| ອົງການ Dove Fund (ອາເມລິກາ) ຊ່ວຍເຫຼືອການດູແລດວງຕາໃຫ້ນັກຮຽນ 10.000 ກວ່າຄົນຢູ່ແຂວງເທືອທ່ຽນເຫວ້ | |
| ກອງບັນຊາການທະຫານຊາຍແດນ ລົງກວດກາວຽກງານກະກຽມໃຫ້ແກ່ການພົບປະແລກປ່ຽນມິດຕະພາບການປ້ອງກັນປະເທດຊາຍແດນ ຫວຽດນາມ - ລາວ |
ທີ່ການເຮັດວຽກ ຄະນະຜູ້ແທນແຂວງເບັ້ນແຈ່ (ລວມມີ ຜູ້ຕາງໜ້າສະຫະພັນບັນດາອົງການມິດຕະພາບ, ຄະນະກຳມະການສູນກາງແນວໂຮມປະເທດຊາດ ຫວຽດນາມ, ຄະນະຕິດຕໍ່ຊາວຫວຽດນາມຢູ່ຕ່າງປະເທດ ແລະ ຊາວຫວຽດນາມທີ່ມີພີ່ນ້ອງຢູ່ຕ່າງປະເທດ ຂອງແຂວງເບັ້ນແຈ່) ໄດ້ຮັບຊົມຮູບເງົາເອກະສານກ່ຽວກັບການເຄື່ອນໄຫວຂອງ ຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດ ນະຄອນໂຮ່ຈິມິນ ໃນ 6 ເດືອນຕົ້ນປີ 2024.
 |
| ທ່ານ ເລວັນທູ່, ຮອງປະທານຄະນະກຳມະການຊາວຫວຽດນາມອາໄສຢູ່ຕ່າງປະເທດ ນະຄອນ ໂຮ່ຈີມິນ, ປະທານສະມາຄົມຕິດຕໍ່ກັບຄົນຫວຽດນາມຢູ່ຕ່າງປະເທດ ນະຄອນໂຮ່ຈີມິນ ປະກອບຄຳເຫັນທີ່ການເຮັດວຽກ. |
ກ່າວຄຳເຫັນທີ່ການເຮັດວຽກ, ທ່ານ ເຈື່ອງມິ່ງຍືດ, ປະທານສະຫະພັນບັນດາອົງການມິດຕະພາບແຂວງເບັ້ນແຈ່ ໃຫ້ຮູ້ວ່າ: ມີຊາວເບັ້ນແຈ່ ປະມານ 10.000 ຄົນພວມດຳລົງຊີວິດ, ສຶກສາຮ່ຳຮຽນ ແລະ ເຮັດວຽກຢູ່ຕ່າງປະເທດ ປີ 2023, ແຂວງໄດ້ດຶງດູດເງິນສົ່ງກັບຄືນມາປະເທດປະມານ 2.000 ຕື້ດົ່ງ.
ທ່ານ ເຈືອງມິ່ງຍືດ ມີຄວາມເຊື່ອໝັ້ນວ່າ ແຂວງເບັ້ນແຈ່ ຍັງມີຄວາມສາມາດບົ່ມຊ້ອນຫລາຍຢ່າງເພື່ອຊຸກຍູ້ແຫຼ່ງກຳລັງຂອງຄົນຫວຽດນາມຢູ່ຕ່າງປະເທດ. ດັ່ງນັ້ນ, ແຂວງເບັ້ນແຈ່ ພວມເຄື່ອນໄຫວຢ່າງຕັ້ງໜ້າແລກປ່ຽນ ແລະ ສຳຫຼວດບົດຮຽນປະສົບການ ເພື່ອຊອກຫາມາດຕະການແກ້ໄຂຢ່າງມີປະສິດທິຜົນເພື່ອເສີມຂະຫຍາຍແຫຼ່ງຊັບພະຍາກອນດັ່ງກ່າວໃຫ້ສູງທີ່ສຸດ.
ທ່ານ ເລ່ວັນທູ່, ຮອງປະທານຄະນະກຳມະການຊາວຫວຽດນາມ ອາໄສຢູ່ຕ່າງປະເທດນະຄອນ ໂຮ່ຈີມິນ, ປະທານສະມາຄົມການຕິດຕໍ່ກັບຊາວຫວຽດນາມອາໄສຢູ່ຕ່າງປະເທດ ນະຄອນ ໂຮ່ຈີມິນ ໄດ້ແລກປ່ຽນກັບຄະນະຜູ້ແທນແຂວງເບັ້ນແຈ່ ກ່ຽວກັບເນື້ອໃນຈໍານວນໜື່ງເຊັ່ນ: ວຽກງານການຈັດຕັ້ງ, ການເງິນ ແລະ ທິດທາງການເຄື່ອນໄຫວຂອງສະມາຄົມ.
ສອງຝ່າຍໄດ້ແລກປ່ຽນ ແລະ ແບ່ງປັນປະສົບການກ່ຽວກັບບັນດາເນື້ອໃນຄື: ງົບປະມານການເຄື່ອນໄຫວ, ມາດຖານການເປັນສະມາຊິກ, ລະບອບດຳເນີນຊີວິດຂອງສະມາຄົມ; ບ່ອນອີງທາງດ້ານນິຕິກຳ ແລະ ຂອບເຂດການເຄື່ອນໄຫວຂອງສູນການຊ່ວຍເຫຼືອຄົນຫວຽດນາມຢູ່ຕ່າງປະເທດ ທີ່ຂື້ນກັບສະມາຄົມ.
ກ່າວຄຳເຫັນສະຫຼຸບໃນພິທີ, ທ່ານ ເລ່ວັນທູ່ ຢືນຢັນວ່າ ພ້ອມແລ້ວທີ່ຈະແລກປ່ຽນ, ເຊື່ອມສານ ແລະ ສົມທົບກັນຢ່າງແໜ້ນແຟ້ນກັບແຂວງເບັ້ນແຈ່ ເພື່ອໃຫ້ວຽກງານຊາວຫວຽດນາມຢູ່ຕ່າງປະເທດ ຈັດຕັ້ງປະຕິບັດໃຫ້ເປັນຢ່າງດີທີ່ສຸດ.
ອານຸໄຊ ສະຫວັດ
