ພິທີປະກາດມີການເຂົ້າຮ່ວມແບບທາງອອນລາຍຂອງທ່ານ ຟ້າມຫາຍແອງ, ກົງສຸນໃຫຍ່ ຫວຽດນາມ ປະຈຳ Perth, ຮັບຜິດຊອບລັດ ພາກຕາເວັນຕົກຂອງອົດສະຕຣາລີ ແລະ ເຂດດິນແດນ ພາກເໜືອຂອງອົດສະຕຣາລີ, ພ້ອມດ້ວຍຕາງໜ້າຂອງວິສາຫະກິດ ຫວຽດນາມ ຫຼາຍກວ່າ 34 ແຫ່ງ, ບັນດາສະມາຄົມ ແລະ ອົງການຈັດຕັ້ງສົ່ງເສີມການຄ້າທັງພາຍໃນ ແລະ ຕ່າງປະເທດ.
ກ່າວຄຳປາໄສແບບທາງອອນລາຍຢູ່ທີ່ພິທີປະກາດ, ທ່ານ ຟ້າມຫາຍແອງ, ກົງສຸນໃຫຍ່ ຫວຽດນາມ ປະຈຳ Perth ໄດ້ເນັ້ນໜັກວ່າ ວັນວັດທະນະທຳ ຫວຽດນາມ ຢູ່ Perth ໃນປີ 2026 – ສີສັນບ້ານເກີດເມືອງນອນ ແມ່ນການເຄື່ອນໄຫວຕົວຈິງ ທີ່ມຸ່ງໜ້າໄປສູ່ ວັນວັດທະນະທຳ ຫວຽດນາມ (24/11/2026). ດ້ວຍຄວາມຊຶມຊັບຕໍ່ຄຳສັ່ງສອນຂອງ ປະທານ ໂຮ່ຈີມິນ “ວັດທະນະທຳເຍືອງທາງໃຫ້ແກ່ປະຊາຊົນເດີນ”, ກົງສຸນໃຫຍ່ ຟ້າມຫາຍແອງ ຖືວ່າ ວັດທະນະທຳແມ່ນລູກກະແຈທີ່ເດີນທາງໄປກ່ອນ ເພື່ອເປີດບັນດາປະຕູແຫ່ງການຮ່ວມມື ແລະ ປະຕູທີ່ມຸ່ງໄປສູ່ຫົວໃຈຂອງປະຊາຊົນ, ວິສາຫະກິດ, ອຳນາດການປົກຄອງຢູ່ທຸກໆປະເທດ. ຈາກນັ້ນ, ທ່ານກົງສຸນໃຫຍ່ ກໍໄດ້ຮຽກຮ້ອງໃຫ້ບັນດາວິສາຫະກິດ, ອົງການຈັດຕັ້ງ, ບຸກຄົນ ຈົ່ງຕັ້ງໜ້າຕອບສະໜອງ, ສະໜັບສະໜູນ ແລະ ເຂົ້າຮ່ວມພາຍໃນເຫດການດັ່ງກ່າວ.
 |
| ທ່ານ ຟ້າມຫາຍແອງ, ກົງສຸນໃຫຍ່ ຫວຽດນາມ ປະຈຳ Perth ກ່າວຄຳປາໄສແບບທາງອອນລາຍຢູ່ທີ່ເຫດການ. (ພາບ: AVTN) |
ທ່ານນາງ Hannah ຮວຽນຫວູ, ປະທານເຄືອຂ່າຍພອນສະຫວັນ ຫວຽດນາມ - ອົດສະຕຣາລີ (AVTN) ໄດ້ແບ່ງປັນວ່າ: "Vietnamese Culture Day ແມ່ນບໍ່ພຽງແຕ່ເປັນເຫດການວັດທະນະທຳເທົ່ານັ້ນ, ແຕ່ຍັງແມ່ນເນື້ອທີ່ແຫ່ງການເຊື່ອມຕໍ່ຊຸມຊົນ, ເຊື່ອມຕໍ່ບັນດາຮຸ່ນຄົນ ຫວຽດນາມ ຢູ່ຕ່າງປະເທດກັບບ້ານເກີດເມືອງນອນ, ໃນຂະນະດຽວກັນກໍສ້າງບັນດາຂົວຕໍ່ການຮ່ວມມືອັນຍືນຍົງລະຫວ່າງ ຫວຽດນາມ ແລະ ອົດສະຕຣາລີ ຢູ່ເທິງບັນດາຂົງເຂດວັດທະນະທຳ, ການສຶກສາ, ເສດຖະກິດ ແລະ ນະວັດຕະກຳ".
ເຫດການໃນປີນີ້ແມ່ນມີຫົວຂໍ້ "Viet Nam in Full Colour" – ເພື່ອເຊີດຊູຄວາມຮຸ່ງເຮືອງສີວິໄລ, ຫຼາກຫຼາຍສີສັນຂອງວັດທະນະທຳ ຫວຽດນາມ ຢູ່ທ່າມກາງປະເທດອົດສະຕຣາລີ, ມຸ່ງໜ້າໄປສູ່ຂະໜາດທີ່ມີຜູ້ເຂົ້າຮ່ວມຫຼາຍກວ່າ 5.000 ເທື່ອຄົນ, ດ້ວຍສາມຈຸດເດັ່ນຕົ້ນຕໍ ຄື: ສີສັນວັດທະນະທຳ ດ້ວຍເວທີສິລະປະທີ່ປະສົມປະສານລະຫວ່າງມູນເຊື້ອ ແລະ ທັນສະໄໝ, ການສະແດງຊຸດເຊື້ອຍາວ, ການຟ້ອນສິງໂຕ ແລະ ດົນຕີຮ່ວມສະໄໝ; ສີສັນອາຫານການກິນ ດ້ວຍບັນດາຮ້ານຂາຍເຄື່ອງອາຫານພິເສດ ແລະ ເຍື່ອງອາຫານມູນເຊື້ອ 3 ພາກ; ແລະ ສີສັນການເຊື່ອມຕໍ່ ດ້ວຍເຂດວາງສະແດງວິສາຫະກິດ ຫວຽດນາມ - ອົດສະຕຣาລີ, ບັນດາການເຄື່ອນໄຫວແລກປ່ຽນການຄ້າ ແລະ ການແລກປ່ຽນຊຸມຊົນຫຼາກຫຼາຍວັດທະນະທຳ.
 |
| ບັນດາຜູ້ແທນເຂົ້າຮ່ວມໂຄງການ. (ພາບ: AVTN) |
ນີ້ແມ່ນຄັ້ງທີສອງ ທີ່ເຫດການວັດທະນະທຳຂະໜາດໃຫຍ່ຂອງ ຫວຽດນາມ ໄດ້ຖືກຈັດຂຶ້ນຢູ່ໃຈກາງເມືອງ Perth, ຖະໜົນຄົນຍ່າງ Forrest Place ພາຍຫຼັງຄວາມສຳເລັດຂອງເຫດການຊຸມຊົນໃນປີ 2025. ການກັບຄືນມາສູ່ສະຖານທີ່ອັນເປັນສັນຍະລັກຢູ່ໃຈກາງເມືອງ Perth ໄດ້ສະແດງໃຫ້ເຫັນເຖິງຄວາມເຊື່ອໝັ້ນຂອງອຳນາດການປົກຄອງ ແລະ ຊຸມຊົນ ຕໍ່ກັບຄຸນນະພາບ ແລະ ຂະໜາດຂອງເຫດການ.
ເຫດການດັ່ງກ່າວ ສືບຕໍ່ຢັ້ງຢືນເຖິງບົດບາດອັນນັບມື້ນັບມີຄວາມສຳຄັນ ຂອງຊຸມຊົນຄົນ ຫວຽດນາມ ຢູ່ຕ່າງປະເທດ ພາຍໃນການໂຄສະນາພາບພົດຂອງປະເທດຊາດ, ຊຸກຍູ້ການຮ່ວມມືທາງດ້ານເສດຖະກິດ ແລະ ກະຈາຍບັນດາຄຸນຄ່າວັດທະນະທຳ ຫວຽດນາມ ອອກສູ່ໂລກ. ໂດຍຜ່ານ Vietnamese Culture Day 2026, ຄະນະຈັດຕັ້ງມີຄວາມມຸ່ງຫວັງວ່າ ຈະປະກອບສ່ວນຕົວຈິງເຂົ້າໃນການຮັດແໜ້ນສາຍພົວພັນ ຄູ່ຮ່ວມມືຍຸດທະສາດຮອບດ້ານ ຫວຽດນາມ – ອົດສະຕຣາລີ, ໃນຂະນະດຽວກັນກໍເສີມຂະຫຍາຍແຫຼ່ງພະລັງງານຂອງຊຸມຊົນຄົນ ຫວຽດນາມ ຢູ່ ອົດສະຕຣາລີ ພາຍໃນວິວັດທະນາການກໍ່ສ້າງບັນດາຂົວຕໍ່ອັນຍືນຍົງລະຫວ່າງສອງປະເທດ.
 | ເພີ່ມທະວີການຮ່ວມມືທາງດ້ານເສດຖະກິດ, ເຊື່ອມຕໍ່ວິສາຫະກິດ ລະຫວ່າງ ຫວຽດນາມ ແລະ Kyushu ຍສໝ - ວັນທີ 3 ກໍລະກົດ 2026, ຢູ່ທີ່ສຳນັກງານສະຫະພັນເສດຖະກິດ Kyukeiren, ທ່ານນາງ ຈິ້ງທິມາຍເຟືອງ ທ່ານກົງສຸນໃຫຍ່ ຫວຽດນາມ ປະຈຳ Fukuoka (ປະເທດຍີ່ປຸ່ນ) ໄດ້ມີພິທີເຮັດວຽກຮ່ວມກັບ ທ່ານ Kazuhiro Ikebe ປະທານ Kyukeiren ແນໃສ່ແລກປ່ຽນບັນດາທິດທາງເພີ່ມທະວີການຮ່ວມມືທາງດ້ານເສດຖະກິດ, ການລົງທຶນ ແລະ ເຊື່ອມຕໍ່ວິສາຫະກິດ ... |
 | ຊຸກຍູ້ການຮ່ວມມືທາງດ້ານວັດທະນະທຳ ເພີ່ມທະວີການຜູກພັນລະຫວ່າງປະຊາຊົນ ຫວຽດນາມ - ເຢຍລະມັນ ຍສໝ - ວັນທີ 3 ກໍລະກົດ 2026 ຢູ່ທີ່ ສຳນັກງານກະຊວງວັດທະນະທຳ, ກິລາ ແລະ ການທ່ອງທ່ຽວ, ທ່ານ ຕ້າກວາງດົງ ລັດຖະມົນຕີຊ່ວຍວ່າການກະຊວງວັດທະນະທຳ, ກิລາ ແລະ ການທ່ອງທ່ຽວ ໄດ້ຕ້ອນຮັບ ແລະ ເຮັດວຽກຮ່ວມກັບ ຄະນະຜູ້ແທນລັດ Hessen (ປະເທດເຢຍລະມັນ) ໂດຍແມ່ນທ່ານ Kambiz ... |
