 | ເປີດສາຍການບິນໄທເປ - ດ່າໜັງ ຄືນໃໝ່ |
| ເປີດສາຍການບິນດ່ານັ້ງ - ບາງກອກ (ໄທ) ຄືນໃໝ່ |
ທ້າວ ຫງວຽນຫວຽດແອງ, ອາຍຸ 23 ປີ, ຢູ່ບ້ານ ນິງທ້ວນ, ຕາແສງ ຫງ່າກວານ, ເມືອງ ເຈີ່ນອຽນ, ແຂວງ ອຽນບ໋າຍ ແມ່ນໜຶ່ງໃນບັນດາຄົນທຳອິດທີ່ໄດ້ຮັບການໜູນຊ່ວຍຈາກລາຍການຊ່ວຍເຫຼືອສຸກເສີນ. ລາວອາໄສຢູ່ກັບແມ່ ແລະ ນ້ອງຊາຍ, ໃນຂະນະທີ່ແມ່ຂອງລາວເຮັດວຽກຢູ່ໄກບ້ານ ສ່ວນນ້ອງຊາຍຂອງລາວຮຽນວິຊາຊີບການສ້ອມແປງລົດໃຫຍ່. ຍ້ອນສຸຂະພາບບໍ່ດີ ແລະ ວຽກງານບໍ່ເປັນປົກກະຕິ, ລາຍຮັບຂອງ ຫວຽດແອງ ແມ່ນບໍ່ໝັ້ນຄົງ. ໃນພະຍຸ Yagi, ເຮືອນຂອງລາວຖືກນ້ຳຖ້ວມເລິກ, ເຄື່ອງຫຼາຍຢ່າງໄດ້ລອຍໄປຕາມນ້ຳ. ດ້ວຍບ້ວງໜູນຊ່ວຍ 5 ລ້ານດົ່ງຈາກອົງການ ຊ່ວຍເຫຼືອເດັກ, ລາວຈຶ່ງສາມາດຮັກສາຊີວິດການເປັນຢູ່ຂອງຕົນເປັນປົກກະຕິ ແລະ ໃຊ້ຈ່າຍໃນການດຳລົງຊີວິດ.
 |
| ທ້າວ ຫງວຽນຫວຽດແອງ (ບ້ານ ນິງທ້ວນ, ຕາແສງ ຫງ່າກວານ, ເມືອງ ເຈີ່ນອຽນ, ແຂວງ ອຽນບ໋າຍ) ໄດ້ມາຮັບເງິນອຸປະຖຳຈາກບັນດາອົງການຊ່ວຍເຫຼືອເດັກ. (ພາບ: ດິ່ງຮ່ວາ) |
ເຊັ່ນດຽວກັນ, ປ້າ ຫວູທິແທ່ງ, ອາຍຸ 61 ປີ ກໍ່ໄດ້ຮັບເງິນອຸປະຖຳ 5 ລ້ານດົ່ງ. ປ້າກ່າວວ່າ ຈະໃຊ້ຈຳນວນເງິນນີ້ເພື່ອຊື້ໂຕະໃຫ້ຫຼານຂອງປ້າ ແລະ ສ້ອມແປງເຄື່ອງເຟີນີເຈີໃນເຮືອນພາຍຫຼັງພະຍຸ. ເຖິງວ່າຄອບຄົວຂອງປ້າໄດ້ຖືກເສຍຫາຍຢ່າງໜັກໜ່ວງ, ແຕ່ວ່າດ້ວຍການໜູນຊ່ວຍຈາກລາຍການ, ປ້າກໍ່ຮູ້ສຶກມີກຳລັງໃຈກວ່າອີກເພື່ອຜ່ານຜ່າຄວາມຫຍຸ້ງຍາກ.
ພະຍຸເລກທີ 3 ຍັງໄດ້ທຳລາຍຜົນລະປູກຂອງຄອບຄົວປ້າ ດິງທິຮ່າ ອາຍຸ 53 ປີ, ຢູ່ໝູ່ບ້ານ ທິ້ງເລີ້ຍ, ຕາແສງ ກວີມົງ. ປ້າ ຮ່າ ແລະ ຜົວ ເຮັດວຽກເປັນກຳມະກອນດ້ວຍລາຍຮັບຕໍ່າ ແລະ ບ້ວງເງິນຊ່ວຍເຫຼືອ 5 ລ້ານດົ່ງ ຈະຊ່ວຍໃຫ້ເຂົາເຈົ້າສາມາດຊື້ສິ່ງຈຳເປັນ ແລະ ມີຊີວິດການເປັນຢູ່ທີ່ປົກກະຕິໃນໄລຍະອັນໃກ້ນີ້.
ບັນດາເລື່ອງຂອງ ຫວຽດແອງ, ປ້າ ແທ່ງ ແລະ ປ້າ ຮ່າ ເປັນພຽງສ່ວນໜຶ່ງໃນ 2.500 ຄອບຄົວຢູ່ ອຽນບ໋າຍ ທີ່ໄດ້ຮັບການໜູນຊ່ວຍຈາກລາຍການຊ່ວຍເຫຼືອສຸກເສີນຂອງ ອົງການຊ່ວຍເຫຼືອເດັກ, ເຊິ່ງແນໃສ່ຜ່ານຜ່າຜົນສະທ້ອນຈາກພະຍຸລູກທີ 3 ໃນປີ 2024. ບັນດາທ້ອງຖິ່ນ ໄດ້ຮັບການໜູນຊ່ວຍລວມມີ ນະຄອນ ອຽນບ໋າຍ ແລະ ເມືອງ ເຈີ່ນອຽນ, ອຽນບິ່ງ, ເວີນອຽນ ແລະ ລຸກອຽນ. ລາຍການນີ້ມີຍອດຈຳນວນງົບປະມານເກືອບ 26,4 ຕື້ດົ່ງ ເໍິ່ງໄດ້ຮັບການອຸປະຖຳໂດຍລັດຖະບານ ອົດສະຕາລີ ຜ່ານອົງການຮ່ວມມືມະນຸດສະທຳ ອົດສະຕຣາລີ (AHP) ແລະ ບັນດາຜູ້ອຸປະຖຳອື່ນໆ.
 |
| ທ່ານນາງ Renee DesChamps (ທີສອງຈາກຂວາ), ເອກອັກຄະລັດຖະທູດ ອົດສະຕຣາລີ ປະຈໍາ ຫວຽດນາມ ໄດ້ມອບປ້າຍສັນຍາລັກຈຳນວນເງິນໜູນຊ່ວຍປະຊາຊົນເຂດຖືກນໍ້າຖ້ວມຢູ່ ອຽນບ໋າຍ, ວັນທີ 5 ພະຈິກ 2024. (ພາບ: ດິ່ງຮ່ວາ) |
ລາຍການນີ້ ຈະແກ່ຍາວແຕ່ເດືອນຕຸລາ 2024 ຫາ ເດືອນກັນຍາ 2025, ລວມມີ 2 ອົງປະກອບຕົ້ນຕໍຄື: ການຊ່ວຍເຫຼືອສຸກເສີນ ແລະ ການຟື້ນຟູສະພາບການຮຽນຮູ້ຂອງເດັກນ້ອຍຢູ່ໂຮງຮຽນ 22 ແຫ່ງຄືນໃໝ່. ລາຍການ ຈະແຈກດ້ວຍເງິນສົດ, ສະໜອງອຸປະກອນ, ສ້ອມແປງກິດຈະການດ້ານນໍ້າສະອາດ ແລະ ບຳລຸງສ້າງທັກສະການນຳໃຊ້ນໍ້າສະອາດ, ອະນາໄມ ແລະ ຫຼຸດຜ່ອນຄວາມສ່ຽງຈາກໄພທໍາມະຊາດ.
ທີ່ພິທີເປີດລາຍການໃນວັນທີ 5 ພະຈິກ, ທ່ານນາງ ເລທິທູຍເຢືອງ, ຜູ້ອຳນວຍການຝ່າຍຍຸດທະສາດ, ຄຸນນະພາບ ແລະ ປະສິດທິຜົນລາຍການ, ອົງການຊ່ວຍເຫຼືອເດັກຢູ່ ຫວຽດນາມ ໃຫ້ຮູ້ວ່າ: ເຖິງວ່າພະຍຸ ແລະ ໄພນ້ຳຖ້ວມໄດ້ຜ່ານໄປແລ້ວ, ແຕ່ຜົນສະທ້ອນຍັງໜັກໜ່ວງຢູ່. ພວກເຮົາໄດ້ ແລະ ພວມເຮັດວຽກຢ່າງແໜ້ນແຟ້ນກັບອຳນາດການປົກຄອງທ້ອງຖິ່ນ ເພື່ອຕີລາຄາສະຖານະການ ແລະ ສະໜອງຊຸດຊ່ວຍເຫຼືອສຸກເສີນ ແລະ ສ້າງແຜນການຟື້ນຟູໃນໄລຍະຍາວ”.
 |
| ຜູ້ຕາງໜ້າອົງການຊ່ວຍເຫຼືອເດັກ ແລະ ອົງການກາແດງແຂວງ ອຽນບ໋າຍ ໄດ້ມອບເງິນຊ່ວຍເຫຼືອໃຫ້ປະຊາຊົນຢູ່ຕາແສງ ຫງ່າກວານ (ເມືອງ ເຈີ່ນອຽນ, ແຂວງ ອຽນບ໋າຍ), ວັນທີ 4 ພະຈິກ 2024. (ພາບ: ດິ່ງຮ່ວາ) |
ອຸປະທູດຊົ່ວຄາວຂອງ ອົດສະຕຣາລີ ປະຈໍາ ຫວຽດນາມ, ທ່ານນາງ Renee DesChamps ໄດ້ສະແດງຄວາມເຫັນໃຈຢ່າງເລິກເຊິ່ງເຖິງປະຊາຊົນແຂວງ ອຽນບ໋າຍ ແລະ ໃຫ້ຮູ້ວ່າ ລັດຖະບານ ອົດສະຕຣາລີ ໄດ້ສະໜອງ 3 ລ້ານ ໂດລາອົດສະຕຣາລີ ໃຫ້ແກ່ບັນດາການເຄື່ອນໄຫວຊ່ວຍເຫຼືອສຸກເສີນ ແລະ ໃຫ້ຄຳໝັ້ນສັນຍາ 1 ລ້ານ ໂດລາ ເພື່ອກໍ່ສ້າງພື້ນຖານໂຄງລ່າງ, ໂຮງຮຽນ ແລະ ຮາກຖານສາທາລະນະສຸກຄືນໃໝ່ ເພື່ອຊ່ວຍໃຫ້ປະຊາຄົມຊ່ວຍປັບຕົວເຂົ້າກັບການປ່ຽນແປງຂອງດິນຟ້າອາກາດໄດ້ຢ່າງງ່າຍດາຍ. ທ່ານເນັ້ນໜັກເຖິງການພົວພັນຄູ່ຮ່ວມມືຍາວນານລະຫວ່າງ ອົດສະຕາລີ ແລະ ຫວຽດນາມ ຜ່ານບັນດາລາຍການທີ່ແທດຈິງ ເພື່ອໜູນຊ່ວຍປະຊາຊົນແຂວງ ອຽນບ໋າຍ ໃຫ້ມີຄວາມເປັນປົກກະຕິໂດຍໄວ ແລະ ພັດທະນາແບບຍືນຍົງ.
ບັນດາການໜູນຊ່ວຍຂອງ ອົດສະຕຣາລີ ແມ່ນໄດ້ປະຕິບັດຜ່ານບັນດາອົງການຈັດຕັ້ງຕ່າງໆເຊັ່ນ ອົງການ Oxfam, ອົງການຊ່ວຍເຫຼືອເດັກ, ສະຫະປະຊາຊາດ ພ້ອມກັບບັນດາຄູ່ຮ່ວມມືທ້ອງຖິ່ນ, ພິເສດແມ່ນສຸມໃສ່ເຂົ້າກຸ່ມຄົນທີ່ຖືກເສຍຫາຍຄື ເດັກນ້ອຍ ແລະ ແມ່ຍິງທີ່ເປັນຫົວຫນ້າຄອບຄົວ, ຊາວຊົນເຜົ່າສ່ວນຫນ້ອຍ ແລະ ຄົນພິການ. ທ່ານນາງ DesChamps ກ່າວວ່າ “ພວກເຮົາຢາກປັບປຸງການຫາລ້ຽງຊີບ, ສະໜອງໂພຊະນາການ, ສ້ອມແປງເຮືອນ, ສະໜອງນ້ຳສະອາດ ແລະ ຊ່ວຍໃຫ້ເດັກນ້ອຍໄດ້ກັບຄືນໄປໂຮງຮຽນໂດຍໄວ”.
 |
| ປະຊາຊົນຕາແສງ ຫງ່າກວານ (ເມືອງ ເຈີ່ນອຽນ, ແຂວງ ອຽນບ໋າຍ) ເຮັດລະບຽບການຮັບເງິນອຸປະຖຳ, ວັນທີ 4 ພະຈິກ 2024. (ພາບ: ດິ່ງຮ່ວາ) |
ທ່ານ ເລດຶກເຟື້ອງ, ຮອງຫົວໜ້າອົງການກາແດງແຂວງ ອຽນບ໋າຍ ກໍ່ໄດ້ສະແດງຄວາມຂອບໃຈຕໍ່ອົງການຊ່ວຍເຫຼືອເດັກ, ຢືນຢັນວ່າ ໂຄງການຈະໜູນຊ່ວຍຄອບຄົວທຸກຍາກ, ໃກ້ຂັ້ນທຸກຍາກ, ພິເສດແມ່ນບັນດາຄອບຄົວທີ່ມີເດັກນ້ອຍ, ມີກຳລັງໃຈໃນການສ້າງຊີວິດຄືນໃໝ່ ແລະ ຮັບປະກັນສຸຂະພາບ ແລະ ການຮໍ່າຮຽນຂອງເດັກນ້ອຍໃນຊຸມຊົນ.
 | ກວາງນິງ ເຊື່ອມຕໍ່ຖ້ຽວບິນການຄ້າ ກັບນະຄອນໂຮ່ຈິມິນ ຄືນໃໝ່ ແຕ່ວັນທີ 27 ຕຸລາ ຍສໝ - ແຕ່ວັນທີ 27 ຕຸລານີ້, ບັນດາເສັ້ນທາງຖ້ຽວບິນການຄ້າຢູ່ສະໜາມບິນສາກົນ ເວີນໂດນ (ແຂວງກວາງນິງ) ໄດ້ເລີ່ມດຳເນີນການເຄື່ອນໄຫວຢ່າງເປັນທາງການ, ໂດຍເລີ່ມແຕ່ເສັ້ນທາງ ເວີນໂດນ - ນະຄອນໂຮ່ຈິມິນ. |
 | ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ມີການໂອ້ລົມທາງໂທລະສັບ ອວຍພອນທ່ານ Antonio Guterres ໃນໂອກາດທ່ານຫາກໍ່ໄດ້ສະມັດຊາໃຫ່ຍ ສປຊ ແຕ່ງຕັ້ງເປັນເລຂາທິການໃຫ່ຍ ສປຊ ຄືນໃໝ່ ອາຍຸການ 2022-2026 ຍສໝ - ໃນຕອນເຊົ້າວັນທີ 19 ມິຖຸນາ 2021, ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ມີການໂອ້ລົມທາງໂທລະສັບ ອວຍພອນທ່ານ Antonio Guterres ໃນໂອກາດທ່ານຫາກໍ່ໄດ້ສະມັດຊາໃຫ່ຍ ສປຊ ແຕ່ງຕັ້ງເປັນເລຂາທິການໃຫ່ຍ ສປຊ ຄືນໃໝ່ ອາຍຸການ 2022-2026 ແລະ ແລກປ່ຽນກ່ຽວກັບການເພີ່ມທະວີການພົວພັນລະຫວ່າງ ຫວຽດນາມ-ສປຊ. |
ແທັງຮັ່ງ
