 | ປັດໃຈສະດວກໃຫ້ແກ່ການເຕີບໂຕເສດຖະກິດຂອງຫວຽດນາມ 2025 |
| ຫວຽດນາມ ແລະ ບຣາຊິນ ຍົກລະດັບການພົວພັນເປັນຄູ່ຮ່ວມມືຍຸດທະສາດ |
ໃນບັນຍາກາດທີ່ອົບອຸ່ນ ເພື່ອຂ່ຳນັບຮັບຕ້ອນລະດູບານໃໝ່, ທ່ານ ເອກອັກຄະລັດຖະທູດ ບຸ່ຍວັນຫງີ້ ໄດ້ສົ່ງຄຳອວຍພອນປີໃໝ່ຈົ່ງມີຄວາມສຸກ, ຢູ່ດີມີແຮງ ວັດທະນາຖາວອນ ແລະ ປະສົບຜົນສຳເລັດເຖິງພໍ່ແມ່ປະຊາຊົນປະຊາຄົມ ແລະ ບັນດາແຂກຮັບເຊີນທີ່ມາເຂົ້າຮ່ວມການພົບປະ. ຜ່ານສື່ມວນຊົນ, ທ່ານເອກອັກຄະລັດຖະທູດ ກໍ່ໄດ້ສົ່ງຄຳອວຍພອນປີໃໝ່ເຖິງປະຊາຄົມຊາວຫວຽດນາມ ອາໄສຢູ່ ບຣາຊິນ ທີ່ບໍ່ມີເງື່ອນໄຂເຂົ້າຮ່ວມໂດຍກົງ ແລະ ປະຊາຄົມຊາວຫວຽດນາມ ຢູ່ Peru, Bolivia, Suriname ແລະ Guyana.
ທີ່ການພົບປະ, ທ່ານເອກອັກຄະລັດຖະທູດ ບຸ່ຍວັນຫງີ້ ໃຫ້ຮູ້ວ່າ ໃນປີ 2024, ການນຳຫຼັກແຫຼ່ງຂອງປະເທດໄດ້ດຳເນີນການເຄື່ອນໄຫວການຕ່າງປະເທດ 60 ຄັ້ງ, ໃນນັ້ນ ມີ 21 ການຢ້ຽມຢາມເຖິງບັນດາປະເທດ ແລະ ເຂົ້າຮ່ວມບັນດາກອງປະຊຸມຫຼາຍຝ່າຍ; ຕ້ອນຮັບຄະນະການນຳຕ່າງປະເທດ 25 ຄະນະ ທີ່ມາຢ້ຽມຢາມຫວຽດນາມ. ຂໍ້ຕົກລົງຮ່ວມມື 170 ກວ່າສະບັບໄດ້ລົງນາມ, ສ້າງທີ່ຕັ້ງ ແລະ ກຳລັງແຮງໃຫ້ແກ່ປະເທດສືບຕໍ່ພັດທະນາ, ກ້າວເຂົ້າສູ່ສັງກາດໃໝ່, ສັງກາດບືນຕົວຂຶ້ນຂອງປະເທດຊາດ.
 |
| ຊາວຫວຽດນາມ ອາໄສຢູ່ຕ່າງປະເທດເຂົ້າຮ່ວມລະດູບານໃໝ່ບ້ານເກີດເມືອງນອນ. |
ກ່ຽວກັບການພົວພັນ ຫວຽດນາມ - ບຣາຊິນ ໃນປີ 2024, ທ່ານ ເອກອັກຄະລັດຖະທູດ ບຸ່ຍວັນຫງີ້ ແບ່ງປັນວ່າ ນອກຈາກການປະຕິບັດງານຂອງທ່ານນາຍົກລັດຖະມົນຕີ ທີ່ກອງປະຊຸມສູງສຸດ G20, ການຢ້ຽມຢາມຂອງທ່ານເລຂາທິການສູນກາງພັກ ແລະ ກຳມະການກົມການເມືອງ, ຫົວໜ້າຄະນະໂຄສະນາສຶກສາສູນກາງ ຫງວຽນຈ້ອງເຫງຍ ໃນເດືອນສິງຫາ ສືບຕໍ່ຢືນຢັນການພົວພັນລະຫວ່າງສອງປະເທດ.
ການພົວພັນດ້ານການຄ້າສອງຝ່າຍສືບຕໍ່ເປັນຈຸດພົ້ນເດັ່ນໃນການຮ່ວມມືລະຫວ່າງສອງປະເທດ. ປະຈຸບັນ ບຣາຊິນ ແມ່ນຄູ່ຮ່ວມມືການຄ້າໃຫຍ່ທີ່ສຸດຂອງ ຫວຽດນາມ ຢູ່ອາເມລິກາ ລາຕິນ ແລະ ຢືນອັນດັບທີສອງຢູ່ອາເມລິກາ. ຄຽງຄູ່ກັນນັ້ນ, ຫວຽດນາມ ກໍ່ຮັກສາບົດບາດເປັນຄູ່ຮ່ວມມືແຖວໜ້າຂອງ ບຣາຊິນ ໃນອາຊຽນ.
ນອກຈາກດ້ານເສດຖະກິດແລ້ວ, ການຮ່ວມມືໃນບັນດາຂົງເຂດຕ່າງໆເຊັ່ນ ການສຶກສາ, ວັດທະນະທຳ, ວິທະຍາສາດເຕັກໂນໂລຊີ ແລະ ການທ່ອງທ່ຽວຍັງໄດ້ຮັບຄວາມກ້າວໜ້າຫຼາຍຢ່າງ. ບັນດາເຫດການຄື ວັນ ຫວຽດນາມ ຢູ່ບຣາຊິນ 2024 ແລະ ພິທີເປີດສະຫຼອງປ້າຍເຊີດຊູທ່ານປະທານ ໂຮ່ຈີມິນ ເນື່ອງໃນໂອກາດທີ່ທ່ານນາຍົກລັດຖະມົນຕີ ໄປປະຕິບັດງານຢູ່ ບຣາຊິນ ບໍ່ພຽງແຕ່ໂຄສະນາພາບພົດຂອງຫວຽດນາມ ເທົ່ານັ້ນ ຫາກຍັງປະກອບສ່ວນເຮັດໃຫ້ນ້ຳໃຈຕະພາບລະຫວ່າງ 2 ປະເທດເລີກເຊິ່ງກວ່າອີກ.
ປະຈຸບັນ, ປະຊາຄົມຊາວຫວຽດນາມ ອາໄສຢູ່ຕ່າງປະເທດສືບຕໍ່ພັດທະນາກ່ຽວກັບປະລິມານ, ເປີດກວ້າງດ້ານບໍລິເວນ, ມີຄວາມຫຼາກຫຼາຍດ້ານອົງປະກອບ. ດ້ວຍພໍ່ແມ່ປະຊາຊົນຫວຽດນາມຢູ່ຕ່າງປະເທດ 6 ລ້ານຄົນ ແລະ ແຫຼ່ງແລກປ່ຽນເງິນຕາຕ່າງປະເທດບັນລຸໄດ້ປະມານ 16 ຕື້ USD ໃນປີ 2024 ແມ່ນແຫຼ່ງກຳລັງສຳຄັນທີ່ສຸດໃຫ້ແກ່ການພັດທະນາຂອງປະເທດຊາດ.
 |
| ທ່ານເອກອັກຄະລັດຖະທູດ ບຸ່ຍວັນຫງີ້ ແລະ ຄະນະປະຕິບັດງານຂອງສະຖານທູດໄດ້ໄປຢ້ຽມຢາມ ແລະ ມອບຂອງຂວັນໃຫ້ຄອບຄົວ ທ່ານສາດສະດາຈານ ຟານວັນເງີນ - ນັກວິທະຍາສາດປັນຍາຊົນທີ່ມີຊື່ສຽງໃນດ້ານມະຫາສະໝຸດວິທະຍາຂຶ້ນກັບ ນະຄອນ ມະຫາວິທະຍາໄລ São Paulo ຢູ່ ບຣາຊິນ. |
ທ່ານເອກອັກຄະລັດຖະທູດ ບຸ່ຍວັນຫງີ້ ເນັ້ນໜັກວ່າ ສະຖານທູດ ຍາມໃດກໍ່ຖືປະຊາຄົມຊາວຫວຽດນາມ ຢູ່ ບຣາຊິນ ແມ່ນພາກສ່ວນໜຶ່ງທີ່ຂາດບໍ່ໄດ້ຂອງປະຊາຄົມບັນດາເຜົ່າຫວຽດນາມ ແລະ ມີບົດບາດສຳຄັນເປັນຂົວເຊື່ອມຕໍ່ໃຫ້ແກ່ການພົວພັນ 2 ຝ່າຍ. ສະຖານທູດ ຈະສືບຕໍ່ເພີ່ມທະວີການສົມທົບກັບບັນດາອຳນາດການປົກຄອງປະເທດ ບຣາຊິນ ແລະ ບັນດາອົງການທີ່ກ່ຽວຂ້ອງຂອງ ບຣາຊິນ ແລະ ບັນດາອົງການທີ່ກ່ຽວຂ້ອງພາຍໃນ, ໜູນຊ່ວຍພໍ່ແມ່ປະຊາຊົນມີຊີວິດການເປັນຢູ່ທີ່ເປັນປົກກະຕິ, ພັດທະນາເສດຖະກິດ, ປະຕິບັດກົດໝາຍ ແລະ ເຊື່ອມໂຍງຄວາມສະດວກເຂົ້າກັບສັງຄົມຢູ່ປະເທດປະຈຳຖິ່ນ; ຍົກສູງວຽກງານປົກປ້ອງພົນລະເມືອງ ແລະ ກົງສຸນຢ່າງມີປະສິດທິຜົນ.
ຕາງໜ້າໃຫ້ພໍ່ແມ່ປະຊາຊົນວົງຄະນະຍາດຢູ່ທີ່ນີ້, ທ່ານ ເຈີ່ນວັນກວາງ - ຜູ້ຕາງໜ້າປະຊາຄົມຊາວຫວຽດນາມ ອາໄສຢູ່ ບຣາຊິນ ສະແດງຄວາມປິຕິຊົມຊື່ນເມື່ອໄດ້ເຫັນການພັດທະນາຂອງປະເທດຊາດຜ່ານຄລິບວີດີໂອ ເປັນຂີດໝາຍ 2024 - ໂດຍ VTV4 ປະຕິບັດ ແລະ ແບ່ງປັນໂດຍທ່ານເອກອັກຄະລັດຖະທູດ ບຸ່ຍວັນຫງີ້. ລຸງ ກວາງ ເນັ້ນໜັກວ່າ ເຖິງວ່າປະຊາຊົນຍັງປະສົບກັບຄວາມຫຍຸ້ງຍາກຫຼາຍດ້ານໃນການຫາລ້ຽງຊີບຢູ່ຕ່າງປະເທດກໍ່ຕາມ, ແຕ່ເຂົາເຈົ້າຍັງມີນ້ຳໃຈມຸ່ງໄປເຖິງປະເທດຊາດ ແລະ ປາດຖະໜາຢາກກັບຄືນເມືອບ້ານເກີດເມືອງນອນໂດຍໄວ.
ເນື່ອງໃນໂອກາດໄປປະຕິບັດງານຢູ່ນະຄອນ São Paulo (ແຕ່ວັນທີ 9 – 12 ມັງກອນ 2025), ທ່ານເອກອັກຄະລັດຖະທູດ ບຸ່ຍວັນຫງີ້ ພ້ອມກັບຄະນະປະຕິບັດງານຂອງສະຖານທູດ ໄດ້ໄປຢ້ຽມຢາມ, ຮັບຟັງ ແລະ ຊຸກຍູ້ບັນດາປະຊາຊົນວິສາຫະກິດຂະໜາດນ້ອຍຊາວຫວຽດນາມ ຢູ່ຕະຫຼາດນັດ Madrugada, ນະຄອນ São Paulo, ລັດ São Paulo ໄດ້ຖາມກ່ຽວກັບຄອບຄົວ, ຊີວິດຂອງຍາດພີ່ນ້ອງ.
ຄະນະປະຕິບັດງານຂອງສະຖານທູດໄດ້ລົງຢ້ຽມຢາມ, ຮັບຟັງ ແລະ ຊຸກຍູ້ບັນດາພໍ່ແມ່ປະຊາຊົນທີ່ເຮັດວິສາຫະກິດຂະໜາດນ້ອຍຊາວຫວຽດນາມ ຢູ່ຕະຫລາດນັດ Madrugada, ນະຄອນ São Paulo, ລັດ São Paulo.
ນອກຈາກນັ້ນ, ສະຖານທູດຍັງໄດ້ສົມທົບກັບຫ້ອງການການຄ້າຫວຽດນາມ ປະຈໍາ ບຣາຊິນ ກ່ຽວກັບແຜນການເຮັດວຽກໃນປີ 2025. ສະຖານທູດພ້ອມແລ້ວທີ່ຈະສົມທົບກັບກົມການຄ້າຈັດຕັ້ງງານວາງສະແດງເພື່ອແນະນໍາບັນດາຜະລິດຕະພັນຂອງຫວຽດນາມ ຢູ່ ບຣາຊິນ, ຍົກສູງຄຸນຄ່າຂອງຫວຽດນາມ ຍີ່ຫໍ້ ແລະ ສົ່ງເສີມການຄ້າລະຫວ່າງສອງປະເທດ. ເຫດການດັ່ງກ່າວບໍ່ພຽງແຕ່ສ້າງກາລະໂອກາດໃຫ້ວິສາຫະກິດຫວຽດນາມ ເຂົ້າເຖິງຕະຫຼາດ ບຣາຊິນ ເທົ່ານັ້ນ, ຫາກຍັງຊ່ວຍສ້າງພາບພົດຂອງບັນດາຜະລິດຕະພັນຂອງຫວຽດນາມ ໃນສາຍຕາຂອງຜູ້ບໍລິໂພກ ບຣາຊິນ, ຜ່ານນັ້ນ ກໍ່ປະກອບສ່ວນຊຸກຍູ້ການພົວພັນຮ່ວມມືດ້ານເສດຖະກິດ, ການຄ້າລະຫວ່າງ 2 ປະເທດນັບມື້ນັບຮັດແໜ້ນ.
ສະຖານທູດໄດ້ກະກຽມບັນດາຂອງຂວັນທີ່ເປັນເອກະລັກຫວຽດນາມ ເພື່ອຊ່ວຍໃຫ້ປະຊາຊົນລະນຶກເຖິງລົດຊາດຫວຽດນາມ ສ່ວນໃດໜຶ່ງ, ພິເສດແມ່ນຜູ້ທີ່ມີລູກດຳລົງຊີວິດຢູ່ຫ່າງໄກ.
 | ນາຍົກລັດຖະມົນຕີ ຟ້າມມິງຈິ້ງ ແລະພັນລະຍາ ໄປຢ້ຽມຢາມ ແລະເຮັດວຽກຢູ່ ບຣາຊິນ ແລະ ສາທາລະນະລັດ Dominica ຍສໝ - ທ່ານນາຍົກລັດຖະມົນຕີ ຟ້າມມິງຈິ້ງ ແລະ ພັນລະຍາ ພ້ອມກັບຄະນະຜູ້ແທນສຸດຍອດ ຫວຽດນາມ ເຂົ້າຮ່ວມກອງປະຊຸມຂັ້ນສູງ G20 ຢູ່ ບຣາຊິນ ແລະ ໄປຢ້ຽມຢາມ ສາທາລະນະລັດ Dominican ຢ່າງເປັນທາງການ. |
 | ຈັດຕັ້ງ “ວັນຫວຽດນາມ ຢູ່ຕ່າງປະເທດ 2024” ທີ່ ບຣາຊິນ ແລະຊາອຸດິ ອາຣາເບຍ ຍສໝ - ວັນທີ 6 ພະຈິກ, ທີ່ຮ່າໂນ້ຍ, ກະຊວງການຕ່າງປະເທດຫວຽດນາມ ໄດ້ຈັດຕັ້ງກອງປະຊຸມຂ່າວກ່ຽວກັບການຈັດລາຍການ “ວັນຫວຽດນາມ ຢູ່ຕ່າງປະເທດ 2024”. |
ແທັງຮັ່ງ
