ເວທີປາໄສແມ່ນເພື່ອຫັນບັນດາຄຳໝັ້ນສັນຍາກ່ຽວກັບການຮ່ວມມືດ້ານການສຶກສາລະຫວ່າງ ຫວຽດນາມ ແລະ ຝຣັ່ງ ເປັນລະອຽດ, ເພີ່ມທະວີອັດຕາສ່ວນນັກສຶກສາ ຫວຽດນາມ ທີ່ເລືອກ ຝຣັ່ງ ເປັນຈຸດໝາຍສຶກສາ.
![]() |
ອະດີດນັກສຶກສາ ຝຣັ່ງ ແບ່ງປັນປະສົບການໃນເວທີປາໄສ. |
ທ່ານນາງ ເລທິແທງຢາງ, ປະທານສະຫະພັນບັນດາອົງການຈັດຕັ້ງມິດຕະພາບນະຄອນ ເກີນເທີ ໃຫ້ຮູ້ວ່າ ສະເລ່ຍແຕ່ລະປີ, ມີນັກຮຽນ 5 – 7 ຄົນຢູ່ໂຮງຮຽນມັດທະຍົມຕອນປາຍໃນບໍລິເວນນະຄອນ ໄດ້ເລືອກໄປຮຽນຢູ່ ຝຣັ່ງ. ພິເສດ ນັບແຕ່ປີ 2019 ມາຮອດປັດຈຸບັນ, ຈໍານວນນັກສຶກສາໄປຮຽນຢູ່ ຝຣັ່ງ ນັບມື້ນັບເພີ່ມຂຶ້ນ.
![]() |
ທ່ານນາງ ເລທິແທງຢາງ, ປະທານສະຫະພັນບັນດາອົງການຈັດຕັ້ງມິດຕະພາບນະຄອນ ເກີນເທີ ກ່າວຄຳປາໄສທີ່ເວທີປາໄສ. (ພາບ: TTXVN) |
ທ່ານນາງ ເລທິແທງຢາງ ກໍ່ປາດຖະໜາວ່າ ໃນໄລຍະຈະມາເຖິງ, Campus France Viet Nam ຈະສືບຕໍ່ສົມທົບກັບສະຫະພັນບັນດາອົງການມິດຕະພາບ ແລະ ບັນດາຄູ່ຮ່ວມມືອື່ນໆຂອງນະຄອນເພື່ອຈັດຕັ້ງບັນດາການເຄື່ອນໄຫວຫຼາຍກ່ວາອີກຄື: ການສຳມະນາ, ເຝິກອົບຮົມ, ກອງປະຊຸມເຈລະຈາວິທະຍາສາດ..., ເພື່ອເພີ່ມທະວີຄວາມສາມັກຄີໃນຊຸມຊົນນັກສຶກສາ ຫວຽດນາມ ຢູ່ ຝຣັ່ງ, ສ້າງກາລະໂອກາດໃຫ້ນັກສຶກສາ ແລະ ພໍ່ແມ່ຂອງນັກສຶກສາ ໄດ້ມີບັນດາຂໍ້ມູນທີ່ຈຳເປັນ ແລະ ເປັນປະໂຫຍດ ເພື່ອກະກຽມໃຫ້ການໄປຮຽນຢູ່ ຝຣັ່ງ ເປັນຢ່າງດີ.
ກ່າວຄຳປາໄສທີ່ເວທີປາໄສ, ທ່ານ Florent Menard - ຜູ້ອຳນວຍການ Campus France Vietnam ແຈ້ງຂໍ້ມູນວ່າ ປະຈຸບັນ ຝຣັ່ງ ຢືນອັນດັບທີ 7 ໃນໂລກ ກ່ຽວກັບຈຳນວນນັກສຶກສາສາກົນທີ່ພວມຮ່ຳຮຽນ ແລະ ແມ່ນຈຸດໝາຍທຳອິດຂອງບັນດານັກສຶກສາທີ່ບໍ່ໃຊ້ພາສາອັງກິດ. ໃນປີ 2023, ຈໍານວນນີ້ ຈະມີນັກສຶກສາຫຼາຍກ່ວາ 400,000 ຄົນ. ປະຈຸບັນ, ມີນັກສຶກສາຫວຽດນາມ 6.000 ກວ່າຄົນພວມຮ່ຳຮຽນ ແລະ ເຮັດວຽກຢູ່ ຝຣັ່ງ, ໃນນັ້ນ ມີນັກຮຽນ, ນັກສຶກສາຫຼາຍຄົນທີ່ມາຈາກແຂວງ ເກີນເທີ ແລະ ບັນດາເຂດທົ່ງພຽງແມ່ນ້ຳຂອງ.
ໂດຍຜ່ານໂຄງການ Mekong 1.000, ໂຮງຮຽນ ໄດ້ປະຕິບັດການເຊື່ອມຕໍ່ກັບບັນດາຄູ່ຮ່ວມມືທີ່ເປັນສະຖາບັນ, ໂຮງຮຽນທົ່ວໂລກ ເພື່ອສົ່ງຜູ້ສະຫມັກ 1.000 ຄົນໄປຝຶກອົບຮົມຢູ່ຕ່າງປະເທດ. ມີຜູ້ສະໝັກ Mekong 1.000 ຈຳນວນ 21 ຄົນທີ່ຮຽນຢູ່ 16 ສະຖາບັນ, ໂຮງຮຽນໃນປະເທດຝຣັ່ງ (ລວມມີປະລິນຍາໂທ 15 ຄົນ ແລະ ປາລິນຍາເອກ 6 ຄົນ). ນອກຈາກນັ້ນ, ໂຮງຮຽນຍັງມີພະນັກງານ, ອາຈານສອນທີ່ມີລະດັບປະລິນຍາໂທ, ປາລິນຍາເອກ ທີ່ໄດ້ຮັບການຝຶກອົບຮົມຈາກ ຝຣັ່ງ, ເຊິ່ງເປັນແຫຼ່ງຊັບພະຍາກອນມະນຸດທີ່ມີຄຸນນະພາບສູງໃນການສອນ - ການຄຸ້ມຄອງຂອງໂຮງຮຽນ.
ມິງດຶກ (ແປຕາມ baotintuc.vn)