 | ປະຊາຄົມຊາວຫວຽດນາມ ອາໄສຢູ່ ບຣາຊິນ ມີຄວາມສຸກໃນລະດູບານໃໝ່ບ້ານເກີດເມືອງນອນ 2025 |
| ເປີດຕົວສະໂມສອນມໍລະດົກ ຊຸດຊຸດເສື້ອຍາວຫວຽດນາມ ຢູ່ປະເທດ ແບນຊິກ |
ບຸນປີໃໝ່ປະຈຳຊາດໂດຍ UGVB ຈັດຕັ້ງບໍ່ພຽງແຕ່ແມ່ນໂອກາດເພື່ອໃຫ້ປະຊາຊົນໄດ້ມ່ວນຊື່ນກັບລະດູບານໃໝ່ເທົ່ານັ້ນ, ຫາກຍັງແມ່ນໂອກາດເພື່ອໃຫ້ຜູ້ທີ່ຢູ່ໄກຈາກບ້ານໄດ້ຫວນຄືນໃນບັນຍາກາດບຸນປີໃໝ່ທີ່ເປັນມູນເຊື້ອ, ສະແດງຄວາມພາກພູມໃຈຂອງຊາດ, ມຸ່ງໄປເຖິງບ້ານເກີດເມືອງນອນ. ແຕ່ຮຸ່ງເຊົ້າ, ພື້ນທີ່ສູນກາງວັດທະນະທຳເຕັມໄປດ້ວຍສີສັນລະດູບານໃໝ່ດ້ວຍຮູບພາບຊຸດເສື້ອຍາວພື້ນເມືອງ, ກິ່ງດອກທີ່ສົດໃສເດັ່ນຊັດ, ຮູບປະຕິຄູ່ສີແດງ... ໄດ້ສ້າງຮູບພາບວັນບຸນປີໃໝ່ເຕັມໄປດ້ວຍສີສັນຂອງຊາດ. ນີ້ບໍ່ພຽງແຕ່ແມ່ນມູມຮັກສາໄວ້ບັນດາຄຸນຄ່າມູນເຊື້ອເທົ່ານັ້ນ ຫາກຍັງແມ່ນບ່ອນດຶງດູດບັນດາປະຊາຊົນຫວຽດນາມ ຢູ່ຕ່າງປະເທດ ແລະ ເພື່ອນມິດສາກົນມາຖ່າຍຮູບທີ່ລະນຶກ. ເຂດວາງສະແດງປຶ້ມ, ໜັງສືພິມລະດູບານໃໝ ພ້ອມກັບບັນດາປຶ້ມກ່ຽວກັບຮີດຄອງປະເພນີບຸນປີໃໝ່ປະຈຳຊາດ ກໍ່ໄດ້ດຶງດູດຄວາມສົນໃຈເປັນພິເສດຈາກຫຼາຍຄົນ.
 |
| ຮ້ານວາງສະແດງຂອງສະມາຄົມການກຸສົນ “ເພື່ອນມິດສຳລັບເດັກນ້ອຍ ຫວຽດນາມ” ໄດ້ຂາຍສິນຄ້າເພື່ອລະດົມທຶນໜູນຊ່ວຍເດັກນ້ອຍທຸກຍາກແຂວງ ບັກຢາງ. (ພາບ: ສຳນັກຂ່າວສານ ຫວຽດນາມ) |
ຈຸດພົ້ນເດັ່ນຂອງງານບຸນປີນີ້ແມ່ນການສະແດງຂອງວົງປະສານສຽງເຍົາວະຊົນ ລວມມີບັນດາເດັກນ້ອຍເກີດ ແລະ ເຕີບໃຫຍ່ຢູ່ ແບນຊິກ, ໃນນັ້ນ ມີຫຼາຍນ້ອງມີເຊື້ອສາຍ ຫວຽດນາມ - ແບນຊິກ. ເຖິງວ່າເຂົາເຈົ້າເວົ້າພາສາຫວຽດຍັງບໍ່ຂອດກໍ່ຕາມ, ແຕ່ບັນດາຄຳອວຍພອນປີໃໝ່ອັນອົບອຸ່ນຂອງເຂົາເຈົ້າ ແລະ ບັນດາທຳນອງຂອງເພງ “ວັນປີໃໝ່ຢູ່ບ້ານເກີດເມືອງນອງຂອງນ້ອງ” ທີ່ຟົດຟື້ນ ກໍ່ໄດ້ສະແດງໃຫ້ເຫັນການເຊື່ອມຕໍ່ຂອງລຸ້ນໜຸ່ມກັບວັດທະນະທຳກົກເຄົ້າເຫງົ້າກໍ. ພ້ອມກັນນັ້ນ, ກໍສະແດງໃຫ້ເຫັນຄວາມພາກພູມໃຈຂອງພໍ່ແມ່ຜູ້ປົກຄອງເມື່ອໄດ້ເຫັນລູກຂອງຕົນຮັກສາພາສາ ແລະ ສີສັນຂອງຊາດ.
 |
| ການສະແດງປະສານສຽງຂອງບັນດາເຍົາວະຊົນທີ່ເຕັມໄປດ້ວຍສີສັນຊາດ. (ພາບ: ສຳນັກຂ່າວສານ ຫວຽດນາມ) |
ນຸ່ງຊຸດເສື້ອຍາວພື້ນເມືອງ, ທ່ານ ກາວວັນຊື - ຜູ້ໄດ້ດຳລົງຊີວິດຢູ່ ແບນຊິກ ມາເປັນເວລາ 59 ປີ, ເຊື່ອມຕົວເຂົ້າກັບບັນຍາກາດປຸ້ມລຸມກັນຂອງວັນບຸນປີໃໝ່ ຫວຽດນາມ. ທ່ານປາດຖະໜາວ່າ ປີມະເສັງ ຈະນຳມາເຊິ່ງການພັດທະນາຂອງບ້ານເກີດເມືອງນອນ, ຄວາມຈະເລີນຮຸ່ງເຮືອງຂອງປະຊາຄົມຊາວຫວຽດນາມ ອາໄສຢູ່ ແບນຊິກ ແລະ ສັນຕິພາບໃຫ້ແກ່ໂລກ.
ນາງ ກວາງທິມິງ, ມາຈາກເມືອງ Lille (ຝຣັ່ງ), ໄດ້ໄປ Brussels ກັບສາມີ ແລະ ໝູ່ເພື່ອນຈຳນວນໜຶ່ງເພື່ອເຂົ້າຮ່ວມລາຍການ. ບັນຍາກາດບຸນປີໃໝ່ ຫວຽດນາມ ທີ່ອົບອຸ່ນຢູ່ທີ່ນີ້ໄດ້ຊ່ວຍໃຫ້ນາງຮູ້ສຶກຄືວ່າພວມດຳລົງຊີວິດຢູ່ໃນບ້ານເກີດເມືອງນອນ, ບັນເທົາຄວາມຄິດຮອດບ້ານ.
 |
| “ເຂີຍ ຫວຽດນາມ” Olivier Desmedt ເຂົ້າຮ່ວມບຸນປີໃໝ່ປະຈຳຊາດ. (ພາບ: ສຳນັກຂ່າວສານ ຫວຽດນາມ) |
ທ່ານ Olivier Desmedt - “ເຂີຍ ຫວຽດນາມ” ທີ່ໄດ້ຕິດພັນກັນກັບປະຊາຄົມຊາວຫວຽດນາມ ອາໄສຢູ່ ແບນຊິກ ຕະຫຼອດ 9 ປີ, ແບ່ງປັນຄວາມຮັກກັບບຸນປີໃໝ່ປະຈຳຊາດ. ຕາມທ່ານແລ້ວ, ປີໃໝ່ບໍ່ພຽງແຕ່ແມ່ນໂອກາດເພື່ອເຕົ້າໂຮມສະມາຊິກໃນຄອບຄົວເທົ່ານັ້ນ, ຫາກຍັງແມ່ນຈຸດເວລາເພື່ອໃຫ້ປະຊາຄົມຊາວຫວຽດນາມ ອາໄສຢູ່ແບນຊິກ ອ້ອມລ້ອມຮ່ວມກັນ, ສ້າງບັນຍາກາດທີ່ອົບອຸ່ນຕະຫຼອດເດືອນ, ເຊິ່ງເປັນສິ່ງທີ່ແຕກຕ່າງເມື່ອທຽບກັບປີໃໝ່ສາກົນຢູ່ຝ່າຍຕາເວັນຕົກ.
ກ່າວຄຳປາໄສທີ່ລາຍການ, ທ່ານເອກອັກຄະລັດຖະທູດຫວຽດນາມ ປະຈຳ ແບນຊິກ ຫງວຽນວັນຖາວ ໄດ້ຕີລາຄາສູງບົດບາດຂອງ UGVB ໃນການອະນຸລັກຮັກສາວັດທະນະທຳທີ່ເປັນມູນເຊື້ອ, ເສີມຂະຫຍາຍສີສັນຂອງຊາດ, ໜູນຊ່ວຍປະຊາຄົມໃນການດຳລົງຊີວິດ ແລະ ສ້າງການພົວພັນອັນດີງາມກັບອຳນາດການປົກຄອງປະຈຳຖິ່ນ. ບັນດາການປະກອບສ່ວນດັ່ງກ່າວໄດ້ຊ່ວຍໃຫ້ປະຊາຄົມຊາວຫວຽດນາມ ອາໄສຢູ່ ແບນຊິກ ໄດ້ຮັບການຕີລາຄາສູງຈາກປະເທດປະຈຳຖິ່ນ.
 |
| ທ່ານເອກອັກຄະລັດຖະທູດ ຫວຽດນາມ ປະຈຳ ແບນຊິກ ຫງວຽນວັນຖາວ. (ພາບ: ສຳນັກຂ່າວສານ ຫວຽດນາມ) |
ທ່ານເອກອັກຄະລັດຖະທູດ ເນັ້ນໜັກວ່າ ໃນປີ 2024, ຫວຽດນາມ ຕ້ອງປະເຊີນໜ້າກັບສິ່ງທ້າທາຍຫຼາຍຢ່າງ, ແຕ່ຍັງຈະບັນລຸໄດ້ບັນດາຜົນງານທີ່ພົ້ນເດັ່ນຍ້ອນຄວາມມານະພະຍາຍາມຂອງທົ່ວປະເທດ, ໃນນັ້ນ ມີການປະກອບສ່ວນສຳຄັນຂອງປະຊາຄົມຊາວຫວຽດນາມ ອາໄສຢູ່ຕ່າງປະເທດ, ພິເສດແມ່ນຊາວຫວຽດນາມ ອາໄສຢູ່ ແບນຊິກ. ທ່ານເອກອັກຄະລັດຖະທູດຢືນຢັນວ່າ: “ພວກເຮົາສາມາດກ້າວເຂົ້າສູ່ປີໃໝ່ ປີມະເສັງ 2025 ດ້ວຍຫຼາຍເຫດການສຳຄັນ, ເປັນຂີດໝາຍສັງກາດບືນຕົວຂຶ້ນຂອງປະເທດຊາດ”.
 | ສະຖານທູດລາວ ປະຈໍາ ແບນຊິກ, ກຳປູເຈຍ ອວຍພອນວັນຊາດຫວຽດນາມ ວັນທີ 2 ກັນຍາ ຍສໝ - ເນື່ອງໃນໂອກາດສະເຫຼີມສະຫຼອງ 79 ປີແຫ່ງວັນຊາດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ (2 ກັນຍາ 1945 – 2 ກັນຍາ 2024), ທ່ານ ເອກອັກຄະລັດຖະທູດ ລາວ ປະຈຳ ແບນຊິກ ແລະ ທ່ານ ເອກອັກຄະລັດຖະທູດ ລາວ ... |
 | ປະຊາຄົມຊາວຫວຽດນາມ ອາໄສຢູ່ລາວ ໄປຖະຫວາຍທູບທຽນ ເພື່ອອາໄລຫາປະທານ ໂຮ່ຈີມິນ ຍສໝ - ຕອນບ່າຍວັນທີ 16 ພຶດສະພາ, ຢູ່ເຂດອະນຸສອນສະຖານປະທານ ໂຮ່ຈີມິນ ຢູ່ບ້ານ ຊຽງວາງ, ເມືອງ ໜອງບົກ, ແຂວງ ຄຳມ່ວນ, ພາກກາງລາວ ໄດ້ດຳເນີນພິທີຖະຫວາຍທູບທຽນ ເພື່ອສະເຫຼີມສະຫຼອງ 134 ປີແຫ່ງວັນຄ້າຍວັນເກີດຂອງປະທານ ໂຮ່ຈິມິນ (ວັນທີ 19 ພຶດສະພາ 1890 – 19 ... |
ແທັງຮັ່ງ
