| ຈຳໜ່າຍຊຸດສະແຕມ “ງານມະຫາກຳກິລາອາຊີຕາເວັນອອກສ່ຽງໃຕ້ ຄັ້ງທີ 31 – SEA Games 31” | |
| ຈຳໜ່າຍາສະແຕມທີ່ມີກິ່ນກາເຟ |
ຊຸດສະແຕມໄດ້ຮັບການອອກແບບໂດຍນັກສິລະປິນ ຫງວຽນກວາງວິງ ເຊິ່ງມີຂະໜາດສະແຕມ 37 x 37 ມມ. ກັບສະແຕມມີຂະຫນາດ 80 x 80 ມມ.
ຮູບສັນຍະລັກ ປາໄນກາຍເປັນມັງກອນ ໂດຍຜູ້ອອກແບບໄດ້ພິມ ແລະ ປະສົມປະສານຢູ່ໃນພື້ນຖານສະແຕມ ເປັນສັນຍະລັກແຫ່ງຄວາມພະຍາຍາມ, ຄວາມໂຊກດີ ແລະ ຄວາມສໍາເລັດ. ປາໄນກາຍເປັນມັງກອນ ຍັງສະແດງເຖິງຄວາມເກັ່ງກ້າສາມາດ, ຄຸນນະພາບທີ່ພິເສດ, ຄວາມອົດທົນຕ້ານທານ, ການເສຍສະຫຼະ ແລະ ຄວາມພ້ອມທີ່ຈະປະເຊີນກັບຄວາມຫຍຸ້ງຍາກ ແລະ ສິ່ງທ້າທາຍ ເພື່ອບັນລຸຄວາມຝັນຂອງການກາຍເປັນມັງກອນ. ຮູບພາບສະແດງໃຫ້ເຫັນການປ່ຽນແປງຢ່າງເຂັ້ມແຂງຂອງປະເທດຊາດໃນຍຸກໃໝ່, ສອດຄ່ອງກັບການພັດທະນາຂອງໂລກ ເພື່ອບັນລຸຄວາມໄຝ່ຝັນຂອງ ຫວຽດນາມ ທີ່ຈະກາຍເປັນປະເທດທີ່ພັດທະນາຈະເລີນຮຸ່ງເຮືອງ ແລະ ກາຍເປັນມັງກອນ ອາຊີ ຂອງ ຫວຽດນາມ.
ໂດດເດັ່ນໃນພື້ນຫຼັງສະແຕມສີຟ້າ ແລະ ສີບົວ ແມ່ນຮູບມັງກອນທອງທີ່ບິນຂຶ້ນ (ທັງລອງ) ແລະ ລົງມາ (ຮະລອງ). ນີ້ແມ່ນສັນຍະລັກຂອງ 2 ມໍລະດົກໂລກຂອງຫວຽດນາມ ທີ່ຕ້ອງໄດ້ຮັບການອະນຸລັກຮັກສາຄື: ກຳແພງພະລາຊະວັງທັງລອງ ແລະ ອ່າວຮະລອງ.
 |
| ສະແຕມ “ບຸນເຕັດປີມະໂລງ” |
ຕາມນັກສິລະປິນ ຫງວຽນກວາງວິງ ແລ້ວ, ແບບສະແຕມ “ບຸນເຕັດປີມະໂລງ” ໄດ້ສະແດງໃຫ້ເຫັນຄອບຄົວມັງກອນບິນຂຶ້ນພ້ອມກັບກ້ອນເມກ ເຊິ່ງໝາຍເຖິງສັນຕິພາບ ແລະ ຄວາມໂຊກດີຂອງບັນດາຄອບຄົວຊາວຫວຽດນາມ ໃນວັນບຸນເຕັດລະດູບານໃໝ່ວຽນມາ. ຮູບພາບ ມັງກອນ 9 ໂຕ ສະແດງໃຫ້ເຫັນເຖິງແມ່ນໍ້າຂອງ 9 ສາຂາທີ່ໄຫຼອອກສູ່ 9 ປະຕູປາກທະເລ ເຊິ່ງນຳເອົາຄວາມຈະເລີນຮຸ່ງເຮືອງມາໃຫ້ແກ່ເສດຖະກິດກະສິກໍາຂອງພາກຕາເວັນຕົກສຽງໃຕ້.
ພາບມັງກອນ ຍາມໃດກໍ່ມີທີ່ຕັ້ງທີ່ພິເສດທາງດ້ານວັດທະນະທຳ, ຄວາມເຊື່ອຂອງປະຊາຊົນ ຫວຽດນາມ, ຕິດພັນກັບດິນຟ້າອາກາດທີ່ເອື້ອອຳນວຍ, ຄວາມອຸດົມສົມບູນຂອງທີ່ດິນ. ມັງກອນເປັນທັງສັນຍະລັກອັນສັກສິດທີ່ຕິດພັນກັບນິທານຂອງມັງກອນ ແລະ ລູກຫລານຂອງເທວະດາ, ທັງເປັນສັດທີ່ສັກສິດທີ່ສຸດໃນສັດທີ່ສັກສິດ 4 ປະເພດ “ມັງກອນ-ກິເລນ-ເຕົ່າ-ຫົງຄຳ”.
ຊຸດສະແຕມຮູບມັງກອນໄດ້ຮັບການຕ້ອນຮັບເປັນທີ່ສຸດຈາກນັກສະສົມສະແຕມ ເພາະວ່ານອກຈາກສະແຕມຂອງປີແລ້ວ, ນັກສະສົມສະແຕມຍັງໄດ້ເກັບກຳຮີດຄອງປະເພນີຂອງຊາວ ຫວຽດນາມ ຕື່ມອີກ. ນີ້ແມ່ນຊ່ອງທາງເພື່ອໂຄສະນາມໍລະດົກໂລກຂອງ ຫວຽດນາມ ໃຫ້ປະຊາຄົມໄປສະນີ ແລະ ນັກເກັບສະສົມແຕມສາກົນ.
ຊຸດສະແຕມ “ບຸນເຕັດປີມະໂລງ ” ມີໄລຍະສະໜອງໃນເຄືອຂ່າຍ 18 ເດືອນ, ແຕ່ເດືອນມັງກອນ 2024 ຫາທ້າຍເດືອນມິຖຸນາ 2025.
ມິງດຶກ
