 | ອົງການ UNICEF ຊ່ວຍເຫຼືອສຸກເສີນບັນດາແຂວງທີ່ໄດ້ຮັບຜົນກະທົບຈາກພະຍຸ Yagi |
| ອາເມລິກາ ຈະໜູນຊ່ວຍສຸກເສີນ 1 ລ້ານ USD ໃຫ້ ຫວຽດນາມ ເພື່ອແກ້ໄຂຄວາມເສຍຫາຍຈາກພະຍຸລູກທີ 3 |
ລະອຽດ, ໄດ້ມີ 3 ອົງການຈັດຕັ້ງໃຫ້ຄຳໝັ້ນສັນຍາໜູນຊ່ວຍ, ລວມມີ: ລັດຖະບານ ອົດສະຕາລີ; ສູນ AHA (ອົງການຈັດຕັ້ງໜຶ່ງລະຫວ່າງລັດຖະບານ, ທີ່ສ້າງຕັ້ງໂດຍ 10 ປະເທດສະມາຊິກອາຊຽນ ໂດຍມີເປົ້າໝາຍເພື່ອອໍານວຍຄວາມສະດວກໃຫ້ແກ່ການຮ່ວມມື ແລະ ປະສານສົມທົບໃນການຄຸ້ມຄອງໄພພິບັດໃນພາກພື້ນອາຊີຕາເວັນອອກສຽງໃຕ້) ແລະ ອົງການການຮ່ວມມືສາກົນຍີ່ປຸ່ນ (JICA).
ວັນທີ 11 ກັນຍານີ້, ເຄື່ອງຊ່ວຍເຫຼືອຄັ້ງທຳອິດຈາກລັດຖະບານອົດສະຕາລີ ໄດ້ຂົນສົ່ງດ້ວຍຍົນທະຫານໄປສະໜາມບິນສາກົນ ໂນ້ຍບ່າຍ (ຮ່າໂນ້ຍ). ການຂົນສົ່ງຄັ້ງນີ້ປະກອບມີ: ຊຸດອະນາໄມສ່ວນຕົວ 284 ຊຸດ; ຊຸດເຄື່ອງໃຊ້ໃນເຮືອນຄົວ 120 ຊຸດ 120; ຜ້າຫົ່ມ 600 ຜືນ; ຊຸດສ້ອມແປງເຮືອນ 264 ຊຸດ; ຜ້າປູບ່ອນນອນ 600 ຜືນ; ຜ້າບັດ 522 ຜືນ; ມຸ້ງ 360 ອັນ.
 |
| ວັນທີ 11 ກັນຍານີ້, ເຄື່ອງຊ່ວຍເຫຼືອຂອງລັດຖະບານ ອົດສະຕາລີ ໄດ້ນຳລົງຢູ່ສະໜາມບິນສາກົນ ໂນ້ຍບ່າຍ (ຮ່າໂນ້ຍ). (ພາບ: ສະຖານທູດອົດສະຕາລີ ປະຈຳ ຫວຽດນາມ) |
ຄາດຄະເນວ່າ ໃນວັນທີ 13-14 ກັນຍານີ້, ຫວຽດນາມຈະໄດ້ຮັບເຄື່ອງຊ່ວຍເຫຼືອຈາກສູນກາງ AHA ລວມມີ: ອຸປະກອນໃຊ້ໃນຄອບຄົວ 2.002 ຊຸດ (ລວມມີ: ຄຸຢາງ, ຖົງໃສ່ນ້ຳ, ຜ້າເຊັດຕົວ, ເສື້ອຍືດ, ມຸ້ງ, ວິທະຍຸ FM); ເຄື່ອງມືສ້ອມແປງເຮືອນ ຈຳນວນ 1.008 ຊຸດ (ປະກອບມີ: ເຊືອກເສັ້ນໃຫ່ຍ, ເລື່ອຍມື, ຕະປູຕອກໂລຫະ, ຊ້ວນ, ຈົກ, ມີດຕັດ, ຕະປູຕອກໄມ້, ເຊືອກມັດ, ຄ້ອນຕີ); ເຄື່ອງໃຊ້ໃນເຮືອນຄົວ 1,015 ຊຸດ (ລວມມີ: ໝໍ້, ຖ້ວຍ, ຈານ, ມີດ, ບ່ວງ, ສ້ອມ, ຈອກນໍ້າ, ຈອງໄມ້); ເຄື່ອງອະນາໄມສ່ວນຕົວ 3,031 ຊຸດ (ລວມມີ: ນໍ້າຢາຊັກຜ້າ, ຜ້າອະນາໄມ, ຜ້າເຊັດມື, ແປງຖູແຂ້ວ, ຢາສີຟັນ, ສະບູ່, ຢາສະຜົມ).
ແຕ່ວັນທີ 16-17 ກັນຍານີ້, ຕາມແຜນການ, ຫວຽດນາມ ຈະໄດ້ຮັບເຄື່ອງຊ່ວຍເຫຼືອໂດຍ JICA (ຍີ່ປຸ່ນ), ຊ່ວຍເຫຼືອ, ລວມມີ: ເຄື່ອງກອງນ້ຳເຄື່ອນທີ່ 40 ເຄື່ອງ (ເຄື່ອງໂປ້ມນ້ຳ, ແກນກອງນໍ້າເຊລາມິກ, ລະດັບຄວາມໄວການກອງນໍ້າ 4 ລິດ/ນາທີ, ຄວາມສາມາດກັ່ນຕອງນໍ້າສູງສຸດ 100.000 ລິດ); ຜ້າບັດຢາງອະເນກປະສົງ 200 ອັນ, ວັດສະດຸຢາງ HDPE, ຂະໜາດ 50x4m).
 |
| ເຄື່ອງຊ່ວຍເຫຼືອຂອງອົດສະຕາລີ ໄດ້ຖືກຂົນຍ້າຍຂຶ້ນລົດບັນທຸກໃນຕອນຄ່ຳວັນທີ 11 ກັນຍານີ້ ໄປຍັງແຂວງ ອຽນບ໋າຍ. (ພາບ: ໜັງສືພິມໄວໜຸ່ມ) |
ບັນດາເຄື່ອງຊ່ວຍເຫຼືອຂອງບັນດາອົງການຈັດຕັ້ງສາກົນ ໂດຍແມ່ນກົມຄຸ້ມຄອງລະບົບຄັນຄູ ແລະ ປ້ອງກັນ, ຕ້ານໄພທຳມະຊາດ ຕ້ອນຮັບຢູ່ສະໜາມບິນ ໂນ້ຍບ່າຍ ແລະ ໄດ້ຈັດການຂົນສົ່ງ ແລະ ມອບໃຫ້ບັນດາທ້ອງຖິ່ນ. ປະຈຸບັນ, ເຄື່ອງຂົນສົ່ງທີ່ສະໜັບສະໜູນໂດຍລັດຖະບານອົດສະຕາລີ ໄດ້ຖືກສົ່ງໄປຮອດ ແຂວງ ອຽນບ໋າຍ ໃນຕອນຄ່ຳວັນທີ 11 ກັນຍາ. ອຳນາດການປົກຄອງທ້ອງຖິ່ນຈັດຕັ້ງການແຈກຢາຍໃຫ້ແກ່ປະຊາຊົນທີ່ໄດ້ຮັບຄວາມເສຍຫາຍ.
ຕາງໜ້າກົມຄຸ້ມຄອງລະບົບຄັນຄູ ແລະ ປ້ອງກັນ, ຕ້ານໄພພິບັດທໍາມະຊາດ ກ່າວວ່າ: ໜ່ວຍງານຍັງໄດ້ສືບຕໍ່ປຶກສາຫາລື, ເຮັດວຽກຮ່ວມກັບບາງອົງການຈັດຕັ້ງຄື: ອົງການ UNWomen, Samaritan purse, ສະຖານທູດສະວິດ, ສະຖານທູດຝຣັ່ງ, Save the Children... ເພື່ອເປັນເອກະພາບກ່ຽວກັບການໜູນຊ່ວຍສຸກເສີນໃຫ້ປະຊາຊົນຢູ່ເຂດປະສົບໄພນ້ຳຖ້ວມ, ນ້ຳແກ່ງ ແລະ ດິນເຊາະເຈື່ອນ.
 | ກູບາ ສະແດງຄວາມເສຍໃຈກັບຫວຽດນາມ ຕໍ່ກັບຄວາມເສຍຫາຍທີ່ເກີດຈາກພະຍຸເລກທີ 3 ຍສໝ - ທ່ານ Miguel Díaz-Canel Bermúdez ປະທານ ກູບາ ໄດ້ສົ່ງຄວາມເສົ້າສະຫຼົດໃຈຢ່າງສຸດຊຶ້ງມາຍັງພັກກອມມູນິດຫວຽດນາມ, ລັດຖະບານ ແລະ ປະຊາຊົນ ຫວຽດນາມ ຕໍ່ກັບຄວາມເສຍຫາຍທາງດ້ານຊີວິດອິນຊີ ແລະ ຊັບສິນທີ່ເກີດຈາກພະຍຸລູກທີ 3 (ພາຍຸ Yagi). |
 | ທ່ານນາຍົກລັດຖະມົນຕີ ໄດ້ຕັດສິນໃຈໜູນຊ່ວຍຢ່າງຮີບດ່ວນ ເພື່ອແກ້ໄຂຄວາມເສຍຫາຍຈາກພະຍຸລູກທີ 3 ຍສໝ - ວັນທີ 9 ກັນຍາ 2024, ທ່ານຮອງນາຍົກລັດຖະມົນຕີ ໂຮ່ດຶກເຟືອກ ຫາກໍ່ລົງນາມໃນມະຕິເລກທີ 943/QD-TTg ຂອງນາຍົກລັດຖະມົນຕີ ກ່ຽວກັບການໜູນຊ່ວຍຢ່າງຮີບດ່ວນ ເພື່ອແກ້ໄຂຄວາມເສຍຫາຍຈາກພະຍຸລູກທີ 3. |
ທອງມີ ສີຫາວົງ
