| ບຸນວັນເພັງເດືອນຈຽງຢູ່ວັດເຟິດຕິກ ຂອງປະຊາຄົມຊາວຫວຽດນາມ ອາໄສຢູ່ລາວ | |
| ປະຊາຄົມຊາວຫວຽດນາມ ຢູ່ ເຢຍລະມັນ ຮັກສາດົນຕີພື້ນເມືອງຂອງຊາດ |
ໂດຍເຂົ້າຮ່ວມເຫດການ ມີຜູ້ຕາງໜ້າສະຖານທູດ ຫວຽດນາມ ປະຈຳ ລາວ; ຜູ້ຕາງໜ້າສະຖານກົງສູນໃຫຍ່ ຫວຽດນາມ ປະຈຳ ແຂວງສະຫວັນນະເຂດ; ຜູ້ຕາງໜ້າອຳນາດການປົກຄອງແຂວງ ຄໍາມ່ວນ; ຜູ້ຕາງໜ້າສະມາຄົມໃຫຍ່ຊາວຫວຽດນາມ ອາໄສຢູ່ລາວ; ບັນດາອົງການອ້ອມຂ້າງສະຖານທູດ ຫວຽດນາມ ປະຈໍາ ລາວ; ພ້ອມກັນກັບຊາວຫວຽດນາມ ທີ່ພວມດຳເນີນທຸລະກິດ ແລະ ດຳລົງຊີວິດຢູ່ຫຼາຍແຂວງ, ນະຄອນຂອງລາວ ເປັນຈຳນວນຫຼວງຫຼາຍ...
 |
| ທ່ານ ຫງວຽນວັນຮຸ່ງ, ປະທານສະມາຄົມໃຫຍ່ຊາວຫວຽດນາມ ອາໄສຢູ່ລາວ ໄດ້ຖະຫວາຍທູບທຽນ, ດອກໄມ້ເພື່ອລະນຶກ, ສະແດງຄວາມຮູ້ບຸນຄຸນ ແລະ ເຄົາລົບນັບຖືຢ່າງເລິກເຊິ່ງຕໍ່ປະທານ ໂຮ່ຈີມິນ. ພາບ: ຟ້າມກຽນ/TTXVN |
ໃນບັນຍາກາດອັນສະຫງ່າ, ບັນດາຄະນະຜູ້ແທນ ໄດ້ໄປຖະຫວາຍດອກໄມ້, ທູບທຽນ ເພື່ອອາໄລຫາ, ສະແດງຄວາມຮູ້ບຸນຄຸນ ແລະ ເຄົາລົບນັບຖືຢ່າງເລິກເຊິ່ງຕໍ່ປະທານ ໂຮ່ຈີມິນ ທີ່ຍິ່ງໃຫຍ່.
ໃນຂະນະທີ່ທັງຈັດບັນດາເຂົ້ົ້າໜົມປ່ານທີ່ຍັງຮ້ອນຂຶ້ນເທິງແທ່ນບູຊາ ລຸງໂຮ່ ຢ່າງລະມັດລະວັງ, ນາງ ຫງວຽນທິຮ່າ, ຊາວຫວຽດນາມ ອາໄສຢູ່ຕ່າງປະເທດ ທີ່ເກີດ ແລະ ເຕີບໃຫຍ່ຢູ່ບ້ານ ຊຽງວາງ, ເມືອງ ໜອງບົກ, ແຂວງ ຄຳມ່ວນ ໄດ້ແບ່ງປັນວ່າ ປີໃດກໍເຊັ່ນກັນ, ໃນໂອກາດນີ້ ນາງກໍຟ້າວຟັ່ງຂະຫຍັນພຽນໃນການກະກຽມຫໍ່ບັນດາເຂົ້ົ້າໜົມປ່ານດ້ວຍຕົນເອງ ທີ່ມີລົດຊາດບ້ານເກີດເມືອງນອນ ແລະ ກະກຽມທູບທຽນ, ດອກໄມ້, ໝາກໄມ້ສົດ ເພື່ອນຳໄປຍັງເຂດຮ່ອງຮອຍຊຽງວາງ ເພື່ອໄປຖະຫວາຍໃຫ້ ລຸງໂຮ່ ທີ່ຮັກແພງ.
ຕາມນາງ ຮ່າ, ນີ້ແມ່ນສິ່ງທີ່ປະຊາຊົນບ້ານ ຊຽງວາງ ເວົ້າລວມ ແລະ ນາງເອງ ເວົ້າສະເພາະ, ໃນທຸກໆປີ ກໍ່ເຮັດເພື່ອສະແດງຄວາມຮູ້ບຸນຄຸນ, ຄຸນງາມຄວາມດີອັນໃຫຍ່ຫຼວງຕໍ່ ລຸງໂຮ່ ທີ່ໄດ້ເສຍສະຫຼະຊີວິດເພື່ອເອກະລາດ ແລະ ເສລີພາບຂອງປະເທດຊາດ.
ດ້ວຍຄວາມຮູ້ສຶກຕື້ນຕັນໃຈ ຈູດທູບທຽນປັກຢູ່ແທ່ນບູຊາປະທານ ໂຮ່ຈີມິນ ຢູ່ເຂດອະນຸສາວະລີ; ທ່ານນາງ ຮວ່າງທິຮວາ, ຊາວຫວຽດນາມ ອາໄສຢູ່ນະຄອນຫຼວງວຽງຈັນ ໃຫ້ຮູ້ວ່າ ໃນແຕ່ລະປີ, ໃນວັນຄ້າຍວັນເກີດຂອງ ລຸງໂຮ່, ທ່ານນາງ ກໍ່ໄດ້ເດີນທາງໄປຫ່າງຈາກນະຄອນຫຼວງວຽງຈັນ 400 ກວ່າກິໂລແມັດ ໄປຍັງເຂດອະນຸສອນສະຖານ ລຸງໂຮ່ ເພື່ອພ້ອມກັນກັບຊາວຫວຽດນາມ ອາໄສຢູ່ລາວ ໄດ້ຖະຫວາຍທູບທຽນ, ດອກໄມ້ເພື່ອລະນຶກເຖິງຄຸນງາມຄວາມດີຂອງປະທານ ໂຮ່ຈີມິນ, ຜູ້ເປັນພໍ່ທີ່ເຖົ້າແກ່ຂອງປະເທດຊາດ. ນີ້ກໍ່ແມ່ນໂອກາດເພື່ອໃຫ້ລູກຫຼານຄືນາງ ທີ່ດຳລົງຊີວິດຢູ່ຫ່າງໄກຈາກພໍ່ແມ່ ໄດ້ລາຍງານຜົນງານໃຫ້ ລຸງໂຮ່, ໃຫ້ຄຳໝັ້ນສັນຍາກັບ ລຸງໂຮ່ ຈະສືບຕໍ່ມານະພະຍາຍາມສູ້ຊົນບືນຂຶ້ນໃນການຮ່ຳຮຽນ ແລະ ວຽກງານ.
ພາຍຫຼັງພິທີຖະຫວາຍທູບທຽນ, ບັນດາຜູ້ແທນ ພ້ອມກັນກັບຍາດຕິພີ່ນ້ອງໄດ້ໄປຢ້ຽມຢາມຫ້ອງມູນເຊື້ອຢູ່ເຂດອະນຸສອນສະຖານ ເພື່ອທວນຄືນບັນດາການປະກອບສ່ວນອັນລ້ຳຄ່າຂອງປະທານ ໂຮ່ຈີມິນ - ຜູ້ເປັນພໍ່ທີ່ເຖົ້າແກ່ຂອງປະເທດຊາດ, ບຸລຸດວັດທະນະທຳຜູ້ມີຊື່ສຽງໃນໂລກ - ໄດ້ມີຜົນງານໃນການປົດປ່ອຍຊາດຫວຽດນາມ ແລະ ແມ່ນຜູ້ທີ່ໄດ້ວາງຮາກຖານໃຫ້ສາຍພົວພັນມິດຕະພາບອັນຍິ່ງໃຫຍ່ລະຫວ່າງຫວຽດນາມ - ລາວ.
 |
| ບັນດາຜູ້ແທນຂອງສອງປະເທດ ແລະ ປະຊາຄົມຊາວຫວຽດນາມ ທີ່ດຳລົງຊີວິດ ແລະ ດຳເນີນທຸລະກິດຢູ່ລາວ ໄດ້ຖະຫວາຍດອກໄມ້, ທູບທຽນ ເພື່ອອາໄລຫາ, ສະແດງຄວາມຮູ້ບຸນຄຸນ ແລະ ເຄົາລົບນັບຖືຢ່າງເລິກເຊິ່ງຕໍ່ປະທານ ໂຮ່ຈີມິນ. ພາບ: ຟ້າມກຽນ/TTXVN |
ເຂດອະນຸສອນສະຖານປະທານ ໂຮ່ຈີມິນ ຢູ່ບ້ານ ຊຽງວາງ, ເມືອງ ໜອງບົກ, ແຂວງ ຄຳມ່ວນ, ແມ່ນໂຄງການຮ່ວມມືລະຫວ່າງສອງພັກ, ສອງລັດ ແລະ ປະຊາຊົນ ຫວຽດນາມ - ລາວ; ສະຖານທີ່ເປັນເຄື່ອງຫມາຍບັນດາການເຄື່ອນໄຫວຂອງປະທານ ໂຮ່ຈິມິນ ແລະ ການພົວພັນແບບພິເສດລະຫວ່າງ ຫວຽດນາມ - ລາວ, ເພື່ອເຜີຍແຜ່ສຶກສາໃຫ້ລຸ້ນຫນຸ່ມໃນມື້ນີ້ ແລະ ອະນາຄົດ. ນີ້ຍັງເປັນແຫຼ່ງທ່ອງທ່ຽວທີ່ເຄົາລົບນັບຖື, ມີຄວາມໝາຍສຳຄັນທາງດ້ານປະຫວັດສາດ, ວັດທະນະທຳຂອງແຂວງຄໍາມ່ວນ ເວົ້າສະເພາະ ແລະ ປະເທດລາວ ເວົ້າລວມ.
ກິດຈະການດັ່ງກ່າວ ໄດ້ສ້າງຂຶ້ນບົນຂອບເຂດເນື້ອທີ່ກວ່າ 1,5 ເຮັກຕາ, ໂດຍໄດ້ຈັດຕັ້ງປະຕິບັດຈາກແຫຼ່ງທຶນງົບປະມານຂອງລັດຖະບານລາວ ແລະ ທຶນຊ່ວຍເຫຼືອລ້າຂອງລັດຖະບານຫວຽດນາມ. ກິດຈະການ ໄດ້ເປີດແຕ່ວັນທີ 7 ທັນວາ 2012.
ມິງດຶກ
