| ທ່ານ ໂຕເລິມ ເລຂາທິການໃຫຍ່, ປະທານປະເທດຫວຽດນາມ ຈະມີສານໃຫຍ່, ສໍາຄັນຢູ່ອາເມລິກາ | |
| ຈະມີເສັ້ນທາງຄວາມໄວສູງ ຈາກ ລາວ - ໄທ ໄປ ຫວຽດນາມ |
 |
| ພະຍຸລູກທີ 3 ເຮັດໃຫ້ຫຼາຍເຂດຖືກນ້ຳຖ້ວມຢ່າງຮ້າຍແຮງ (ພາບ: ວາລະສານທ່ອງທ່ຽວນະຄອນ ໂຮ່ຈີມິນ). |
ມະຕິໄດ້ກຳນົດຢ່າງຈະແຈ້ງເຖິງຂອບເຂດ ແລະ ເປົ້າໝາຍທີ່ໜູນຊ່ວຍແມ່ນປະຊາຊົນ, ຜູ້ອອກແຮງານ, ຜູ້ທີ່ອ່ອນແອ, ຄອບຄົວທຸລະກິດ, ສະຫະກອນ, ວິສາຫະກິດຢູ່ບັນດາເຂດຖືກຜົນສະທອນຈາກພະຍຸລູກທີ 3, ນ້ຳຖ້ວມ, ດິນເຈື່ອນ.
ໄລຍະເວລາຫນູນຊ່ວຍ ຕົ້ນຕໍແຕ່ເດືອນກັນຍາ ຮອດ ເດືອນຕຸລາ 2024; ບາງນະໂຍບາຍເພື່ອໜູນຊ່ວຍຄົວເຮືອນທີ່ດຳເນີນທຸລະກິດ ແລະ ວິສະຫະກິດອາດຈະແກ່ຍາວ ແລະ ເພື່ອເສີມຕື່ມຊັບພະຍາກອນການຈັດຕັ້ງປະຕິບັດຈົນຮອດທ້າຍປີ 2025 ເພື່ອໃຫ້ເໝາະສົມກັບການຟື້ນຕົວຂອງວິສາຫະກິດ, ຄົວເຮືອນດຳເນີນທຸລະກິດ ແລະ ປັດໄຈຕາມລະດູການໃນການຜະລິດດຳເນີນທຸລະກິດ.
ລັດຖະບານໄດ້ວາງອອກ 6 ກຸ່ມໜ້າທີ່, ວິທີການແກ້ໄຂຈຸດສຸມເພື່ອແກ້ໄຂຜົນຮ້າຍຢ້ອນຫຼັງຈາກພະຍຸລູກທີ 3 ຢ່າງຮີບດ່ວນ.
ທີໜຶ່ງແມ່ນກຸ່ມໜ້າທີ່, ວິທີການແກ້ໄຂຈຸດສຸມກ່ຽວກັບການປົກປ້ອງຊີວິດ, ຄວາມປອດໄພ ແລະ ສຸຂະພາບຂອງປະຊາຊົນ.
ທີ 2 ແມ່ນກຸ່ມໜ້າທີ່, ວິທີການແກ້ໄຂຈຸດສຸມກ່ຽວກັບການໜູນຊ່ວຍຟື້ນຟູການເຄື່ອນໄຫວຊີວິດສັງຄົມ ເພື່ອໃຫ້ຊີວິດການເປັນຢູ່ຂອງປະຊາຊົນກັບມາເປັນປົກກະຕິ.
ໃນນັ້ນ, ລັດຖະບານ ໄດ້ກຳນົດຢ່າງຈະແຈ້ງວ່າ ຈະນຳໃຊ້ງົບປະມານແຫ່ງລັດສຳຮອງເພື່ອໃຊ້ໃນການສ້ອມແປງຢ່າງຮີບດ່ວນ ແລະ ນຳກິດຈະກຳທີ່ໃຊ້ໃນຊິວິດປະຈຳວັນ, ໂຮງຮຽນ, ຮາກຖານການແພດ, ສຸກສາລາ, ຊົນລະປະທານ ເຂົ້າເຄື່ອນໄຫວນຳໃຊ້.
ສຳລັບກິດຈະການໂຮງຮຽນ ແລະ ຮາກຖານການແພດ ທີ່ໄດ້ຮັບຄວາມເສຍຫາຍຢ່າງໜັກໜ່ວງ ແລະ ບໍ່ສາມາດນຳໃຊ້ໄດ້, ເບື້ອງຕົ້ນແມ່ນໃຫ້ກໍ່ສ້າງໂຮງຮຽນຊົ່ວຄາວໃຫ້ນັກຮຽນເຂົ້າຮຽນໃນເດືອນກັນຍາ ແລະ ຮາກຖານສາທາລະນະສຸກ ເພື່ອຮັບໃຊ້ການກວດ ແລະ ປິ່ນປົວພະຍາດກ່ອນ; ຫຼັງຈາກນັ້ນ, ກໍ່ວາງແຜນທີ່ຈະສ້າງກິດຈະການທີ່ບໍ່ສາມາດສືບຕໍ່ນໍາໃຊ້ໄດ້ຄືນໃໝ່.
ກະຊວງສຶກສາທິການ - ບຳລຸງສ້າງ ແລະ ບັນດາທ້ອງຖິ່ນຈະປະຕິບັດການຍົກເວັ້ນ ແລະ ຫຼຸດຜ່ອນຄ່າຮຽນໃຫ້ນັກສືກສາ ແລະ ນັກຮຽນທີ່ຖືກຜົນກະທົບຈາກພະຍຸລູກທີ 3 ໃນສົກຮຽນ 2024-2025.
ທີສາມແມ່ນກຸ່ມໜ້າທີ່, ວິທີການແກ້ໄຂຈຸດສຸມກ່ຽວກັບການໜູນຊ່ວຍບັນດາຮາກຖານການຜະລິດ, ຄອບຄົວດຳເນີນທຸລະກິດ, ສະຫະກອນ ແລະ ວິສາຫະກິດ ເພື່ອຟື້ນຟູຕ່ອງໂສ້ການຜະລິດ, ການສະໜອງ, ແຮງງານໂດຍໄວ, ຟື້ນຟູ ແລະ ຊຸກຍູ້ການພັດທະນາການຜະລິດ, ດຳເນີນທຸລະກິດ, ການເຕີບໂຕຂອງເສດຖະກິດ.
ລັດຖະບານຮຽກຮ້ອງຢ່າງຮີບດ່ວນໃຫ້ປະຕິບັດນະໂຍບາຍຍົກເວັ້ນ, ຫຼຸດຜ່ອນ ແລະ ຕໍ່ກຳນົດເວລາຈ່າຍພາສີ, ຄ່າທຳນຽມ, ຄ່າເຊົ່າທີ່ດີນ, ຄ່າເຊົ່າໜ້ານ້ຳ... ໃຫ້ແກ່ຜູ້ທີ່ໄດ້ຮັບຜົນກະທົບ ແລະ ຖືກຄວາມເສຍຫາຍຈາກພະຍຸ, ໄພນ້ຳຖ້ວມ, ດິນເຈື່ອນ ຕາມຂໍ້ກຳນົດ ຂອງກົດໝາຍ.
ທະນາຄານແຫ່ງລັດຈັດແບ່ງປະເພດຊັບສິນທີ່ມີ, ລະດັບການຫັກເອົາໄວ້ສ້າງບ້ວງສຳຮອງຄວາມສ່ຽງ, ແບບວິທີການຈັດຫັກເອົາໄວ້ສ້າງບ້ວງສຳຮອງຄວາມສ່ຽງ ແລະ ບ້ວງສຳຮອງເພື່ອແກ້ໄຂບັນຫາຄວາມສ່ຽງ, ແນໃສ່ໜູມຊ່ວຍລູກຄ້າທີ່ປະສົບກັບຄວາມຫຍຸ້ງຍາກ ແລະ ຖືກຄວາມເສຍຫາຍຍ້ອນຜົນກະທົບຈາກພະຍຸ ລູກທີ 3; ຊີ້ນຳບັນດາອົງການສິນເຊື່ອຕັ້ງໜ້າຄິດໄລ່ບັນດາວິທີການໜູນຊ່ວຍ, ປະຕິປັດການປັບໂຄງສ້າງໄລຍະເວລາ, ຮັກສາກຸ່ມໜີ້ສິນຄືເກົ່າ, ພິຈາລະນາຍົກເວັ້ນ ຫຼື ຫຼຸດອັດຕາດອກເບ້ຍເງິນກູ້ໃຫ້ລູກຄ້າທີ່ຖືກເສຍຫາຍ; ສ້າງລາຍການສິນເຊື່ອໃໝ່ດ້ວຍອັດຕາດອກເບ້ຍບຸລິມະສິດທີ່ເໝາະສົມ, ສືບຕໍ່ສະໜອງເງິນກູ້ໃໝ່ໃຫ້ແກ່ລູກຄ້າເພື່ອຟື້ນຟູການຜະລິດດຳເນີນທຸລະກິດພາຍຫຼັງພະຍຸ ຕາມລະບຽບກົດໝາຍປະຈຸບັນ...
ທີສີ່ ແມ່ນກຸ່ມໜ້າທີ່, ວິທີການແກ້ໄຂຈຸດສຸມກ່ຽວກັບການກະກຽມຄວາມພ້ອມໃນການຮັບມືກັບໄພທຳມະຊາດ, ພະຍຸ, ໄພນ້ຳຖ້ວມ, ດິນເຈື່ອນ... ໃນໄລຍະຈະມາເຖິງ.
ທີຫ້າ ແມ່ນກຸ່ມໜ້າທີ່, ວິທີການແກ້ໄຂກ່ຽວກັບກົນໄກ, ນະໂຍບາຍ, ວິທີແກ້ໄຂເພື່ອຫຼຸດຜ່ອນ ແລະ ຫັນບັນດາລະບຽບການບໍລິຫານເປັນງ່າຍດາຍເພື່ອຜັນຂະຫຍາຍບັນດານະໂຍບາຍໜູນຊ່ວຍ.
ທີຫົກ ແມ່ນກຸ່ມໜ້າທີ່, ວິທີການແກ້ໄຂກ່ຽວກັບການຄວບຄຸມໄພເງິນເຟີ້ ແລະ ຊຸກຍູ້ການເຕີບໂຕເສດຖະກິດ.
ພະຍຸລູກທີ 3 (Yagi) ໄດ້ສ້າງຄວາມເສຍຫາຍຢ່າງໜັກໜ່ວງ ໃຫ້ແກ່ປະຊາຊົນ, ຊັບສິນ, ຜົນລະປູກ, ສັດລ້ຽງ ແລະ ພື້ນຖານໂຄງລ່າງເສດຖະກິດ-ສັງຄົມ; ສົ່ງຜົນກະທົບຢ່າງໃຫຍ່ຫຼວງຕໍ່ຊີວິດທາງດ້ານວັດຖຸ ແລະ ຈິດໃຈຂອງປະຊາຊົນ, ການເຄື່ອນໄຫວທຳການຜະລິດ ແລະ ດຳເນີນທຸລະກິດ, ພິເສດແມ່ນການຜະລິດກະສິກຳ, ການບໍລິການ, ການທ່ອງທ່ຽວ.
ສະຖິຕິເບື້ອງຕົ້ນໄລ່ຮອດວັນທີ 17 ກັນຍານີ້ ມີຜູ້ເສຍຊີວິດ ແລະ ຫາຍສາບສູນປະມານ 329 ຄົນ, ບາດເຈັບ ປະມານ 1.929 ຄົນ...
ຍອດຄວາມເສຍຫາຍດ້ານຊັບສິນທີ່ເກີດຈາກພະຍຸລູກທີ 3 ຄາດຄະເນໃນເບື້ອງຕົ້ນແມ່ນກວ່າ 50.000 ຕື້ດົ່ງ, ຄາດວ່າຈະອາດຈະເຮັດໃຫ້ຫຼຸດລະດັບການເຕີບໂຕ GDP ທັງປີປະມານ 0,15% ເມື່ອທຽບໃສ່ແຜນການເຕີບໂຕ 6,8-7%.
ແທັງຮັ່ງ
