| ກວາງນິງ ຈັດຕັ້ງ 50 ເຫດການ ເພື່ອກະຕຸ້ນການທ່ອງທ່ຽວ | |
| ຫວຽດນາມ ຢືນອັນດັບທີ 27 ໃນໂລກກ່ຽວກັບການນຳໃຊ້ປັນຍາປະດິດ |
ເພື່ອຮັບປະກັນການປ້ອງກັນພະຍາດ, ຜູ້ໂດຍສານທີ່ອອກຈາກສະໜາມບິນ ເຕຶນເຊິີນຍຶດ ໄປຫາສະໜາມບິນ ເວີນໂດນ ຈະຕ້ອງມີຜົນກວດວິໄຈເປັນລົບຕໍ່ SARS-CoV-2 ດ້ວຍວິທີ RT-PCR ຫຼື ກວດວິເຄາະໄວ, ພາຍໃນ 72 ຊົ່ວໂມງ ກ່ອນເວລາອອກເດີນທາງຂອງຖ້ຽວບິນ.
 |
| ກວາງນິງ ເຊື່ອມຕໍ່ຖ້ຽວບິນການຄ້າ ກັບນະຄອນໂຮ່ຈິມິນ ຄືນໃໝ່ ແຕ່ວັນທີ 27 ຕຸລາ. (ພາບ: baoquangninh) |
ຖ້າເດີນທາງຈາກສະໜາມບິນ ເວີນໂດນ, ຜູ້ໂດຍສານຕ້ອງປະຕິບັດຕາມ 1 ໃນ 3 ເງື່ອນໄຂ ຄື: ໃບຢັ້ງຢືນການສັກວັກຊີນກັນພະຍາດໂຄວິດ-19 ຄົບ 2 ເຂັມ (ສັກຄັ້ງສຸດທ້າຍແມ່ນໃຫ້ຢ່າງໜ້ອຍສຸດ 14 ວັນ ແລະ ບໍ່ເກີນ 12 ເດືອນກ່ອນວັນອອກເດີນທາງ); ຫຼື ມີໃບຢັ້ງຢືນການຫາຍດີຈາກ COVID-19 ຫຼື ໃບຢັ້ງຢືນການອອກໂຮງໝໍບໍ່ເກີນ 6 ເດືອນ ກ່ອນເວລາອອກເດີນທາງ; ຕ້ອງມີຜົນກວດວິໄຈເປັນລົບຕໍ່ SARS-CoV-2 ດ້ວຍວິທີ RT-PCR ຫຼື ກວດວິເຄາະແບບໄວ, ພາຍໃນ 72 ຊົ່ວໂມງ ກ່ອນເວລາອອກເດີນທາງຂອງຖ້ຽວບິນ.
ທ່ານ ຟ້າມງອກເຊົາ, ຜູ້ອຳນວຍການສະໜາມບິນ ເວີນໂດນ ໄດ້ຢືນຢັນວ່າ ສະໜາມບິນສາກົນ ເວີນໂດນ ຍາມໃດກໍ່ເອົາໃຈໃສ່ເຖິງຄວາມປອດໄພຂອງພະນັກງານ ແລະ ປະຊາຊົນເປັນອັນດັບໜຶ່ງ.
ການເຊື່ອມຕໍ່ເສັ້ນທາງຖ້ຽວບິນການຄ້າ ເວີນໂດນ - ນະຄອນ ໂຮ່ຈີມິນ ຄືນໃໝ່ເພື່ອແນໃສ່ຕອບສະໜອງຄວາມຮຽກຮ້ອງຕ້ອງການ ການເດີນທາງຂອງປະຊາຊົນ ລະຫວ່າງບັນດາທ້ອງຖິ່ນດັ່ງກ່າວ ໃນສະພາບທີ່ລັດຖະບານອະນຸຍາດໃຫ້ເປີດຖ້ຽວບິນໂດຍສານ ພາຍໃນປະເທດເປັນປົກກະຕິຄືນ ເພື່ອຮັບປະກັນຄວາມປອດໄພ, ມີໄຫວ ແລະ ຄວບຄຸມການລະບາດຂອງພະຍາດ COVID-19 ຢ່າງມີປະສິດທິຜົນ.
ຄຳຮຸ່ງ
