 |
| ວັນທີ 19 ສິງຫາປີ 1945, ພາຍຫຼັງການມິດຕິງຢູ່ສະໜາມຫຼວງ ໂຮງລະຄອນໃຫຍ່, ປະຊາຊົນນະຄອນຫຼວງໄດ້ຍຶດຄອງສຳນັກພາກເໜືອ, ອົງການນຳພາສູງສຸດຂອງອຳນາດການປົກຄອງລູກແຫຼ້ງຕີນມືຝະລັ່ງ ຢູ່ພາກເໜືອ. (ທີ່ມາ: ເອກະສານ TTXVN) |
ການປະຕິວັດເດືອນສິງຫາ ປີ 1945 ແມ່ນໜຶ່ງໃນຫຼາຍກອນລຳປະຫວັດສາດໂດຍປະຊາຊົນຫວຽດນາມ ປະກອບ ແລະ ການປະຕິວັດນີ້ ໄດ້ປ່ຽນແປງສະພາບການຢູ່ ຫວຽດນາມ, ຢູ່ອິນດູຈີນຂຶ້ນກັບ ຝຣັ່ງ ໃນສະໄໝນັ້ນ ກໍ່ຄືສຳລັບບັນດາລະບອບອານານິຄົມໃນໂລກ.
ເມື່ອຕອບສຳພາດຕໍ່ນັກຂ່າວຂອງສຳນັກຂ່າວສານຫວຽດນາມ ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນການປະຕິວັດເດືອນສິງຫາ (19 ສິງຫາ 1945 – 19 ສິງຫາ 2025) ແລະ ວັນຊາດ ຫວຽດນາມ (2 ກັນຍາ 1945 – 2 ກັນຍາ 2025), ທ່ານ Fredesmán Turró González - ອະດີດເອກອັກຄະລັດຖະທູດ ກູບາ ປະຈຳ ຫວຽດນາມ, ຮອງປະທານສະມາຄົມມິດຕະພາບ ກູບາ-ຫວຽດນາມ ຕີລາຄາວ່າ ການປະຕິວັດເດືອນສິງຫາ ແມ່ນການປະກອບສ່ວນອັນສຳຄັນຂອງຊາວຫວຽດນາມ ໃນພາລະກິດຕໍ່ສູ້ຍາດເອົາເອກະລາດ ແລະ ເອກະລາດອັນຄົບຖ້ວນຂອງບັນດາອານານິຄົມ.
ກອງປະຊຸມທົ່ວປະເທດຂອງພັກທີ່ຈັດຂຶ້ນຢູ່ເຕິນຈ່າວ ແຕ່ວັນທີ 14-15 ສິງຫາ 1945 ໄດ້ສະຫລຸບວ່າ ທັງໝົດເງື່ອນໄຂພາວະວິໄສ ແລະ ອັດຕະວິໄສ ລ້ວນແຕ່ພ້ອມແລ້ວທີ່ຈະດຳເນີນການລຸກຮື້ຂຶ້ນເພື່ອຍາດເອົາອຳນາດຈາກມືຂອງຟາສິດຍີ່ປຸ່ນກ່ອນທີ່ທະຫານພັນທະມິດເຂົ້າສູ່ອິນດູຈີນ.
ທ່ານຮອງປະທານສະມາຄົມມິດຕະພາບກູບາ-ຫວຽດນາມ ເນັ້ນໜັກວ່າ ການປະຕິວັດເດືອນສິງຫາຍັງສອນພວກເຮົາໃຫ້ຮູ້ຄວາມສຳຄັນຂອງຄວາມສາມັກຄີພາຍໃນພັກ ແລະ ບັນດາການນຳ, ກໍ່ຄືຕ້ອງສືບຕໍ່ຄົ້ນຄວ້າ ແລະ ໄຈ້ແຍກບັນດາເງື່ອນໄຂພາວະວິໄສ ແລະ ອັດຕະວິໄສ ເພື່ອກຳນົດບັນດາການເຄື່ອນໄຫວຕ້ອງປະຕິບັດໃນແຕ່ລະໄລຍະ. ໃນຄວາມໝາຍນີ້, ການປະຕິວັດເດືອນສິງຫາໄດ້ປະໄວ້ບົດຮຽນອັນລ້ຳຄ່າທີ່ສຸດ.
ໄຊຊະນະຂອງການປະຕິວັດເດືອນ ສິງຫາ ໄດ້ນຳໄປສູ່ການເກີດຂຶ້ນຂອງປະເທດສາທາລະນະລັດ ປະຊາທິປະໄຕ ຫວຽດນາມ ເມື່ອ 80 ປີກ່ອນ (ປະຈຸບັນແມ່ນສາທາລະນະລັດສັງຄົມນິຍົມຫວຽດນາມ).
ວັນທີ 2 ກັນຍາປີ 1945, ປະທານໂຮ່ຈີມິນໄດ້ອ່ານຖະແຫຼງການປະກາດເອກະລາດຂອງຫວຽດນາມຢູ່ສະໜາມຫຼວງ ບາດິ່ງ ແລະ ປະເທດສາທາລະນະລັດປະຊາທິປະໄຕຫວຽດນາມໄດ້ຮັບການສ້າງຕັ້ງ. ເປັນຄັ້ງທຳອິດ, ປະຊາຊົນຫວຽດນາມ ໄດ້ດຳລົງຊີວິດຢູ່ປະເທດເອກະລາດ, ມີອະທິປະໄຕ ແລະ ໄດ້ຮັບບັນດາສິດຢ່າງຄົບຖ້ວນ. ເປັນຄັ້ງທຳອິດ ຢູ່ອາຊີຕາເວັນອອກສຽງໃຕ້, ມີພື້ນຖານປະຊາທິປະໄຕ ແລະ ສາທາລະນະລັດປະຊາຊົນໄດ້ປະກົດຕົວ.
ເຖິງຢ່າງໃດກໍຕາມ, ປະຊາຊົນຫວຽດນາມ ຕ້ອງສືບຕໍ່ຕໍ່ສູ້, ບໍ່ແມ່ນເພື່ອຍາດເອົາເອກະລາດ ແລະ ອະທິປະໄຕ, ແຕ່ແມ່ນປົກປັກຮັກສາປະເທດຊາດຈາກການຮຸກຮານຂອງຕ່າງປະເທດ.
ຕາມທ່ານ González ແລ້ວ, ໃນ 80 ປີແຫ່ງການສ້າງສາ, ປົກປັກຮັກສາ ແລະ ພັດທະນາປະເທດຊາດ, ຫວຽດນາມ ບັນລຸໄດ້ໄຊຊະນະສຳຄັນໃນທຸກຂົງເຂດ. ຫວຽດນາມໄດ້ເອົາຊະນະສັດຕູທັງໝົດທີ່ນາບຂູ່ເຖິງເອກະລາດ ແລະ ອະທິປະໄຕຂອງຕົນ, ສ້າງໄຊຊະນະປະຫວັດສາດໃນວັນທີ 30 ເມສາ1975, ທ້ອນໂຮມປະເທດເປັນເອກະພາບຄືນໃໝ່ພາຍຫຼັງສົງຄາມມາເປັນເວລາຫຼາຍປີ.
 |
| ທ່ານ Fredesman Turró González, ອະດີດເອກອັກຄະລັດຖະທູດ ກູບາ ປະຈຳ ຫວຽດນາມ ແລະ ຮອງປະທານສະມາຄົມມິດຕະພາບກູບາ-ຫວຽດນາມ ໃຫ້ສຳພາດຕໍ່ສຳນັກຂ່າວສານ ຫວຽດນາມ. (ພາບ: Viet Hung/ TTXVN) |
ທ່ານຮອງປະທານສະມາຄົມມິດຕະພາບກູບາ - ຫວຽດນາມ ໄດ້ສະແດງຄວາມປະທັບໃຈຕໍ່ບັນດາຜົນງານດ້ານເສດຖະກິດ - ສັງຄົມຂອງ ຫວຽດນາມ, ພິເສດແມ່ນພາຍຫຼັງການຈັດຕັ້ງກອງປະຊຸມໃຫຍ່ຄັ້ງທີ 6 ຂອງພັກ. ຫວຽດນາມ ໄດ້ມີບັນດາການຫັນປ່ຽນອຸດົມການ ແລະ ໂຄງປະກອບ, ບໍ່ພຽງແຕ່ຊ່ວຍໃຫ້ ຫວຽດນາມ ຫຼຸດພົ້ນອອກຈາກສະພາບຫຍຸ້ງຍາກໃນຊຸມປີ 1980 ເທົ່ານັ້ນ, ຫາກຍັງບັນລຸໄດ້ບັນດາຜົນງານດ້ານເສດຖະກິດ - ສັງຄົມ, ຖືວ່າແມ່ນບາດກ້າວບຸກທະລຸ ແລະ ພວມຫັນພື້ນຖານເສດຖະກິດຫວຽດນາມ ກາຍເປັນໜຶ່ງໃນບັນດາພື້ນຖານເສດຖະກິດທີ່ຂະຫຍັນຂັນເຄື່ອນທີ່ສຸດໃນໂລກ, ດ້ວຍອັດຕາການເຕີບໂຕປະຈໍາປີສູງ.
ໃນ 6 ເດືອນຕົ້ນປີນີ້, GDP ໄດ້ເພີ່ມຂຶ້ນ 7,52%, ສ້າງເງື່ອນໄຂສະດວກເພື່ອບັນລຸການເຕີບໂຕໃນແຕ່ລະປີໃຫ້ໄດ້ກວ່າ 8% ໃນປີນີ້ ແລະ ຊຸມປີຕໍ່ໄປ.
ຊີວິດການເປັນຢູ່ຂອງປະຊາຊົນໄດ້ຮັບການປັບປຸງ ແລະ ສືບຕໍ່ປັບປຸງຢ່າງໝັ້ນຄົງ. ຄາດວ່າ, ຫວຽດນາມຈະເຂົ້າຮ່ວມກຸ່ມບັນດາປະເທດມີລາຍຮັບປານກາງສູງໃນໄວໆນີ້. ຫວຽດນາມ ກໍ່ໄດ້ຮັບຖືວ່າແມ່ນແບບຢ່າງໃນການຕໍ່ສູ້ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ.
ທ່ານ González ຕີລາຄາວ່າ ບັນດາຜົນງານດ້ານເສດຖະກິດຂອງຫວຽດນາມ ແລະ ຄວາມຂະຫຍັນຂັນເຂື່ອນໃນການເຕີບໂຕ, ການເຂົ້າຮ່ວມຢ່າງຕັ້ງໜ້າໃນພື້ນຖານເສດຖະກິດທົ່ວໂລກ, ການພົວພັນທາງການທູດສັນຕິພາບ ແລະ ການພົວພັນຄູ່ຮ່ວມມື, ພ້ອມກັບການເຂົ້າຮ່ວມນັບມື້ນັບເພີ່ມຂຶ້ນຂອງຫວຽດນາມເຂົ້າໃນບັນດາເວທີປາໄສ ແລະ ເຫດການສາກົນໄດ້ຍົກສູງກຽດສັກສີຂອງຫວຽດນາມ ໃນເວທີສາກົນ, ເຮັດໃຫ້ຫວຽດນາມ ກາຍເປັນປັດໄຈສຳຄັນໃນການເມືອງຂອງໂລກ.
ທ່ານ González ເນັ້ນໜັກວ່າ, ການນຳຂອງພັກກອມມູນິດຫວຽດນາມ ແມ່ນກຸນແຈຂອງໄຊຊະນະທັງໝົດຂອງປະຊາຊົນ ຫວຽດນາມ, ທັງໃນພາລະກິດປົກປັກຮັກສາປະເທດຊາດ ແລະ ພັດທະນາເສດຖະກິດ. ການນຳພາຂອງພັກແມ່ນປັດໄຈຕັດສິນ ແລະ ໄຊຊະນະຂອງຫວຽດນາມ ແມ່ນຕິດພັນກັບການນຳພານັ້ນ.
ສະນັ້ນ, ພັກ ຍາມໃດກໍ່ມີກຽດສັກສີ, ອຳນາດໃນປະຊາຊົນຫວຽດນາມ, ຍັງປະຊາຊົນຫວຽດນາມ ເຊື່ອໝັ້ນຢ່າງຄົບຖ້ວນຕໍ່ການນຳພາຮອບດ້ານຂອງພັກ, ເຊື່ອໝັ້ນວ່າ ພຽງແຕ່ພັກມີຄວາມສາມາດໃນການນຳພາປະເທດບັນລຸໄດ້ໄຊຊະນະໃໝ່ບົນເສັ້ນທາງສ້າງສາພັດທະນາ, ທັນສະໄໝ ແລະ ວັດທະນາຖາວອນ.
 | ພັກກອມມູນິດ ຫວຽດນາມ ໂອ້ລົມສົນທະນາກັບ ພັກ SPD ຂອງ ເຢຍລະມັນ ຍສໝ - ການໂອ້ລົມສົນທະນາທີ່ມີຫົວຂໍ້ວ່າ “ການເຕີບໂຕສີຂຽວຕິດພັນກັບການປົກປັກຮັກສາສິ່ງແວດລ້ອມ, ເປັນເຈົ້າການໃນການຮັບມືກັບການປ່ຽນແປງຂອງດິນຟ້າອາກາດຢູ່ ຫວຽດນາມ ແລະ ເຢຍລະມັນ”. |
 | ທ່ານເລຂາທິການໃຫຍ່ ຫງວຽນຝຸຈ້ອງ ເຂົ້າຮ່ວມກອງປະຊຸມສຸດຍອດທາງອອນລາຍ ລະຫວ່າງ ພັກກອມມູນິດ ຈີນ ກັບບັນດາພັກການເມືອງໃນທົ່ວໂລກ ຈີນ ແມ່ນປະເທດບ້ານໃກ້ເຮືອນຄຽງສຳຄັນ, ມີການພົວພັນມິດຕະພາບທີ່ເປັນມູນເຊື້ອມາແຕ່ດົນນານກັບ ຫວຽດນາມ. |
ແທັງຮັ່ງ
