 |
| ຕັ້ງຄ້າຍຊາວໜຸ່ມ, ເຍົສວະຊົນຢູ່ຕ່າງປະເທດ ແລະ ໄວຫນຸ່ມນະຄອນ ໂຮ່ຈີມິນ ຄັ້ງທີ 17 ດ້ວຍຫົວຂໍ້ “ຄວາມເອກອ້າງທະນົງໃຈຂອງຊົນເຜົ່າຫວຽດນາມ” ໄດ້ໄຂຂຶ້ນຢູ່ນະຄອນ ໂຮ່ຈີມິນ. |
ບັນດາຜູ້ຕັ້ງຄ້າຍໄດ້ທຳການກົ້ມຫົວໄຫວ້ອາໄລ 1 ນາທີ ເພື່ອລະນຶກເຖິງທ່ານເລຂາທິການໃຫຍ່ ຫງວຽນຟູ໋ຈ້ອງ; ຈູດທູບທຽນ ແລະ ດອກໄມ້ເພື່ອລະນຶກເຖິງວິລະຊົນ ແລະ ນັກຮົບເສຍສະຫຼະຊີວິດເພື່ອຊາດຢູ່ສຸສານນັກຮົບເສຍສະຫຼະຊີວິດເພື່ອຊາດ ກູຈີ; ຈູດທູບທຽນຢູ່ບ່ອນຂຸມຝັງສົບຂອງນັກຮົບເສຍສະຫຼະຊີວິດເພື່ອຊາດ.
ບັນດານັກຕັ້ງຄ້າຍໄດ້ໄປຢ້ຽມຢາມ ແລະ ຊອກຮູ້ກ່ຽວກັບອຸໂມງ ກູຈີ່, ເຂົ້າຮ່ວມບັນດາການເຄື່ອນໄຫວຊອກຮູ້ປະຫວັດສາດ ແລະ ວັດທະນະທຳຂອງຊາດຄື: ຢ້ຽມຢາມ ແລະ ຫຼິ້ນເກມເພື່ອຊອກຮູ້ປະຫວັດສາດຢູ່ຫໍພິພິທະພັນ ບຽດດົ້ງ ໄຊງ່ອນ – ຢາດິ້ງ; ຢ້ຽມຢາມ ແລະ ຊອກຮູ້ປະຫວັດສາດຢູ່ສຸສານ ທະຫານຝ່າຍຊ້າຍ ເລວັນຢວຽດ ແລະ ຮັບຊົມສິລະປະຂັບໂບ້ຍ; ຢ້ຽມຢາມ ແລະ ຮຽນຮູ້ປະຫວັດສາດຢູ່ວິຫານ ດຶກແທງ ເຈີນຮື່ງດາວ; ຊອກຮູ້ສິລະປະການຟ້ອນຕຸກກະຕານ້ຳຢູ່ໂຮງລະຄອນສິລະປະເຟື່ອງນ່າມ…
ຈຸດພົ້ນເດັ່ນຂອງຕັ້ງຄ້າຍລະດູຮ້ອນປີນີ້ແມ່ນບັນດານັກຕັ້ງຄ້າຍໄດ້ເຂົ້າຮ່ວມການເຄື່ອນໄຫວກິດຈະກໍາອາສາສະໝັກກັບຊາວໜຸ່ມ ແລະ ໄວໜຸ່ມນະຄອນ ໂຮ່ຈີມິນ ເຊັ່ນ: ບັນດາການເຄື່ອນໄຫວສະແດງສິລະປະຮີດຄອງປະເພນີ “ກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳ”, "ຕອບບຸນແທນຄຸນ" ເນື່ອງໃນໂອກາດສະເຫຼີມສະຫຼອງ 77 ປີແຫ່ງວັນທະຫານເສຍອົງຄະ ນັກຮົບເສຍສະຫຼະຊີວິດເພື່ອຊາດ (27 ກໍລະກົດ 1947 – 27 ກໍລະກົດ 2024).
ບັນດານັກຕັ້ງຄ້າຍຈະໄປຢ້ຽມຢາມແມ່ວິລະຊົນຫວຽດນາມ, ຄອບຄົວນັກຮົບເສຍສະຫຼະຊີວິດເພື່ອຊາດ ແລະ ຮັບຟັງບັນດາເລື່ອງລາວປະຫວັດສາດກ່ຽວກັບໄລຍະທີ່ຮຸ່ງເຮືອງ ແລະ ເຕັມໄປດ້ວຍຄວາມເອກອ້າງທະນົງໃຈ; ເຂົ້າຮ່ວມສະໜາມຫຼິ້ນກ່ຽວກັບພາສາອັງກິດພ້ອມກັບຊາວໜຸ່ມ ແລະ ເຍົາວະຊົນຢູ່ເມືອງ ກູຈີ.
ໃນຂະນະນັ້ນ, ຢູ່ນະຄອນ ດ່າໜັງ (ວັນທີ 28 – 31 ກໍລະກົດ), ບັນດານັກຕັ້ງຄ້າຍໄດ້ຍ່າງຢູ່ແຄມຝັ່ງແມ່ນ້ຳຮານ ແລະ ຊົມຂົວມັງກອນພົ່ນໄຟໃນຕອນຄ່ຳ, ຢ້ຽມຢາມເຮືອນຮ້ານວາງສະແດງ ຮວ່າງຊາ ແລະ ຢ້ຽມຢາມບ້ານສິລະປະຫີນ, ຢ້ຽມຢາມພິພິທະພັນດ່າໜັງ.
ບັນດານັກຕັ້ງຄ້າຍຈະມີກິດຈະກໍາອາສາສະຫມັກ, ການຢ້ຽມຢາມ ແລະ ພົບປະແລກປ່ຽນກັບເດັກນ້ອຍທີ່ຕິດແປດທາດຜິດສີສົ້ມ, ເດັກນ້ອຍດ້ອຍໂອກາດຢູ່ສູນຊ່ວຍເຫຼືອຜູ້ເຄາະຮ້າຍຈາກທາດພິດສີສົ້ມ ແລະ ເດັກທີ່ໂຊກຮ້າຍ.
ນອກຈາກນັ້ນ, ບັນດານັກຕັ້ງຄ້າຍກໍ່ໄດ້ມີການຢ້ຽມຢາມ ແລະ ພົບປະແລກປ່ຽນກັບກອງບັນຊາການທະຫານເຮືອເຂດ 3; ຢ້ຽມຢາມ ແລະ ພົບປະແລກປ່ຽນກັບບັນດານັກສຶກສາວິທະຍາໄລ ດ່າຍວຽດ ນະຄອນດ່າໜັງ, ຢ້ຽມຢາມວັດ ລິ່ງອື້ງ, ແຫຼມເຊິ່ນຈາ ແລະ ພິທີປິດຕັ້ງຄ້າຍລະດູຮ້ອນ ຈະມີບັນດາການເຄື່ອນໄຫວແລກປ່ຽນກັບຊາວໜຸ່ມນະຄອນ ດ່າໜັງ ດ້ວຍບັນດາເກມຫຼິ້ນມ່ວນໆ.
ອ.ສະຫວັດ
