 | ລັດຖະບານ ໄດ້ຕົກລົງຈະຊື້ໄຟຟ້າຈາກໂຄງການ ເຈື່ອງເຊີນ ຢູ່ລາວ |
| ການນຳລາວ ຕີລາຄາຄວາມໝາຍຂອງໄຊຊະນະດ້ຽນບຽນຝູ ຕໍ່ການປະຕິວັດຫວຽດນາມ - ລາວ |
ຄະນະຜູ້ແທນພະນັກງານ ແລະ ສະມາຊິກສະມາຄົມມິດຕະພາບຫວຽດນາມ - ລາວ ແຂວງເລີ່ມດົງ ໂດຍທ່ານ ຫງວຽນບານ, ປະທານສະມາຄົມ ເປັນຫົວໜ້າຄະນະ ໄດ້ມາຢ້ຽມຢາມ ແລະ ເຮັດວຽກຢູ່ບັນດາທ້ອງຖິ່ນ ແຮກສ່ຽວຂອງປະເທດລາວ ແຕ່ວັນທີ 26 ພຶດສະພາ ຫາວັນທີ 2 ມິຖຸນາ.
ທີ່ການຢ້ຽມຢາມແຂວງຈໍາປາສັກ, ຄະນະຜູ້ແທນໄດ້ເຂົ້າຢ້ຽມຂໍ່ານັບສະຫາຍເລຂາພັກແຂວງ, ເຈົ້າແຂວງໆຈໍາປາສັກ, ເຂົ້າຮ່ວມກອງປະຊຸມພົບປະ ແລະ ກອງປະຊຸມສະມາຄົມມິດຕະພາບລາວ-ຫວຽດນາມ ແຂວງຈໍາປາສັກ, ມອບຂອງຂວັນ ເປັນເຮືອນມະຫາສາມັກຄີ ເຊິ່ງເປັນມູນຄ່າ 100 ລ້ານດົ່ງ ໃຫ້ແກ່ຄອບຄົວທີ່ຫຍຸ້ງຍາກຂອງແຂວງ.
 |
| ຄະນະປະຕິບັດງານສະມາຄົມມິດຕະພາບຫວຽດນາມ - ລາວ ແຂວງເລີ່ມດົ່ງ ໄດ້ມອບເງິນ 100 ລ້ານດົ່ງ ເພື່ອກໍ່ສ້າງເຮືອນສາມັກຄີ ຢູ່ແຂວງຈຳປາສັກ, ສ ປປ ລາວ (ຮູບພາບ: baolamdong.vn) |
ທີ່ການພົບປະກັບພະນັກງານ, ຄູ-ອາຈານ ແລະ ນັກຮຽນ ໂຮງຮຽນ ມິດຕະພາບ ຈຳປາສັກ - ເລີ່ມດົງ ເມືອງ ປາກເຊ ແຂວງ ຈຳປາສັກ, ຄະນະປະຕິບັດງານໄດ້ມອບທຶນການສຶກສາ ຈຳນວນ 30 ທຶນ ມູນຄ່າ 30 ລ້ານດົ່ງ ໃຫ້ນັກຮຽນທຸກຍາກ ແລະ ນັກຮຽນເກັ່ງ. ທ່ານປະທານສະມາຄົມມິດຕະພາບຫວຽດນາມ - ລາວ ແຂວງເລີ່ມດົງ ຫງວຽນບານ ໃຫ້ຮູ້ວ່າ: ສະມາຄົມຈະສືບຕໍ່ຊຸກຍູ້ມອບມີຄອມພິວເຕີ ໃຫ້ໂຮງຮຽນອີກຕື່ມຈໍານວນໜຶ່ງໃນໄລຍະຈະມາເຖິງ.
ໄປຢ້ຽມຂ່ຳນັບ ທ່ານ ຫງວຽນວັນຈູງ ສະຖານກົງສູນໃຫຍ່ ຫວຽດນາມ ປະຈຳ ປາກເຊ ໃນໂອກາດທີ່ມາຢ້ຽມຢາມ ແລະ ເຮັດວຽກ, ທ່ານ ຫງວຽນບານ ໄດ້ແຈ້ງໃຫ້ຊາບກ່ຽວກັບແຜນການ ແລະ ການເຮັດວຽກຢູ່ແຕ່ລະທ້ອງຖິ່ນ. ທ່ານ ຫງວຽນວັນຈູງ ໄດ້ຕີລາຄາສູງບັນດາການເຄື່ອນໄຫວຂອງສະມາຄົມມິດຕະພາບຫວຽດນາມ - ລາວ ແຂວງເລີ່ມດົງ ໃນການຢ້ຽມຢາມຄັ້ງນີ້; ລາຍງານກ່ຽວກັບບາງສະພາບການທີ່ພົ້ນເດັ່ນໃນຂົງເຂດ, ສະເໜີບັນດາທິດທາງຊຸກຍູ້ການຮ່ວມມື ລະຫວ່າງສະມາຄົມມິດຕະພາບຫວຽດນາມ - ລາວ ແຂວງເລີ່ມດົງ ແລະ ສະມາຄົມມິດຕະພາບລາວ - ຫວຽດນາມ ແຂວງຈຳປາສັກ ໃນໄລຍະຈະມາເຖິງ. ທ່ານ ຫງວຽນວັນຈູງ ໃຫ້ຮູ້ວ່າ: ຈະສືບຕໍ່ເປັນຂົວຕໍ່ຊ່ວຍເຫລືອສະມາຄົມມິດຕະພາບຫວຽດນາມ - ລາວ ແຂວງເລີ່ມດົງ ເວົ້າສະເພາະ ກໍ່ຄືອຳນາດການປົກຄອງ, ບັນດາຂະແໜງການແຂວງເລີ່ມດົງ ເວົ້າລວມ ເພື່ອຜັນຂະຫຍາຍການຮ່ວມມືໃນທ້ອງຖິ່ນ ໃນໄລຍະທີ່ຈະມາເຖິງ.
 |
| ຄະນະຜູ້ແທນສະມາຄົມມິດຕະພາບຫວຽດນາມ - ລາວ ແຂວງ ເລິ່ມດົງ ໄດ້ມີການພົບປະແລກປ່ຽນກັບ ທ່ານ ຫງວຽນວັນຈູງ, ກົງສູນໃຫຍ່ຫວຽດນາມ ປະຈຳ ປາກເຊ . (ພາບ: ກົງສຸນໃຫຍ່ ສສ ຫວຽດນາມ ປະຈຳ ປາກເຊ) |
ຢູ່ແຂວງບໍລິຄຳໄຊ, ຄະນະຜູ້ແທນພະນັກງານ, ສະມາຊິກສະມາຄົມມິດຕະພາບຫວຽດນາມ-ລາວ ແຂວງເລີ່ມດົງ ໄດ້ມາຈູດທູບທຽນຢູ່ ອານຸສາວະລີນັກຮົບອາສາສະໝັກ ຫວຽດນາມ ທີ່ເສຍສະຫຼະຊີວິດຢູ່ແຂວງ ບໍລິຄຳໄຊ; ເຂົ້າຢ້ຽມຂໍ່ານັບເລຂາພັກແຂວງ, ຮັກສາການເຈົ້າແຂວງບໍລິຄຳໄຊ... ສະມາຄົມມິດຕະພາບຫວຽດນາມ - ລາວ ແຂວງເລີ່ມດົງ ແລະສະມາຄົມມິດຕະພາບລາວ - ຫວຽດນາມ ແຂວງບໍລິຄຳໄຊ ໄດ້ມີການພົບປະແລກປ່ຽນປະສົບການກ່ຽວກັບການເຄື່ອນໄຫວການທູດປະຊາຊົນ ແລະ ມາດຕະການເພີ່ມທະວີການແລກປ່ຽນ ແລະ ການຮ່ວມມື ລະຫວ່າງສອງສະມາຄົມ. ຄະນະປະຕິບັດງານໄດ້ມອບເງິນ 100 ລ້ານດົ່ງ ເພື່ອກໍ່ສ້າງເຮືອນສາມັກຄີໃຫ້ບັນດາຄອບຄົວຜູ້ດ້ອຍໂອກາດ ແລະ ທຶນການສຶກສາ 15 ທຶນ ມູນຄ່າ 15 ລ້ານດົ່ງໃຫ້ນັກຮຽນທຸກຍາກແຂວງບໍລິຄໍາໄຊ.
ໃນການເຮັດວຽກກັບສະມາຄົມມິດຕະພາບລາວ-ຫວຽດນາມ ນະຄອນຫຼວງວຽງຈັນ, ສະມາຄົມມິດຕະພາບຫວຽດນາມ - ລາວ ແຂວງເລິ່ມດົງ ແລະ ສະມາຄົມຂອງເພື່ອນ ໄດ້ສະແດງຄວາມປາດຖະໜາຢາກເພີ່ມທະວີການພົວພັນຮ່ວມມື ແລະ ຕັ້ງໜ້າຈັດຕັ້ງປະຕິບັດການສ້າງຂະບວນການ “ບຳລຸງສ້າງມິດຕະພາບ” ມຫ້ເປັນຢ່າງດີ, ປະກອບສ່ວນເຮັດໃຫ້ການພົວພັນມິດຕະພາບລະຫວ່າງສອງປະເທດ ແລະ ສອງແຂວງ ນັບມື້ນັບແໜ້ນແຟ້ນ ແລະ ເຂັ້ມແຂງ.
 | ຫວຽດນາມ ນອນໃນ top 2 ຂອງຈຳນວນນັກທ່ອງທ່ຽວສາກົນມາລາວ ຍສໝ - ຕາມກົມພັດທະນາການທ່ອງທ່ຽວຂຶ້ນກັບກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ ແລ້ວ, ໃນ 3 ເດືອນຕົ້ນປີ 2024, ປະເທດນີ້ ໄດ້ຕ້ອນຮັບນັກທ່ອງທ່ຽວຕ່າງປະເທດ 1 ລ້ານກວ່າເທື່ອຄົນ. ໃນນັ້ນ ຈຳນວນນັກທ່ອງທ່ຽວຫວຽດນາມ ຢືນອັນດັບທີ 2 ເຊິ່ງໄດ້ຈັດອັນດັບຢູ່ຖັດຈາກ ໄທ ເທົ່ານັ້ນ. |
 | ສະຖານທູດ, ສະຖານກົງສູນໃຫຍ່ ແມ່ນຂົວຕໍ່ຊຸກຍູ້ການຮ່ວມມືລະຫວ່າງແຂວງ ບິ່ງທ້ວນ ແລະ ບັນດາທ້ອງຖິ່ນຂອງລາວ ຍສໝ - ນີ້ແມ່ນຄຳຢືນຢັນຂອງທ່ານນາງ ຄຳເພົາ ເອີນທະວັນ - ເອກອັກຄະລັດຖະທູດຜູ້ມີອຳນາດເຕັມແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ຫວຽດນາມ ເນື່ອງໃນໂອກາດການຢ້ຽມຢາມ ແລະ ເຮັດວຽກຢູ່ແຂວງ ບິ່ງທ້ວນ ໃນວັນທີ 26 ມີນາ. |
ອານຸໄຊ ສະຫວັດ
