 | ສະຖານທູດ ຫວຽດນາມ ປະຈຳ ອີຢິບ ໄດ້ຈັດພິທີສະເຫຼີມສະຫຼອງວັນຊາດ 2 ກັນຍາ |
| ສະຖານທູດລາວ ປະຈຳ ລັດເຊຍ ອວຍພອນປີໃໝ່ ຫວຽດນາມ ປີມະໂລງ 2024 |
ວັນທີ 28 ສິງຫາ, ທ່ານເອກອັກຄະລັດຖະທູດລາວ ປະຈໍາ ແບນຊິກ, ກິ່ງໂພແກ້ວ ພົມມະຫາໄຊ ພ້ອມດ້ວຍພັນລະຍາ ແລະ ພະນັກງານສະຖານທູດລາວ ໄດ້ມາຍັງສະຖານທຸດ ຫວຽດນາມ ເພື່ອອວຍພອນວັນຊາດ 2 ກັນຍາ.
 |
| ທ່ານເອກອັກຄະລັດຖະທູດ ຫວຽດນາມ ປະຈຳ ແບນຊິກ ຫງວຽນວັນຖາວ (ຂວາ) ແລະ ທ່ານເອກອັກຄະລັດຖະທູດ ລາວ ປະຈຳ ແບນຊິກ, ກິ່ງໂພແກ້ວ ພົມມະຫາໄຊ ທີ່ງານສະເຫຼີມສະຫຼອງວັນຊາດຫວຽດນາມ. (ພາບ: TTXVN) |
ທີ່ນີ້, ທ່ານເອກອັກຄະລັດຖະທູດ ກິ່ງໂພແກ້ວ ພົມມະຫາໄຊ ໄດ້ຕີລາຄາສູງບັນດາຜົນງານທີ່ພັດທະນາຢ່າງກະໂດດຂັ້ນ ເຊິ່ງ ຫວຽດນາມ ບັນລຸໄດ້ໃນຊຸມປີຜ່ານມາ. ສາຍພົວພັນມິດຕະພາບທີ່ເປັນມູນເຊື້ອ ແລະ ຄວາມສາມັກຄີແບບພິເສດ ຫວຽດນາມ-ລາວ, ສອງຊາດອ້າຍນ້ອງນັບມື້ນັບໄດ້ຮັບການປັບປຸງ ແລະ ພັດທະນາ, ກາຍເປັນສັນຍາລັກທີ່ເປັນແບບຢ່າງຂອງນ້ຳໃຈສາມັກຄີ, ມິດຕະພາບສາກົນ. ທ່ານເອກອັກຄະລັດຖະທູດ ກິ່ງໂພແກ້ວ ພົມມະຫາໄຊ ປາດຖະໜາຢາກສືບຕໍ່ຊຸກຍູ້ ແລະ ເພີ່ມທະວີການພົວພັນແບບພິເສດລະຫວ່າງສອງປະເທດໃນທຸກຂົງເຂດ, ນັບແຕ່ດ້ານເສດຖະກິດ, ວັດທະນະທຳ, ການສຶກສາ, ຕະຫຼອດເຖິງການຮ່ວມມືດ້ານປ້ອງກັນຊາດ ແລະ ປ້ອງກັນຄວາມສະຫງົບ.
ໂດຍສະແດງຄວາມຂອບໃຈບັນດາຄວາມຮັກແພງອັນດີງາມທີ່ທ່ານເອກອັກຄະລັດຖະທູດ ກິ່ງໂພແກ້ວ ພົມມະຫາໄຊ ແລະ ເພື່ອນລາວ ໄດ້ມອບໃຫ້ແກ່ປະຊາຊົນ ຫວຽດນາມ, ທ່ານເອກອັກຄະລັດຖະທູດ ຫວຽດນາມ ປະຈຳ ແບນຊິກ ຫງວຽນວັນຖາວ ໄດ້ເນັ້ນໜັກເຖິງຄວາມສຳຄັນຂອງການເພີ່ມທະວີການແລກປ່ຽນ, ການຮ່ວມມືລະຫວ່າງສອງສະຖານທູດ, ຜ່ານນັ້ນ ກໍ່ປະກອບສ່ວນຮັດແໜ້ນສາຍພົວພັນມິດຕະພາບ ແລະ ການຮ່ວມມືແບບພິເສດລະຫວ່າງ ຫວຽດນາມ - ລາວ.
ກໍ່ໃນວັນດຽວກັນ, ວັນທີ 28 ສິງຫາ, ຄະນະຜູ້ແທນສະຖານທູດລາວ ປະຈຳລາຊະອານາຈັກ ກຳປູເຈຍ ນຳໂດຍທ່ານເອກອັກຄະລັດຖະທູດ ບົວແກ້ວ ພູມວົງໄຊ ໄດ້ມາຢ້ຽມຢາມສຳນັກງານສະຖານທູດ ຫວຽດນາມ ປະຈຳນະຄອນຫຼວງ Phnom Penh ເພື່ອອວຍພອນວັນຊາດ ຫວຽດນາມ ຄົບຮອບ 79 ປີ.
ທ່ານເອກອັກຄະລັດຖະທູດ ບົວແກ້ວ ພູມວົງໄຊ ປາດຖະໜາວ່າ ລັດຖະບານ ແລະ ປະຊາຊົນສອງປະເທດ ຈະສືບຕໍ່ໄວ້ເນື້ອເຊື່ອໃຈ, ສະໜັບສະໜູນເຊິ່ງກັນ ແລະ ກັນ, ສະແດງໃຫ້ເຫັນນ້ຳໃຈສາມັກຄີ, ອ້າຍນ້ອງ ແລະ ຮີດຄອງປະເພນີຄວາມຮັກແພງຊ່ວຍເຫຼືອກັນຂອງປະຊາຊົນສອງປະເທດ ຫວຽດນາມ - ລາວ, ລາວ - ຫວຽດນາມ.
ຕາງໜ້າໃຫ້ພະນັກງານ, ພາລະກອນສະຖານທູດ ຫວຽດນາມ ປະຈຳ ກຳປູເຈຍ, ທ່ານເອກອັກຄະລັດຖະທູດ ຫງວຽນຮຸຍຕັງ ປາດຖະໜາຢາກສືບຕໍ່ຮ່ວມມືກັນຢ່າງແໜ້ນແຟ້ນກັບສະຖານທູດລາວ, ປະກອບສ່ວນຢ່າງຕັ້ງໜ້າເຂົ້າໃນສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດໃນໄລຍະຈະມາເຖິງ. ທ່ານເອກອັກຄະລັດຖະທູດຢືນຢັນວ່າ ຫວຽດນາມ ຈະສືບຕໍ່ຢືນຄຽງຂ້າງກັບ ລາວ ເພື່ອຜ່ານຜ່າທຸກຄວາມຫຍຸ້ງຍາກ, ສິ່ງທ້າທາຍ, ຊ່ວຍເຫຼືອເຊິ່ງກັນ ແລະ ກັນ ເພື່ອພັດທະນາ, ນຳມາເຊິ່ງຊີວິດການເປັນຢູ່ຂອງປະຊາຊົນສອງປະເທດນັບມື້ນັບຮັ່ງມີເຂັ້ມແຂງ.
ເນື່ອງໃນໂອກາດນີ້, ທ່ານເອກອັກຄະລັດຖະທູດ 2 ທ່ານ ໄດ້ເຫັນດີເປັນເອກະພາບສືບຕໍ່ເພີ່ມທະວີການຮ່ວມມືຢ່າງແໜ້ນແຟ້ນລະຫວ່າງສອງສະຖານທູດ, ຈັດຕັ້ງບັນດາໂຄງການແລກປ່ຽນປະຊາຊົນຢ່າງເປັນປະຈຳ ເພື່ອຮັດແໜ້ນມິດຕະພາບ, ປະກອບສ່ວນປັບປຸງສາຍພົວພັນລະຫວ່າງສອງປະເທດຕື່ມອີກ.
 | ແບນຊິກ ຊຸກຍູ້ການຮ່ວມມືໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມຢູ່ຫວຽດນາມ ຍສໝ - ຕອນບ່າຍວັນທີ 7 ພະຈິກ, ທ່ານປະທານສະພາຕ່ຳ ແບນຊິກ Éliane Tillieux ໄດ້ມີການຕ້ອນຮັບທ່ານເອກອັກຄະລັດຖະທູດ ຫວຽດນາມ ປະຈຳ ລາຊະອານາຈັກ ແບນຊິກ ຫງວຽນວັນຖາວ ແລະ ບັນດາບຸກຄົນ, ອົງການຈັດຕັ້ງທີ່ກ່ຽວຂ້ອງເຖິງບັນຫາທາດພິດສີສົ້ມຢູ່ ຫວຽດນາມ. |
 | ມາຮອດວັນທີ 26 ກັນຍາ: ນັກກິລາແລ່ນແລະລານ ແລະ ໝາກຮຸກ ຫວຽດນາມ ເຂົ້າຮ່ວມບ້ານນັກກິລາ ຍສໝ - ມາຮອດວັນທີ 26 ກັນຍາ, ຄະນະນັກກິລາ ຫວຽດນາມ ໄດ້ຕ້ອນຮັບບັນດາທິມນັກກິລາແລ່ນ ແລະ ລານ (16 ຄົນ) ແລະ ໝາກຮຸກ (1 ຄົນ) ເຂົ້າຮ່ວມງານມະຫາກຳກິລາ ອາຊີ ຄັ້ງທີ 19 (ASIAD) ຢູ່ຈີນ, ພ້ອມກັນນັ້ນ, ກໍ່ສົ່ງຄະນະນັກກິລາ ໂອລິມປິກ ... |
ມີງດຶກ
