 | ນັກຮຽນຮູ້ ຫວຽດນາມ: ການປ່ຽນແປງໃໝ່ວິທະຍາສາດເຕັກໂນໂລຢີຢູ່ ຈີນ ຈະສືບຕໍ່ມີບາດກ້າວບຸກທະລຸຫຼາຍຢ່າງ |
| ແຂວງເບັ້ນແຈ່: ຢາກເສີມຂະຫາຍແຫຼ່ງທຶນຈາກຊາວຫວຽດນາມຢູ່ຕ່າງປະເທດ ໃຫ້ຫຼາຍທີ່ສຸດ |
ເຕັກໂນໂລຢີ ໜູມຊ່ວຍການຮຽນຮູ້ພາສາຫວຽດນາມ
ທ່ານ ຫງວຽນແອງກຽດ, CEO ຂອງບໍລິສັດ Kan-tek ລົງເລິກອອກແບບແອັບ ແລະ ເວັບໄຊໃຫ້ວິສາຫະກິດຢູ່ ອາເມລິກາ, ເຂົ້າໃຈຢ່າງເລິກເຊິ່ງເຖິງຄວາມເປັນຫ່ວງຂອງພໍ່ແມ່ຊາວຫວຽດນາມ ຢູ່ຕ່າງປະເທດຫຼາຍຄົນເມື່ອເຫັນລູກຫຼານຄ່ອຍໆຫ່າງໄກຈາກພາສາຫວຽດນາມ. ປະເຊີນໜ້າກັບສິ່ງທ້າທາຍໃນການຮຽນພາສາຫວຽດນາມ ຢູ່ບັນດາສູນພື້ນເມືອງດ້ວຍຄ່າໃຊ້ຈ່າຍສູງ ແລະ ຄວາມບໍ່ສະດວກ, ທ່ານ ກຽດ ໄດ້ສ້າງວິທີແກ້ໄຂເຕັກໂນໂລຢີໃໝ່: ແອັບ ABC ພາສາຫວຽດນາມ.
 |
| ABC ພາສາຫວຽດນາມ, ແອັບສອນການສື່ສານພາສາຫວຽດນາມ ໃຫ້ແກ່ເດັກນ້ອຍທີ່ມີເຊື້ອຊາດຫວຽດນາມ. (ພາບ: ABC ພາສາຫວຽດນາມ) |
ດ້ວຍພາລະກິດເຊື່ອມຕໍ່ພາສາ ແລະ ວັດທະນະທຳຫວຽດນາມ, ABC ພາສາຫວຽດນາມ ບໍ່ພຽງແຕ່ແນະນຳໃຫ້ເດັກນ້ອຍຮຽນສື່ສານພາສາຫວຽດນາມ ຢ່າງທຳມະຊາດເທົ່ານັ້ນ, ຫາກຍັງປະສົມປະສານບັນດາຄຸນຄ່າວັດທະນະທຳ, ຮີດຄອງປະເພນີທີ່ເປັນເອກະລັກສະເພາະເຂົ້າໃນແຕ່ລະບົດຮຽນ. “ພວກຂ້າພະເຈົ້າປະສົມປະສານບັນດາຄຳມາລະຍາດດີເຊັ່ນ 'ຢ້າ', 'ເທື່ອ', 'ເວີງອະ' ເຂົ້າໃນບັນດາບົດຮຽນເພື່ອໃຫ້ເດັກນ້ອຍບໍ່ພຽງແຕ່ໄດ້ຮຽນພາສາເທົ່ານັ້ນ ຫາກຍັງເຂົ້າໃຈ ແລະ ຮູ້ບຸນຄຸນວັດທະນະທຳຫວຽດນາມ, ທ່ານ ກຽດ ແບ່ງປັນກັບສື່ມວນຊົນ.
ແອັບນີ້ ຊ່ວຍໃຫ້ນັກຮຽນສາມາດຮຽນໄດ້ທຸກເວລາ, ທຸກບ່ອນໃນ iPad ຫຼື ໂທລະສັບ, ດ້ວຍໜ້າຈໍສອງພາສາ ອັງກິດ - ຫວຽດນາມ, ພ້ອມກັບລັກສະນະພິເສດຂອງຄວາມສາມາດການອອກສຽງ, ການອັດສຽງ ແລະ ການດັດປັບສຽງ. ໄລຮອດກາງເດືອນກັນຍາ 2024, ແອັບ ABC ພາສາຫວຽດນາມ ໄດ້ດຶງດູດກ່ວາ 10.000 ເທື່ອດາວໂຫຼດຈາກ Google Play, ໄດ້ພິສູດໃຫ້ເຫັນຄວາມຮຽກຮ້ອງຕ້ອງການ ແລະ ຄວາມສາມາດບົ່ມຊ້ອນອັນໃຫຍ່ຫຼວງຂອງເຕັກໂນໂລຢີໃນການໜູນຊ່ວຍຮັກສາພາສາ ແລະ ວັດທະນະທຳ ຫວຽດນາມ.
ມີຊີວິດຊີວາ, ເພີ່ມທະວີການໂຕ້ຕອບ
ບໍ່ພຽງແຕ່ ABC ພາສາຫວຽດນາມເທົ່ານັ້ນ, ບັນດາເວທີເຕັກໂນໂລຢີອື່ນໆເຊັ່ນ Zoom, Google Classroom ຫຼື ບັນດາແອັບຮຽນພາສາຄື Duolingo ກໍ່ໄດ້ ແລະ ພວມປະກອບສ່ວນຢ່າງບໍ່ໜ້ອຍເຂົ້າໃນການສອນພາສາຫວຽດນາມ ໃຫ້ແກ່ປະຊາຄົມຊາວຫວຽດນາມ ອາໄສຢູ່ຕ່າງປະເທດ. ຕົວຢ່າງ, ວິທີການຫຼີ້ນເກມຂອງ Duolingo ໄດ້ຊ່ວຍໃຫ້ຜູ້ຮຽນເຂົ້າເຖິງພາສາຫວຽດນາມ ໄດ້ງ່າຍຂຶ້ນ ແລະ ໜ້າສົນໃຈກວ່າ, ພ້ອມກັນນັ້ນ ຮັກສາກຳລັງຜັກດັນການຮ່ຳຮຽນຜ່ານແຕ່ລະບົດຮຽນ.
ທີ່ກອງປະຊຸມພົບປະກ່ຽວກັບນຳໃຊ້ເຕັກໂນໂລຢີຂໍ້ມູນໃນການສອນພາສາຫວຽດນາມ ໃຫ້ຊາວຫວຽດນາມ ອາໄສຢູ່ຕ່າງປະເທດໃນປີ 2022, ທ່ານນາງ ຮສ.ປອ ໂດ້ເຟືອງຖາວ, ສາສະດາຈານມະຫາວິທະຍາໄລສຶກສາຮ່າໂນ້ຍ ໃຫ້ຮູ້ວ່າ ບັນດາເຄື່ອງມືຄື PowerPoint, Video Editor, ແລະ YouTube ໄດ້ຊ່ວຍໃຫ້ນາງສ້າງບັນດາບົດບັນລະຍາຍທີ່ມີຊີວິດຊີວາ., ເພີ່ມທະວີການໂຕ້ຕອບໃຫ້ນັກຮຽນຢູ່ຫ່າງໄກ. ນອກຈາກນັ້ນ, ບັນດາຊອບແວຄຸ້ມຄອງຫ້ອງຮຽນອອນໄລເຊັ່ນ Google Classroom ຍັງຊ່ວຍໃຫ້ອາຈານເຊື່ອມຕໍ່ກັບພໍ່ແມ່ ແລະ ຕິດຕາມຂະບວນການຮ່ຳຮຽນຂອງນັກຮຽນຢ່າງມີປະສິດທິພາບ.
“ແຫຼ່ງຂໍ້ມູນຮຽນດິຈິຕອນທີ່ອຸດົມສົມບູນ ແລະ ມີຄວາມຫຼາກຫຼາຍ, ຊ່ວຍໃຫ້ອາຈານດັດປັບບົດບັນລະຍາຍຢ່າງມີໄຫວພິບ ເພື່ອເໝາະສົມກັບນັກຮຽນແຕ່ລະຄົນ", ອາຈານ ຖາວ ກ່າວ. ບັນດາເອກະສານເຫຼົ່ານີ້ ບໍ່ພຽງແຕ່ຊ່ວຍໃຫ້ອາຈານປະຫຍັດເວລາໃນການກະກຽມ, ຫາກຍັງສ້າງການໂຕ້ຕອບ, ຄວາມຕື່ນເຕັ້ນສໍາລັບຜູ້ຮຽນ, ພິເສດແມ່ນສຳລັບນັກຮຽນຫນຸ່ມ.
 |
| ອາຈານ ຫາຍອ໋ຽນ ເປີດຊຸດຮຽນ “ຈອດໆພາສາຫວຽດນາມ” ໃຫ້ແກ່ເດັກນ້ອຍທີ່ມີເຊື້ອຊາດຫວຽດນາມ ນັບແຕ່ປີ 2021. (ພາບ: ຟ້າມຟີຫາຍອ໋ຽນ) |
ຢູ່ຍີ່ປຸ່ນ, ນັບແຕ່ປີ 2021, ອາຈານ ຟ້າມຟີຫາຍອ໋ຽນ (ຄູສອນພາສາຫວຽດນາມ ຢູ່ໂຮງຮຽນສັງລວມກ່ຽວກັບເດັກນ້ອຍຊັ້ນສູງນະຄອນ Kobe, ແຂວງ Hyogo) ໄດ້ຈັດຕັ້ງຫ້ອງຮຽນອອນໄລ “ຈອດໆພາສາຫວຽດນາມ” ເພື່ອໂຄສະນາເຜີຍແຜ່ພາສາ ແລະ ວັດທະນະທໍາຫວຽດນາມ ໃຫ້ແກ່ເດັກນ້ອຍຊາວຫວຽດນາມ ອາໄສຢູ່ຕ່າງປະເທດ. ດ້ວຍ 2 ຕອນຮຽນຕໍ່ອາທິດ, ອາຈານ ອ໋ຽນ ໄດ້ແບ່ງຫ້ອງຮຽນອອກເປັນ 2 ກຸ່ມຄື: ນັກຮຽນທີ່ບໍ່ຮູ້ພາສາຫວຽດນາມ ແລະ ນັກຮຽນທີ່ສາມາດສື່ສານພື້ນຖານໄດ້. ຍ້ອນການແບ່ງອອກກຸ່ມນີ້, ອາຈານສາມາດນໍາໃຊ້ບັນດາວິທີການສອນທີ່ເຫມາະສົມສໍາລັບແຕ່ລະເປົ້າໝາຍ, ສ້າງສະພາບແວດລ້ອມການຮຽນຮູ້ທີ່ອ່ອນໂຍນ, ບໍ່ມີຄວາມກົດດັນສໍາລັບນັກຮຽນ.
ອາຈານ ອ໋ຽນ ຍັງເຊື່ອໝັ້ນວ່າ ການປະສານງານລະຫວ່າງການສອນພາສາ ແລະ ວັດທະນະທຳ ລ້ວນແຕ່ແມ່ນສີ່ງຫຼັກແຫຼ່ງ: “ເດັກນ້ອຍຕ້ອງເຂົ້າໃຈກ່ຽວກັບກົກເຄົ້າເຫງົ້າກໍ, ວັດທະນະທຳຂອງຕົນກ່ອນເມື່ອສາມາດຢາກຮຽນຫວຽດນາມ ຢ່າງແທ້ຈິງ”. ສີ່ງນີ້ບໍ່ພຽງແຕ່ກະຕຸກຄວາມສະຫຼອກກອກເທົ່ານັ້ນ, ຫາກຍັງສ້າງຄວາມພາກພູມໃຈໃຫ້ແກ່ປະເທດຊາດໃນຫົວໃຈຂອງເດັກນ້ອຍຊາວຫວຽດນາມ ອາໄສຢູ່ຕ່າງປະເທດອີກດ້ວຍ.
ທ່ານ ຮສ.ປອ ຫງວຽນທ໋ຽນນາມ, ມະຫາວິທະຍາໄລວິທະຍາສາດສັງຄົມ ແລະ ມະນຸດສາດ - ມະຫາວິທະຍາໄລແຫ່ງຊາດ ຮ່າໂນ້ຍ ກໍ່ໄດ້ແບ່ງປັນເຖິງເລື່ອງລາວກ່ຽວກັບການສອນພາສາຫວຽດນາມ ທາງອອນໄລໃຫ້ແກ່ເດັກຍິງຫວຽດນາມ ອາຍຸ 7 ປີ ຢູ່ ອາເມລິກາ. ວິທີການສອນການອອກສຽງພາສາຫວຽດນາມ ແບບອອນໄລ, ສົມທົບກັບເວລາຮຽນທີ່ສົມເຫດສົມຜົນ, ໄດ້ຊ່ວຍໃຫ້ເດັກຍິງຄົນນີ້ຮັບຮູ້ຕົວອັກສອນຢ່າງວ່ອງໄວ ແລະ ອອກສຽງຢ່າງຖືກຕ້ອງ, ປະກອບສ່ວນເຂົ້າໃນການເຊື່ອມຕໍ່ກັບວັດທະນະທໍາແມ່ຢ່າງເລິກເຊິ່ງ.
“ການສອນພາສາຫວຽດນາມ ບໍ່ພຽງແຕ່ຢຸດຢູ່ໃນພາສາເທົ່ານັ້ນ, ຫາກຍັງອາຈານຍັງມີບົດບາດເປັນຂົວຕໍ່ວັດທະນະທຳອີກດ້ວຍ. ຄວາມເຂົ້າໃຈກ່ຽວກັບວັດທະນະທຳຫວຽດນາມ ແລະ ການສົມທົບກັນຢ່າງຄ່ອງແຄ່ວໃນການສົ່ງເສີມ ເພື່ອໜູມຊ່ວຍໃຫ້ບັນດາເດັກນ້ອຍຊາວຫວຽດນາມ ອາໄສຢູ່ຕ່າງປະເທດ ບໍ່ພຽງແຕ່ຮຽນພາສາເທົ່ານັ້ນ ຫາກຍັງໄດ້ຮັບຮູ້ເຖິງເອກະລັກຂອງຊາດອີກດ້ວຍ”, ທ່ານ ຮສ.ປອ ຫງວຽນທ໋ຽນນາມ ໃຫ້ຮູ້.
ປົກປັກຮັກສາພາສາຫວຽດນາມ ດ້ວຍເຕັກໂນໂລຢີ
ໃນປີ 2022, ມະຫາວິທະຍາໄລວິທະຍາສາດສັງຄົມ ແລະ ມະນຸດສະທຳ - ມະຫາວິທະຍາໄລແຫ່ງຊາດ ຮ່າໂນ້ຍ ໄດ້ເປັນຜູ້ນຳໜ້າໃນການເປີດຕົວ“ຊ່ອງສອນພາສາຫວຽດນາມ ສຳລັບຊາວຫວຽດນາມ ອາໄສຢູ່ຕ່າງປະເທດ” ດ້ວຍຫຼາຍຫຼັກສູດຮຽນອອນໄລຊັ້ນປະຖົມໃຫ້ຊາວຫວຽດນາມ ອາໄສຢູ່ຕ່າງປະເທດເກືອບ 20 ປະເທດໃນໂລກ. ນີ້ແມ່ນບາດກ້າວບຸກທະລຸໃຫຍ່ໃນໂຄງການ “ເພີ່ມທະວີການສອນພາສາຫວຽດນາມ ທາງອິນເຕີແນັດໃຫ້ຊາວຫວຽດນາມ ອາໄສຢູ່ຕ່າງປະເທດ”, ຊ່ວຍໃຫ້ນັກຮຽນຊາວຫວຽດນາມ ອາໄສຢູ່ຕ່າງປະເທດມີເງື່ອນໄຂຍົກສູງຄວາມສາມາດດ້ານພາສາຫວຽດນາມ, ພ້ອມກັນນັ້ນ ຮັກສາ ແລະ ເສີມຂະຫຍາຍສີສັນວັດທະນະທຳຂອງຊາດ.
ຊ່ອງທາງການຮຽນນີ້ນຳໃຊ້ລະບົບການສອນພາສາຫວຽດນາມ ໂດຍຜ່ານເວທີການສອນທີ່ກ້າວໜ້າ, ທັນສະໄໝ, ເໝາະສົມກັບການພັດທະນາຄວາມສາມາດພາສາຫວຽດນາມ ຂອງຜູ້ຮຽນໃນໄລຍະການປະຕິວັດອຸດສາຫະກຳ 4.0, ລວມມີ ຊຸດຜະລິດຕະພັນຮູບແບບ Blended class (ການສອນຝຶກອົບຮົມໃຫ້ແກ່ຊາວຫວຽດນາມ ອາໄສຢູ່ຕ່າງປະເທດທີ່ເປັນອາຈານພາສາຫວຽດນາມ ເມື່ອກັບຄືນຫວຽດນາມ) ແມ່ນການທົດລອງໂດຍບໍ່ເສຍຄ່າໃຫ້ຊາວຫວຽດນາມ ອາໄສຢູ່ຕ່າງປະເທດ.
ທ່ານ ສຈ.ປອ ຮວ່າງແອງຕ໋ວນ - ຜູ້ອຳນວຍການໂຮງຮຽນ ໃຫ້ຮູ້ວ່າ ພວກຂ້າພະເຈົ້າ ພວມມານະພະຍາຍາມສຳເລັດບັນດາໂຄງການ ແລະ ຫ້ອງຮຽນອອນໄລຢ່າງສົມບູນແບບຕາມແຕ່ລະລະດັບຄວາມສາມາດ, ສຸມໃສ່ກ່ອນໝົດແມ່ນລະດັບກາງ (ລະດັບ 3, 4 ຕາມສ້າງກອບຄວາມສາມາດພາສາຫວຽດນາມ); ຈັດຕັ້ງ, ບໍລິຫານລະບົບບັນດາຫຼັກສູດທີ່ຫຼາກຫຼາຍ ເພື່ອຮັບໃຊ້ຊາວຫວຽດນາມ ອາໄສຢູ່ຕ່າງປະເທດທຸກອາຍຸ, ກຸ່ມພາກສ່ວນ ດ້ວຍຄວາມຕ້ອງການທີ່ແຕກຕ່າງກັນຕາມສ້າງກອບຄວາມສາມາດພາສາຫວຽດນາມ 6 ລະດັບ; ສໍາເລັດຊຸດເອກະສານດ້ານພາສາຂອງບົດລະຄອນການສອນອອນໄລ(ວິດີໂອສໍາລັບໂຄງການຫຼັກສູດອົດຮັບ, ບັນດາຮູບແບບໂຕ້ຕອບ...).
ເຖິງວ່າເຕັກໂນໂລຢີ ໄດ້ຊ່ວຍຫຼຸດຜ່ອນຄວາມຫຍຸ້ງຍາກໃນການສອນ ແລະ ຮຽນພາສາຫວຽດນາມ ຢູ່ຫ່າງໄກກໍ່ຕາມ, ແຕ່ຍັງມີສິ່ງທ້າທາຍຫຼາຍຢ່າງ. ຄອບຄົວຊາວຫວຽດນາມ ອາໄສຢູ່ບັນດາປະເທດທີ່ປະສົບກັບຄວາມຫຍຸ້ງຍາກທາງດ້ານເງື່ອນໄຂເສດຖະກິດປະເຊີນກັບອຸປະສັກໃນການເຂົ້າເຖິງເຕັກໂນໂລຢີທີ່ທັນສະໄຫມ ຫຼື ການເຊື່ອມຕໍ່ອິນເຕີເນັດທີ່ຫມັ້ນຄົງ. ແຕ່ແນວໃດກໍ່ຕາມ, ດ້ວຍການພັດທະນາຢ່າງບໍ່ຢຸດຢັ້ງຂອງເຕັກໂນໂລຢີ, ພ້ອມທັງຄວາມພະຍາຍາມໃນການປັບປຸງວິທີການສອນ, ຄວາມຫຍຸ້ງຍາກເຫຼົ່ານີ້ອາດຈະຄ່ອຍໆຖືກແກ້ໄຂ.
ບັນດາແອັບຮຽນພາສາ ແລະ ບັນດາຫ້ອງຮຽນອອນໄລສືບຕໍ່ເປີດກາລະໂອກາດໃຫມ່, ບໍ່ພຽງແຕ່ສໍາລັບລຸ້ນຫນຸ່ມຊາວຫວຽດນາມ ອາໄສຢູ່ຕ່າງປະເທດເທົ່ານັ້ນ ຫາກຍັງສໍາລັບຊຸມຊົນຊາວຫວຽດນາມ ໃນທົ່ວໂລກ. ການສົມທົບກັນລະຫວ່າງເຕັກໂນໂລຢີແລະ ການສຶກສາຈະສືບຕໍ່ມີບົດບາດສຳຄັນໃນການຮັກສາ ແລະ ພັດທະນາພາສາຫວຽດນາມ ໃຫ້ແກ່ຄົນລຸ້ນຫຼັງ.
 | ຍສໝ - ຕັ້ງຄ້າຍລະດູຮ້ອນ ໂດຍຄະນະກຳມະການຊາວຫວຽດນາມ ອາໄສຢູ່ຕ່າງປະເທດ ນະຄອນ ສົມທົບກັບຄະນະຊາວໜຸ່ມນະຄອນ ໂຮ່ຈີມິນ ແລະ ພະແນກການຕ່າງປະເທດນະຄອນດ່າໜັງ ຈັດຂື້ນ. ນີ້ແມ່ນໂອກາດເພື່ອໃຫ້ນັກທ່ອງທ່ຽວຕັ້ງແຄ້ມແຕ່ລະຄົນໄດ້ສຳຜັດກັບລະດັບຄວາມແຕກຕ່າງກັນກ່ຽວກັບບັນດາສະຖານທີ່ທີ່ຕົນໄປ, ວັດທະນະທຳ, ຮີດຄອງ, ປະເພນີຂອງຊາດຫວຽດນາມ ແລະ ບັນດາການເຄື່ອນໄຫວທີ່ຕົນເຂົ້າຮ່ວມ. |
 | ຍສໝ - ລາຍການຄ້າຍພັກແລ້ງ ຫວຽດນາມແມ່ນເພື່ອແນໃສ່ສ້າງໂອກາດໃຫ້ໄວໜຸ່ມສະໜິດຕະພັນກັບບ້ານເກີດເມືອງນອນ, ປະເທດຊາດ, ໄດ້ລົງຕົວຈິງ ແລະ ເຮັດໃຫ້ຄວາມຮູ້ທາງດ້ານວັດທະນະທຳອຸດົມສົມບູນກ່ວາເກົ່າ. |
ມີງດຶກ
