| ສ້າງເງື່ອນໄຂສະດວກໃຫ້ວິສາຫະກິດ ຢູ່ຕາແສງ ຕວຽນຮວາ ແລະ ນາກາຍ ໃນການຜະລິດ, ແລກປ່ຽນການຄ້າ | |
| ການພົບປະເຈລະຈາ ລະຫວ່າງຄະນະພົວພັນຕ່າງປະເທດສູນກາງພັກ 2 ປະເທດຫວຽດນາມ ແລະ ລາວ |
 |
| ພິທີແຫ່ຂະບວນເທບທິດາ ໂຍ່ຍຮວາ (ພາບ: ມາຍແອັງ) |
ວັນທີ 3 ເດືອນ 3 ໄລ່ຕາມຈັນທະປະຕິທິນຂອງທຸກປີ, ປະຊາຊົນບ້ານ ທ໊າຍເຊີນ (ຕາແສງ ເຊີນລາຍ, ເມືອງ ຍໍກວານ, ແຂວງ ນິງບິ່ງ) ໄດ້ຈັດຕັ້ງພິທີລະນຶກເຖິງວັນສິ້ນພະຊົນຂອງ ເທບທິດາລາວ ໂຍ່ຍຮວາ ເພື່ອສະແດງຄວາມຮູ້ບູນຄູນຕໍ່ຄຸນງາມຄວາມດີຂອງເພິ່ນ ກໍ່ຄືຂອງປະຊາຊົນລາວອ້າຍນ້ອງ. ໃນປີນີ້, ພິທີໄດ້ຮັບການຈັດຕັ້ງຢ່າງມີແບບມີແຜນກ່ວາເມື່ອທຽບໃສ່ກັບຊຸມປີກ່ອນ.
ທີ່ພິທີມີການເຂົ້າຮ່ວມຂອງທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ພ້ອມກັນພະນັກງານ, ລັດຖະກອນສະຖານທູດ ປະເທດ ສປປ.ລາວ ປະຈຳ ຫວຽດນາມ, ຜູ້ຕາງໜ້າການນຳແຂວງ ນິງບິ່ງ, ບັນດານັກສຶກສາລາວ ທີ່ພວມຮ່ຳຮຽນຢູ່ມະຫາວິທະຍາໄລຮວາລື, ພິເສດແມ່ນມີການເຂົ້າຮ່ວມຂອງພໍ່ແມ່ປະຊາຊົນບ້ານ ທ້າຍເຊີນ ພ້ອມກັບແຂກທີ່ຢູ່ໄກ້ ແລະ ໄກ.
ໃນຈິດໃຈຂອງປະຊາຊົນທ້ອງຖິ່ນ, ວິຫານ ເທື້ອງທ້າຍເຊີນ ຢູ່ ບ້ານ ທ້າຍເຊີນ ແມ່ນບ່ອນສັກກະລະບູຊາ ເທບທິດາປະເທດ ລາວ ຜູ້ທີ່ມີຄຸນງາມຄວາມດີຊ່ວຍປະເທດ ດ້າຍຫວຽດ ຕ້ານສັດຕູຜູ້ຮຸກຮາມ. ເທບທິດາໄດ້ບູຊາດ້ວຍພິທີການບູຊາພະແມ່. ຢູ່ບັນດາເຂດຮ່ອງຮອຍປະຫວັດສາດບູຊາພະແມ່ແລ້ວ, ວັນບຸນໄດ້ຮັບການຈັດຂຶ້ນຕົ້ນເດືອນ 3 ໄລ່ຕາມຈັນທະປະຕິທິນ.
ພິທີລະນຶກເຖິງວັນສິ້ນພະຊົນຂອງ ເທບທິດາລາວ ໄດ້ເລີ່ມຕົ້ນດ້ວຍພິທີກຳແຫ່ກ້ຽວ. ນັບແຕ່ຕອນຮຸ່ງເຊົ້າວັນທີ 3 ເດືອນ 3 ປີ ແມວ, ພໍ່ແມ່ປະຊາຊົນບ້ານທ້າຍເຊີນ ພ້ອມກັບແຂກທີ່ມາຮ່ວມງານ ໄດ້ມາວິຫານ ເທື້ອງທ້າຍເຊີນ ເພື່ອບູຊາ ແລະ ເຫັນປະຈັກຕາພິທີທີ່ເປັນມູນເຊື້ອນີ້.
ບຸນຄົງ
