 |
| ງານບຸນ “ສະບາຍດີຫວຽດນາມ” 2024 ສະເຫຼີມສະຫຼອງ 52 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ອິນເດຍ (1972-2024). |
ວັນທີ 25 ສິງຫາ, ຢູ່ນະຄອນ ໂຮ່ຈີມິນ, ສະຫະພັນບັນດາອົງການມິດຕະພາບນະຄອນ ໂຮ່ຈີມິນ ແລະ ສະຖານກົງສູນໃຫຍ່ ອິນເດຍ ປະຈໍາ ນະຄອນ ໂຮ່ຈີມິນ ໄດ້ສົມທົບກັບບັນດາຫົວໜ່ວຍທີ່ກ່ຽວຂ້ອງຂັດພິທີໄຂງານບຸນ “ສະບາຍດີ ຫວຽດນາມ” 2024 (NAMASTE VIETNAM FESTIVAL 2024).
ກ່າວຄຳປາໄສທີ່ເຫດການ, ກົງສູນໃຫຍ່ ອິນເດຍ ປະຈຳນະຄອນ ໂຮ່ຈີມິນ, ທ່ານ Madan Mohan Sethi ເນັ້ນໜັກວ່າ ງານບຸນ “ສະບາຍດີຫວຽດນາມ” ຄັ້ງທີ 3 ໄດ້ຮັບການຈັດຕັ້ງເພື່ອເຊື່ອມຕໍ່ປະຊາຊົນ ອິນເດຍ ແລະ ຫວຽດນາມ ໃຫ້ໃກ້ຊິດກັນກ່ວາ. ຕາມທ່ານ Madan Mohan Sethi ແລ້ວ, ງານບຸນ “ສະບາຍດີຫວຽດນາມ” ໄດ້ເລີ່ມຕົ້ນຈາກແນວຄິດເຊື່ອມຕໍ່ວັດທະນະທຳ, ປະຈຸບັນໄດ້ເປີດກ້ວາງໄປສູ່ບັນດາຂົງເຂດທຸລະກິດ, ການທ່ອງທ່ຽວ, ທາງລົດໄຟ ແລະ ຮູບເງົາ. ໄດ້ເຖິງເວລາທີ່ປະຊາຊົນ ອິນເດຍ ແລະ ຫວຽດນາມ ຈະຄົ້ນຫາຄວາມຮັກແພງມິດຕະພາບ, ການພົວພັນຮ່ວມມື ເພື່ອໝູນໃຊ້ບັນດາໂອກາດເຊິ່ງ 2 ປະເທດນຳມາໃນບັນດາຂົງເຂດທີ່ຕ່າງຝ່າຍຕ່າງມີຄວາມສົນໃຈ, ນຳມາເຊິ່ງຜົນປະໂຫຍດດ້ານການພັດທະນາໃຫ້ສອງປະເທດ.
ທ່ານ ປອ ຮວິ່ງແທ່ງເລິບ ປະທານສະມາຄົມມິດຕະພາບ ຫວຽດນາມ - ອິນເດຍ ນະຄອນ ໂຮ່ຈີມິນ ໃຫ້ຮູ້ວ່າ ນະຄອນ ໂຮ່ຈີມິນ ແມ່ນສະຖານທີ່ທີ່ ອິນເດຍ ເລືອກເພື່ອຈັດຕັ້ງບັນດາງານບຸນວັດທະນະທຳທີ່ເປັນເອກະລັກສະເພາະຢ່າງເປັນປະຈຳ, ໃນນັ້ນມີງານບຸນ “ສະບາຍດີຫວຽດນາມ” ໄດ້ກາຍເປັນຄວາມລຶ້ງເຄີຍກັບປະຊາຊົນຂອງຕົວເມືອງ. ບັນດາເຫດການຢູ່ງານບຸນຈະຊ່ວຍເພີ່ມທະວີຄວາມເຂົ້າໃຈຂອງປະຊາຊົນຢູ່ ຫວຽດນາມ ກ່ຽວກັບວັດທະນະທຳ, ປະຊາຊົນ ແລະ ປະເທດ ອິນເດຍ.
ທ່ານ ປອ ຮວິ່ງແທ່ງເລິບ ເນັ້ນໜັກວ່າ ງານບຸນ “ສະບາຍດີຫວຽດນາມ” 2024 ແມ່ນໂອກາດເພື່ອສ້າງ ແລະ ຮັກສາການພົວພັນ, ການແລກປ່ຽນລະຫວ່າງປະຊາຊົນສອງປະເທດ ຫວຽດນາມ - ອິນເດຍ. ນີ້ແມ່ນໂອກາດເພື່ອໃຫ້ປະຊາຊົນ ຫວຽດນາມ ແລະ ອິນເດຍ ເຊື່ອມໂຍງເຂົ້າກັນຫຼາຍກວ່າ, ປະກອບສ່ວນຊຸກຍູ້ການພົວພັນລະຫວ່າງ 2 ປະເທດໃຫ້ນັບມື້ນັບໃຫ້ແໜ້ນແຟ້ນກ່ວາອີກ. ງານບຸນຍັງໄດ້ປະກອບສ່ວນຢ່າງແທດຈິງາເຂົ້າໃນການຊຸກຍູ້ການພົວພັນທາງການທູດລະຫວ່າງບັນດາທ້ອງຖິ່ນຂອງ 2 ປະເທດເວົ້າລວມ, ລະຫວ່າງນະຄອນ ໂຮ່ຈີມິນ ແລະ ບັນດາທ້ອງຖິ່ນຂອງ ອິນເດຍ ເວົ້າສະເພາະ.
 |
| ການສະແດງຊຸດເຊື້ອຍາວຢູ່ NAMASTE VIETNAM FESTIVAL 2024 (ພາບ: Huy Doan). |
 |
| ບັນດານັກສິລະປິນ ອິນເດຍ ສະແດງຢູ່ NAMASTE VIETNAM FESTIVAL 2024 (ພາບ: G Dharmadas Sharma). |
ງານບຸນ “ສະບາຍດີຫວຽດນາມ” ຄັ້ງທີ 3 ຖືກຈັດຂຶ້ນ ໂດຍເລີ່ມດຳເນີນດ້ວຍບັນດາການເຄື່ອນໄຫວແລກປ່ຽນວັດທະນະທຳ ແລະ ການສຳມະນາຫຼາຍຂົງເຂດຢູ່ນະຄອນ ໂຮ່ຈີມິນ, ຕໍ່ໄປແມ່ນຈະດຳເນີນຢູ່ 2 ນະຄອນ ຍາຈາງ (ແຂວງແຄ໋ງຮ່ວາ) ແລະ ນະຄອນ ດາຫຼາດ (ແຂວງເລີມດົງ) ແກ່ຍາວແຕ່ວັນທີ 25 ສິງຫາ ຫາ 31 ສິງຫາ.
ງານບຸນລວມມີບັນດາໂຄງການແນະນຳສິລະປະພື້ນເມືອງ, ສົ່ງເສີມການຄ້າ, ແນະນຳການທ່ອງທ່ຽວ; ການຮ່ວມມືດ້ານການສຶກສາ... ມີນັກສິລະປິນທີ່ມີຊື່ສຽງຂອງ ອິນເດຍ ປະມານ 20 ຄົນ, ບັນດາຜູ້ຜະລິດຮູບເງົາ, ບໍລິສັດບັນເທິງ, ບໍລິສັດທ່ອງທ່ຽວ 30 ແຫ່ງ, ມະຫາວິທະຍາໄລ 34 ແຫ່ງ ແລະ ວິສາຫະກິດ ອິນເດຍ ປະມານ 30 ແຫ່ງມາ ຫວຽດນາມ ເພື່ອເຂົ້າຮ່ວມງານບຸນ.
 | ຄ້າຍພັກແລ້ງ ຫວຽດນາມ 2024: ເຊື່ອມຕໍ່ໄວໜຸ່ມຫວຽດນາມອາໄສຢູ່ຕ່າງປະເທດກັບບ້ານເກີດເມືອງນອນ ຍສໝ - ລາຍການຄ້າຍພັກແລ້ງ ຫວຽດນາມແມ່ນເພື່ອແນໃສ່ສ້າງໂອກາດໃຫ້ໄວໜຸ່ມສະໜິດຕະພັນກັບບ້ານເກີດເມືອງນອນ, ປະເທດຊາດ, ໄດ້ລົງຕົວຈິງ ແລະ ເຮັດໃຫ້ຄວາມຮູ້ທາງດ້ານວັດທະນະທຳອຸດົມສົມບູນກ່ວາເກົ່າ. |
 | ເຊື່ອມຕໍ່, ໜູນຊ່ວຍບັນດານັກສຶກສາ ຫວຽດນາມ ທີ່ມາຮຽນຢູ່ ຝຣັ່ງ ເພື່ອຮ່ຳຮຽນ ແລະ ເຮັດວຽກ ຍສໝ - ວັນທີ 7 ກໍລະກົດ, ຢູ່ນະຄອນ ເກີນເທີ, ສະຫະພັນບັນດາອົງການຈັດຕັ້ງມິດຕະພາບນະຄອນ ສົມທົບກັບ Campus France Viet Nam (ພາກສ່ວນຮັບຜິດຊອບໄປຮຽນຢູ່ຕ່າງປະເທດຂອງສະຖານທູດ ຝຣັ່ງ ປະຈໍາ ຫວຽດນາມ), ສະມາຄົມຊາວໜຸ່ມນັກສຶກສາ ຫວຽດນາມ ປະຈຳ ຝຣັ່ງ (UEVF) ແລະ ມະຫາວິທະຍາໄລ ເກີນເທີ ... |
ມີງດຶກ
