 | ລັດຖະມົນຕີ ບຸ່ຍແທງເຊີນ: ການພົວພັນຫວຽດນາມ - ອິນເດຍ ກ້າວໄປໜ້າປະຫວັດສາດໃໝ່ |
| ການພົວພັນຫວຽດນາມ - ກູບາ ນັບມື້ນັບປັບປຸງ ແລະພັດທະນາຢ່າງບໍ່ຢຸດຢັ້ງ |
ຕາມສຳນັກຂ່າວສານ ຫວຽດນາມ, ໃນພິທີມີທ່ານປະທານສະພາສູງກຳປູເຈຍ Samdech Techo Hun Sen, ປະທານສະພາແຫ່ງຊາດ ກຳປູເຈຍ Samdech Khuon Sudary, ຮອງປະທານພັກປະຊາຊົນກຳປູເຈຍ (CPP), ປະທານສະພາແຫ່ງຊາດແນວໂຮມສາມັກຄີພັດທະນາແມ່ນ້ຳກຳປູເຈຍ, ປະທານສະມາຄົມມິດຕະພາບກຳປູເຈຍ - ຫວຽດນາມ Samdech Men Sam An; ພ້ອມກັບບັນດາການນຳຂັ້ນສູງຂອງ CPP, ລັດຖະບານພະບໍລົມວົງສານຸວົງ, ສະພາສູງ ແລະ ສະພາແຫ່ງຊາດກຳປູເຈຍ.
 |
| ທ່ານເອກອັກຄະລັດຖະທູດ ຫວຽດນາມ ປະຈຳ ກຳປູເຈຍ ຫງວຽນມີງຫວູ. (ຮູ້ບ: VOV) |
ກ່າວຄຳປາໄສທີ່ພິທີ, ທ່ານເອກອັກຄະລັດຖະທູດ ຫວຽດນາມ ປະຈຳ ກຳປູເຈຍ ຫງວຽນມີງຫວູ ໄດ້ຕີລາຄາສູງວິລະຊົນ 80 ປີແຫ່ງການເດີນທາງຂອງປະຊາຊົນຫວຽດນາມ ນັບແຕ່ໄດ້ຮັບເອກະລາດ, ເນັ້ນໜັກວ່າ ບັນດາຜົນງານອັນໃຫຍ່ຫຼວງໃນພາລະກິດສ້າງສາ ແລະ ປົກປັກຮັກສາປະເທດຊາດ ແມ່ນພື້ນຖານອັນໜັກແໜ້ນເພື່ອໃຫ້ປະເທດກ້າວເຂົ້າສັງກາດພັດທະນາໃໝ່.
ທ່ານເອກອັກຄະລັດຖະທູດຢືນຢັນວ່າ, ຫວຽດນາມ ແລະ ກຳປູເຈຍ ແມ່ນສອງປະເທດບ້ານໃກ້ເຮືອນຄຽງທີ່ໃກ້ຊິດ, ໄດ້ແບ່ງປັນຄວາມຫຍຸ້ງຍາກໃນຂະບວນການຕໍ່ສູ້ຍາດເອົາເອກະລາດ ແລະ ສືບຕໍ່ຢືນຄຽງຂ້າງໃນພາລະກິດສ້າງສາ, ພັດທະນາໃນປະຈຸບັນ. ການພົວພັນລະຫວ່າງສອງປະເທດໄດ້ເພີ່ມພູນຄູນສ້າງ, ນັບມື້ນັບພັດທະນາຢ່າງຮອບດ້ານໂດຍບັນດາລຸ້ນການນຳ, ນຳມາເຊິ່ງຜົນປະໂຫຍດຕົວຈິງໃຫ້ປະຊາຊົນສອງປະເທດໃນຫຼາຍຂົງເຂດຄື: ການເມືອງ, ການປ້ອງກັນຊາດ - ປ້ອງກັນຄວາມສະຫງົບ, ເສດຖະກິດ, ການຄ້າ, ການແພດ, ການສຶກສາ, ວິທະຍາສາດ-ເຕັກໂນໂລຊີ ແລະ ການແລກປ່ຽນປະຊາຊົນ.
ທ່ານເອກອັກຄະລັດຖະທູດ ຫງວຽນມີງຫວູ ເນັ້ນໜັກວ່າ ບັນດາການນຳຂັ້ນສູງ ກຳປູເຈຍ ເຂົ້າຮ່ວມພິທີສະເຫຼີມສະຫຼອງ ແມ່ນການສະແດງໃຫ້ເຫັນຄວາມສາມັກຄີ, ມິດຕະພາບທີ່ເປັນມູນເຊື້ອ ແລະ ຄວາມສະໜິດຕິດແໜ້ນລະຫວ່າງສອງປະເທດ. ໃນ 2-3 ເດືອນຜ່ານມາ, ທ່ານປະທານສະພາສູງ Samdech Hun Sen ໄດ້ມີການເດີນທາງໄປຢ້ຽມຢາມ 2 ປະເທດ ຫວຽດນາມ ເພື່ອເຂົ້າຮ່ວມກອງປະຊຸມສຸດຍອດ ຫວຽດນາມ - ກຳປູເຈຍ ( ກຸມພາ 2025) ແລະ ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້, ໂຮມປະເທດຊາດເປັນເອກະພາບ (30 ເມສາ 2025) ແລະ ຈະເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນຊາດ ຫວຽດນາມ ຢູ່ຮ່າໂນ້ຍ.
ທ່ານເອກອັກຄະລັດຖະທູດ ຫງວຽນມີງຫວູ ສະແດງວ່າ: “ຂ້າພະເຈົ້າເຊື່ອໝັ້ນວ່າ, ດ້ວຍຄວາມຕັດສິນໃຈຂອງສອງຝ່າຍ, ການພົວພັນມິດຕະພາບ, ຄວາມສາມັກຄີ ແລະ ການຮ່ວມມືຮອບດ້ານລະຫວ່າງ 2 ປະເທດຈະໄດ້ຮັບການຍົກສູງຂຶ້ນສູ່ລະດັບສູງໃໝ່, ຕອບສະໜອງຄວາມມຸ່ງມາດປາດຖະໜາຂອງປະຊາຊົນສອງປະເທດ”.
 |
| ທ່ານປະທານສະພາສູງ Samdech Hun Sen. (ຮູ້ບ: VOV) |
ຕາງໜ້າໃຫ້ອົງການນິຕິບັນຍັດ, ບໍລິຫານ ແລະ ປະຊາຊົນ ກຳປູເຈຍ, ທ່ານປະທານສະພາສູງກຳປູເຈຍ Samdech Hun Sen ໄດ້ສົ່ງຄຳອວຍພອນເຖິງການນຳພັກ, ລັດ ແລະ ປະຊາຊົນ ຫວຽດນາມ ໃນໂອກາດສຳຄັນ. ທ່ານຢືນຢັນວ່າ ວັນປະກາດເອກະລາດຂອງຫວຽດນາມ 80 ປີກ່ອນບໍ່ພຽງແຕ່ແມ່ນຈຸດຫັນປ່ຽນປະຫວັດສາດຂອງປະຊາຊົນຫວຽດນາມເທົ່ານັ້ນ ຫາກຍັງໄດ້ກາຍເປັນກຳລັງຜັກດັນໃຫ້ບັນດາປະເທດອາຊີຕາເວັນອອກສ່ຽງໃຕ້, ໃນນັ້ນມີ ກຳປູເຈຍ, ລຸກຂຶ້ນຕໍ່ສູ້ເພື່ອບາດເອົາເອກະລາດ.
ທ່ານ Hun Sen ເນັ້ນໜັກວ່າ, ກຳປູເຈຍ ຍາມໃດກໍຖືເປັນສຳຄັນການພົວພັນມິດຕະພາບ, ການຮ່ວມມືຮອບດ້ານກັບຫວຽດນາມ, ໄດ້ກໍ່ສ້າງບົນຈິດໃຈ “ບ້ານໃກ້ເຮືອນຄຽງທີ່ດີ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຍືນຍົງໃນໄລຍະຍາວ”. ທ່ານຍັງໄດ້ສະແດງຄວາມຈົດຈຳຢ່າງເລິກເຊິ່ງຕໍ່ການສະໜັບສະໜູນ, ການເສຍສະຫຼະທີ່ປະຊາຊົນສອງປະເທດທີ່ມີຕໍ່ໃຫ້ເຊິ່ງກັນ ແລະ ກັນໃນໄລຍະປະຫວັດສາດທີ່ຫຍຸ້ງຍາກ, ຢືນຢັນວ່າ: “ນີ້ແມ່ນຄວາມຈິງປະຫວັດສາດທີ່ບໍ່ມີກຳລັງໃດສາມາດປີ້ນຕ່າວ, ປ່ຽນແປງໄດ້”.
ຕາມທ່ານປະທານສະພາສູງ ກຳປູເຈຍ, ການພົວພັນ ຫວຽດນາມ - ກຳປູເຈຍ ນຳມາເຊິ່ງຜົນປະໂຫຍດໃຫ້ປະຊາຊົນທັງສອງປະເທດ, ປະກອບສ່ວນຮັກສາສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງຢູ່ພາກພື້ນ. ທ່ານປາດຖະໜາວ່າ 2 ປະເທດຈະສືບຕໍ່ຊຸກຍູ້ການຮ່ວມມືໃນບັນດາຂົງເຂດສຳຄັນຄື ປ້ອງກັນປະເທດ, ປ້ອງກັນຄວາມສະຫງົບ, ການສຶກສາ, ການແພດ, ພະລັງງານ, ການທ່ອງທ່ຽວ, ວັດທະນະທຳ, ວິທະຍາສາດ ແລະ ເຕັກໂນໂລຢີ.
 |
| ການສະແດງສິລະປະໃນພິທີ. (ຮູ້ບ: VOV) |
ພິທີຉລະລຶກໄດ້ຈັດຂຶ້ນໃນບັນຍາກາດທີ່ປິຕິຊົມຊື່ນ, ເຂັ້ມໄປດ້ວຍຄວາມມິດຕະພາບ ດ້ວຍບັນດາການສະແດງສິລະປະການຍ້ອງຍໍປະເທດ, ປະຊາຊົນຫວຽດນາມ ແລະ ການພົວພັນທີ່ເປັນມູນເຊື້ອ ລະຫວ່າງ ຫວຽດນາມ - ກຳປູເຈຍ. ພິເສດ, ພື້ນທີ່ວາງສະແດງ, ໂຄສະນາການທ່ອງທ່ຽວ ແລະ ຜະລິດຕະພັນຂອງບັນດາວິສາຫະກິດຫວຽດນາມຢູ່ໃນກຳປູເຈຍ ໄດ້ປະກອບສ່ວນໃນການແນະນຳ ຄວາມສາມາດໃນການຮ່ວມມື ການຄ້າ, ການລົງທຶນ ໃຫ້ແກ່ຄູ່ຮ່ວມງານກຳປູເຈຍ ແລະ ເພື່ອນມິດສາກົນ.
 | ການພົວພັນຫວຽດນາມ - ລາວ ພັດທະນາຢ່າງເລິກເຊິ່ງກວ້າງຂວາງ ແລະຮອບດ້ານໃນປີ 2021 ໃນປະຫວັດສາດແຫ່ງການພົວພັນສາກົນ, ການພົວພັນມິດຕະພາບ ຫວຽດນາມ - ລາວ ແມ່ນການພົວພັນທີ່ເປັນແບບຢ່າງກ່ຽວກັບການຕິດພັນອັນໝັ້ນແກ່ນ, ມີປະສິດທິຜົນລະຫວ່າງສອງຊາດ ໃນພາລະກິດແຫ່ງການຕໍ່ສູ້ເພື່ອເອກະລາດ, ເສລີພາບ ແລະຄວາມກ້າວໜ້າທາງສັງຄົມ. |
 | ທ່ານເອກອັກຄະລັດຖະທູດ ຟ້າມຊາວມາຍ: ການພົວພັນຫວຽດນາມ - ຈີນ ໄດ້ນຳມາເຊິ່ງຜົນປະໂຫຍດຢ່າງແທດຈິງມາໃຫ້ປະຊາຊົນສອງປະເທດ ຍາໝ - ທ່ານເອກອັກຄະລັດຖະທູດ ຟ້າມຊາວມາຍ ຢືນຢັນວ່າ ການພົວພັນ ຫວຽດນາມ - ຈີນ ແມ່ນໝັ້ນຄົງ ແລະ ດີງາມ, ຕອບສະໜອງຄວາມມຸ່ງມາດປາດຖະໜາລວມ ແລະ ນຳມາເຊິ່ງຜົນປະໂຫຍດຢ່າງແທດຈິງມາໃຫ້ປະຊາຊົນ 2 ປະເທດ. |
ແທັງຮັ່ງ
