 | ຝຶກອົບຮົມວິຊາຊີບວຽກງານດ້ານປະຫວັດສາດການທະຫານໃຫ້ແກ່ພະນັກງານກອງທັບລາດຊະວົງ ກຳປູເຈຍ |
| ໂຄງການພົບປະແລກປ່ຽນລະຫວ່າງນັກສຶກສາ ລາວ - ກຳປູເຈຍ ແລະ ນັກຮຽນໂຮງຮຽນການທະຫານ ທະຫານເຂດ 7 ຫວຽດນາມ ທີ່ຟົດຟື້ນ |
DC-Cam ໃຫ້ຮູ້ວ່າ ເກືອບເຄິ່ງສັດຕະວັດໄດ້ຜ່ານໄປນັບຕັ້ງແຕ່ລະບອບທີ່ນຳໂດຍ Pol Pot ກຳອຳນາດ ໄດ້ດຳເນີນການດັບສູນເຊື້ອຊາດຢ່າງໂຫດຮ້າຍທີ່ໄດ້ສັງຫານປະຊາຊົນ ກຳປູເຈຍ ຫຼາຍກວ່າ 2 ລ້ານຄົນ. ໃນປັດຈຸບັນ ມີຂໍ້ມູນໜ້ອຍຫຼາຍກ່ຽວກັບວິທີການອົບພະຍົບແບບບັງຄັບຂອງກໍາລັງປົກຄອງໃນເວລານັ້ນດ້ວຍລົດໄຟຂະຫນາດໃຫຍ່, ການຈໍາແນກແບ່ງແຍກປະຊາກອນ ແລະ ການປະຕິຮູບທາງດ້ານສັງຄົມໂດຍການໃຊ້ມາດຕະການທີ່ບໍ່ມີວິທະຍາສາດຕິດພັນກັບການກະທໍາທີ່ໂຫດຮ້າຍທີ່ສຸດຂອງການຂ້າລ້າງເຜົ່າພັນໃນປະຫວັດສາດຂອງມະນຸດ.
ນັບແຕ່ຕົ້ນປີມາຮອດປັດຈຸບັນ, ອົງການ DC-Cam ໄດ້ຈັດຕັ້ງການສຳຫຼວດ ແລະ ທັດສະນະສຶກສາຫຼາຍຄັ້ງໂດຍໄປດ້ວຍລົດໄຟຕາມເສັ້ນທາງການອົບພະຍົບ, ຊ່ວຍໃຫ້ນັກຄົ້ນຄວ້າ, ຖັນແຖວຄູປະຫວັດສາດ ແລະ ຊາວໜຸ່ມ ກຳປູເຈຍ ໃນປະຈຸບັນ ໄດ້ມີໂອກາດເຊື່ອມຕໍ່, ສຳຜັດກັບຕົວຈິງ ແລະ ຮັບຮູ້ຢ່າງຖືກຕ້ອງກ່ຽວກັບບັນດາເລື່ອງລາວທີ່ເກີດຂຶ້ນໃນອະດີດ. ໃນນັ້ນ, ມີເລື່ອງລາວຂອງທະຫານອາສາສະໝັກ ຫວຽດນາມ ທີ່ຕໍ່ສູ້ ແລະ ເສຍຊີວິດ, ກໍ່ຄືວຽກງານປົວແປງ ແລະ ສ້າງສາປະເທດ ກຳປູເຈຍ ຄືນໃໝ່ພາຍຫຼັງທີ່ໄດ້ຮັບສັນຕິພາບຢ່າງສົມບູນໃນທ້າຍສະຕະວັດກ່ອນ.
 |
| ຄູອາຈານ, ນັກຮຽນ ແລະ ນັກສຶກສາ ກໍາປູເຈຍ ກຸ່ມຫນຶ່ງໄດ້ເຂົ້າຮ່ວມໃນໂຄງການສໍາຫຼວດການເດີນທາງດ້ວຍລົດໄຟ. |
ຄະນະຍັງໄດ້ໄປຢ້ຽມຢາມ ແລະ ຄົ້ນຄວ້າບັນດາຮ່ອງຮອຍປະຫວັດສາດອື່ນໆ ທີ່ກ່ຽວພັນກັບເຂດເຄື່ອນໄຫວຂອງກອງທັບອາສາສະໝັກ ຫວຽດນາມ ໃນເວລານັ້ນຄື: ຮ່ອງຮອຍປະຫວັດສາດການທະຫານ Techo Phnom Moan ຫຼື Techo ເກເຊີນ (A4); ຮ່ອງຮອຍປະຫວັດສາດການທະຫານ Techo Phnom Spean Chey Chumneas ຫຼື ຂົວແຫ່ງໄຊຊະນະ. ສະຖານທີ່ແຫ່ງນີ້ເຄີຍເປັນກອງບັນຊາການ ແລະ ສະໜາມຮົບທີ່ດຸເດືອດລະຫວ່າງບັນດາກຳລັງປະກອບອາວຸດປະຕິວັດ ກຳປູເຈຍ ແລະ ກອງທັບອາສາສະໝັກ ຫວຽດນາມ ໃນການຕໍ່ສູ້ຕ້ານກັບກຳລັງທີ່ຍັງເຫຼືອຂອງ Pol Pot.
ນອກຈາກນັ້ນ, ຄະນະສຳຫຼວດຍັງໄດ້ມີໂອກາດພົບປະກັບອະດີດທະຫານອາສາສະໝັກ ຫວຽດນາມ ທີ່ພວມດຳລົງຊີວິດຢູ່ແຂວງ Pursat ແລະ ຮັບຟັງບັນດາເລື່ອງລາວກ່ຽວກັບຊີວິດການເປັນຢູ່ໃນການຕໍ່ສູ້, ກໍ່ຄືພາຍຫຼັງໄດ້ອອກຈາກກອງທັບ ແລະ ກັບຄືນຕິດພັນກັບດິນແດນແຫ່ງວັດທາດ ດ້ວຍບຸນວາດສະໜາຫຼາຍຢ່າງ.
 |
| ຄະນະສໍາຫຼວດໄດ້ພົບປະ ແລະ ສໍາພາດບັນດາພະຍານແຫ່ງປະຫວັດສາດຂອງລະບອບຂ້າລ້າງເຜົ່າພັນຢູ່ສະຖານທີ່ Go Po Chey ເມືອງ Kandeang (ແຂວງ Pursat, ກໍາປູເຈຍ). |
ທ່ານ ຮສຈ.ປອ. ຟ້າມວັນຖຸຍ, ຮອງຫົວໜ້າພາກວິຊາປະຫວັດສາດ, ມະຫາວິທະຍາໄລວິທະຍາສາດສັງຄົມ ແລະ ມະນຸດສາດ ໄດ້ຕີລາຄາວ່າ ນີ້ແມ່ນຄວາມຄິດທີ່ດີເລີດເມື່ອຈັດຕັ້ງໃຫ້ນັກຄົ້ນຄ້ວາ ຫວຽດນາມ ແລະ ກຳປູເຈຍ ພ້ອມກັນເຂົ້າຮ່ວມການເດີນທາງດ້ວຍລົດໄຟຈາກນະຄອນຫຼວງ Phnom Penh ຫາ Pursat.
ທ່ານ ຮສຈ.ປອ. ຟ້າມວັນຖຸຍ ຖືວ່າ ການຄົ້ນຄວ້າກ່ຽວກັບລະບອບການຂ້າລ້າງເຜົ່າພັນ ແລະ ສຳຜັດກັບບັນດາເລື່ອງລາວທີ່ໂສກເສົ້າໃນປະຫວັດສາດບໍ່ພຽງແຕ່ແນໃສ່ບຳລຸງສ້າງ, ຍົກສູງຄວາມຮູ້ ແລະ ຄວາມຮັບຮູ້ເທົ່ານັ້ນ, ຫາກຍັງຊຸກຍູ້ການຊອກຫາບັນດາຂໍ້ລິເລີ່ມ, ວິທີການແກ້ໄຂໃນວຽກງານການສຶກສາປະຫວັດສາດ, ເພື່ອໃຫ້ຄົນລຸ້ນໃນປະຈຸບັນ ແລະ ອະນາຄົດ ຈະບໍ່ຢ້ຳຄືນໄລຍະປະຫວັດສາດທີ່ໂສກເສົ້ານັ້ນອີກ.
ທ່ານຫວັງວ່າ ພາຍຫຼັງການຢ້ຽມຢາມຄົ້ນຄວ້າຄັ້ງນີ້, ມະຫາວິທະຍາໄລວິທະຍາສາດສັງຄົມ ແລະ ມະນຸດສາດ ແລະ DC-Cam ຈະລົງນາມໃນຂໍ້ຕົກລົງເພື່ອໃຫ້ການເຄື່ອນໄຫວຮ່ວມມືລະຫວ່າງສອງປະເທດໄດ້ຮັບການຊຸກຍູ້, ມີລັກສະນະເປັນຈຸດສຸມ ແລະ ເປັນທາງການກວ່າອີກ.
 |
| ຄະນະສຳຫຼວດ ພ້ອມດ້ວຍບັນດາພະຍານຢູ່ສະຖານທີ່ເກັບກູ້ອັດຖິຂອງຜູ້ຖືກເຄາະຮ້າຍຈາກລະບອບຂ້າລ້າງເຜົ່າພັນ ຢູ່ທີ່ເດີ່ນວັດ Reasmei Romlech, ຕາແສງ Romlech, ເມືອງ Bakan, ແຂວງ Pursat. |
ເຂົ້າຮ່ວມທັດສະນະສຶກສາຄັ້ງນີ້, ທ່ານນາງ ປອ ຮວ່າງທິຮົ່ງງາ, ຊ່ຽວຊານປະຫວັດສາດ ຫວຽດນາມ ທັນສະໄໝ, ຢູ່ພາກວິຊາປະຫວັດສາດ, ມະຫາວິທະຍາໄລວິທະຍາສາດສັງຄົມ ແລະ ມະນຸດສາດ, ໃຫ້ຮູ້ວ່າ ນີ້ແມ່ນການເຄື່ອນໄຫວທີ່ພົ້ນເດັ່ນກ່ຽວກັບວິທີການຄົ້ນຄວ້າ. ບັນດານັກຄົ້ນຄ້ວາປະຫວັດສາດ ຫວຽດນາມ ສາມາດຮຽນຮູ້ວິທີການເຂົ້າເຖິງຂອງ DC-Cam - ຄົ້ນຄວ້າປະຫວັດສາດທີ່ຕິດພັນກັບເລື່ອງລາວຂອງແຕ່ລະຄົນ, ຖືລັກສະນະ “ຊີວິດ”, ມີລັກສະນະສັງຄົມວິທະຍາ ແລະ ມະນຸດສາດ. ໂດຍຜ່ານນັ້ນ ຈະສ້າງຄວາມຫນ້າເຊື່ອຖືສູງໃນໝາກຜົນທີ່ໄດ້ຮັບຈາກການຄົ້ນຄວ້າ, ກໍ່ຄືໃນບັນດາບົດບັນຍາຍ.
 |
| ຄະນະສຳຫຼວດໄດ້ພົບປະ ແລະ ປຶກສາຫາລືກັບຄູປະຫວັດສາດ ແລະ ນ້ອງໆນັກຮຽນ ໂຮງຮຽນ ມັດທະຍົມຕອນປາຍ Hun Sen Promaoy ທີ່ສູນໄກ່ເກ່ຍ Veal Veang ຂອງ DC-Cam. |
ຕາມທ່ານ ປອ Chhang Youk, ຜູ້ອຳນວຍການ DC-Cam ແລ້ວ, ນັບແຕ່ເດືອນ ມີນາ ປີ 2024 ມາຮອດປະຈຸບັນ, DC-Cam ໄດ້ຈັດຕັ້ງການທັດສະນະສຶກສາຄົ້ນຄວ້າ 18 ຄັ້ງດ້ວຍລົດໄຟໂດຍມີໄວໜຸ່ມ 1.000 ກວ່າຄົນເຂົ້າຮ່ວມ. ແຕ່ວ່າ, ນີ້ແມ່ນຄັ້ງທຳອິດທີ່ນັກຄົ້ນຄວ້າຕ່າງປະເທດໄດ້ຮັບການເຊີນເຂົ້າຮ່ວມໂຄງການ.
ທ່ານໃຫ້ຮູ້ວ່າ ຖື ຮ່າໂນ້ຍ ເປັນຈຸດເລີ່ມຕົ້ນ, DC-Cam ປາດຖະໜາຢາກດຶງດູດນັກຮຽນຮູ້ ແລະ ນັກສຶກສານັບມື້ນັບຫຼາຍຂຶ້ນ ມາເຂົ້າຮ່ວມບັນດາການເດີນທາງຄືດັ່ງກ່າວເພື່ອໃຫ້ເຂົາເຈົ້າສາມາດຄົ້ນຄ້ວາ ແລະ ຂຽນກ່ຽວກັບປະຫວັດສາດຂອງລະບອບດັບສູນເຊື້ອຊາດ Pol Pot, ເພື່ອໃຫ້ບັນດາເລື່ອງລາວຂອງຜູ້ປະສົບເຄາະຮ້າຍ ແລະ ຜູ້ລອດຊີວິດຈະບໍ່ຖືກຫຼົງລືມ.
 | ເພີ່ມທະວີການໜູນຊ່ວຍດ້ານຕຸລາການໃຫ້ບັນດາແຂວງຊາຍແດນ ຫວຽດນາມ - ກຳປູເຈຍ - ລາວ ຍສໝ - ວັນທີ 18 ກໍລະກົດ, ຢູ່ແຂວງ ກວາງນາມ, ກອງປະຊຸມຄັ້ງທີ 7 ຂອງສານບັນດາແຂວງຊາຍແດນຫວຽດນາມ - ກຳປູເຈຍ - ລາວ ໄດ້ໄຂຂຶ້ນ. |
 | ຫວຽດນາມ ສືບຕໍ່ຊຸກຍູ້ການຮ່ວມມືດ້ານການຄ້າ-ການລົງທຶນກັບ ລາວ ແລະກຳປູເຈຍ ຍສໝ - ນັບແຕ່ວັນທີ 11-13 ກໍລະກົດ 2024, ທ່ານນາງ ຟານທິຖັ໊ງ ຮອງລັດຖະມົນຕີກະຊວງອຸດສາຫະກຳ ແລະການຄ້າ ແລະຄະນະຜູ້ແທນຂັ້ນສູງຫວຽດນາມ, ໄດ້ຮ່ວມເດີນທາງພ້ອມກັບທ່ານປະທານປະເທດ ໂຕເລິມ ໄປຢ້ຽມຢາມທາງລັດຖະກິດ ສປປ ລາວ ແລະ ລາຊະອານາຈັກ ກຳປູເຈຍ. |
ມິງດຶກ
