 | ຮັດແໜ້ນນ້ຳໃຈສາມັກຄີມິດຕະພາບລະຫວ່າງກະຊວງຕຳຫຼວດສອງປະເທດຫວຽດນາມ - ລາວ |
| ການພົວພັນລະຫວ່າງຫວຽດນາມ - ລາວ ແມ່ນປັດໄຈຍືນຍົງຄົງຕົວກັບພາລະກິດແຫ່ງການປະຕິວັດຂອງສອງປະເທດ |
ມາຮອດຕາແສງ ຟຽງຄວາຍ, ທ່ານຮ້ອຍໂທ ວາງອານູ, ຫົວໜ້າກອງທະຫານຂົນຂວາຍມະຫາຊົນ, ປ້ອມປ້ອງກັນຊາຍແດນ ຈຽງອອນ, (ທະຫານຊາຍແດນແຂວງ ເຊີນລາ) ໄດ້ພາພວກຂ້າພະເຈົ້າໄປຢ້ຽມຢາມເຂດຮ່ອງຮອຍປະຫວັດສາດການປະຕິວັດຫວຽດນາມ - ລາວ, ເຊິ່ງເປັນບ່ອນທີ່ ສະຫາຍ ໄກສອນ ພົມວິຫານ (ຕໍ່ມາເປັນເລຂາທິການໃຫຍ່, ປະທານປະເທດແຫ່ງ ສປປ ລາວ) ໄດ້ດຳລົງຊີວິດ ແລະ ເຄື່ອນໄຫວການປະຕິວັດແຕ່ປີ 1948.
 |
| ຜູ້ອາຍຸສູງໃນບ້ານ ຈ໋າງລາວຫຼື ແລະ ຮູບເຄິ່ງຄີງພໍ່ເຖົ້າ ຈ໋າງລາວໂຄ ຢູ່ເຂດຮ່ອງຮອຍປະຫວັດສາດການປະຕິວັດ ຫວຽດນາມ - ລາວ ຢູ່ບ້ານ ລາວໂຄ. (ພາບ dangcongsan.vn) |
ມາຮອດບ້ານ ລາວໂຄ, ທ່ານຮ້ອຍໂທ ວາງອານູ ໄດ້ແນະນຳເຮືອນໄມ້ທີ່ລັບລໍ່ຢູ່ເທິງພູໄກໃຫ້ກັບພວກຂ້າພະເຈົ້າ, ທ່ານກ່າວວ່າ “ເຮືອນຂອງຜູ້ອາຍຸສູງໃນບ້ານ ຈ໋າງລາວຫຼື, ລູກຊາຍຂອງພໍ່ເຖົ້າ ຈ໋າງລາວໂຄ, ຜູ້ທີ່ມີຄຸນງາມຄວາມດີໃນການຊ່ວຍຊູສະຫາຍ ໄກສອນ ພົມວິຫານ ຢູ່ທີ່ນັ້ນ. ປີນີ້ຜູ້ອາຍຸສູງໃນບ້ານ ຈ໋າງລາວຫຼື ມີອາຍຸ 90 ປີແລ້ວ ແຕ່ຍັງມີສຸຂະພາບແຂງແຮງ, ມີຄວາມຈື່ຈຳດີ, ພຽງແຕ່ວ່າ ຢາກຖາມຫຍັງ ກໍ່ຕ້ອງເວົ້າດັງໆເດີ້!”.
ໂດຍຮັຍການເເນະນຳຂອງທະຫານຊາຍແດນ, ຜູ້ອາຍຸສູງໃນບ້ານ ຈ໋າງລາວຫຼື ໄດ້ສະແດງຄວາມດີໃຈ ພາພວກຂ້າພະເຈົ້າໄປອ້ອມຮອບເຮືອນໄມ້ທີ່ເຕັມໄປດ້ວຍສະຖາປັດຕະຍະກຳຂອງຊາວເຜົ່າມົ້ງ. ເຮືອນຂອງຜູ້ອາຍຸສູງໃນບ້ານຄືເປັນເຮືອນອະນຸສອນຂະໜາດນ້ອຍ, ຢູ່ເຄິ່ງກາງ, ນອກຈາກຮູບພາບຕໍ່ເຖົ້າ ຈ໋າງລາວໂຄ ແລ້ວ, ກໍ່ຍັງມີຮູບປັ້ນປະທານ ໂຮ່ຈີມິນ, ປະທານໄກສອນ ພົມວິຫານ ແລະ ຮູບພາບ, ໃບຍອງຍໍຫຼາຍແຜ່ນ ທີ່ໄດ້ຮັບການໃສ່ຂອບຫ້ອຍຢູ່ຝາທັງສີ່ດ້ານ.
ເມື່ອຫວນຄືນເລື່ອງເກົ່າ, ຜູ້ອາຍຸສູງໃນບ້ານ ຈ໋າງລອວຫຼື ເລົ່າວ່າ “ເມື່ອສະຫາຍ ໄກສອນ ພົມວິຫານ ມາຢູ່ນຳ, ທັງຄອບຄົວຂ້າພະເຈົ້າລ້ວນແຕ່ມີຄວາມສຸດຈິດສຸດໃຈ, ມີຄວາມສຸກຫຼາຍ, ຖືສະຫາຍເປັນຍາດຕິພີ່ນ້ອງ. ພໍ່ຂອງຂ້າພະເຈົ້າໄດ້ເຮັດຕຽງນອນໃຫ້ສະຫາຍ ໄກສອນ ພົມວິຫານ ດ້ວຍຕົນເອງ. ເພື່ອຮັກສາເປັນຄວາມລັບ, ຄອບຄົວຂອງຂ້າພະເຈົ້າໄດ້ພາສະຫາຍ ໄກສອນ ພົມວິຫານ ໄປຖໍ້າ ເຖິ້ມເມ້, ຫ່າງຈາກບ້ານ 2-3 ກິໂລແມັດຜ່ານທາງປ່າໄປ. ທຸກໆສອງສາມມື້, ພໍ່ຂອງຂ້າພະເຈົ້າຈະປີ້ງສາລີ, ຕຳເຂົ້າ, ນຳສະບຽງອາຫານໄປໃຫ້ເພິ່ນ. ຕອນນັ້ນ, ຂ້າພະເຈົ້າອາຍຸພຽງ 10 ກວ່າປີ, ຫຼາຍຄັ້ງໄດ້ຕິດຕາມພໍ່ໄປປ່າເພື່ອເອົາເຂົ້າໃຫ້ປະທານ ໄກສອນ ພົມວິຫານ. ບັນດາຄວາມຊົງຈຳກ່ຽວກັບນ້ຳໃຈມິດຕະພາບແບບພິເສດກັບປະທານໄກສອນ ພົມວິຫານ ຍາມໃດກໍ່ໄດ້ຮັບການຖືເປັນສຳຄັນຈາກພໍ່ຂອງຂ້າພະເຈົ້າ, ຖືວ່ານັ້ນແມ່ນຄວາມເປັນກຽດທີ່ສຸດໃນຊີວິດ.
 |
| ເຂດຮ່ອງຮອຍປະຫວັດສາດການປະຕິວັດ ລາວໂຄ ຢູ່ຕາແສງ ຟຽງຄວາຍ, ເມືອງ ອຽນເຈົາ (ເຊີນລາ). ພາບ: Quoc Khanh |
ທ້າຍປີ 1950, ເມື່ອຂະບວນການປະຕິວັດລາວ ໄດ້ພັດທະນາຢ່າງເຂັ້ມແຂງ, ເພື່ອສະດວກໃຫ້ການຊີ້ນຳ, ສະຫາຍ ໄກສອນ ພົມວິຫານ ໄດ້ຍົກຍ້າຍຖານທັບເມືອຕັ້ງຢູ່ປະເທດລາວ. ປີ 1990, ພໍ່ເຖົ້າ ຈ໋າງລາວໂຄ ໄດ້ເຖິງແກ່ມໍລະນະກຳເມື່ອມີອາຍຸ 100 ປີ. ເມື່ອໄດ້ຍິນຂ່າວດັ່ງກ່າວ, ທ່ານປະທານ ໄກສອນ ພົມວິຫານ ໄດ້ຂຽນຈົດໝາຍສະແດງຄວາມເສົ້າສະຫຼົດໃຈ. ໃນປີ 2009, ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ປະດັບຫຼຽນໄຊອິດສະຫຼະເພື່ອຮັບຮູ້ການປະກອບສ່ວນຂອງພໍ່ແມ່ປະຊາຊົນ ເຜົ່າມົ້ງ ຢູ່ບ້ານ ລາວໂຄ, ພິເສດແມ່ນຄອບຄົວຂອງພໍ່ເຖົ້າ ຈ໋າງລາວໂຄ.
ປະຈຸບັນ, ພໍ່ເຖົ້າ ຈ໋າງລາວໂຄ ແລະ ສະຫາຍ ໄກສອນ ພົມວິຫານ ທັງສອງທ່ານ ໄດ້ກາຍເປັນ “ຄົນດຶກດຳບັນ”, ແຕ່ເລື່ອງເລົ່າກ່ຽວກັບສະໄໝໜຶ່ງທີ່ “ເຂົ້າເມັດຫັກ, ຜັກເສັ້ນໜຶ່ງກໍ່ແບ່ງກັນກິນ” ຍັງຖືກຮັກສາໄວ້ໂດຍຜູ້ອາຍຸສູງໃນບ້ານ ຈ໋າງລາວຫຼື. ບໍ່ພຽງແຕ່ເທົ່ານັ້ນ, ເພື່ອຮັກສາບັນດາຄຸນຄ່າທາງປະຫວັດສາດ, ການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງປະຊາຊົນຫວຽດນາມ - ລາວ, ໃນປີ 2022, ເຂດຮ່ອງຮອຍປະຫວັດສາດການປະຕິວັດ ຫວຽດນາມ - ລາວ ຢູ່ບ້ານ ລາວໂຄ ໄດ້ຕ້ອນຮັບໃບຈັດອັນດັບຮ່ອງຮອຍປະຫວັດສາດລະດັບຊາດພິເສດ.
 | ສະມາຄົມມິດຕະພາບ ຫວຽດນາມ, ໄທ: ເປີດກວ້າງການຮ່ວມມື, ເຊື່ອມຕໍ່ແບບຍືນຍົງ ຍສໝ - ວັນທີ 13 ກັນຍາ, ຢູ່ແຂວງ ຊົນບູຣີ (ໄທ), ສະມາຄົມມິດຕະພາບ ຫວຽດນາມ - ໄທ ແລະ ສະມາຄົມມິດຕະພາບ ໄທ - ຫວຽດນາມ ໄດ້ຈັດຕັ້ງກອງປະຊຸມຮ່ວມຄັ້ງທີ 13. ນີ້ແມ່ນກອງປະຊຸມປະຈຳປີຕາມກົນໄກໜູນວຽນ ເພື່ອຕີລາຄາໝາກຜົນການຮ່ວມມືຈາກກອງປະຊຸມທີ່ຜ່ານມາ, ພ້ອມກັນນັ້ນ ກໍ່ໄດ້ແລກປ່ຽນ ແລະ ເຫັນດີເປັນເອກະພາບບັນດາການເຄື່ອນໄຫວຮ່ວມມືລະອຽດໃນໄລຍະຈະມາເຖິງ. |
 | ການສຶກສາລຸ້ນໜຸ່ມແມ່ນພື້ນຖານອັນໝັ້ນຄົງຂອງສາຍພົວພັນແບບພິເສດ ຫວຽດນາມ - ລາວ ຍສໝ - ໃນຂອບເຂດການຢ້ຽມຢາມທາງລັດຖະກິດ ຫວຽດນາມ, ວັນທີ 10 ກັນຍາ ຢູ່ຮ່າໂນ້ຍ, ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ມີການພົບປະກັບຄະນະຜູ້ແທນຄະນະກຳມະການສູນກາງແນວໂຮມປະເທດຊາດ ຫວຽດນາມ ແລະ ສະມາຄົມມິດຕະພາບ ຫວຽດນາມ - ລາວ ໂດຍທ່ານ ໂດ້ວັນຈ໋ຽນ, ກຳມະການກົມການເມືອງ, ເລຂາທິການສູນກາງພັກ, ປະທານຄະນະກຳມະການສູນກາງແນວໂຮມປະເທດຊາດ ... |
ມິງດຶກ (ແປຕາມ dangcongsan.vn)
