ຕາມແຈ້ງການຂອງກະຊ່ວງການຕ່າງປະເທດ, ທ່ານປະທານາທິບໍດີລັດເຊຍ Vladimir Putin ເດີນທາງມາຢ້ຽມຢາມທາງລັດໄປຍັງ ຫວຽດນາມ ໃນວັນທີ 19 ແລະ 20 ມິຖຸນານີ້. ການຢ້ຽມຢາມ ໄດ້ດຳເນີນໄປຕາມຄຳເຊີນຂອງທ່ານເລຂາທິການໃຫຍ່ ຫງວຽນຝູຈ້ອງ.
ໂດຍແບ່ງປັນກັບສື່ມວນຊົນກ່ຽວກັບການຢ້ຽມຢາມ, ທ່ານປະທານສະຫະພັນບັນດາອົງການມິດຕະພາບ ຫວຽດນາມ (VUFO) ຟານແອງເຊີນ ກ່າວວ່າ ການພົວພັນ ຫວຽດນາມ - ລັດເຊຍ ໄດ້ສືບທອດຈາກສາຍພົວພັນມິດຕະພາບ ຫວຽດນາມ - ໂຊວຽດ ທີ່ໄດ້ຮັບການສ້າງຕັ້ງຂຶ້ນໃນປີ 1950. ໃນເວລານັ້ນ, ສະຫະພາບໂຊວຽດແມ່ນໜຶ່ງໃນບັນດາປະເທດທຳອິດທີ່ໄດ້ຮັບຮູ້ ແລະ ສ້າງຕັ້ງການພົວພັນທາງການທູດກັບ ຫວຽດນາມ ຢ່າງເປັນທາງການ.
ໃນປີ 2024, ສອງປະເທດສະເຫຼີມສະຫຼອງ 74 ປີແຫ່ງວັນສ້າງຕັ້ງການພົວພັນທາງການທູດ (1950 – 2024) ແລະ 30 ປີແຫ່ງວັນລົງນາມໃນສົນທິສັນຍາກ່ຽວກັບບັນດາຫຼັກການພື້ນຖານໃນການພົວພັນມິດຕະພາບຫວຽດນາມ - ລັດເຊຍ (1994 – 2024), 12 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດຮອບດ້ານ (2012 - 2024).
ຕາມທ່ານ ຟານແອງເຊີນ ແລ້ວ, 70 ປີຜ່ານມາ, 2 ປະເທດບັນລຸໄດ້ບັນດາໝາກຜົນຫຼາຍຢ່າງໃນການຮ່ວມມືຈາກດ້ານການເມືອງ, ການຕ່າງປະເທດ, ການປ້ອງກັນຊາດ, ປ້ອງກັນຄວາມສະຫງົບ, ເສດຖະກິດ, ການຄ້າ, ການລົງທຶນຕະຫຼອດຮອດວິທະຍາສາດເຕັກໂນໂລຢີ, ການສຶກສາ ແລະ ພິເສດແມ່ນການທູດປະຊາຊົນ.
 |
| ການພົບປະແລກປ່ຽນປະຊາຊົນແມ່ນຈຸດທີ່ສະຫວ່າງ ເພື່ອຊ່ວຍຕິດພັນການພົວພັນມິດຕະພາບລະຫວ່າງ ຫວຽດນາມ ແລະ ລັດເຊຍ. (ພາບ: VUFO) |
ພື້ນຖານຢ່າງໝັ້ນແກ່ນໃຫ້ແກ່ການພົວພັນ ຫວຽດນາມ - ລັດເຊຍ
ຕາມທ່ານ ຟານແອງເຊີນ ແລ້ວ, ການພົວພັນ ຫວຽດນາມ - ລັດເຊຍ ໄດ້ຮັບການທົດສອບໃນໄລຍະຜ່ານມາ ແລະ ໄດ້ຮັບການເພີ່ມພູນຄູນສ້າງ, ປັບປຸງຢ່າງບໍ່ຢຸດຢັ້ງ ຈາກບັນດາລຸ້ນຄົນ, ປະຊາຊົນທຸກຊັ້ນ ແລະ ໄດ້ສະແດງຢ່າງຈະແຈ້ງ ໂດຍຜ່ານການມີຄະນະຜູ້ແທນຂັ້ນສູງຂອງສອງປະເທດຫຼາຍແຫ່ງມາຢ້ຽມຢາມເຊິ່ງກັນ ແລະ ກັນໃນ 5 ປີທີ່ຜ່ານມາ. ນີ້ແມ່ນຫຼັກຖານພະຍານທີ່ຈະແຈ້ງທີ່ສຸດກ່ຽວກັບການພັດທະນາການພົວພັນລະຫວ່າງສອງປະເທດ.
ທ່ານ ຟານແອງເຊີນ ຍັງເນັ້ນໜັກວ່າ ການທູດປະຊາຊົນ ແມ່ນໜຶ່ງໃນ 3 ເສົາຄ້ຳຂອງພື້ນຖານການທູດ ຫວຽດນາມ. ປະຊາຊົນສອງປະເທດແມ່ນປັດໄຈທີ່ໝັ້ນແກ່ນຂອງສາຍພົວພັນມິດຕະພາບທີ່ເປັນມູນເຊື້ອອັນຍາວນານ, ມີຄວາມໝັ້ນແກ່ນ ແລະ ສາຍພົວພັນມິດແບບພິເສດລະຫວ່າງ ຫວຽດນາມ - ລັດເຊຍ.
 |
| ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ. |
ໃນການພົບປະແລກປ່ຽນປະຊາຊົນ, ຫວຽດນາມ ແລະ ລັດເຊຍ ໄດ້ສົມທົບກັນ ເພື່ອຈັດຕັ້ງບັນດາການເຄື່ອນໄຫວສະເຫຼີມສະຫຼອງເນື່ອງໃນໂອກາດວັນຊາດ ແລະ ວັນສະເຫຼີມສະຫຼອງຕ່າງໆຂອງ 2 ປະເທດ, ການສຳມະນາ, ພິມຈຳໜ່າຍປື້ມ ແລະ ແປປື້ມ, ແລກປ່ຽນຄະນະຜູ້ແທນ...
ປະຈຸບັນ, ມີປະມານ 20 ຄູ່ສາຍພົວພັນລະຫວ່າງບັນດາທ້ອງຖິ່ນຂອງສອງປະເທດໄດ້ຮັບການສ້າງຕັ້ງຂຶ້ນ, ພິເສດແມ່ນລະຫວ່າງ ຮ່າໂນ້ຍ, ນະຄອນໂຮ່ຈິມິນ, ຫາຍຟ່ອງ, ເທື່ອທຽນເຫ້ວ, ນິງບິ່ງ ແລະ Moskva, Saint-Petersburg…
ບັນດາອົງການຂຶ້ນກັບສະຫະພັນບັນດາອົງການມິດຕະພາບຫວຽດນາມ ກໍ່ສົມທົບກັບບັນດາຄູ່ຮ່ວມມືຂອງລັດເຊຍ, ພິເສດແມ່ນສະມາຄົມມິດຕະພາບ ຫວຽດນາມ - ລັດເຊຍ ໄດ້ແນະນຳໃຫ້ຄະນະຜູ້ແທນຂອງທ້ອງຖິ່ນ ຫວຽດນາມ ມາເຮັດວຽກ, ຊອກຫາ, ເປີດກວ້າງການຮ່ວມມືກັບວິສາຫະກິດ ລັດເຊຍ.
ກ່ຽວກັບການສຶກສາ, ຢູ່ຮ່າໂນ້ຍ ມີສູນວິທະຍາສາດ ແລະ ວັດທະນະທຳ ລັດເຊຍ, ເຊິ່ງແຕ່ລະປີສະໜອງທຶນການສຶກສາປະມານ 1.000 ພູດໃຫ້ ຫວຽດນາມ. ສະມາຄົມມິດຕະພາບ ຫວຽດນາມ - ລັດເຊຍ ໄດ້ລົງນາມກັບມະຫາວິທະຍາໄລສ້າງຄູແຫ່ງຊາດ Herzen ເພື່ອຊຸກຍູ້ການພົວພັນແລກປ່ຽນປະຊາຊົນ, ເຜີຍແຜ່ ແລະ ໂຄສະນາວັດທະນະທໍາ, ພາສາລັດເຊຍ ຢູ່ ຫວຽດນາມ ແລະ ພາສາຫວຽດນາມ, ວັດທະນະທໍາຫວຽດນາມ ຢູ່ ລັດເຊຍ.
“ພວກຂ້າພະເຈົ້າກຳນົດວ່າ ໃນການພົວພັນລະຫວ່າງ ຫວຽດນາມ - ສະຫະພັນລັດເຊຍ, ດ້ວຍຄວາມຮັບຜິດຊອບຂອງບັນດາຜູ້ເຮັດວຽກງານການທູດປະຊາຊົນ, ນອກຈາກການສືບຕໍ່ປັບປຸງການພົວພັນນັ້ນ ແມ່ນຍັງເຮັດໃຫ້ການພົວພັນກັບບັນດາຄູ່ຮ່ວມມືອື່ນໆຂອງລັດເຊຍເລິກເຊິ່ງ, ເປີດກ້ວາງກ່ວາອີກ”, ທ່ານ ຟານແອງເຊີນ ເນັ້ນໜັກ.
ທ່ານໃຫ້ຮູ້ວ່າ ເປັນຄັ້ງທຳອິດທີ່ສະຫະພັນບັນດາອົງການມິດຕະພາບຫວຽດນາມ ພ້ອມກັນກັບບັນດາຄູ່ຮ່ວມມືລັດເຊຍ ຈະຈັດຕັ້ງເວທີປາໄສປະຊາຊົນ ຫວຽດນາມ - ສະຫະພັນລັດເຊຍ ຄັ້ງທຳອິດໃນປີ 2025 ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດລະຫວ່າງສອງປະເທດ. ຫຼັງຈາກນັ້ນ, ເວທີປາໄສຈະຈັດຂຶ້ນປະຈຳປີຢູ່ຫວຽດນາມ ຫຼື ລັດເຊຍ.
“ຮັກສາ” ໃຫ້ແກ່ລຸ້ນໜຸ່ມຂອງສອງປະເທດ
ທວນຄືນບັນດາຂີດໝາຍໃນການພົວພັນປະຊາຊົນລະຫວ່າງ 2 ປະເທດ, ທ່ານ ຫງວຽນດັງຟາດ, ຮອງປະທານສະມາຄົມມິດຕະພາບ ຫວຽດນາມ - ສະຫະພັນລັດເຊຍ ຢືນຢັນວ່າ ປະຊາຊົນ ຫວຽດນາມ ຍາມໃດກໍ່ຮູ້ບຸນຄຸນ, “ເຕັມໄປດ້ວຍມິດຈິດມິດໃຈ, ຮັກແພງກັນ” ກັບການຊ່ວຍເຫຼືອຂອງປະຊາຊົນ ໂຊວຽດ ໃນການຕໍ່ສູ້ເພື່ອເອກະລາດແຫ່ງຊາດ ແລະ ການສ້າງສາ, ປົກປັກຮັກສາປະເທດຊາດ.
ອະດີດສະຫະພາບໂຊວຽດ ແລະ ລັດເຊຍ ໃນປະຈຸບັນ, ໄດ້ຝຶກອົບຮົມໃຫ້ຫວຽດນາມ ໃນຫຼັກສູດລະດັບປະລິນຍາຕີ ແລະ ຫຼັງມະຫາ ປະມານ 40.000 ຄົນ, ຜູ້ແຮງງານຊຳນານງານໃນຫຼາຍຂົງເຂດ ປະມານ 100.000 ຄົນ. ພວກເຂົາກໍແມ່ນເຊືອກຜູກຄວາມຮັກແພງລະຫວ່າງ ຫວຽດນາມ ແລະ ລັດເຊຍ.
ສືບຕໍ່ບັນດາຄວາມຮັກແພງນັ້ນ, VUFO, ສະມາຄົມມິດຕະພາບຫວຽດນາມ - ລັດເຊຍ (ຢູ່ຫວຽດນາມ), ສະມາຄົມມິດຕະພາບລັດເຊຍ - ຫວຽດນາມ (ຢູ່ສະຫະພັນລັດເຊຍ), ພ້ອມກັນກັບຫຼາຍອົງການ, ອົງການຈັດຕັ້ງ, ແຂວງ, ນະຄອນລະຫວ່າງ 2 ຝ່າຍກໍ່ໄດ້ມີການຮ່ວມມືຢ່າງແທດຈິງ.
ຕາມທ່ານ ຟ໋າດ, ແລ້ວ, ສະມາຄົມມິດຕະພາບ ຫວຽດນາມ - ລັດເຊຍ ບໍ່ພຽງແຕ່ແມ່ນບ່ອນເຊື່ອມຕໍ່ປະຊາຊົນດ້ວຍຄວາມຮັກແພງອັນເລິກເຊິ່ງຕໍ່ອະດີດສະຫະພາບ ໂຊວຽດ ແລະ ລັດເຊຍ ປະຈຸບັນເທົ່ານັ້ນ, ຫາກຍັງປາດຖະໜາຢາກຕິດພັນ, ຖ່າຍທອດອາລົມຈິດອັນລ້ຳຄ່ານັ້ນໃຫ້ແກ່ຄົນລຸ້ນໜຸ່ມ ໂດຍຜ່ານຫຼາຍການເຄື່ອນໄຫວຢ່າງແທດຈິງ.
 |
| ພິທີມອບລາງວັນຂອງການແຂ່ງຂັນ “ນ້ອງແຕ້ມຫວຽດນາມ - ນ້ອງແຕ້ມລັດເຊຍ” ຄັ້ງທີ 7 ໃນວັນທີ 26 ທັນວາ, ຢູ່ຮ່າໂນ້ຍ. |
ຈຸດພົ້ນເດັ່ນແມ່ນການແຂ່ງຂັນແຕ້ມຮູບສຳລັບເດັກນ້ອຍສາກົນປະຈຳປີ “ນ້ອງແຕ້ມຫວຽດນາມ - ນ້ອງແຕ້ມລັດເຊຍ” ໄດ້ສ້າງສະໜາມຫຼິ້ນໃຫ້ເດັກນ້ອຍທັງສອງປະເທດ ເພື່ອແລກປ່ຽນ, ຊອກຮູ້ກ່ຽວກັບປະເທດຊາດ ແລະ ປະຊາຊົນເຊິ່ງກັນ ແລະ ກັນ. ປີ 2023 ໄດ້ບັນທຶກລະດັບສະຖິຕິຜົນງານຂອງເດັກນ້ອຍ 17.000 ແຜ່ນຢູ່ເກືອບທຸກແຂວງ, ນະຄອນຂອງ ຫວຽດນາມ, ດ້ວຍຜົນງານ 50 ກວ່າແຜ່ນທີ່ໄດ້ຮັບລາງວັນຢູ່ໃນບັນດາເກນອາຍຸທີ່ແຕກຕ່າງກັນ.
 |
| ຄະນະກຳມະການໃຫ້ຄະແນນຜົນງານທີ່ສົ່ງເຂົ້າມາແຂ່ງຂັນ. ພາບ: ສະມາຄົມມິດຕະພາບ ຫວຽດນາມ - ລັດເຊຍ |
ທ່ານ ຟາດ ໃຫ້ຮູ້ວ່າ ໃນການວາງແຜນການຢ້ຽມຢາມຂອງທ່ານປະທານາທິບໍດີ ລັດເຊຍ Vladimir Putin ລວມມີບັນດາການເຄື່ອນໄຫວກ່ຽວຂ້ອງເຖິງການທູດປະຊາຊົນ ດ້ວຍການເຂົ້າຮ່ວມຂອງຊາວໜຸ່ມຫຼາຍຄົນ, ເຊິ່ງສະແດງໃຫ້ເຫັນວ່າຝ່າຍ ລັດເຊຍ ຕີລາຄາສູງບັນດາການເຄື່ອນໄຫວການທູດປະຊາຊົນ.
 | ການຢ້ຽມຢາມ New Delhi ເພື່ອຊຸກຍູ້ການແລກປ່ຽນປະຊາຊົນລະຫວ່າງ ຫວຽດນາມ - ອິນເດຍ ຍສໝ - ຄະນະຜູ້ແທນສະມາຄົມມິດຕະພາບ ຫວຽດນາມ - ອິນເດຍ ນະຄອນ ໂຮ່ຈີມິນ ໂດຍທ່ານ ຮວິ່ງແທ່ງເລິບ, ປະທານສະມາຄົມເປັນຫົວໜ້າຄະນະ ຫາກໍມີການໄປຢ້ຽມຢາມ ແລະ ເຮັດວຽກຢູ່ນະຄອນຫຼວງ New Delhi, ສາທາລະນະລັດ ອິນເດຍ ຕາມຄຳເຊີນຂອງກົງສຸນໃຫຍ່ ອິນເດຍ ປະຈຳນະຄອນ ໂຮ່ຈີມິນ. |
 | ຂົວຕໍ່ຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - ສາທາລະນະລັດເຊັກໂກ ຍສໝ - ທ່ານເອກອັກຄະລັດຖະທູດ ເຢື່ອງຫາຍນາມ ໃຫ້ຮູ້ວ່າ ການພັດທະນາ ແລະ ເຊື່ອມໂຍງຂອງປະຊາຄົມຊາວ ຫວຽດນາມ ຢູ່ Moravoslezsky ໄດ້ມີການປະກອບສ່ວນສຳຄັນເຂົ້າໃນການປັບປຸງ ແລະ ເພີ່ມທະວີທີ່ຕັ້ງຂອງຊາວ ຫວຽດນາມ ຢູ່ ສ.ເຊັກໂກ. |
ມິງດຶກ
