ທ່ານນາງເອກອັກຄະລັດຖະທູດ ຫວຽດນາມ ປະຈຳ ຮຸງກາຣີ ຫງວຽນທິບິກຖາວ ແບ່ງປັນວ່າ: ນັບແຕ່ວັນທີ 26 ກຸມພາ, ສະຖານທູດ ແລະ ສະມາຄົມຊາວ ຫວຽດນາມ ປະຈຳ ຮຸງກາຣີ ໄດ້ມີການປະຊຸມ ແລະ ເຫັນດີສ້າງຕັ້ງຄະນະຊີ້ນຳວຽກງານໜູນຊ່ວຍຊາວ ຫວຽດນາມ ອົບພະຍົບອອກຈາກ ຢູແກຼນ, ໃນນັ້ນມີບັນດາການນຳ ແລະ ພະນັກງານຮັບຜິດຊອບປົກປ້ອງພົນລະເມືອງ ສະຖານທູດ, ປະທານ ແລະ ຮອງປະທານສະມາຄົມ.
 |
| ປະຊາຄົມຊາວຫວຽດນາມຢູ່ຮຸງກາຣີ ໜູນຊ່ວຍຊາວຫວຽດນາມອົບພະຍົບອອກຈາກຢູແກຼນ. ພາບ: baoquocte.vn |
ໂດຍສົ່ງຄໍາຂອບໃຈຢ່າງຈິງໃຈທີ່ສຸດມາຍັງບັນດາພໍ່ແມ່ປະຊາຊົນທີ່ໄດ້ສະຫງວນຄວາມຮັກແພງ ແລະ ການກະທຳອັນສູງສົ່ງໃຫ້ປະຊາຊົນທີ່ປະສົບກັບຄວາມຫຍຸ້ງຍາກ ແລະ ລໍາບາກ, ທ່ານນາງເອກອັກຄະລັດຖະທູດ ຫງວຽນທິບິກຖາວ ໄດ້ສະແດງຄວາມຕື້ນຕັນໃຈ ແລະ ເອກອ້າງທະນົງໃຈທີ່ສຸດ ຍ້ອນປະຊາຊົນຫວຽດນາມເຮົາ ຍິ່ງປະ ສົບກັບຄວາມຫຍຸ້ງຍາກຍິ່ງສະແດງໃຫ້ເຫັນສາຍໃຈອັນສູງສົ່ງກວ່າອີກ, ພ້ອມທີ່ ຈະແບ່ງປັນຄວາມຫຍຸ້ງຍາກ.
ປະຊາຄົມຊາວຫວຽດນາມ ໄດ້ປະກອບສ່ວນຢ່າງຕັ້ງໜ້າເຂົ້າໃນບັນດາຄວາມມານະພະຍາຍາມລວມຂອງລັດຖະບານ ແລະ ປະຊາຊົນ ຮຸງກາຣີ ໃນການຊ່ວຍເຫຼືອປະຊາຊົນຈາກ ຢູແກຼນ.
ໃນກໍລະນີຮີບດ່ວນ, ປະຊາຊົນສາມາດຕິດຕໍ່ໂທລະສັບສາຍດ່ວນປົກປ້ອງພົນລະເມືອງຂອງສະຖານທູດຫວຽດນາມ ປະຈຳ ຮຸງກາຣີ: +36 30 838 5699 (ທ່ານບັ່ງ).
ບູນມີ
