ເຂົ້າຮ່ວມພິທີມີຜູ້ຕາງໜ້າສະຖານທູດຫວຽດນາມ ປະຈຳລາວ, ສະມາຄົມຊາວຫວຽດນາມ ອາໄສຢູ່ນະຄອນຫຼວງວຽງຈັນ ໃນແຕ່ລະໄລຍະ, ຄະນະອຳນວຍການ ແລະຄູອາຈານຂອງໂຮງຮຽນ ເປັນຈຳນວນຫຼວງຫຼາຍ.
 |
| ທ່ານ ເລວັນມຸ່ຍ ປະທານສະມາຄົມຊາວຫວຽດນາມ ອາໄສຢູ່ນະຄອນຫຼວງວຽງຈັນ ກ່າວຄຳເຫັນທີ່ພິທີ. (ພາບ: ສໍານັກຂ່າວສານຫວຽດນາມ) |
ກ່າວຄຳເຫັນທີ່ພິທີ, ທ່ານ ເລວັນມຸ່ຍ ປະທານສະມາຄົມຊາວຫວຽດນາມ ອາໄສຢູ່ນະຄອນຫຼວງວຽງຈັນ ເນັ້ນໜັກວ່າ ຂອງຂວັນທີ່ຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈີມິນ ມອບໃຫ້ໃນມື້ນີ້ບໍ່ພຽງແຕ່ມີຄຸນຄ່າທາງດ້ານວັດຖຸເທົ່ານັ້ນ, ຫາກຍັງແມ່ນພະຍານຫຼັກຖານທີ່ມີຊີວິດຊີວາ ໃຫ້ແກ່ຄວາມເອົາໃຈໃສ່ອັນເລິກເຊິ່ງຂອງພັກ, ລັດ ແລະລັດຖະບານຫວຽດນາມ ທີ່ມີຕໍ່ພາລະກິດການສຶກສາຢູ່ ລາວ.
 |
| ໂຮງຮຽນສອງພາສາ ລາວ - ຫວຽດນາມ ຫງວຽນຢູ. (ພາບ: ສໍານັກຂ່າວສານຫວຽດນາມ) |
ຕາມທ່ານ ເລວັນມຸ່ຍ ແລ້ວ, ການຊ່ວຍເຫຼືອນີ້ ແມ່ນກຳລັງໜູນອັນໃຫຍ່ຫຼວງໃຫ້ແກ່ຄູອາຈານ ແລະນັກຮຽນຂອງໂຮງຮຽນສອງພາສາ ລາວ - ຫວຽດນາມ ຫງວຽນຢູ - ໂຮງຮຽນທີ່ດີເດັ່ນໃນວຽກງານສິດສອນພາສາຫວຽດນາມ, ທັງເປັນການບຳລຸງສ້າງໃຫ້ນັກຮຽນຮຸ່ນຕ່າງໆ ເຂົ້າໃຈກ່ຽວກັບວັດທະນະທຳ, ປະຫວັດສາດ, ນໍ້າໃຈມິດຕະພາບລະຫວ່າງສອງຊາດ ຫວຽດນາມ-ລາວ.
ທ່ານ ເລວັນມຸ່ຍ ຢືນຢັນວ່າ ການເອົາໃຈໃສ່ຢ່າງທັນການ ແລະແທດຈິງນີ້ ຈະເພີ່ມຄວາມໄວ້ເນື້ອເຊື່ອໃຈ, ສ້າງເງື່ອນໄຂສະດວກເພື່ອໃຫ້ໂຮງຮຽນປະຕິບັດໜ້າທີ່ການສຶກສາເປັນຢ່າງດີ, ຜ່ານນັ້ນປະກອບສ່ວນຮັດແໜ້ນສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງປະເທດ.
 |
| ທ່ານນາງ ຫງວຽນທິແທງເຮືອງ, ຜູ້ອຳນວຍການໂຮງຮຽນສອງພາສາ ລາວ - ຫວຽດນາມ ຫງວຽນຢູ ກ່າວຄຳເຫັນທີ່ພິທີ. (ພາບ: ສໍານັກຂ່າວສານຫວຽດນາມ) |
ຕາງໜ້າໃຫ້ພະນັກງານ ແລະຄູອາຈານຂອງໂຮງຮຽນ, ທ່ານນາງ ຫງວຽນທິແທງເຮືອງ, ຜູ້ອຳນວຍການໂຮງຮຽນສອງພາສາ ລາວ - ຫວຽດນາມ ຫງວຽນຢູ ໄດ້ສະແດງຄວາມຂອບອົກຂອບໃຈອັນເລິກເຊິ່ງມາຍັງຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈີມິນ. ນີ້ບໍ່ພຽງແຕ່ເປັນການລະດົມກຳລັງໃຈອັນໃຫຍ່ຫຼວງ, ເພີ່ມກຳລັງໃຈໃຫ້ຄູອາຈານ ແລະນັກຮຽນຂອງໂຮງຮຽນສອງພາສາ ລາວ - ຫວຽດນາມ ຫງວຽນຢູ ຕັດສິນໃຈ ປະຕິບັດສຳເລັດບັນດາເປົ້າໝາຍໃນສົກຮຽນ 2025-2026 ຢ່າງມີໄຊ ເທົ່ານັ້ນ, ຫາກຍັງເພື່ອໃຫ້ໂຮງຮຽນ ປະຕິບັດຂະບວນການ “ສອນດີ-ຮຽນເກັ່ງ” ເປັນຢ່າງດີ, ກໍ່ສ້າງໂຮງຮຽນໃຫ້ເປັນບ່ອນອີງທີ່ໄວ້ເນື້ອເຊື່ອໃຈ ເພື່ອໃຫ້ຜູ້ປົກຄອງນັກຮຽນ ແລະນັກຮຽນ ມີຄວາມອຸ່ນອຽນໃຈສົ່ງລູກຫຼານມາຮຽນອີກດ້ວຍ, ປະກອບສ່ວນຮັກສາ ແລະພັດທະນານໍ້າໃຈມິດຕະພາບອັນຍິ່ງໃຫຍ່ລະຫວ່າງຫວຽດນາມ-ລາວ.
 |
| ຜູ້ຕາງໜ້າສະຖານທູດຫວຽດນາມ ປະຈຳລາວ ແລະສະມາຄົມຊາວຫວຽດນາມ ອາໄສຢູ່ນະຄອນຫຼວງວຽງຈັນ ມອບຂອງຂວັນໃຫ້ຄູອາຈານ. (ພາບ: ສໍານັກຂ່າວສານຫວຽດນາມ) |
ເນື່ອງໃນໂອກາດນີ້, ຜູ້ຕາງໜ້າສະຖານທູດຫວຽດນາມ ປະຈຳລາວ ແລະສະມາຄົມຊາວຫວຽດນາມ ອາໄສຢູ່ນະຄອນຫຼວງວຽງຈັນ ໄດ້ມອບຂອງຂວັນ 53 ພູດ, ແຕ່ລະພູດມີມູນຄ່າ 500 USD ໃຫ້ບັນດາຄູອາຈານ. ຂອງຂວັນນີ້ບໍ່ພຽງແຕ່ໄດ້ນຳມາເຊິ່ງຄວາມເບີກບານມ່ວນຊື່ນ, ການລະດົມກຳລັງໃຈໃຫ້ແກ່ໝູ່ຄະນະໂຮງຮຽນເທົ່ານັ້ນ, ຫາກຍັງເປັນການແຜ່ຂະຫຍາຍສານອັນສະໜິດສະໜົມລະຫວ່າງປະຊາຊົນສອງປະເທດ, ປະກອບສ່ວນປັບປຸງອາລົມຈິດຊຸມຊົນ ແລະນໍ້າໃຈສາມັກຄີແບບພິເສດຫວຽດນາມ - ລາວ.
 | ໂຮງຮຽນ ມສ ຫງວຽນຢູ ສອງພາສາລາວ-ຫວຽດນາມ ເປີດສົກຮຽນໃໝ່ ຍສໝ - ຕອນເຊົ້າວັນທີ 6 ກັນຍາ, ຄູອາຈານ, ນັກສຶກສາຂອງໂຮງຮຽນສອງພາສາຫວຽດນາມ ຫງວຽນຟູ໋ຈ້ອງ ຢູ່ນະຄອນຫຼວງ ວຽງຈັນ ປະເທດລາວ ໄດ້ຈັດຕັ້ງພິທີເປີດສົກຮຽນໃໝ່ 2023-2024. ເນື່ອງໃນໂອກາດນີ້, ສະຖານທູດຫວຽດນາມ ປະຈຳລາວ ກໍ່ໄດ້ຈັດຕັ້ງອາທິດເພື່ອໃຫ້ກຽດແກ່ຊາວຫວຽດນາມ ໃນປະຊາຄົມຊາວ ຫວຽດນາມ ຢູ່ລາວ. |
 | ມອບເງິນຊ່ວຍເຫຼືອຄູອາຈານໂຮງຮຽນສອງພາສາລາວ-ຫວຽດນາມ ຫງວຽນຢູ ຍສໝ - ທ່ານນາງ ສີວັນເຮືອງ ເພັງຄໍາໄມ ຜູ້ອໍານວຍການໂຮງຮຽນສອງພາສາ ລາວ - ຫວຽດນາມ ຫງວຽນຢູ ໄດ້ສະແດງຄວາມຂອບອົບຂອບໃຈຢ່າງຈິງໃຈສຳລັບຂອງຂວັນທີ່ເຕັມໄປດ້ວຍຄວາມໝາຍຂອງຄະນະກໍາມະການແນວໂຮມປະເທດຊາດຫວຽດນາມ ນະຄອນໂຮ່ຈີມິນ ທີ່ໄດ້ມອບໃຫ້ຄູອາຈານໂຮງຮຽນ; ຢັ້ງຢືນວ່າ ນີ້ບໍ່ພຽງແຕ່ແມ່ນຂອງຂວັນທາງດ້ານວັດຖຸເທົ່ານັ້ນ ຫາກຍັງສະແດງເຖິງຄວາມເອົາໃຈໃສ່ຂອງພັກ, ລັດ ແລະ ລັດຖະບານຫວຽດນາມ ຕໍ່ກັບພາລະກິດການສຶກສາຄົນ. |
