 | ນັກສຶກສາໃໝ່ຈາກລາວ ແລະ ກຳປູເຈຍ ຈຳນວນ 38 ຄົນ ໄດ້ຮັບທຶນການສຶກສາ 100% ຢູ່ມະຫາວິທະຍາໄລ ກຶວລອງ |
| ນະຄອນໂຮ່ຈິມິນ: ເປີດຕົວສາຂາສະມາຄົມມິດຕະພາບຫວຽດນາມ - ກຳປູເຈຍ ຢູ່ເມືອງ ບິ່ງແຈ໋ງ |
 |
| ບັນດານັກຮົບຂຶ້ນກັບທະຫານເຂດ 7 ໄດ້ອອກເດີນທາງໄປຍັງ ກຳປູເຈຍ ເພື່ອປະຕິບັດໜ້າທີ່. |
ຕາມການລາຍງານໃນພິທີດັ່ງກ່າວ, ສິ້ນສຸດລະດູແລ້ງ 2023-2024, 4 ກອງ K ຂອງທະຫານເຂດ 7 ໄດ້ຈັດຕັ້ງການສຳຫຼວດ 382 ເຂດຢູ່ ກຳປູເຈຍ, ຂຸດຖົມດິນ ແລະ ຫີນກວ່າ 36.000 m3, ຈັດມ້ຽນໜ້າພຽງໄດ້ກວ່າ 24.800 m2, ທ້ອນໂຮມອັດຖິຂອງນັກຮົບເສຍສະຫຼະຊີວິດເພື່ອຊາດ ນໍາກັບຄືນປະເທດ ຫວຽດນາມ 574 ອັດຖິ. ນອກຈາກນັ້ນ, ບັນດາຄະນະຍັງປະຕິບັດວຽກງານຂົນຂວາຍປະຊາຊົນ, ການພົວພັນດ້ານປ້ອງກັນປະເທດ, ແລກປ່ຽນວັດທະນະທຳ - ສິລະປະ, ກິລາ-ກາຍຍະກຳຢ່າງມີປະສິດທິຜົນ. ບັນດາການເຄື່ອນໄຫວດັ່ງກ່າວໄດ້ປະກອບສ່ວນເພີ່ມທະວີການຮັກສາໝັ້ນຄົງ, ຮັດແໜ້ນນ້ຳໃຈສາມັກຄີ, ມິດຕະພາບ ແລະ ຄວາມສະໜິດຕິດພັນອັນຍາວນານລະຫວ່າງປະຊາຊົນ 2 ປະເທດ ແລະ ກອງທັບ ຫວຽດນາມ - ກຳປູເຈຍ.
ທ່ານພົນຕີ ເຈິນຮວ່າຍຈູງ, ຫົວໜ້າການເມືອງທະຫານເຂດ 7 ໄດ້ສົ່ງຄຳຂອບໃຈບັນດາກະຊວງ, ຂະແໜງການ, ອຳນາດການປົກຄອງທ້ອງຖິ່ນ, ຄະນະຮັບຜິດຊອບສະເພາະຂອງບັນດາແຂວງທີ່ຂຶ້ນກັບ ລາຊະອານາຈັກ ກຳປູເຈຍ ແລະ ກອງທັບລາດຊະວົງ ກຳປູເຈຍ ໄດ້ສ້າງເງື່ອນໄຂໃຫ້ແກ່ວຽກງານຊອກຄົ້ນ ແລະ ທ້ອນໂຮມອັດຖິຂອງນັກຮົບຜູ້ເສຍສະຫຼະຊີວິດເພື່ອຊາດ. ພ້ອມກັນນັ້ນ ທ່ານຍັງຊົມເຊີຍບັນດາຄວາມມານະພະຍາຍາມຂອງພະນັກງານ, ນັກຮົບຂອງບັນດາກອງ K ແລະ ຮຽກຮ້ອງໃຫ້ສືບຕໍ່ເສີມຂະຫຍາຍຈິດໃຈສາມັກຄີ, ຜ່ານຜ່າຄວາມຫຍຸ້ງຍາກ, ສົມທົບກັນຢ່າງແໜ້ນແຟ້ນກັບອຳນາດການປົກຄອງທ້ອງຖິ່ນ, ປະຕິບັດລະບຽບວິໄນຢ່າງເຂັ້ມງວດ, ຮັບປະກັນຄວາມປອດໄພຢ່າງເດັດຂາດໃນຂະບວນວິວັດການປະຕິບັດໜ້າທີ່.
ທີ່ກອງປະຊຸມ, ທ່ານ ຫງວຽນຮົ່ງແທ່ງ, ຮອງປະທານຜູ້ປະຈຳຄະນະກຳມະການປະຊາຊົນແຂວງ, ຫົວໜ້າຄະນະຊີ້ນຳ 515 ແຂວງ ໄຕນິງ ໄດ້ເນັ້ນໜັກເຖິງນ້ຳໃຈສາມັກຄີ, ມິດຕະພາບລະຫວ່າງປະຊາຊົນ ຫວຽດນາມ ແລະ ກຳປູເຈຍ ທີ່ໄດ້ຮັບການສ້າງຂຶ້ນໃນຫຼາຍລຸ້ນຄົນ ແລະ ໄດ້ປັບປຸງໂດຍຜ່ານບັນດາການເຄື່ອນໄຫວການຮ່ວມມືຢ່າງຮອບດ້ານຈາກຂັ້ນສູນກາງເຖິງທ້ອງຖິ່ນ. ໃນນັ້ນ, ໜ້າທີ່ສົມທົບການຄົ້ນຫາ ແລະ ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດຫວຽດນາມ ຢູ່ ກຳປູເຈຍ ໃນຕະຫຼອດ 23 ປີຜ່ານມາ ແມ່ນພະຍານຫຼັກຖານອັນໂດດເດັ່ນໃຫ້ສາຍພົວພັນອັນເລິກເຊິ່ງນີ້.
ພາຍຫຼັງໄລຍະລະດູແລ້ງ 2023 – 2024, ຄະນະຊີ້ນຳແຂວງ 515 ໃຫ້ຮູ້ວ່າ: ໄດ້ຢັ້ງຢືນຈຸດຝັງສົບຂອງນັກຮົບເສຍສະຫຼະຊີວິດເພື່ອຊາດ ຫວຽດນາມ ຢູ່ ກຳປູເຈຍ ຫຼາຍຮ້ອຍສົບທີ່ຍັງບໍ່ທັນໄດ້ທ້ອນໂຮມໄດ້ ໂດຍຜ່ານຂໍ້ມູນຈາກອຳນາດການປົກຄອງ ແລະ ປະຊາຊົນ ກຳປູເຈຍ. ລະອຽດ, ໃນປະຈຸບັນຢູ່ແຂວງ Tboung Khmum ມີ 62 ຂໍ້ມູນ, ແຂວງ Seam Reap 64 ຂໍ້ມູນ, ແຂວງ Kampong Cham 14 ຂໍ້ມູນ, ແຂວງ Banteay Meanchey 93 ຂໍ້ມູນ ແລະ ຂໍ້ມູນຂຸມຝັງສົບຂອງນັກຮົບເສຍສະຫຼະຊີວິດເພື່ອຊາດ 32 ຂໍ້ມູນຢູ່ແຂວງ Oddar Meancheay.
ເນື່ອງໃນໂອກາດນີ້, ຄະນະຊີ້ນຳ 515 ແຂວງ ໄຕນິງ ໄດ້ມອບໃບຍ້ອງຍໍຂອງປະທານຄະນະກຳມະການປະຊາຊົນແຂວງ ໃຫ້ບັນດາຄະນະ ແລະ ບຸກຄົນຂອງ 5 ແຂວງ ກຳປູເຈຍ ເພື່ອຜົນງານອັນດີເດັ່ນໃນວຽກງານການທ້ອນໂຮມອັດຖິນັກຮົບຜູ້ເສຍສະຫຼະຊີວິດເພື່ອຊາດໃນລະດູແລ້ງ 2023 – 2024.
 | ຍສໝ - ວັນທີ 28 ກໍລະກົດ, ສະມາຄົມນັກຮົບເກົ່ານະຄອນ ໂຮ່ຈີມິນ ໄດ້ສົມທົບກັບໂຮງຮຽນການທະຫານ ທະຫານເຂດ 7 ຈັດຕັ້ງໂຄງການພົບປະແລກປ່ຽນນັກຮົບເກົ່ານະຄອນ ໂຮ່ຈີມິນ, ຄອບຄົວ ຊາວຫວຽດນາມ, ນັກສຶກສາ ລາວ, ກຳປູເຈຍ ກັບພະນັກງານ, ນັກຮຽນໂຮງຮຽນການທະຫານ ທະຫານເຂດ 7. |
 | ເພີ່ມທະວີການໜູນຊ່ວຍດ້ານຕຸລາການໃຫ້ບັນດາແຂວງຊາຍແດນ ຫວຽດນາມ - ກຳປູເຈຍ - ລາວ ຍສໝ - ວັນທີ 18 ກໍລະກົດ, ຢູ່ແຂວງ ກວາງນາມ, ກອງປະຊຸມຄັ້ງທີ 7 ຂອງສານບັນດາແຂວງຊາຍແດນຫວຽດນາມ - ກຳປູເຈຍ - ລາວ ໄດ້ໄຂຂຶ້ນ. |
ມິງດຶກ
