ການພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດ ຫວຽດນາມ ແລະລາວ ເຊິ່ງປະທານ ໂຮ່ຈີມິນໄດ້ຍ້ອງຍໍ ຜ່ານບົດກະວີອະມະຕະທີ່ວ່າ: “ຮັກຫອມກັນໝາຍໝັ້ນ ຫຼາຍສັນພູກໍ່ປີນໄຕ່ ຫຼາຍນ້ຳໃຫຍ່ ແລະ ໂຄກຄ້ອຍ ຂວາງກັນກໍ່ດຸ່ງໄປ ສອງຊາດລາວ-ຫວຽດໄດ້ ຝັງຄວາມຮັກໄວ້ໃນໃຈ ຮົງຮ່າທັງແມ່ຂອງ ບໍ່ເລິກປູນປານໄດ້”. ໃນຊຸມວັນຕົ້ນເດືອນມິຖຸນາ, ພວກຂ້າພະເຈົ້າໂຊກດີທີ່ໄດ້ເຂົ້າຮ່ວມຄະນະປະຕິບັດງານແຂວງ ຮວ່າບິ່ງ ໄປຢ້ຽມຢາມແຂວງຫົວພັນ, ສາທາລະນະລັດ ປະຊາທິປະໄຕ ປະຊາຊົນລາວ ເພື່ອຮັບຮູ້ ແລະເຈົ້າໃຈກວ່າກ່ຽວກັບການພົວພັນແບບພິເສດ, ບໍລິສຸດຜຸດຜ່ອງນັ້ນ.
 |
ລາຍການສິລະປະວັດທະນະທຳພິເສດ, ສ່ອງແສງນໍ້າໃຈສາມັກຄີ, ມິດຕະພາບ, ວັດທະນະທໍາ ຫວຽດນາມ- ລາວ, ເພື່ອຄຳນັບຮັບຕ້ອນຄະນະຜູ້ແທນຂັ້ນສູງແຂວງ ຮວ່າບິ່ງ ມາຢ້ຽມຢາມ ແລະ ເຮັດວຽກຢູ່ແຂວງຫົວພັນ, ສປປ ລາວ. ພາບ: hoabinh |
ໃນໄລຍະຜ່ານມາ, ແຂວງຮວ່າບິ່ງໄດ້ຈັດຄະນະຜູ້ແທນໄປຢ້ຽມຢາມ ແລະ ເຮັດວຽກຢຸ່ແຂວງຫົວພັນ ຫຼາຍຄະນະ. ຫວ່າງມໍ່ໆມານີ້, ຄະນະຜູ້ແທນແຂວງຫົວພັນ ໄດ້ມາຢ້ຽມຢາມ ແລະອວຍພອນປີໃໝ່ແກ່ຄະນະພັກ, ອໍານາດການປົກຄອງ ແລະ ປະຊາຊົນບັນດາເຜົ່າແຂວງຮວ່າບິ່ງ ເນື່ອງໃນໂອກາດຕ້ອນຮັບປີໃໝ່ປີມະໂລງ - 2024. ທ່ານ ຫງວຽນຟີລອງ, ກຳມະການສໍາຮອງຄະນະບໍລິຫານງານສູນກາງພັກ, ເລຂາພັກແຂວງ ຢັ້ງຢືນວ່າ: ການຢ້ຽມຢາມສປປ ລາວ ຢ່າງເປັນທາງການ ຂອງຄະນະຜູ້ແທນແຂວງ ຮວ່າບິ່ງ ໄດ້ ແມ່ນການເຄື່ອນໄຫວພົວພະັນຕ່າງປະເທດທີ່ສຳຄັນ, ເປັນຂີດໝາຍເພີ່ມທະວີການພົວພັນຮ່ວມມືລະຫວ່າງ 2 ແຂວງຮວ່າບິ່ງ-ຫົວພັນ.
ເລີ່ມເດີນທາງ ຈາກໃຈກາງນະຄອນຮວ່າບິ່ງແຕ່ເວລາ 5:00 ໂມງ, ຄະນະຜູ້ແທນຂັ້ນສູງແຂວງຮວ່າບິ່ງ ມີບັນດາການນຳຄະນະພັກແຂວງ, ສະພາປະຊາຊົນ, ຄະນະກໍາມະການປະຊາຊົນແຂວງ, ຫ້ອງການຄະນະພັກແຂວງ ແລະ ບັນດາພະແນກ,ຂະແໜງການໄດ້ມີໜ້າຢູ່ດ່ານສາກົນ ລ໋ອງເຊິບ (ເຊີນລາ). ເມື່ອໄປຜ່ານຫຼັກໝາຍຊາຍແດນ 255 ເຂົ້າປະເທດລາວ ຜູ້ຕາງໜ້າແຂວງຫົວພັນ ໄດ້ຕ້ອນຮັບຄະນະຢູ່ເຂດດ່ານຊາຍແດນປ່າຮ່າງ, ຊົມເຊີຍການຢ້ຽມຢາມຂອງບັນດາສະຫາຍການນຳແຂວງດ້ວຍຊໍ່ດອກໄມ້ທີ່ສົດໃສ ແລະ ຄວາມສະໜິດສະໜົມ.
 |
ການນຳແຂວງຫົວພັນ ແລະສະຖານກົງສູນໃຫຍ່ ສສ ຫວຽດນາມ ປະຈຳ ຫຼວງພະບາງ, ສປປ ລາວ ຕ້ອນຮັບຄະນະຜູ້ແທນຂັ້ນສູງແຂວງ ຮວ່າບິ່ງ ທີ່ມາຢ້ຽມຢາມ ແລະ ເຮັດວຽກ. ພາບ: hoabinh |
ນັບແຕ່ເຂົ້າດິນແດນລາວ ຄະນະສືບຕໍ່ເດີນທາງໄປຍັງໃຈກາງແຂວງຫົວພັນດ້ວຍລົດໂອໂຕ, ໃນເວລາກືອບ 3 ຊົ່ວໂມງ. ເປີີດສາກການຢ້ຽມຢາມແຂວງ ຫົວພັນ ຢ່າງເປັນທາງການ, ຄະນະຜູ້ແທນຂັ້ນສູງແຂວງ ຮວ່າບິ່ງ ໄດ້ເຂົ້າຢ້ຽມຂ່ຳນັບ ແລະມີການພົບປະແລກປ່ຽນມິດຕະພາບກັບຄະນະກໍາມະການ ອໍານາດ ການປົກຄອງແຂວງເພື່ອນມິດ. ຢູ່ທີ່ນີ້, ທ່ານເລຂາ ພັກແຂວງ ຫງວຽນຟີລອງ ຢືນຢັນວ່າ: ຫວຽດນາມ ແລະ ລາວ ແມ່ນສອງປະເທດບ້ານໃກ້ເຮືອນຄຽງ, ຍາມໃດກໍ່ຮັກສາການພົວພັນມິດຕະພາບທີ່ກົມກຽວ, ໃກ້ຊິດສະໜິດສະໜົມກັນໃນຫຼາຍໄລຍະປະຫວັດສາດ. ພິເສດ, ສາຍພົວພັນທີ່ເປັນມູນເຊື້ອ ອັນດີງາມລະຫວ່າງປະຊາຊົນສອງປະເທດເຊິ່ງ ປະທານ ໂຮ່ຈີມິນ ແລະ ສະເດັດເຈົ້າ ສຸພານຸວົງ, ປະທານ ໄກສອນ ພົມວິຫານ ສ້າງພື້ນຖານ ແລະ ການນໍາ ສອງພັກ, ສອງລັດ ແລະປະຊາຊົນຮຸ້ນຕ່າງໆ ຂອງສອງປະເທດໄດ້ເພີ່ມພູນຄູນສ້າງ...
ດ້ວຍຫຼາຍຈຸດທີ່ຄ້າຍຄືກັນ, ສອງແຂວງຮວ່າບິ່ງ ແລະຫົວພັນ ພວມເພີ່ມທະວີ, ເປີດກວ້າງການພົວພັນຮ່ວມມືຮອບດ້ານໃນທຸກຂົງເຂດຕາມລວງເລິກ ແລະບັນລຸໄດ້ປະສິດທິຜົນ. ເຖິງວ່າຍັງບໍ່ທັນເປັນ ແຂວງທີ່ເຂັ້ມແຂງ ທາງດ້ານເສດຖະກິດ, ແຕ່ດ້ວຍສາຍພົວພັນແບບພິເສດ ແລະສາຍໃຈອັນສະໜິດສະໜົມຂອງອ້າຍນ້ອງ, ສະຫາຍ, ຮວ່າບິ່ງ ຈະສະ ຫງວນບຸລິມະສິດ ແລະການໜູນຊ່ວຍ ຢ່າງສຸດຂີດ, ພິເສດແມ່ນໃນ ສັນຍາຮ່ວມມື ໃນຂົງເຂດການສຶກສາ ແລະບຳລຸງສ້າງ. ປະຈຸບັນ, ຢູ່ຮວ່າບິ່ງ ມີຮ່ອງຮອຍພິເສດສອງແຫ່ງທີ່ເປັນຂີດໝາຍແຫ່ງນ້ຳໃຈມິດຕະພາບຫວຽດນາມ - ລາວ. ໃນນັ້ນ, ວິທະຍຸກະຈາຍສຽງປະເທດລາວ ໄດ້ຮັບການຮັບຮອງວ່າເປັນປູຊະນີຍະສະຖານ ປະຫວັດສາດລະດັບແຂວງ ແຕ່ປີ 2016. ສໍາລັບປູຊະນີຍະສະຖານປະຫວັດສາດ ການປະຕິວັດລາວ - ສະຖານທີ່ຝຶກອົບຮົມດ້ານການເມືອງ ແລະເປັນ ສະຖານທີ່ ດໍາເນີນກອງປະຊຸມໃຫຍ່ກະກຽມ ຄັ້ງທີ II ຂອງພັກ ປະຊາຊົນລາວ ທີ່ກອງບັນຊາການທະຫານແຂວງ, ແຂວງຈະສຸມໃສ່ຊີ້ນຳບັນດາອົງການກ່ຽວຂ້ອງ ກໍ່ສ້າງໂຄງການຟື້ນຟູ, ບູລະນະ ແລະສ້ອມແປງຫໍມູນເຊື້ອ, ສະໂມສອນ ພ້ອມກັບບັນດາກິດຈະກໍາຕ່າງໆໃຫ້ສຳເລັດໃນທ້າຍປີນີ້. ເລື່ອງອະນຸລັກ ຮັກສາ ແລະເສີມຂະຫຍາຍບັນດາ ມໍລະດົກວັດທະນະທຳທີ່ມີມູນຄ່າພິເສດ ຢູ່ແຂວງຮວ່າບິ່ງ ແມ່ນພະຍານ ຫຼັກຖານແຫ່ງສາຍພົວພັນອັນສະໜິດ ສະໜົມລະຫວ່າງປະຊາຊົນ 2 ປະເທດ.
ໃນບັນຍາກາດທີ່ສະໜິດສະໜົມ, ການນຳຂອງສອງທ້ອງຖິ່ນໄດ້ມອບຂອງຂວັນທີ່ມີຄວາມໝາຍ. ສະຫາຍ ຄຳແພງ ໄຊສົມແພງ ເຈົ້າແຂວງໆ ຫົວພັນ ໄດ້ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ຄະນະພັກ, ອໍານາດການປົກຄອງ, ປະຊາຊົນແຂວງຮວ່າບິ່ງ ແລະ ປາດຖະໜາຢາກສືບຕໍ່ໄດ້ຮັບການຮ່ວມມື ອັນລ້ຳຄ່າ, ການໜູນຊ່ວຍ, ການສະໜັບສະໜູນຢ່າງທັນການຈາກແຂວງ ຮວ່າບິ່ງ ໃນພາລະກິດ ພັດທະນາເສດຖະກິດ-ສັງຄົມ.
ກໍ່ໃນດິນແດນທີ່ສ້້າງແຫຼ່ງບັນດານໃຈເພື່ອນໃຫ້ທະຫານອາສາສະໝັກ, ນັກ ດົນຕີ ເຈິ່ນຕ໊ຽນ ແຕ່ງບົດເພງ “ສາວຊໍາເໜືອທີ່ສວຍງາມ”ນັ້ນ, ຄະນະກໍາມະການ, ອໍານາດ ການປົກຄອງ ແຂວງຫົວພັນ ໄດ້ຈັດງານລ້ຽງຄະນະຜູ້ແທນຂັ້ນສູງແຂວງ ຮວ່າບິ່ງຢ່າງສົມກຽດ, ອົບອຸ່ນ ສະໜິດສະໜົມ. ລາຍການສະແດງສິລະປະທີ່ມີສີສັນວັດທະນະທຳ ຫວຽດນາມ ແລະ ລາວ; ພິທີບາສີສຸຂວັນ ດ້ວຍຄວາມປາດຖະໜາຢາກນໍາມາເຊິ່ງສິ່ງດີງາມທີ່ສຸດໃຫ້ແກ່ຜູ້ຮັບ; ວາດຟ້ອນ ລຳວົງ ທີ່ທີ່ອ່ອນຊ້ອຍ, ທີ່ເຊື່ອມຕໍ່ນໍ້າໃຈສະຫາຍອ້າຍນ້ອງ, ຊຸກຍູ້ ການພົວພັນຮ່ວມມື ຮອບດ້ານລະຫວ່າງຮວ່າບິງ-ຫົວພັນ, ເພີ່ມພູນຄູນສ້າງສາຍພົວພັນ ແບບພິເສດ ຫວຽດນາມ-ລາວ ໃຫ້“ຂຽວສົດງົດງາມ ໝັ້ນຄົງທະໜົງແກນຈົ່ນຊົ່ວກະລະນານ”.
ບູນມີ
