 | ການທູດປະຊາຊົນແມ່ນຈຸດພົ້ນເດັ່ນໃນການພົວພັນຄູ່ຮ່ວມມື ຫວຽດນາມ - ອາເມລິກາ |
| ຂີດໝາຍເພີ່ມທະວີການພົວພັນຮ່ວມມືລະຫວ່າງແຂວງ ຮວ່າບິ່ງ ແລະ ຫົວພັນ |
ທີ່ການພົບປະໂດຍສະຫະພັນບັນດາອົງການມິດຕະພາບນະຄອນໂຮ່ຈິມິນ ສົມທົບກັບສະມາຄົມມິດຕະພາບ ຫວຽດນາມ - ຝຣັ່ງ ນະຄອນ ໂຮ່ຈີມິນ ຈັດຕັ້ງ, ທ່ານນາງ ຫງວຽນທິຫງອກຢຸງ ປະທານສະມາຄົມມິດຕະພາບ ຫວຽດນາມ - ຝຣັ່ງ ນະຄອນ ໂຮ່ຈີມິນ ໄດ້ທົບທວນຄືນບັນດາຜົນງານທີ່ບັນລຸໄດ້ໃນການພົວພັນ ຫວຽດນາມ - ຝຣັ່ງ ໃນບັນດາຂົງເຂດ.
ທ່ານນາງ ຫງວຽນທິຫງອກຢຸງ ໃຫ້ຮູ້ວ່າ ມາຮອດປະຈຸບັນ, ໄດ້ມີກວ່າ 38 ທ້ອງຖິ່ນບັນດາຂັ້ນຂອງ ຝຣັ່ງ ແລະ 18 ແຂວງ, ນະຄອນຂອງ ຫວຽດນາມ ເຂົ້າຮ່ວມການຮ່ວມມືດ້ວຍ 240 ໂຄງການຮ່ວມມືທີ່ບໍ່ເປັນຈຸດສຸມລະຫວ່າງທ້ອງຖິ່ນຂອງສອງປະເທດ, ສຸມໃສ່ໃນຂົງເຂດສາທາລະນະສຸກ, ການສຶກສາ, ການອະນຸລັກມໍລະດົກ, ປະຊາຄົມພາສາຝຣັ່ງ, ພັດທະນາຊົນນະບົດ, ພັດທະນາຕົວເມືອງ. ໃນນັ້ນ, ນະຄອນໂຮ່ຈິມິນ ແຮກສ່ຽວກັບນະຄອນ Lyon ແລະ ເຂດ Rhône – Alpes. ລະອຽດ, ເຂດ Rhône-Alpes ໄດ້ຜັນຂະຫຍາຍບັນດາໂຄງການໜູນຊ່ວຍນະຄອນ ໂຮ່ຈີມິນ ຂ້ອນຂ້າງຫຼາກຫຼາຍໃນບັນດາຂົງເຂດກ່ຽວກັບການວາງແຜນຜັງຕົວເມືອງ, ສາທາລະນະສຸກ, ການສຶກສາ, ບຳລຸງສ້າງວິຊາຊີບ...; ນະຄອນ Lyon ໄດ້ລົງນາມໃນສັນຍາຮ່ວມມືກັບບັນດາຂົງເຂດບຸລິມະສິດ ປະກອບມີ ການອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າມໍລະດົກ, ການວາງແຜນຜັງ ແລະ ພັດທະນາຕົວເມືອງ, ການຄົມມະນາຄົມຕົວເມືອງ... ໃນນັ້ນ, ໄຟສະຫວ່າງຕົວເມືອງແມ່ນຂົງເຂດຮ່ວມມືທີ່ພົ້ນເດັ່ນ, ດ້ວຍ 5 ກິດຈະໄຟສະຫວ່າງສິລະປະກຳທີ່ໄດ້ປະຕິບັດສຳເລັດຜົນຢູ່ນະຄອນໂຮ່ຈິມິນ.
 |
| ທ່ານນາງ Emmanuelle Pavillon-Grosser ຫົວໜ້າກົງສູນໃຫຍ່ ສ.ຝຣັ່ງ ປະຈຳນະຄອນ ໂຮ່ຈີມິນ ກ່າວຄຳປາໄສທີ່ການພົບປະ. (ພາບ: HUFO) |
ທ່ານນາງ Emmanuelle Pavillon-Grosser, ຫົວໜ້າກົງສູນໃຫຍ່ ສ.ຝຣັ່ງ ປະຈຳນະຄອນ ໂຮ່ຈີມິນ ໄດ້ສະແດງຄວາມປິຕິຊົມຊື່ນເມື່ອເຫັນວ່າ ມີປະຊາຊົນນະຄອນ ໂຮ່ຈີມິນ ຫຼາຍຄົນສາມາດເວົ້າພາສາຝຣັ່ງ ແລະ ຮັກແພງປະເທດຝຣັ່ງ. ຕາມທ່ານນາງແລ້ວ, ປະຊາຄົມພາສາຝຣັ່ງ ແມ່ນຂົວຕໍ່ສາຍພົວພັນມິດຕະພາບ ຝຣັ່ງ-ຫວຽດນາມ ໃຫ້ນັບມື້ນັບດີງາມ, ພິເສດແມ່ນໃນສະພາບການກອງປະຊຸມສຸດຍອດກຸ່ມພາສາຝຣັ່ງ ທີ່ໃກ້ຈະດຳເນີນຢູ່ Villers-Cotterêts, ປະເທດຝຣັ່ງ.
ທ່ານນາງ Emmanuelle Pavillon-Grosser ໃຫ້ຮູ້ວ່າ ໃນປີນີ້, ຝຣັ່ງ ຈະຕ້ອນຮັບນັກສຶກສາ 100 ຄົນຈາກ ຫວຽດນາມ ທີ່ໄດ້ຮັບທຶນສຶກສາ ກັບຍອດຈຳນວນນັກສຶກສາ ຫວຽດນາມ ທີ່ພວມຮ່ຳຮຽນ ແລະ ເຮັດວຽກຢູ່ ຝຣັ່ງ ກ່ວາ 6.000 ຄົນ. ຫວຽດນາມ ຍັງແມ່ນປະເທດທີ່ໄດ້ຮັບທຶນການສຶກສາຈາກ ຝຣັ່ງ ຫຼາຍອັນດັບສາມໃນໂລກ. ຄຽງຂ້າງນັ້ນ, ຫວຽດນາມ - ຝຣັ່ງ ກໍ່ຊຸກຍູ້ການຮ່ວມມືໃນທຸກຂົງເຂດຢ່າງບໍ່ຢຸດຢັ້ງຄື: ເສດຖະກິດ, ວິທະຍາສາດ, ວັດທະນະທຳ ແລະ ສິລະປະ.
ທີ່ການພົບປະໂດຍສະຫະພັນບັນດາອົງການມິດຕະພາບແຂວງ ພ້ອມກັນກັບສະມາຄົມມິດຕະພາບ ຫວຽດນາມ - ຝຣັ່ງ ແຂວງ ບິ່ງດິ້ງ ຈັດຕັ້ງໃນວັນທີ 12 ກໍລະກົດ, ທ່ານ ເລກົ່ງເຍື່ອງ, ປະທານສະມາຄົມມິດຕະພາບ ຫວຽດນາມ - ຝຣັ່ງ ແຂວງ ກ່າວຄຳປາໄສວ່າ: ບົນເສັ້ນທາງກ່ວາ 50 ປີຜ່ານມາ, ຜ່ານຜ່າບັນດາການຜັນແປຂອງປະຫວັດສາດ, ການພົວພັນມິດຕະພາບ, ການຮ່ວມມືອັນດີງາມລະຫວ່າງ ຫວຽດນາມ-ຝຣັ່ງ ນັບມື້ນັບແໜ້ນແຟ້ນ, ກ້າວເຂົ້າສູ່ລວງເລິກ, ການຮ່ວມມືຮອບດ້ານ, ອຸດົມສົມບູນ ແລະ ມີປະສິດທິຜົນໃນທຸກຂົງເຂດ. ດ້ວຍການໜູນຊ່ວຍອັນໃຫຍ່ຫຼວງ, ການຮ່ວມມືອັນລ້ຳຄ່ານັ້ນ, ມາຮອດປະຈຸບັນ ຫວຽດນາມ ໄດ້ກາຍເປັນປະເທດ ອາຊີ ພັດທະນາທີ່ຂະຫຍັນຂັນເຄື່ອນ, ເຊື່ອມໂຍງເຂົ້າກັບສາກົນຢ່າງຕັ້ງໜ້າ. 2 ຝ່າຍໄດ້ກຳນົດຂອບເຂດ “ການພົວພັນມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຍາວນານ ແລະ ມີຄວາມໄວ້ເນື້ອເຊື່ອໃຈ” ມຸ່ງໄປສູ່ການພົວພັນຢ່າງແໜ້ນແຟ້ນ ແລະ ມີລະດັບຍຸດທະສາດ.
 |
| ບິ່ງດິ້ງ ຈັດຕັ້ງການພົບປະເນື່ອງໃນໂອກາດສະເຫຼີມສະຫຼອງ 235 ປີແຫ່ງວັນຊາດ ປະທເດ ສ.ຝຣັ່ງ. (ພາບ: ໜັງສືພິມ ບິ່ງດິງ) |
ການພົວພັນລະຫວ່າງແຂວງ ບິ່ງດິ້ງ ແລະ ສ.ຝຣັ່ງ ນັບມື້ນັບພັດທະນາໃນໄລຍະຜ່ານມາຢ່າງຕັ້າງໜ້າ. ບິ່ງດິ້ງ ໄດ້ຮັບຫຼາຍໂຄງການໜູນຊ່ວຍຂອງ ຝຣັ່ງ ໃນບັນດາຂົງເຂດສາທາລະນະສຸກ, ຮັບປະກັນຊີວິດສັງຄົມ... ພິເສດແມ່ນ 2 ໂຄງການຄື: ສູນສາກົນວິທະຍາສາດ ແລະ ການສຶກສາລະຫວ່າງຂະແໜງການຢູ່ນະຄອນ ກຸຍເຍີ່ນ ໂດຍ ທ່ານສາດສະດາຈານ ເຈີ່ນແທງເວີນ (ປະທານສະມາຄົມພົບປະ ຫວຽດນາມ) ແລະ ທ່ານສາດສະດາຈານ ເລກີ່ມຫງອກ ເປັນຜູ້ກໍ່ຕັ້ງ ພ້ອມກັນກັບສູນຄົ້ນຫາວິທະຍາສາດ ໄດ້ນຳເຂົ້າເຄື່ອນໄຫວ, ອັນໄດ້ສ້າງການດຶງດູດຄວາມສົນໃຈຂອງປະຊາຊົນໃນແຂວງ ແລະ ນັກທ່ອງທ່ຽວໃນທົ່ວປະເທດ.
ຜູ້ຕາງໜ້າບັນດານັກວິທະຍາສາດ ແລະ ຊາວຝຣັ່ງ ອາໄສຢູ່ຕ່າງປະເທດ, ທ່ານສາດສະດາຈານ Dumarchez Jacques, ຮອງປະທານສະມາຄົມພົບປະຫວຽດນາມ ປະຈຳ ຝຣັ່ງ ໄດ້ສະແດງຄວາມເປັນກຽດ ແລະ ຄວາມຕື້ນຕັນໃຈ ເມື່ອຕ້ອນຮັບວັນຊາດ ຝຣັ່ງ ເນື່ອງໃນໂອກາດມາຍັງ ບິ່ງດິ້ງ. ສ່ວນຕົວຂອງທ່ານ ແລະ ນັກວິທະຍາສາດ ຝຣັ່ງ ບາງຄົນທີ່ມີຄວາມກະຕືລືລົ້ນ ຈະໄປພ້ອມກັບ ທ່ານສາດສະດາຈານ ເຈີ່ນແທງເວີນ ແລະ ແຂວງ ບິ່ງດິ້ງ ໃນບັນດາການເຄື່ອນໄຫວ ດົນບັນດານໃຈຄວາມຫຼົງໄຫຼ, ການຄົ້ນຫາວິທະຍາສາດໃຫ້ລຸ້ນໜຸ່ມ ບິ່ງດິ້ງ.
 | ການພົວພັນຫວຽດນາມ - ສ.ເກົາຫຼີ ເໝືອນດັ່ງ “ຄອບຄົວດຽວກັນ” ຍສໝ - ການພົວພັນຫວຽດນາມ - ສ.ເກົາຫຼີ ໄດ້ລື່ນກາຍການພົວພັນຄູ່ຮ່ວມມືກາຍ ເປັນການພົວພັນແບບພິເສດ ເໝືອນດັ່ງ “ຄອບຄົວດຽວກັນ”, ທ່ານ Choi Young Sam ເອກອັກຄະລັດຖະທູດ ສ.ເກົາຫຼີ ປະຈຳ ຫວຽດນາມ ໃຫ້ຮູ້ວ່າ ຄືແນວນັ້ນ ເມື່ອແລກປ່ຽນກັບສື່ມວນຊົນເນື່ອງໃນໂອກາດການຢ້ຽມຢາມ ຂອງ ທ່ານນາຍົກລັດຖະມົນຕີ ຟ້າມມິງຈິ໊ງ ແລະພັນລະຍາແຕ່ວັນທີ 30 ... |
 | ຕັ້ງຫວັງພະລັງແຮງໃໝ່ໃຫ້ສຳລັບການພົວພັນລະຫວ່າງ ຫວຽດນາມ - ລັດເຊຍ ຜ່ານການຢ້ຽມຢາມຂອງທ່ານປະທານາທິບໍດີ Putin ຍສໝ - ການຢ້ຽມຢາມ ຫວຽດນາມ ທາງລັດຖະກິດຂອງທ່ານປະທານາທິບໍດີ ລັດເຊຍ Vladimir Putin ໄດ້ຮັບຖືວ່າຈະສ້າງພະລັງແຮງໃໝ່ໃຫ້ການພົວພັນສອງຝ່າຍບົນພື້ນຖານຄວາມຮັກແພງ ແລະ ການພົວພັນອັນດີງາມທີ່ມີຢູ່ແລ້ວລະຫວ່າງ 2 ປະເທດ. |
ມີງດຶກ
