 | ຫວຽດນາມ ປາດຖະໜາຢາກໃຫ້ບັນດານັກລົງທຶນ ອາເມລິກາ ເຂົ້າຮ່ວມບັນດາໂຄງການພື້ນຖານໂຄງລ່າງໃຫຍ່ |
| “ຫຼັກໝາຍ” ຂອງສາຍພົວພັນມິດຕະພາບແບບພິເສດຫວຽດນາມ - ລາວ |
ທ່ານ ປະທານປະເທດ ເລືອງເກື່ອງ ເນັ້ນໜັກວ່າ ການໄປຢ້ຽມຢາມຂອງທ່ານລັດຖະມົນຕີ Robert Dussey ແລະ ຄະນະຜູ້ແທນ ໂຕໂກ ແມ່ນມີຄວາມໝາຍສຳຄັນ, ປະກອບສ່ວນຊຸກຍູ້ການພົວພັນມິດຕະພາບ ແລະ ການຮ່ວມມືຫຼາຍດ້ານລະຫວ່າງ 2 ປະເທດ, ພິເສດແມ່ນໃນສະພາບການ ຫວຽດນາມ ແລະ ໂຕໂກ ພວມມຸງໄປເຖິງສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ (8 ກຸມພາ 1975 – 8 ກຸມພາ 2025).
 |
| ທ່ານ ປະທານປະເທດ ຫວຽດນາມ ເລືອງເກື່ອງ ໄດ້ຕ້ອນຮັບທ່ານ ລັດຖະມົນຕີກະຊວງການຕ່າງປະເທດ, ເຊື່ອມໂຍງກັບພາກພື້ນ ແລະ ປະຊາຊົນອາໄສຢູ່ຕ່າງປະເທດ ສ.ໂຕໂກ |
ໂດຍຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກເຮັດໃຫ້ການພົວພັນຮ່ວມມືກັບເພື່ອນມິດອາຟຼິກາເລິກເຊິ່ງກ່ວາອີກ, ໃນນັ້ນມີສາທາລະນະລັດ ໂຕໂກ, ທ່ານປະທານປະເທດ ໃຫ້ຮູ້ວ່າ 50 ປີຜ່ານມາໄດ້ເປັນຫຼັກຖານພະຍານບັນດາບ້າດກ້າວຢ່າງຕັ້ງໜ້າໃນການພົວພັນລະຫວ່າງສອງປະເທດ ແຕ່ຍັງຢູ່ໃນລະດັບບໍ່ທັນດີປານໃດ, ບໍ່ສົມຄູ່ກັບກຳລັງບົ່ມຊ້ອນຂອງແຕ່ລະປະເທດ.
ທ່ານ ປະທານປະເທດ ເນັ້ນໜັກວ່າ 2 ປະເທດຕ້ອງກຳນົດເສດຖະກິດເປັນຂົງເຂດບຸລິມະສິດຂອງການຮ່ວມມື; ເພີ່ມທະວີການແລກປ່ຽນກາລະໂອກາດຊຸກຍູ້ການຮ່ວມມືໃນຂົງເຂດການຄ້າ, ການລົງທຶນ, ກະສິກຳ, ບໍ່ແຮ່, ໂທລະຄົມ,...
ກ່ຽວກັບການລົງທຶນ, ໂດຍອີງໃສ່ພື້ນຖານຜົນສຳເລັດຂອງບັນດາໂຄງການລົງທຶນຕ່າງປະເທດຂອງວິສາຫະກິດຫວຽດນາມ ຄືກຸ່ມບໍລິສັດອຸດສາຫະກຳ - ໂທລະຄົມ ກອງທັບ (Viettel), ກຸ່ມບໍລິສັດພະລັງງານແຫ່ງຊາດ ຫວຽດນາມ, ທ່ານປະທານປະເທດ ສະເໜີໃຫ້ ໂຕໂກ ແຈ້ງຂໍ້ມູນກ່ຽວກັບກາລະໂອກາດລົງທຶນ ແລະ ບັນດານະໂຍບາຍບຸລິມະສິດໃຫ້ບັນດາວິສາຫະກິດ ຫວຽດນາມ ຄົ້ນຄ້ວາລົງທຶນຢູ່ ໂຕໂກ.
ກ່ຽວກັບການຮ່ວມມືດ້ານກະສິກຳ, ດ້ວຍປະສົບການໃນການຜັນຂະຫຍາຍຫຼາຍໂຄງການຮ່ວມມືສາມຝ່າຍຢູ່ອາຟຼິກາ, ໃນນັ້ນມີ ໂຕໂກ ແລະ ໃນຖານະເປັນປະເທດສົ່ງອອກກະສິກຳແຖວໜ້າຂອງໂລກ, ຫວຽດນາມ ພ້ອມແລ້ວທີ່ຈະຮ່ວມມືກັບ ໂຕໂກ ເພື່ອຜັນຂະຫຍາຍບັນດາໂຄງການຮ່ວມມືກ່ຽວກັບການແບ່ງປັນປະສົບການ, ຖ່າຍທອດເຕັກໂນໂລຢີ, ສະຫນອງຜູ້ຊ່ຽວຊານດ້ານກະສິກໍາ.
ທ່ານ ລັດຖະມົນຕີ Robert Dussey ໄດ້ສະແດງຄວາມຂອບອົກຂອບໃຈຢ່າງຈິງໃຈມາຍັງທ່ານ ປະທານປະເທດ, ລັດຖະບານ ແລະ ປະຊາຊົນ ຫວຽດນາມ ທີ່ໄດ້ຕ້ອນຮັບຢ່າງອົບອຸ່ນ ແລະ ໃກ້ຊິດສະໜິດສະໜົມ; ສົ່ງຄຳຢື້ຢາມ, ອວຍພອນປີໃໝ່ 2025 ຢ່າງເຄົາລົບຈິງໃຈ ແລະ ຝາກຄຳເຊີນຂອງທ່ານ ປະທານາທິບໍດີ ໂຕໂກ Faure Essozimna Gnassingbe ເຖິງທ່ານປະທານປະເທດ ເລືອງເກື່ອງ ໄປຢ້ຽມຢາມ Togo ໃນເວລາທີ່ເໝາະສົມ.
 | ຍສໝ - ຄະນະຜູ້ແທນພະນັກງານ ແລະ ສະມາຊິກສະມາຄົມມິດຕະພາບຫວຽດນາມ - ລາວ ແຂວງເລີ່ມດົງ ໂດຍທ່ານ ຫງວຽນບານ, ປະທານສະມາຄົມ ເປັນຫົວໜ້າຄະນະ ໄດ້ມາຢ້ຽມຢາມ ແລະ ເຮັດວຽກຢູ່ບັນດາທ້ອງຖິ່ນ ແຮກສ່ຽວຂອງປະເທດລາວ ແຕ່ວັນທີ 26 ພຶດສະພາ ຫາວັນທີ 2 ມິຖຸນາ. |
 | ຍສໝ - ປະຊາຊົນສອງປະເທດ ແມ່ນປັດໄຈຢ່າງໝັ້ນແກ່ນຂອງສາຍພົວພັນມິດຕະພາບທີ່ເປັນມູນເຊື້ອອັນຍາວນານ, ໝັ້ນແກ່ນ ແລະ ສາຍພົວພັນມິດແບບພິເສດລະຫວ່າງ ຫວຽດນາມ - ລັດເຊຍ |
ມີງດຶກ
