າງສອງປະເທດ, ປະກອບສ່ວນເພີ່ມພູນຄູນສ້າງການພົວພັນມິດຕະພາບຫວຽດນາມ - ຈີນ.
 |
| ທ່ານນາງ ເຈີ່ນທິຊວານແອ່ວງ (ທີ 10 ຈາກຂວາ, ແຖວໜ້າ) ໄດ້ຖ່າຍຮູບທີ່ລະນຶກກັບການນຳ, ພະນັກງານຂອງສະຫະພັນບັນດາອົງການມິດຕະພາບ ຫວຽດນາມ ທີ່ລາຍການ “ພົບປະມິດຕະພາບປະຊາຊົນຫວຽດນາມ - ຈີນ” ໃນວັນທີ 15 ເມສາ 2025 ຢູ່ຮ່າໂນ້ຍ. (ພາບ: Dinh Hoa) |
ຕາມທ່ານນາງແລ້ວ, "ຕຳລາ" ທີ່ສໍາຄັນທີ່ສຸດໃນວຽກນີ້ແມ່ນຫຍັງ?
ທ່ານນາງ ເຈີ່ນທິຊວານແອ່ວງ: ຕາມຄວາມຄິດເຫັນຂອງຂ້າພະເຈົ້າແລ້ວ, ມັນແມ່ນຄວາມຈິງໃຈ, ຄວາມຮັບຜິດຊອບ, ຄວາມເປັນຫ່ວງເປັນໄຍ, ຄວາມເຂົ້າໃຈ ແລະ ການເຄົາລົບເຊິ່ງກັນແລະກັນ.
ໄປຄຽງຄູ່ກັບເພື່ອນລາວຢ່າງຕັ້ງໜ້າ, ເອົາໃຈໃສ່ແບ່ງປັນ, ສະໜັບສະໜູນກັບເພື່ອນກຳປູເຈຍ, ເປັນອາຊີບ ແລະ ເຂົ້າແກັບເຂົ້າເກັຍກັນດີກັບເພື່ອນຈີນ. ຄວາມມີໄຫວພິບ ແລະ ຕັ້ງໜາ້ແມ່ນປັດໃຈທີ່ຂາດບໍ່ໄດ້ເພື່ອບັນລຸຄວາມສາມັກຄີທົ່ວໄປ.
ໃນຊຸມປີມໍ່ໆມານີ້, ການເຄື່ອນໄຫວການທູດລະຫວ່າງປະຊາຊົນກັບປະຊາຊົນຫຼາຍແຫ່ງໄດ້ຮັບການຈັດຕັ້ງຢ່າງສຳເລັດຜົນ, ໄດ້ສ້າງຄວາມປະທັບໃຈຢ່າງເລິກເຊິ່ງ, ປະກອບສ່ວນເຂົ້າໃນຜົນສຳເລັດລວມຂອງການຢ້ຽມຢາມຂັ້ນສູງ. ພວກຂ້າພະເຈົ້າຮູ້ສຶກເປັນກຽດທີ່ໄດ້ຈັດຕັ້ງການເຄື່ອນໄຫວປະຊາຊົນສອງຄັ້ງໃນການຢ້ຽມຢາມຂອງການນຳຂັ້ນສູງຫວຽດນາມ ແລະ ຈີນ ຢູ່ທັງສອງປະເທດໃນເວລາພຽງ 8 ເດືອນ. ເພື່ອກະກຽມໃຫ້ແກ່ການເຄື່ອນໄຫວດັ່ງກ່າວ, ພວກຂ້າພະເຈົ້າໄດ້ສົມທົບກັນຢ່າງແໜ້ນແຟ້ນກັບບັນດາພາກສ່ວນທີ່ກ່ຽວຂ້ອງຂອງສະມາຄົມມິດຕະພາບປະຊາຊົນຈີນກັບຕ່າງປະເທດ, ໄດ້ສະເໜີແຜນການຢ່າງຕັ້ງໜ້າ, ແລະໄດ້ແບ່ງປັນຄວາມປິຕິຊົມຊື່ນ, ແບ່ງປັນຄວາມເຂົ້າໃຈ. ນັບແຕ່ນັ້ນເປັນຕົ້ນມາ, ພວກເຮົາໄດ້ສະໜິດສະໜົມກັນຕື່ມອີກ ເພື່ອສືບຕໍ່ມີບັນດາການເຄື່ອນໄຫວທາງດ້ານຈິດໃຈໃໝ່, ປະກອບສ່ວນຮັດແໜ້ນນ້ຳໃຈມິດຕະພາບລະຫວ່າງປະຊາຊົນຫວຽດນາມ - ຈີນ.
 |
| ທ່ານນາງ ເຈີ່ນທິຊວານແອ່ວງ (ຂວາໄກ) ທີ່ພິທີຕ້ອນຮັບຄະນະຜູ້ແທນສະມາຄົມມິດຕະພາບ ກຳປູເຈຍ - ຫວຽດນາມ ເຂົ້າຮ່ວມໂຄງການມິດຕະພາບ ແລະ ການຮ່ວມມືປະຊາຊົນຫວຽດນາມ - ກຳປູເຈຍ ຄັ້ງທີ 5, ວັນທີ 5 ພະຈິກ 2022. (ພາບ: Thanh Luan). |
| ສິ່ງທີ່ທ່ານນາງຈັບໃຈທີ່ສຸດກ່ຽວກັບ "ສິລະປະເປັນສ້າງເພື່ອນ" ກັບຄົນຂອງບັນດາປະເທດແມ່ນຫຍັງ? - ຂ້າພະເຈົ້າຄິດວ່າ "ສິລະປະເປັນສ້າງເພື່ອນ" ທໍາອິດແມ່ນຄວາມຈິງໃຈ, ຄວາມສັດຊື່ ແລະ ມິດຕະພາບຄົງທີ່, ໂດຍສະເພາະໃນຊ່ວງເວລາທີ່ຫຍຸ້ງຍາກ. ໃນໄລຍະໂລກລະບາດໂຄວິດ-19, ຫວຽດນາມ ໄດ້ສະໜອງການຊ່ວຍເຫຼືອດ້ານການແພດຢ່າງທັນການໃຫ້ແກ່ປະຊາຊົນລາວ ແລະ ກຳປູເຈຍ; ແລະ ເບິ່ງແຍງດູແລຜູ້ທຸກຍາກ, ນັກສຶກສາຢູ່ຕ່າງປະເທດ ແລະ ອາສາສະໝັກນັກຮົບເກົ່າທີ່ປະສົບກັບຄວາມຫຍຸ້ງຍາກ, ໄດ້ສະແດງໃຫ້ເຫັນນ້ຳໃຈມະນຸດສະທຳ ແລະ ມິດຕະພາບທີ່ສະໜິດສະໜົມ. ການເອົາໃຈໃສ່ເປັນປະຈຳ, ການຢ້ຽມຢາມ ແລະ ສົມທົບກັນໃນການຈັດຕັ້ງການພົບປະແລກປ່ຽນປະຊາຊົນ ແລະ ວັດທະນະທຳ ໄດ້ຊ່ວຍໃຫ້ສາຍພົວພັນມິດຕະພາບລະຫວ່າງປະຊາຊົນບັນດາປະເທດນັບມື້ນັບສະໜິດແໜ້ນ ແລະ ພັດທະນາຢ່າງໝັ້ນຄົງ. |
- ທ່ານນາງສາມາດໃຫ້ແບ່ງປັນບາງຕົວແບບ, ຂໍ້ລິເລີ່ມ ຫຼື ວິທີການທີ່ມີຄວາມຍືດຫຍຸ່ນແລະສ້າງສັນໃນການສ້າງສາຍພົວພັນປະຊາຊົນກັບປະຊາຊົນກັບປະເທດເພື່ອນບ້ານໄດ້ບໍ່?
ທ່ານນາງ ເຈີ່ນທິຊວານແອ່ວງ: ຂ້າພະເຈົ້າຖືວ່າ ຢູ່ຂັ້ນຮາກຖານ, ໂຄງການແລກປ່ຽນວັດທະນະທຳ, ສິລະປະ ແລະ ກິລາລະຫວ່າງປະຊາຊົນເຂດຊາຍແດນຫວຽດນາມ ແລະ ລາວ, ກຳປູເຈຍ ແລະ ຈີນ ໄດ້ຮັບການຈັດຕັ້ງເປັນປະຈຳ. ນີ້ແມ່ນບັນດາການເຄື່ອນໄຫວທີ່ມີຄວາມໝາຍ, ປະກອບສ່ວນເຂົ້າໃນການເຊື່ອມຕໍ່ບັນດາປະຊາຄົມສອງຝັ່ງຊາຍແດນ.
ບັນດາໂຄງການເບິ່ງແຍງດູແລນັກສຶກສາຢູ່ຕ່າງປະເທດ ເຊັ່ນ: ໂຄງການ “ກ້າເບ້ຍມິດຕະພາບ” ຂອງສະມາຄົມມິດຕະພາບ ຫວຽດນາມ - ກຳປູເຈຍ ຫຼື ຕົວແບບ homestay ຂອງບັນດາແຂວງ, ນະຄອນຂອງສະມາຄົມມິດຕະພາບ ຫວຽດນາມ - ລາວ; ການເຄື່ອນໄຫວພົບປະແລກປ່ຽນນັກສຶກສາຫວຽດນາມທີ່ຮຽນຢູ່ຈີນໃນແຕ່ລະໄລຍະ; ຫຼື ໂຄງການ "ການເດີນທາງສີແດງຂອງການຄົ້ນຄວ້າແລະສຶກສາຊາວໜຸ່ມ" ຮ່ວມມືກັບຈີນ... ແມ່ນຕົວຢ່າງທີ່ຄ່ອງແຄ້ວຂອງການເຮັດວຽກທີ່ຄ່ອງແຄ້ວ ແລະ ມີຫົວຄິດປະດິດສ້າງ, ມຸ່ງໄປເຖິງຊາວໜຸ່ມ - ກຳລັງແຮງທີ່ສືບທອດ ແລະ ພັດທະນາມິດຕະພາບອັນຍາວນານ.
ນອກນີ້, ບົດບາດຂອງຂົວຕໍ່ການຮ່ວມມືດ້ານເສດຖະກິດ, ການຄ້າ ແລະ ການລົງທຶນກໍ່ໄດ້ຮັບການຊຸກຍູ້ຈາກສະຫະພັນບັນດາອົງການມິດຕະພາບຫວຽດນາມ ແລະ ສະມາຄົມມິດຕະພາບຫວຽດນາມ ກັບ ລາວ, ກຳປູເຈຍ, ຈີນ ຜ່ານບັນດາກອງປະຊຸມສຳມະນາ, ກອງປະຊຸມ, ດຳເນີນທຸລະກິດ. ຫວ່າງມໍ່ໆມານີ້, ສະມາຄົມມິດຕະພາບຫວຽດນາມ - ລາວ, ໃນໄລຍະຢ້ຽມຢາມລາວ, ສົມທົບກັບສະມາຄົມມິດຕະພາບລາວ - ຫວຽດນາມ ໄດ້ຈັດຕັ້ງການພົບປະແລກປ່ຽນນັກທຸລະກິດໜຸ່ມຫວຽດນາມ ແລະ ລາວ. ພາຍຫຼັງກອງປະຊຸມຄັ້ງນີ້, ສະມາຄົມມິດຕະພາບຫວຽດນາມ - ລາວ ໄດ້ສົ່ງຕໍ່ຂໍ້ສະເໜີແນະຂອງວິສາຫະກິດລາວໃຫ້ບັນດາອົງການທີ່ກ່ຽວຂ້ອງຢູ່ຫວຽດນາມ.
ນອກຈາກນັ້ນ, ພວກເຮົາຕັ້ງໜ້າປະດິດສ້າງ ແລະ ນຳໃຊ້ເຕັກໂນໂລຢີທີ່ທັນສະໄໝ ເພື່ອປັບປຸງປະສິດທິພາບຂອງການເຊື່ອມຕໍ່ ແລະ ການເຜີຍແຜ່ຂໍ້ມູນຂ່າວສານ. ເວທີເຄືອຂ່າຍສັງຄົມເຊັ່ນ Facebook, Zalo... ຖືກນໍາໃຊ້ຢ່າງຕັ້ງໜ້າ; ການແລກປ່ຽນອອນໄລແມ່ນຈັດຂຶ້ນເປັນປົກກະຕິ. ພວກຂາ້ພະເຈົ້າຫັນເອກະສານກ່ຽວກັບການພົວພັນມິດຕະພາບ, ເອກະສານ, ຮູບພາບ, ວິດີໂອຂອງກິດຈະກໍາການຕ່າງປະເທດເປັນຕົວເລກ ເພື່ອເກັບຮັກສາງ່າຍ, ການຖ່າຍທອດແລະແບ່ງປັນໃນຊ່ອງທາງສື່ມວນຊົນດິຈິຕອນ.
| ຈາກບົດຮຽນຕົວຈິງຂອງຕົນ, ທ່ານມີຂໍ້ສະເໜີອັນໃດແດ່ ເພື່ອຊຸກຍູ້ການແລກປ່ຽນປະຊາຊົນລະຫວ່າງຫວຽດນາມ ແລະ ບັນດາປະເທດບ້ານໃກ້ເຮືອນຄຽງຢ່າງມີປະສິດທິຜົນ ແລະ ແທດຈິງກວ່າ? - ໃນຄວາມຄິດເຫັນຂອງຂ້າພະເຈົ້າແລ້ວ, ຕ້ອງໄດ້ສຸມໃສ່ສາມບັນຫາຕົ້ນຕໍ: ທີໜຶ່ງ, ເພີ່ມທະວີບັນດາໂຄງການແລກປ່ຽນຊາວໜຸ່ມ ແລະ ນັກສຶກສາລະຫວ່າງ ຫວຽດນາມ ແລະ ລາວ, ກຳປູເຈຍ ແລະ ຈີນ. ນີ້ແມ່ນກຳລັງຫຼັກແຫຼ່ງ, ສະແດງບົດບາດເປັນຂົວຕໍ່ມິດຕະພາບລຸ້ນໃໝ່. ທີສອງ, ເສີມຂະຫຍາຍບົດບາດຂອງອົງການຈັດຕັ້ງປະຊາຊົນຢູ່ບັນດາທ້ອງຖິ່ນຊາຍແດນແມ່ນມີຄວາມໝາຍສຳຄັນຫຼາຍ, ລະດົມ, ດຶງດູດປະຊາຊົນປະຕິບັດຕາມກົດໝາຍຫວຽດນາມ ແລະ ປະເທດປະຈຳຖິ່ນ, ຮຽນຮູ້ຈາກບົດຮຽນຂອງກັນແລະກັນໃນການຜະລິດແລະທຸລະກິດ, ການປົກປັກຮັກສາສິ່ງແວດລ້ອມ, ຊັບພະຍາກອນນ້ໍາ, ການນໍາໃຊ້ວິທະຍາສາດແລະເຕັກໂນໂລຊີໃນການກະສິກໍາ, ກູ້ໄພສຸກເສີນ. ທີສາມ, ການນຳໃຊ້ເຄືອຂ່າຍສັງຄົມ ແລະ ເອກະສານດີຈີຕອນກ່ຽວກັບການພົວພັນມິດຕະພາບແມ່ນວິທີທີ່ມີປະສິດທິຜົນເພື່ອຂະຫຍາຍກຸ່ມເປົ້າໝາຍ, ພິເສດແມ່ນຊາວໜຸ່ມ. |
- ຂອບໃຈຂອບໃຈທ່ານນາງ!
 | ຫວຽດນາມປາດຖະໜາຢາກພັດທະນາການພົວພັນກັບສະຫະພາບ ອາຣັບ ຢ່າງແທ້ຈິງ, ມີປະສິດທິຜົນກ່ວາອີກ ທີ່ການພົບປະ, ທ່ານປະທານປະເທດ ເລືອງເກື່ອງ ຕີລາຄາສູງ ບົດບາດ ແລະ ການປະກອບສ່ວນຢ່າງຕັ້ງໜ້າຂອງສະຫະພັນ ໃນການຮັກສາສັນຕີພາບ, ສະຖຽນລະພາບ ແລະ ການພັດທະນາຢູ່ພາກພື້ນຕາເວັນອອກກາງ - ອາບຟຼິກກາ ແລະ ໃນໂລກ. |
 | ນະຄອນໂຮ່ຈີມິນ ມຸ່ງໄປເຖິງເປົ້າໝາຍກາຍເປັນຕົວເມືອງໃຫຍ່ນຳໜ້າ, ມີຫົວຄິດປະດິດສ້າງ, ທັນສະໄໝທີ່ສຸດຢູ່ ຫວຽດນາມ ຍສໝ - ທີ່ການເຮັດວຽກ, ອີກຄັ້ງ ທ່ານເລຂາທິການໃຫຍ່ ໂຕເລິມ ໜຶ່ງຢັ້ງຢືນການໂຮມນະຄອນ ເຂົ້າກັບສອງທ້ອງຖິ່ນພັດທະນາທີ່ມີຄວາມຂະຫຍັນຂັນເຄື່ອນ ແຖວໜ້າແມ່ນ ບິ່ງເຢືອງ ແລະ ບ່າເຣ້ຍຫວູງເຕົາ ໄດ້ເປີດໄລຍະພັດທະນາໃໝ່ ໃຫ້ແກ່ນະຄອນໂຮ່ຈີມິນ. |
ມີງດຶກ
