 | ຫວຽດນາມ - ຍີ່ປຸ່ນ ເປີດກວ້າງການຮ່ວມມືດ້ານວີຊາ, ODA ແລະ ການສົ່ງອອກແຮງງານ |
| CTFK (ອາເມລິກາ) ຊ່ວຍເຫຼືອການປ້ອງກັນການຈົມນ້ຳໃຫ້ເດັກນ້ອຍ 1.800 ຄົນຢູ່ 2 ເມືອງຂອງແຂວງ ກວາງຫງ້າຍ |
ຊຸດຮຽນໂດຍໂຮງຮຽນພາສາ ຫວຽດ ໄມ້ໄຜ່ (ໄກແຈ) - ໂຮງຮຽນຊຸມຊົນແຫ່ງທຳອິດ ຢູ່ຍີ່ປຸ່ນ - ສົມທົບກັບສະມາຄົມແມ່ຍິງ ຫວຽດນາມ ເຂດ Kansai, ສະມາຄົມຕິດຕໍ່ກັບຊາວຫວຽດນາມ ອາໄສຢູ່ຕ່າງປະເທດ, ມະຫາວິທະຍາໄລພາສາຕ່າງປະເທດ - ມະຫາວິທະຍາໄລແຫ່ງຊາດ ຮ່າໂນ້ຍ ຈັດຕັ້ງ, ກໍເພື່ອຕອບສະໜອງໂຄງການ “ວັນເຊີດຊູພາສາຫວຽດນາມ ໃນປະຊາຄົມຊາວຫວຽດນາມ ອາໄສຢູ່ຕ່າງປະເທດ”.
 |
| ພິທີໄຂຊຸດຮຽນຢູ່ເຂດ Kansai, Osaka, ຍີ່ປຸ່ນ ໄດ້ດຶງດູດນັກຮຽນ 100 ກວ່າຄົນເຂົ້າຮຽນ. |
ກ່າວຄຳປາໄສທີ່ພິທີເປີດຊຸດຮຽນ, ທ່ານນາງ ເລເທືອງ - ຜູ້ກໍ່ຕັ້ງໂຮງຮຽນພາສາ ຫວຽດ ໄມ້ໄຜ່ (ໄກແຈ), ຮອງປະທານຜູ້ປະຈຳສະມາຄົມແມ່ຍິງ ຫວຽດນາມ ປະຈຳເຂດ Kansai - ສະແດງຄວາມປາດຖະໜາວ່າ ຜ່ານການຮຽນພາສາຫວຽດນາມ, ເດັກນ້ອຍ ບໍ່ພຽງແຕ່ຈະຮູ້ພາສາແມ່ຂອງຕົນເທົ່ານັ້ນ, ຫາກຍັງເຂົ້າໃຈວັດທະນະທຳ, ປະຫວັດສາດ ແລະ ຮິດຄອງປະເພນີຂອງຫວຽດນາມ ນຳອີກ. “ການຮຽນພາສາຫວຽດນາມ ບໍ່ພຽງແຕ່ຊ່ວຍໃຫ້ເດັກນ້ອຍພັດທະນາຕົນເອງເທົ່ານັ້ນ, ຫາກຍັງປະກອບສ່ວນຮັດແໜ້ນຄວາມສະໜິດຕິດພັນລະຫວ່າງສະມາຊິກໃນຄອບຄົວ, ຍົກສູງບົດບາດ, ທີ່ຕັ້ງຂອງພາສາ ຫວຽດນາມ ຢູ່ດິນແດນຕາເວັນຂຶ້ນ”.
ເຂົ້າຮ່ວມ ແລະ ກ່າວຄຳປາໄສທີ່ພິທີໄຂ, ທ່ານ ໂງຈິ້ງຮ່າ - ຫົວໜ້າສະຖານກົງສູນໃຫຍ່ຫວຽດນາມ ປະຈຳ Osaka ໄດ້ຕີລາຄາສູງບັນດາຄວາມມານະພະຍາຍາມຂອງຄະນະຈັດຕັ້ງ, ຄູອາຈານ ແລະ ຜູ້ປົກຄອງເພື່ອສາມາດຈັດຫ້ອງຮຽນນີ້ໃຫ້ເດັກນ້ອຍໄດ້.
ກ່າວຄຳຊົມເຊີຍທີ່ພິທີໄຂ, ທ່ານ ຫງວຽນແມ້ງດົງ - ຮອງຫົວໜ້າຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດ ຫວຽດນາມ - ສະແດງຄວາມເຊື່ອໝັ້ນວ່າ “ຫ້ອງຮຽນພາສາ ຫວຽດນາມ ທີ່ຮັກແພງ ຈະສ້າງສະພາບແວດລ້ອມແຫ່ງການຮຽນຮູ້ທີ່ມີຊີວິດຊີວາ, ມີປະສິດທິຜົນ ແລະ ເຕັມໄປດ້ວຍຄວາມຮັກແພງ, ປະກອບສ່ວນບຳລຸງສ້າງວັດທະນະທຳບັນພະບຸລຸດໃຫ້ແກ່ເດັກນ້ອຍ, ນັ້ນຈະຮັກສາ “ຈິດໃຈຫວຽດນາມ” ຢູ່ບ່ອນໃດກໍມີຊາວຫວຽດນາມ ດຳລົງຊີວິດຢູ່”.
ໂຄງການສອນ ແລະ ການຮຽນຟຣີ - ໄດ້ສ້າງມາຈາກຄວາມກະຕືລືລົ້ນຂອງບັນດາຄູສອນ ກໍ່ຄືຜູ້ກໍ່ຕັ້ງໂຄງການ - ຫວັງວ່າ ຈະເປັນຂົວຕໍ່ມິດຕະພາບລະຫວ່າງ ຫວຽດນາມ ແລະ ຍີ່ປຸ່ນ.
ທ່ານ Sekoguchi - ຫົວໜ້າຫ້ອງວ່າການສິດທິມະນຸດ, ວັດທະນະທຳນະຄອນ Higashiosaka - ໄດ້ອ່ານຈົດໝາຍຊົມເຊີຍຂອງທ່ານນາຍົກເທດສະມົນຕີນະຄອນ, ໂດຍເນັ້ນໜັກວ່າ ຈະຮ່ວມເດີນທາງກັບໂຮງຮຽນພາສາຫວຽດ ໄມ້ໄຜ່ (ໄກແຈ) ຕະຫຼອດໄປ.
 | ຍສໝ - ລາຍການຄ້າຍພັກແລ້ງ ຫວຽດນາມແມ່ນເພື່ອແນໃສ່ສ້າງໂອກາດໃຫ້ໄວໜຸ່ມສະໜິດຕະພັນກັບບ້ານເກີດເມືອງນອນ, ປະເທດຊາດ, ໄດ້ລົງຕົວຈິງ ແລະ ເຮັດໃຫ້ຄວາມຮູ້ທາງດ້ານວັດທະນະທຳອຸດົມສົມບູນກ່ວາເກົ່າ. |
 | ບໍາລຸງວິທີການສິດສອນພາສາຫວຽດນາມ ໃຫ້ແກ່ຄູອາຈານຫວຽດນາມ ຢູ່ໄຕ້ຫວັນ (ຈີນ) ຍສໝ - ຕອນບ່າຍວັນທີ 4 ກໍລະກົດ, ຢູ່ທີ່ຕ້າວຢວນ - ໄຕ້ຫວັນ (ຈີນ), ຫ້ອງການເສດຖະກິດ ແລະ ວັດທະນະທຳ ຫວຽດນາມ ປະຈຳ ໄທເປ ໄດ້ສົມທົບກັບບັນດາຫົວໜ່ວຍທີ່ກ່ຽວຂ້ອງຈັດຕັ້ງພິທີເປີດຊຸດອົບຮົມການສອນພາສາຫວຽດນາມ ໃຫ້ແກ່ບັນດາຄູອາຈານຫວຽດນາມ ຢູ່ໄຕ້ຫວັນ ແລະ ເປີດຕົວຕູ້ປຶ້ມເພື່ອຮັບໃຊ້ຊຸມຊົນ. |
ມີງດຶກ
