ອິນ​ເດຍ ​ແມ່ນ​ໜຶ່ງ​ໃນ​ບັນດາ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ​ຂອງ ຫວຽດນາມ ​ໃນ​ພາກ​ພື້ນ.

ທ່ານ​ເລຂາທິການ​ໃຫຍ່ ໂຕເລີມ ໄດ້​ຕ້ອນຮັບ​ທ່ານ​ເອກ​ອັກຄະ​ລັດຖະທູດ ອິນ​ເດຍ ​ປະຈຳ ຫວຽດນາມ Sandeep Arya. (ທີ່ມາ: TTXVN)

ຕອນ​ບ່າຍ​ວັນ​ທີ 6 ສິງຫາ, ຢູ່​ສຳນັກງານ​ສູນ​ກາງ​ພັກ, ທ່ານ​ເລຂາທິການ​ໃຫຍ່ ໂຕເລີມ ໄດ້ຕ້ອນຮັບທ່ານ Sandeep Arya ​ເອກ​ອັກຄະ​ລັດຖະທູດ ອິນ​ເດຍ ປະຈຳ ຫວຽດນາມ.

ທ່ານ​ເລຂາທິການ​ໃຫຍ່ ໂຕເລີມ ໄດ້​ອວຍພອນ​ປະຊາຊົນ​ອິນ​ເດຍ​ ​ຢ່າງ​ອົບ​ອຸ່ນ​ເນື່ອງ​ໃນ​ໂອກາດ​ສະ​ເຫຼີ​ມສະຫຼອງ 79 ປີ​ແຫ່ງ​ວັນ​ປະກາດ​ເອກະລາດ​ສາທາລະນະ​ລັດ ອິນ​ເດຍ (15 ສິງຫາ 1947 – 15 ສິງຫາ 2025) ແລະ ບັນດາ​ຜົນງານ​ອັນ​ພົ້ນ​ເດັ່ນ​ທີ່​ອິນ​ເດຍ ບັນລຸ​ໄດ້​ໃນ​ໄລຍະ​ຜ່ານ​ມາ, ພິ​ເສດ​ແມ່ນ​ໃນ​ບັນດາ​ຂົງ​ເຂດ​ພັດທະນາ​ເສດຖະກິດ - ສັງຄົມ, ວິທະຍາສາດ​ເຕັກ​ໂນ​ໂລຢີ​ ​ແລະ ສາກົນ​ໃນ​ພາກ​ພື້ນ.

ຢືນຢັນ​ວ່າ ຫວຽດນາມ ຖື​ເປັນ​ສຳຄັນ​ສາຍ​ພົວພັນ​ມິດຕະພາບ​ທີ່​ເປັນ​ມູນ​ເຊື້ອ​ທີ່​ໄດ້​ຮັບ​ການເພີ່ມພູນຄູນສ້າງຈາກ​ການ​ນຳ ​ແລະ ປະຊາຊົນ​ສອງ​ປະ​ເທດ​ຫຼາຍ​ລຸ້ນຄົນ, ທ່ານ​ເລຂາທິການ​ໃຫຍ່ ​ໄດ້​ສະແດງຄວາມ​ຂອບ​ອົກ​ຂອບ​ໃຈ ອິນ​ເດຍ ທີ່​ໄດ້​ໃຫ້ການ​ສະໜັບສະໜູນ ​ແລະ ໜູນ​ຊ່ວຍ ຫວຽດນາມ ​ໃນ​ໄລຍະ​ຜ່ານ​ມາ ​ເພື່ອ​ເອກະລາດ​ແຫ່ງ​ຊາດ ​ແລະ ກໍ່ສ້າງ​ປະ​ເທດ​ຊາດ​ໃນ​ປະຈຸ​ບັນ.

ໂດຍຕີ​ລາຄາ​ສູງ​ການ​ພັດທະນາ​ຢ່າງ​ຕັ້ງໜ້າ ​ແລະ ມີ​ປະສິດທິ​ຜົນ​ຂອງ​ການ​ພົວພັນ​ລະຫວ່າງ​ສອງ​ປະ​ເທດ​ໃນ​ຫຼາຍ​ຂົງ​ເຂດ, ທ່ານ​ເລຂາທິການ​ໃຫຍ່ ໂຕເລີມ ຢືນຢັນ​ວ່າ ອິນ​ເດຍ ​ແມ່ນ​ໜຶ່ງ​ໃນ​ບັນດາ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ​ແຖວໜ້າຫວຽດນາມ ​ໃນ​ພາກ​ພື້ນ, 2 ຝ່າຍ​ມີ​ຄວາມ​ໄວ້​ເນື້ອ​ເຊື່ອ​ໃຈ​ດ້ານ​ການ​ເມືອງ​ສູງ, ມີ​ຫຼາຍ​ຈຸດ​ສຸມ​ຍຸດ​ທະ​ສາດ​ທີ່​ຄ້າຍຄື​ກັນ, ​ເປັນ​ພື້ນຖານ​ມາ​ແຕ່​ດົນ​ນານ​ຂອງ​ການ​ແລກປ່ຽນ ​ແລະ ການ​ຮ່ວມ​ມື​ດ້ານ​ວັດທະນະທຳ ​ແລະ ຊົນ​ເຜົ່າ.

ທ່ານ​ເລຂາທິການ​ໃຫຍ່​ເນັ້ນ​ໜັກ​ວ່າ ນີ້​ແມ່ນ​ພື້ນຖານ​ສຳຄັນ​ທີ່​ສຸດ​ເພື່ອ​ສືບ​ຕໍ່​ພັດທະນາ​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ​ໃຫ້​ເຂັ້ມ​ແຂງ, ມີປະສິດທິຜົນ ແລະ ເລິກ​ເຊິ່ງກ່ວາອີກ, ຂຸດຄົ້ນຢ່າງສູງສຸດບັນດາ​ຄວາມ​ສາມາດ​ບົ່ມ​ຊ້ອນ ​ແລະ ຄວາມ​ໄດ້​ປຽບ​ຂອງ​ສອງ​ປະ​ເທດ.

ທ່ານ​ເລຂາທິການ​ໃຫຍ່ ໂຕເລີມ ຢືນຢັນ​ວ່າ ອິນ​ເດຍ ​ແມ່ນ​ໜຶ່ງ​ໃນ​ບັນດາ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ​ແຖວໜ້າຫວຽດນາມ ​ໃນ​ພາກ​ພື້ນ. (ທີ່ມາ: TTXVN)

ທ່ານເລຂາທິການໃຫຍ່ ໂຕເລີມ ສະເໜີໃຫ້ທ່ານເອກອັກຄະລັດຖະທູດ ອິນເດຍ ເອົາໃຈໃສ່ຊຸກຍູ້ບັນດາຂົງເຂດຮ່ວມມືສອງຝ່າຍ, ພິເສດແມ່ນເພີ່ມທະວີການແລກປ່ຽນຄະນະຜູ້ແທນຂັ້ນສູງ ແລະ ທຸກຂັ້ນ, ຜັນຂະຫຍາຍບັນດາຂໍ້ຕົກລົງຂັ້ນສູງທີ່ບັນລຸໄດ້ຢ່າງມີປະສິດທິຜົນ, ເພີ່ມທະວີການຮ່ວມມືດ້ານປ້ອງກັນຊາດ, ຄວາມປອດໄພ, ຊຸກຍູ້ການເຊື່ອມຕໍ່ເສດຖະກິດ, ສູ້ຊົນນຳວົງເງິນການຄ້າ 2 ປະເທດຂຶ້ນເຖິງ 20 ຕື້ USD ແລະ ​ເພີ່ມການ​ລົງທຶນສອງສົ້ນ 2 ເທົ່າ, ເປີດ​ກວ້າງ​ການ​ຮ່ວມ​ມື​ດ້ານ​ວິທະຍາສາດ​ເຕັກ​ໂນ​ໂລຢີ, ​ນະວັດ​ຕະກຳ, ຊຸກຍູ້​ການ​ຮ່ວມ​ມື​ດ້ານ​ວັດທະນະທຳ, ສຶກສາ, ສາສະໜາ, ການທ່ອງທ່ຽວ... ​ເພື່ອ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການ ​ແລະ ທິດ​ທາງ​ພັດທະນາ​ໃນ​ໄລຍະ​ໃໝ່​ຂອງ​ສອງ​ປະ​ເທດ, ປະກອບສ່ວນ​ເພີ່ມ​ທະວີ​ການ​ພັດທະນາ​ສະພາບ​ແວດ​ລ້ອມ​ສັນຕິພາບ, ສະຖຽນ​ລະ​ພາບ​ຢູ່​ພາກ​ພື້ນ ​ແລະ ​ໃນ​ໂລກ.

ເນື່ອງ​ໃນ​ໂອກາດ​ນີ້, ທ່ານເລຂາທິການໃຫຍ່ ໂຕເລີມ ໄດ້​ຝາກ​ຄວາມ​ຢື້ຢາມ​ຖາມ​ຂ່າວ​ເຖິງ​ທ່ານ​ປະທານາທິບໍດີ ອິນ​ເດຍ Droupadi Murmu, ທ່ານ​ນາຍົກລັດຖະມົນຕີ Narendra Modi ​ແລະ ​ໄດ້​ເຊື້ອ​ເຊີນ​ບັນດາ​ການ​ນຳ ອິນ​ເດຍ ຈັດ​ຕັ້ງ​ການ​ຢ້ຽມຢາມ ຫວຽດນາມ ​ໃນ​ເວລາ​ທີ່​ເໝາະ​ສົມ.

ໂດຍສະແດງຄວາມປິຕິຊົມຊື່ນ ແລະ ເປັນກຽດທີ່ໄດ້ຮັບການຕ້ອນຮັບຈາກທ່ານເລຂາທິການໃຫຍ່ ໂຕເລີມ, ທ່ານເອກອັກຄະລັດຖະທູດ Sandeep Arya ໄດ້ສົ່ງຄຳຢື້ຢາມຖາມຂ່າວຂອງບັນດາການນຳອິນເດຍ ເຖິງທ່ານເລຂາທິການໃຫຍ່; ກໍ່ໄດ້ສະແດງຄວາມຂອບ​ໃຈ​ຢ່າງ​ຈິງ​ໃຈ​ທ່ານ​ເລ​ຂາ​ທິ​ການ​ໃຫຍ່ ໂຕເລີມ ທີ່​ໄດ້​ສະ​ໜັບ​ສະ​ໜູນ​ອັນ​ລ້ຳ​ຄ່າ ແລະ ຄວາມ​ຮູ້​ສຶກ​ທີ່​ດີ​ຕໍ່ ອິນ​ເດຍ ແລະ ການ​ພົວ​ພັນ​ອິນ​ເດຍ - ຫວຽດນາມ.

ຊົມເຊີຍຫວຽດນາມ ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນຊາດ, ທ່ານເອກອັກຄະລັດຖະທູດ Sandeep Arya ສະແດງຄວາມຊົມເຊີຍຕໍ່ບັນດາຜົນງານໃນການພັດທະນາເສດຖະກິດ - ສັງຄົມ ທີ່ຫວຽດນາມ ບັນລຸໄດ້ໃນໄລຍະມໍ່ໆມານີ້, ຕີລາຄາສູງວິໄສທັດ ແລະ ຄວາມຕັ້ງໃຈອັນຈະແຈ້ງຂອງພັກ ແລະ ລັດ ຫວຽດນາມ ໃນການຊຸກຍູ້ການປະຕິຮູບ, ມີຍຸດທະສາດພັດທະນາໃໝ່, ນຳພາປະເທດຊາດກ້າວເຂົ້າສູ່ໄລຍະການເຕີບໂຕ.

ທ່ານ​ເອກ​ອັກຄະ​ລັດຖະທູດ ​ເຊື່ອ​ໝັ້ນ​ວ່າ ພາຍ​ໃຕ້​ການ​ນຳພາ​ອັນ​ສະຫຼາດ​ສ່ອງ​ໃສ​ຂອງ​ພັກ​ກອມ​ມູນິດ​ຫວຽດນາມ, ທ່ານ​ເລຂາທິການ​ໃຫຍ່ ໂຕເລີມ ເປັນນຳ​ໜ້າ, ຫວຽດນາມ ຈະ​ບັນລຸ​ເປົ້າ​ໝາຍ​ກາຍ​ເປັນ​ປະ​ເທດ​ພັດທະນາ​ໃນ​ປີ 2045 ຢ່າງ​ສຳ​ເລັດ​ຜົນ.

ລາຍ​ງານທີ່ເຕັມໄປດ້ວຍຄວາມຊົມຊື່ນຕໍ່​ທ່ານ​ເລຂາທິການ​ໃຫຍ່​ກ່ຽວ​ກັບ​ການ​ພັດທະນາ​ອັນ​ດີງາມ​ໃນ​ການ​ພົວພັນ​ຮ່ວມ​ມື​ຫຼາຍ​ດ້ານ​ລະຫວ່າງ​ສອງ​ປະ​ເທດ​ໃນ​ຫວ່າງ​ມໍ່ໆ​ນີ້, ທ່ານ​​ເອກ​ອັກຄະ​ລັດຖະທູດ Sandeep Arya ​ໃຫ້​ຮູ້​ວ່າ 2 ຝ່າຍ​ພວມ​ສົມທົບ​ກັນ​ຢ່າງ​ຕັ້ງໜ້າ​ເພື່ອ​ຜັນ​ຂະຫຍາຍ​ບັນດາ​ຂໍ້​ຕົກລົງ​ຂັ້ນ​ສູງ ​ແລະ ​ໂຄງການ​ປະຕິບັດ​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ​ໄລຍະ 2024-2028.

ທ່ານ​ເອກ​ອັກຄະ​ລັດຖະທູດ ​ເນັ້ນ​ໜັກ​ວ່າ ອິນ​ເດຍ ມີ​ທ່າແຮງໃນ​ຫຼາຍ​ຂົງ​ເຂດ​ຄື: ວິທະຍາສາດເຕັກ​ໂນ​ໂລ​ຢີ, ​ເຕັກ​ໂນ​ໂລ​ຢີຂໍ້​ມູນ​ຂ່າວສານ, ປັນຍາ​ປະດິດ ​ແລະ ອື່ນໆ, ພ້ອມ​ແລ້ວ​ທີ່​ຈະ​ແບ່ງປັນ​ປະສົບ​ການ ​ແລະ ​ເພີ່ມ​ທະວີ​ການ​ຮ່ວມ​ມື​ກັບ ຫວຽດນາມ ​ເພື່ອ​ສົມທົບ​ກັນ​ປະຕິບັດ​ບັນດາ​ຈຸດໝາຍ​ພັດທະນາ​ໃນ​ໄລຍະ​ໃໝ່.

ທ່ານ​ເລຂາທິການ​ໃຫຍ່ ໂຕເລີມ ​ແລະ ບັນດາ​ຜູ້​ແທນ. (ທີ່ມາ: TTXVN)

ທ່ານ​ເອກ​ອັກຄະ​ລັດຖະທູດ Sandeep Arya ຢືນຢັນ​ວ່າ ອິນ​ເດຍ ຖື ຫວຽດນາມ ​ແມ່ນ​ໜຶ່ງ​ໃນ​ບັນດາ​ຄູ່​ຮ່ວມ​ມື​ສຳຄັນ​ແຖວ​ໜ້າ​ຂອງ ອິນ​ເດຍ ​ໃນ​ພາກ​ພື້ນ.

ໂດຍແບ່ງປັນ​ຄວາມ​ເຫັນ​ຂອງ​ທ່ານ​ເລຂາທິການ​ໃຫຍ່ ໂຕເລີມ, ທ່ານ​ເອກ​ອັກຄະ​ລັດຖະທູດ ອິນ​ເດຍ ຢືນຢັນ​ຈະ​ສືບ​ຕໍ່​ສົມທົບ​ກັນ​ຢ່າງ​ແໜ້ນ​ແຟ້ນກັບ​ບັນດາ​ກະຊວງ, ຂະແໜງການ, ທ້ອງ​ຖິ່ນ​ຂອງ ຫວຽດນາມ ​ເພື່ອ​ເຮັດໃຫ້ການ​ຮ່ວມ​ມື​ລະຫວ່າງ 2 ປະ​ເທດເລິກເຊິ່ງກ່ວາອີກ, ພິ​ເສດ​ແມ່ນ​ໃນ​ບັນດາ​ຂົງ​ເຂດ​ສຳຄັນ​ຄື: ປ້ອງ​ກັນ​ປະ​ເທດ, ຄວາມປອດໄພ, ​ເສດຖະກິດ, ການ​ຄ້າ, ການ​ລົງທຶນ, ວິທະຍາສາດ​ເຕັກ​ໂນ​ໂລ​ຢີ, ການ​ແລກປ່ຽນ​ປະຊາຊົນ, ການ​ສຶກສາ, ບຳລຸງ​ສ້າງ, ການທ່ອງທ່ຽວ..., ສືບ​ຕໍ່​ນຳ​ການ​ພົວພັນ​ເຂົ້າສູ່​ລວງ​ເລິກ​ຮອບດ້ານ, ​ແທດ​ເໝາະ​ກັບ​ຄວາມ​ສາມາດ​ບົ່ມ​ຊ້ອນ ​ແລະ ຄວາມ​ໄວ້​ເນື້ອ​ເຊື່ອ​ໃຈ​ດ້ານ​ການ​ເມືອງ.

ຜູ້​ຊ່ຽວຊານ​ອົດ​ສະ​ຕາ​ລີ: ຫວຽດນາມ ຈະ​ສືບ​ຕໍ່​ແມ່ນ​ກຳລັງ​ຊຸກຍູ້​ການ​ພັດທະນາ​ຂອງ​ພາກ​ພື້ນ ຍສໝ - ທ່ານ ສາດສະດາຈານ Hal Hill ຖືວ່າ ຫວຽດນາມ ແມ່ນແບບຢ່າງໃນການດຸ່ນດ່ຽງລະຫວ່າງ 2 ປະເທດມະຫາອຳນາດ ບົນພື້ນຖານຮັບປະກັນຜົນປະໂຫຍດແຫ່ງຊາດ - ເປັນສິ່ງທີ່ຫຼາຍປະເທດໃນພາກພື້ນອາຊີຕາເວັນອອກສ່ຽງໃຕ້ ພະຍາຍາມຮ່ຳຮຽນ.

ປະຊາ​ຄົມ​ຊາວ​ຫວຽດນາມ ຢູ່ເຊເນການ ແມ່ນ​ພາກສ່ວນ​ໜຶ່ງ​ຂອງ​ປະ​ເທດ​ຊາດ​ທີ່​ຂາດ​ບໍ່​ໄດ້. ຍສໝ - ນັ້ນ​ແມ່ນ​ຄຳ​ເຫັນ​ຂອງ​ທ່ານ​ປະທານ​ສະພາ​ແຫ່ງ​ຊາດ ​ເຈີ່ນແທງເໝີນ ທີ່​ການ​ພົບ​ປະ​ກັບ​ພະນັກງານ, ພາລະ​ກອນ​ສະຖານທູດ ​ແລະ ປະຊາ​ຄົມ​ຊາວ ຫວຽດນາມ ປະຈຳ ເຊເນການ, ໄດ້​ດຳ​ເນີນ​ໃນ​ຕອນ​ບ່າຍ​ວັນ​ທີ 22 ກໍລະກົດ (ຕາມ​ເວລາ​ທ້ອງ​ຖິ່ນ), ​ໃນ​ຂອບ​ເຂດ​ການ​ຢ້ຽມຢາມ ສາທາລະນະ​ລັດ ເຊເນການ ຢ່າງ​ເປັນ​ທາງ​ການ. ເຂົ້າຮ່ວມກອງປະຊຸມຍັງມີທ່ານ Samba Dang ຮອງປະທານສະພາແຫ່ງຊາດ ເຊເນການ.