 | ຊາວຫວຽດນາມ ຜູ້ທຳອິດທີ່ພິຊິດຈອມພູທີ່ປີນຂຶ້ນຍາກທີ່ສຸດໃນໂລກ ຢູ່ ປາກິດສະຖານ |
| ທ່ານເອກອັກຄະລັດຖະທູດ ລາວ ແລະ ມາເລເຊຍ: ຊາວຫວຽດນາມ ມີນ້ຳໃຈ ແລະ ມີອາຫານທີ່ລະອຽດອ່ອນ |
 |
| ທ່ານນາງ ຫງວຽນທິລານຈີ່, ຮອງຜູ້ອຳນວຍການໂຮງຮຽນສອງພາສາ ລາວ - ຫວຽດນາມ ຫງວຽນຢູ. |
ໃນແຕ່ລະໂອກາດວັນຊາດ, ຊາວຫວຽດນາມ ທີ່ພວມອາໄສ, ຮ່ຳຮຽນ ແລະ ເຮັດວຽກຢູ່ ລາວ ລ້ວນແຕ່ຮູ້ສຶກມີຄວາມສຸກ, ເອກອ້າງທະນົງໃຈ ແລະ ຮັກບ້ານເກີດເມືອງນອນຕື່ມອີກ ຕໍ່ບັນດາຜົນງານທີ່ພົ້ນເດັ່ນ ກໍ່ຄືບັນດາການປ່ຽນແປງໃໝ່ຂອງ ຫວຽດນາມ ທີ່ເຂັ້ມແຂງແຮງກ້າ ແລະ ເຊື່ອມໂຍງເຂົ້າກັບສາກົນ.
ພາຍຫຼັງກວ່າ 10 ປີທີ່ດຳລົງຊີວິດ ແລະ ເຮັດວຽກຢູ່ ລາວ, ທ່ານນາງ ຫງວຽນທິລານຈີ່, ຮອງຜູ້ອຳນວຍການໂຮງຮຽນສອງພາສາ ລາວ - ຫວຽດນາມ ຫງວຽນຢູ ຍາມໃດກໍ່ຮູ້ສຶກຕື້ນຕັນໃຈ ແລະ ພາກພູມໃຈທຸກຄັ້ງທີ່ວັນຊາດທີ 2 ກັນຍາ ວຽນມາ.
ທ່ານນາງ ຈີ້ ໄດ້ແບ່ງປັນວ່າ ໃນທຸກໆຄັ້ງທີ່ກັບຄືນເມືອປະເທດ ຫວຽດນາມ, ລາວໄດ້ເຫັນການປ່ຽນແປງຂອງປະເທດຊາດ, ຫຼາຍເທື່ອເມື່ອໄປໃກ້ຊິຮອດບ້ານ, ລາວຄິດວ່າໄປຫຼົງທາງຍ້ອນການປ່ຽນແປງຂອງບ້ານເກີດເມືອງນອນ. ບັນດາຫຼັງເຮືອນສວຍງາມ, ກວ້າງໃຫຍ່ຖືກປຸກສ້າງຂຶ້ນ, ແຖວຕົ້ນໄມ້ຢູ່ແຄມທາງທີ່ຂຽວສົດງົດງາມ, ຊີວິດການເປັນຢູ່ຂອງປະຊາຊົນໃນບ້ານເກີດເມືອງນອນມີການປ່ຽນແປງໃນແຕ່ລະມື້.
ທ່ານນາງ ຫງວຽນທິລານຈີ່ ໃຫ້ຮູ້ວ່າ: ພາຍຫຼັງ 79 ປີແຫ່ງການປະຕິວັດເດືອນສິງຫາ ແລະ ວັນຊາດ 2 ກັນຍາ, ຫວຽດນາມ ບັນລຸໄດ້ບັນດາຜົນງານອັນໃຫຍ່ຫຼວງໃນການພັດທະນາເສດຖະກິດ - ສັງຄົມ. ຫວຽດນາມ ໄດ້ຫັນປ່ຽນຈາກພື້ນຖານເສດຖະກິດຕາມແຜນການສັງລວມມາເປັນກົນໄກຕະຫຼາດ, ຕັ້ງໜ້າເຊື່ອມໂຍງເຂົ້າກັບສາກົນ, ຍູ້ແຮງການຫັນເປັນອຸດສາຫະກຳ ແລະ ທັນສະໄໝ.
ຫວຽດນາມ ໄດ້ຫຼຸດພົ້ນອອກຈາກສະຖານະການເປັນປະເທດດ້ອຍພັດທະນາ ເພື່ອກາຍເປັນປະເທດທີ່ມີພື້ນຖານເສດຖະກິດເຕີບໂຕທັງທາງດ້ານຂອບຂະໜາດ ແລະ ຄຸນນະພາບ; ຈາກປະເທດປິດປະຕູດ້ວຍທີ່ຕັ້ງດ້ານເສດຖະກິດ - ການເມືອງຕ່ຳ, ຫວຽດນາມ ໄດ້ເປີດປະຕູ ແລະ ມີການພົວພັນຢ່າງກວ້າງຂວາງກັບປະຊາຄົມສາກົນ, ຕັ້ງໜ້າເຂົ້າຮ່ວມຊີວິດເສດຖະກິດ - ການເມືອງຂອງພາກພື້ນ ແລະ ໃນໂລກ.
ຕາມທ່ານນາງ ຫງວຽນທິລານຈີ່ ແລ້ວ, ໃນຊຸມປີຜ່ານມາ, ພັກ ແລະ ລັດ ຫວຽດນາມ ໄດ້ມີບັນດານະໂຍບາຍທີ່ເໝາະສົມ, ຖືກຕ້ອງ ແລະ ສະເໝີຕົ້ນສະເໝີປາຍກ່ຽວກັບ ຊາວຫວຽດນາມ ຢູ່ຕ່າງປະເທດ.
ທ່ານ ຮວ່າງວັນກວ່ນ, ຮອງປະທານສະມາຄົມວິສາຫະກິດ ຫວຽດນາມ ປະຈໍາ ລາວ ໃຫ້ຮູ້ວ່າ: ໂດຍກຳເນີດ ແລະ ເຕີບໃຫຍ່ໃນສະໄໝທີ່ປະເທດຊາດຫາກໍ່ໄດ້ຮັບການທ້ອນໂຮມເປັນເອກະພາບໃນປີ 1975-1986, ເຊິ່ງເປັນໄລຍະທີ່ ຫວຽດນາມ ພວມຜ່ານຜ່າຜົນຮ້າຍຢ້ອນຫຼັງຈາກສົງຄາມ ແລະ ສ້າງສາປະເທດ.
 |
| ທ່ານ ຮວ່າງວັນກວ່ນ, ຮອງປະທານສະມາຄົມວິສາຫະກິດ ຫວຽດນາມ ປະຈໍາ ລາວ. |
ປະຈຸບັນ, ຫວຽດນາມ ແມ່ນໜຶ່ງໃນບັນດາປະເທດທີ່ມີຄວາມສະຖຽນລະພາບ ແລະ ເຕີບໂຕດ້ານເສດຖະກິດທີ່ດີ, ທີ່ຕັ້ງນັບມື້ນັບໄດ້ຮັບການຍົກສູງໃນເວທີສາກົນ, ມີບົດບາດສຳຄັນໃນບັນດາສະມາຄົມ ແລະ ເວທີປາໄສ.
ໃນຖານະເປັນນັກທຸລະກິດຢູ່ ລາວ, ທ່ານ ຮ່ວາງວັນກວ່ນ ໄດ້ມີຫຼາຍໂອກາດເພື່ອກັບເມືອຢ້ຽມຢາມບ້ານເກີດເມືອງນອນໃນແຕ່ລະປີ ແລະ ທຸກຄັ້ງທີ່ກັບຄືນມາ, ທ່ານຮູ້ສຶກວ່າ ປະເທດຕົນມີການປ່ຽນແປງໃນທຸກວັນ. ຢູ່ໃນຕົວເມືອງໃຫຍ່, ຖະໜົນຫົນທາງ, ຕຶກອາຄານສູງ, ເຂດອຸດສາຫະກຳ ແລະ ເຂດພົນລະເມືອງນັບມື້ນັບມີຂອບຂະໜາດໃຫຍ່ ແລະ ສວຍງາມຂຶ້ນ. ແມ້ແຕ່ຢູ່ໃນເຂດຊົນນະບົດ, ເສັ້ນທາງລະຫວ່າງແຂວງ, ລະຫວ່າງເມືອງ ແລະ ລະຫວ່າງບ້ານກໍ່ຍັງມີການກໍ່ສ້າງກວ້າງຂວາງ. ນັບແຕ່ເສັ້ນທາງບ້ານກໍ່ໄດ້ຮັບການຂະຫຍາຍ ແລະ ປູຢາງ. ເຮືອນ, ທົ່ງນາ ແລະ ສວນຢູ່ຊົນນະບົດແມ່ນໄດ້ວາງແຜນຜັງໄວ້ທັງຫມົດ.
ໂດຍເປັນລຸ້ນແຢນ Z, ນ້ອງ ຟ້າມເຈືອງທ່ຽນເອິ່ນ, ນັກຮຽນ ມ7 ຢູ່ໂຮງຮຽນສອງພາສາ ລາວ - ຫວຽດນາມ ຫງວຽນຢູ ໃຫ້ຮູ້ວ່າ: ວັນທີ 2 ກັນຍາ ແມ່ນໂອກາດທີ່ ຊາວຫວຽດນາມ ທຸກຄົນໃນໂລກນີ້ລ້ວນແຕ່ມຸ່ງໄປເຖິງປະເທດຊາດ.
 |
| ນ້ອງ ຟ້າມເຈືອງທ່ຽນເອິ່ນ, ນັກຮຽນ ມ7, ໂຮງຮຽນສອງພາສາ ລາວ - ຫວຽດນາມ ຫງວຽນຢູ. |
ທ່ຽນເອິ່ນ ແບ່ງປັນວ່າ ນີ້ແມ່ນປີທີ 12 ທີ່ນາງຮ່ຳຮຽນຢູ່ໂຮງຮຽນແຫ່ງນີ້ ແລະ ໃນແຕ່ລະປີ, ໂຮງຮຽນໄດ້ຈັດຕັ້ງບັນດາການເຄື່ອນໄຫວທີ່ແທດຈິງ ແລະ ມີຄວາມໝາຍ, ພິເສດ ແມ່ນໂຮງຮຽນມັກຈັດຕັ້ງການແຂ່ງຂັນຊອກຮູ້ກ່ຽວກັບປະຫວັດສາດ ຫວຽດນາມ ເນື່ອງໃນໂອກາດວັນທີ 2 ກັນຍາ ສຳລັບນ້ອງໆນັກຮຽນ, ເພື່ອໃຫ້ນ້ອງໆສາມາດເຂົ້າໃຈກ່ຽວກັບປະຫວັດສາດຂອງປະເທດຊາດ ແລະ ປະຊາຊົນ ຫວຽດນາມ ໄດ້ຫຼາຍກວ່າອີກ.
ທ່ຽນເອິ່ນ ຈະຝຶກຝົນຫຼໍ່ຫຼອມຄຸນສົມບັດ, ດຳລົງຊີວິດຢ່າງປອດໃສເຂັ້ມແຂງ, ຢູ່ຫ່າງໄກຈາກຄວາມຊົ່ວຮ້າຍໃນສັງຄົມ ເພື່ອໃຫ້ກາຍເປັນຜູ້ທີ່ເປັນປະໂຫຍດໃຫ້ແກ່ສັງຄົມ ລາວ ແລະ ຫວຽດນາມ, ປະກອບສ່ວນສ້າງສາ ແລະ ປົກປັກຮັກສາປະເທດຊາດ, ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອ ຫວຽດນາມ - ລາວ ໃຫ້ໝັ້ນຄົງຕະຫຼອດໄປ.
ວັນຊາດ ບໍ່ພຽງແຕ່ແມ່ນໂອກາດເພື່ອໃຫ້ຄົນທີ່ດຳລົງຊີວິດ ແລະ ເຮັດວຽກຢູ່ຫ່າງຈາກບ້ານເກີດເມືອງນອນໄດ້ຮ່ວມກັນມຸ່ງໄປເຖິງປະເທດຊາດອັນສັກສິດເທົ່ານັ້ນ, ຫາກຍັງເປັນໂອກາດເພື່ອໃຫ້ ຊາວຫວຽດນາມ ລະນຶກເຖິງການເສຍສະຫຼະອັນຍິ່ງໃຫຍ່ຂອງບັນພະບຸລຸດຫຼາຍລຸ້ນຄົນ ເພື່ອພື້ນຖານເອກະລາດຂອງປະເທດຊາດ, ຮູ້ບຸນຄຸນຕໍ່ຄຸນງາມຄວາມດີອັນໃຫຍ່ຫຼວງຂອງລຸງ ໂຮ່ ເພື່ອໃຫ້ ຊາວຫວຽດນາມ ພ້ອມກັນສາມັກຄີ ແລະ ສະໜິດຕິດພັນກັນຍິ່ງຂຶ້ນ, ສ້າງສາປະເທດ ຫວຽດນາມ ໃຫ້ນັບມື້ນັບຮັ່ງມີເຂັ້ມແຂງ.
 | ຊາວຫວຽດນາມ ອາໄລຫາຄຸນງາມຄວາມດີຂອງເທບທິດາ ລາວ ໂຍ່ຍຮວາ ຍສໝ - ທີ່ພິທີມີການເຂົ້າຮ່ວມຂອງທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ພ້ອມກັນພະນັກງານ, ລັດຖະກອນສະຖານທູດ ປະເທດ ສປປ.ລາວ ປະຈຳ ຫວຽດນາມ, ຜູ້ຕາງໜ້າການນຳແຂວງ ນິງບິ່ງ, ບັນດານັກສຶກສາລາວ ທີ່ພວມຮ່ຳຮຽນຢູ່ມະຫາວິທະຍາໄລຮວາລື, ພິເສດແມ່ນມີການເຂົ້າຮ່ວມຂອງພໍ່ແມ່ປະຊາຊົນບ້ານ ທ້າຍເຊີນ ພ້ອມກັບແຂກທີ່ຢູ່ໄກ້ ແລະ ໄກ. |
 | ປະຊາຄົມຊາວຫວຽດນາມຢູ່ຮຸງກາຣີ ໜູນຊ່ວຍຊາວຫວຽດນາມອົບພະຍົບອອກຈາກຢູແກຼນ ຍສໝ - ສະຖານທູດ ແລະ ປະຊາຄົມຊາວ ຫວຽດນາມ ປະຈຳ ຮຸງກາຣີ ໄດ້ຕ້ອນຮັບ ແລະໜູນຊ່ວຍຊາວຫວຽດນາມ ອົບພະຍົບປະມານ 720 ຄົນທີ່ມາຈາກ ຢູແກຼນ, ໃນນັ້ນ 400 ຄົນໄດ້ຮັບການຊ່ວຍເຫຼືອທີ່ພັກຊົ່ວຄາວ, 320 ຄົນໄດ້ຮັບອາຫານ, ແລະ ຊື້ປີ້ລົດໄຟເພື່ອໄປຍັງປະເທດອື່ນຕໍ່. |
ມິງດຶກ (ແປຕາມ baomoi.com)
