ຕາມທ່ານເອກອັກຄະລັດຖະທູດ Choi Young Sam ແລ້ວ: ຫວຽດນາມ - ສ.ເກົາຫຼີ ບໍ່ມີຄວາມຂັດແຍ່ງດ້ານຜົນປະໂຫຍດ; ການພົວພັນສອງປະເທດແມ່ນເພີ່ມເຕີມໃຫ້ກັນ ແລະຕ່າງຝ່າຍຕ່າງມີຜົນປະໂຫຍດ. ສ.ເກົາຫຼີ ແບ່ງປັນປະສົບການພັດທະນາເສດຖະກິດກັບຫວຽດນາມ ແລະ ຫວຽດນາມ ແບ່ງປັນແຫຼ່ງຊັບພະຍາກອນມະນຸດທີ່ອຸດົມສົມບູນກັບ ສ.ເກົາຫຼີ. ການພົບປະແລກປ່ຽນປະຊາຊົນລະຫວ່າງສອງປະເທດກໍ່ໄດ້ດຳເນີນໄປຢ່າງຟົດຟື້ນທີ່ສຸດ ຍ້ອນຄວາມໃກ້ຄຽງດ້ານພູມສາດ ແລະຄວາມຄ້າຍຄືກັນດ້ານວັດທະນະທຳ.
 |
| ທ່ານເອກອັກຄະລັດຖະທູດ ສ.ເກົາຫຼີ ປະຈຳ ຫວຽດນາມ Choi Young Sam. ພາບ: VGP |
“ການພົວພັນດັ່ງກ່າວຈະປະກອບສ່ວນຊ່ວຍໃຫ້ຫວຽດນາມ ກາຍເປັນປະເທດພັດທະນາທີ່ມີລາຍຮັບສູງ ໃນປີ 2045, ໃນຂະນະທີ່ ສ.ເກົາຫຼີ ສາມາດຫັນການປະຕິບັດ 'ວິໄສທັດແຫ່ງຊາດສຳຄັນໃນທົ່ວໂລກ' ປະກົດຜົນເປັນຈິງ, ປະກອບສ່ວນເຂົ້າໃນອິດສະຫຼະພາບ, ສັນຕິພາບ ແລະຄວາມຈະເລີນຮຸ່ງເຮືອງລວມ.
ມາຮອດປະຈຸບັນ, ສອງປະເທດໄດ້ລື່ນກາຍການພົວພັນຄູ່ຮ່ວມມືກາຍ ເປັນການພົວພັນແບບພິເສດ ເໝືອນດັ່ງ “ຄອບຄົວດຽວກັນ”, ທ່ານ ເອກອັກຄະລັດຖະທູດ Choi Young Sam ແບ່ງປັນກັບນັກຂ່າວ.
ໃນເວລາຕອບສຳພາດຕໍ່ນັກຂ່າວສໍານັກຂ່າວສານຫວຽດນາມກ່ຽວກັບການຢ້ຽມຢາມ ສ.ເກົາຫຼີ ຢ່າງເປັນທາງການຂອງທ່ານນາຍົກລັດຖະມົນຕີ ຟ້າມມິງຈິ໊ງ ແລະການພົວພັນລະຫວ່າງສອງປະເທດ, ທ່ານນາຍົກລັດຖະມົນຕີ Han Duck Soo ກໍ່ເນັ້ນໜັກເຖິງການປະກອບສ່ວນຂອງບັນດາຄອບຄົວຫຼາຍວັດທະນະທຳໃນການຊຸກຍູ້ການພົບປະແລກປ່ຽນປະຊາຊົນລະຫວ່າງຫວຽດນາມ ແລະເກົາຫຼີ.
 |
| ໂຄງການແລກປ່ຽນວັດທະນະທຳຫວຽດນາມ - ສ.ເກົາຫຼີ ສໍາລັບບັນດາຄອບຄົວຫຼາຍວັດທະນະທຳຫວຽດນາມ - ສ.ເກົາຫຼີ ຢູ່ Jeonnam (ສ.ເກົາຫຼີ). ພາບ: korea.net |
ທ່ານ ກ່າວວ່າ: ການພົບປະແລກປ່ຽນປະຊາຊົນຢ່າງກວ້າງຂວາງລະຫວ່າງສອງປະເທດແມ່ນກຳລັງໜູນຊຸກຍູ້ການພົວພັນການຮ່ວມມືລະຫວ່າງສອງປະເທດແບບຍືນຍົງ. ຫວຽດນາມ ວາງເປົ້າໝາຍກາຍເປັນປະເທດມີລາຍຮັບສູງຮອດປີ 2045, ສ.ເກົາຫຼີ ປາດຖະໜາຢາກກາຍເປັນຄູ່ຮ່ວມມືທີ່ໄວ້ເນື້ອເຊື່ອໃຈຂອງຫວຽດນາມ ເພື່ອບັນລຸໄດ້ເປົ້າໝາຍດັ່ງກ່າວ. ພິເສດ, ພວກຂ້າພະເຈົ້າມີຄວາມປິຕິຊົມຊື່ນທີ່ “ສະຖາບັນວິທະຍາສາດ ແລະ ເຕັກໂນໂລຊີ ສ.ເກົາຫຼີ-ຫວຽດນາມ (VKIST)” ແມ່ນສັນຍາລັກແຫ່ງການຮ່ວມມືດ້ານວິທະຍາສາດ ແລະເຕັກໂນໂລຊີ ສ.ເກົາຫຼີ - ຫວຽດນາມ ດ້ວຍຍອດຈຳນວນເງິນລົງທຶນ 35 ລ້ານໂດລາສະຫະລັດ, ໄດ້ຮັບການເປີດນໍາໃຊ້ໃນປີກາຍ.
ຜ່ານການຮ່ວມມືໃນຂົງເຂດດັ່ງກ່າວ, ສ.ເກົາຫຼີ ກໍ່ໜູນຊ່ວຍການບຳລຸງສ້າງແຫຼ່ງຊັບພະຍາກອນມະນຸດທີ່ມີສີມື ແລະວິຊາສະເພາະທີ່ຈຳເປັນເພື່ອພັດທະນາອຸດສາຫະກຳຂອງ ຫວຽດນາມ ໃນບັນດາຂົງເຂດທີ່ກ່ຽວຂ້ອງ.
ປະຈຸບັນ, ສ.ເກົາຫຼີ ແລະຫວຽດນາມ ແຕ່ລະຝ່າຍມີປະຊາຄົມຊາວ ຫວຽດນາມ ແລະປະຊາຄົມຊາວ ສ.ເກົາຫຼີ ດຳລົງຊີວິດ, ຮ່ຳຮຽນ ແລະເຮັດວຽກຢູ່ປະເທດຂອງກັນແມ່ນປະມານ 200.000 ຄົນ, ໃນນັ້ນ ຕ້ອງນັບທັງ 90.000 ຄອບຄົວຫຼາຍວັດທະນະທຳ ສ.ເກົາຫຼີ - ຫວຽດນາມ.
ທ່ານ Han Duck Soo ນາຍົກລັດຖະມົນຕີ ສ.ເກົາຫຼີ ໃຫ້ຮູ້ວ່າ “ປະຊາຄົມນີ້, ລວມມີບັນດາຄອບຄົວຫຼາຍວັດທະນະທຳ, ພວມສວມ ບົດບາດເປັນຂົວຕໍ່, ປະກອບສ່ວນຊຸກຍູ້ການຮ່ວມມືການຄ້າ, ການລົງທຶນ, ວິທະຍາສາດ - ເຕັກໂນໂລຢີ ແລະພັດທະນາແຫຼ່ງຊັບພະຍາກອນ ມະນຸດລະຫວ່າງ 2 ປະເທດ”.
ກໍ່ຕາມທ່ານ Han Duck Soo ນາຍົກລັດຖະມົນຕີ ສ.ເກົາຫຼີ ແລ້ວ, ແຮງງານຫວຽດນາມ ທີ່ໄປເຮັດວຽກຢູ່ ສ.ເກົາຫຼີ ໄດ້ມີການປະກອບສ່ວນ ສຳຄັນເຂົ້າໃນການພັດທະນາຂະແໜງອຸດສາຫະກຳຂະໜາດໃຫຍ່ ເຊັ່ນ: ຂະແໜງຕໍ່ກຳປັ່ນຂອງ ສ.ເກົາຫຼີ.
ຂອບຂະຫນາດການແລກປ່ຽນຊັບພະຍາກອນມະນຸດລະຫວ່າງສອງປະເທດແມ່ນໄດ້ຟື້ນຕົວຢ່າງວ່ອງໄວໃນລະດັບກ່ອນໂລກລະບາດໂຄວິດ-19 ເກີດຂຶ້ນ, ບັນທຶກ 4,1 ລ້ານເທື່ອການຢ້ຽມຢາມເຊິ່ງກັນ ແລະກັນໃນປີ 2024 ຄາດວ່າຈະບັນລຸ 5 ລ້ານເທື່ອການຢ້ຽມຢາມເຊິ່ງກັນ ແລະກັນໃນປີ 2024, ລະດັບສູງສຸດນັບແຕ່ກ່ອນມາຮອດປະຈຸບັນ.
ລັດຖະບານ ສ.ເກົາຫຼີ ພວມສະໜອງບັນດາການບໍລິການໜູນຊ່ວຍຢ່າງຮອບດ້ານນັບແຕ່ໄລຍະກະກຽມການແຕ່ງງານຢູ່ ຫວຽດນາມ ຈົນຮອດການໄປຕັ້ງຖິ່ນຖານ ຢູ່ ສ.ເກົາຫຼີ ຢ່າງຖາວອນ ເພື່ອໜູນຊ່ວຍຊາວ ຫວຽດນາມ ເຂົ້າເມືອງຢູ່ ສ.ເກົາຫຼີ ຕາມຮູບແບບການສົມລົດຫັນຊີວິດການເແັນຢູ່ຢູ່ ສ.ເກົາຫຼີ ເປັນປົກກະຕິ.
ສ.ເກົາຫຼີ ກໍ່ເພີ່ມທະວີການສຶກສາສອງພາສາ ແລະ ໜູນຊ່ວຍການຮຽນວິຊາອາຊີບເປັນພາສາ ສ.ເກົາຫຼີ ແລະຫວຽດນາມ ເພື່ອໃຫ້ເດັກນ້ອຍໃນບັນດາຄອບຄົວຫຼາຍວັດທະນະທຳ ສ.ເກົາຫຼີ - ຫວຽດນາມ ໄດ້້ເຕີບໃຫຍ່ຢ່າງມີຢ່າງແຂງແຮງ, ເປັນຂົວຕໍ່ລະຫວ່າງ ສ.ເກົາຫຼີ ແລະ ຫວຽດນາມ. ນອກຈາກນັ້ນ, ເດັກນ້ອຍກັບຄືນຫວຽດນາມ ພາຍຫຼັງອາໄສຢູ່ ສ.ເກົາຫຼີ ກໍ່ໄດ້ຮັບການໜູນຊ່ວຍດ້ານທີ່ພັກ ແລະເບິ່ງແຍງຢູ່ສູນຊ່ວຍເຫຼືອຢູ່ ຫາຍຟ່ອງ ເພື່ອຮັບປະກັນບໍ່ໃຫ້ເຂົາເຈົ້າປະສົບກັບຄວາມຫຍຸ້ງຍາກໃນເວລາດຳລົງຊີວິດຢູ່ທີ່ນີ້.
ບູນມີ
