ທ່ານ ນາງ ຄິດຕີນາ ເລ ກ່າວວ່າ ຈຸດເດັ່ນນີ້ແມ່ນສະແດງອອກຜ່ານວຽກງານການສ້າງໂອກາດໃຫ້ນັກສຶກສາຂອງສອງປະເທດ, ສ້າງລະບົບຕ່ອງໂສ້ການສະໜອງທີ່ປອດໄພໃຫ້ບັນດາວິສາຫະກິດຂະໜາດນ້ອຍຂອງສອງປະເທດ...
 |
| ຜູ້ຮັກສາການຮອງກົງສູນໃຫຍ່ອາເມລິກາ ປະຈຳນະຄອນ ໂຮ່ຈີມິນ ທ່ານ ນາງ ຄິດຕີນາ ເລ (Christina Le) ຢູ່ທີ່ການພົບປະ. (ພາບ: HUFO) |
ທ່ານນາງໄດ້ສະແດງຄວາມປິຕິຊົມຊື່ນທີ່ໄດ້ເຫັນປະຈັກຕາບັນດາບາດກ້າວທີ່ຕັ້ງໜ້າຢ່າງແຮງຂອງການພົວພັນລະຫວ່າງອາເມລິກາ - ຫວຽດນາມ. ປີ 2025 ແມ່ນປີທີ 30 ປີແຫ່ງການສ້າງການພົວພັນທາງການທູດລະຫວ່າງອາເມລິກາ ແລະ ຫວຽດນາມ, ການພົວພັນຄູ່ຮ່ວມມືລະຫວ່າງ 2 ປະເທດບໍ່ມີເວລາໃດທີ່ດີຄືປະຈຸບັນ. ພ້ອມກັນນັ້ນ, ທ່ານກໍໄດ້ຍົກຜົນງານອັນຕັ້ງໜ້າໃນການພົວພັນສອງຝ່າຍອາເມລິກາ - ຫວຽດນາມ ໃນຂົງເຂດການຮ່ວມມືດ້ານການສຶກສາ, ປັບປຸງປະສິດທີຜົນການຕໍ່ສູ້, ການຄ້າ, ການລົງທຶນ ແລະ ການຮ່ວມມືພັດທະນາເສດຖະກິດສີຂຽວຢ່າງໝັ້ນຄົງ.
 |
| ທ່ານ ຟ້າມຊວນຮ່ວາງເອີ່ນ, ຮອງປະທານສະມາຄົມມິດຕະພາບຫວຽດນາມ - ອາເມລິກາ ປະຈຳນະຄອນ ໂຮ່ຈີມິນ ກ່າວຄຳເຫັນທີ່ານພົບປະ. (ພາບ: HUFO) |
ກ່າວຄຳເຫັນທີ່ການພົບປະ, ທ່ານ ຟ້າມຊວນຮ່ວາງເອິ່ນ, ຮອງປະທານສະມາຄົມມິດຕະພາບຫວຽດນາມ - ອາເມລິກາ ປະຈຳນະຄອນ ໂຮ່ຈີມິນ ໃຫ້ຮູ້ວ່າ: ໃນຊຸມປີຜ່ານມາ ໄດ້ເຫັນປະຈັກຕາບັນດາບາດກ້າວພັດທະນາຢ່າງຕັ້ງໜ້າ ແລະ ຄວາມຄືບໜ້າຢ່າງໝັ້ນຄົງ ໃນການພົວພັນ 2 ຝ່າຍລະຫວ່າງ ຫວຽດນາມ ແລະ ອາເມລິກາ, ພິເສດແມ່ນສອງປະເທດຍົກລະດັບການພົວພັນເປັນຄູ່ຮ່ວມມືຍຸດທະສາດຮອບດ້ານ. ນີ້ແມ່ນບາດກ້າວບຸກທະລຸທີ່ດີ, ເປີດໂອກາດໃຫ້ແກ່ການຮ່ວມມືຢ່າງເລິກເຊິ່ງຕື່ມອີກໃນຫຼາຍຂົງເຂດຄື: ການຄ້າ, ການລົງທຶນ, ວິທະຍາສາດ - ເຕັກໂນໂລຢີ, ການປ້ອງກັນຊາດ, ປ້ອງກັນຄວາມສະຫງົບ, ການທູດປະຊາຊົນ. ການພົວພັນຄູ່ຮ່ວມມືນີ້ ໄດ້ເນັ້ນໜັກເຖິງຄຳໝັ້ນສັນຍາຂອງ 2 ປະເທດໃນການຊຸກຍູ້ການພົວພັນ ຫວຽດນາມ - ອາເມລິກາ ໃຫ້ແໜ້ນແຟ້ນກ່ວາອີກ ເພື່ອຜົນປະໂຫຍດລວມຂອງປະຊາຊົນ 2 ປະເທດ ກໍ່ຄື ສັນຕິພາບ ແລະ ສະຖຽນລະພາບຢູ່ພາກພື້ນ ແລະ ໃນໂລກ.
ຕາມທ່ານ ຟ້າມຊວນຮ່ວາງເອິ່ນ ແລ້ວ ບົນພື້ນຖານການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງສອງປະເທດ, ນະຄອນ ໂຮ່ຈີມິນ ຮູ້ສຶກພາກພູມໃຈຕໍ່ການພົວພັນມິດຕະພາບທີ່ແໜ້ນແຟ້ນກັບບັນດານະຄອນແຮກສ່ຽວຂອງອາເມລິກາ ຄື ຊານຟານຊິດໂກ ແລະ ນິວຢອກ. ບັນດາໂຄງການແລກປ່ຽນວັດທະນະທຳ, ເສດຖະກິດ ແລະ ການສຶກສາລະຫວ່າງນະຄອນ ໂຮ່ຈີມິນ ແລະ ບັນດານະຄອນຂອງ ອາເມລິກາ ໄດ້ເພີ່ມທະວີການພົວພັນລະຫວ່າງສອງປະເທດ, ນຳມາເຊິ່ງຜົນປະໂຫຍດລວມຂອງສອງຝ່າຍ.
 |
| ບັນດາຜູ້ແທນ ແລະ ແຂກຮັບເຊີນຖ່າຍຮູບທີ່ລະນຶກ. (ພາບ: HUFO) |
ທ່ານເຊື່ອໝັ້ນວ່າ 2 ຝ່າຍຈະສືບຕໍ່ສ້າງເງື່ອນໄຂສະດວກໃຫ້ຫຼາຍການເຄື່ອນໄຫວແລກປ່ຽນວັດທະນະທຳຫລາຍກວ່າເກົ່າ, ປະກອບສ່ວນເພີ່ມທະວີຄວາມເຂົ້າໃຈ ແລະ ການຮ່ວມມືຮອບດ້ານລະຫວ່າງປະໍາຊົນ 2 ປະເທດ; ກໍ່ຄືການພັດທະນາການພົວພັນ 2 ຝ່າຍ ຫວຽດນາມ - ອາເມລິກາ ໃຫ້ພັດທະນາຢ່າງເຂັ້ມແຂງກວ່າໃນໄລຍະຈະມາເຖິງ.
 | ການທູດປະຊາຊົນ: ກຸນແຈການຮ່ວມມື ຫວຽດນາມ - ເບລາຣຸດ |
| ສະຖານທູດ ຫວຽດນາມ ປະຈຳ ອາເມລິກາ ຈັດຕັ້ງການໂອ້ລົມເຈລະຈາ ແລະ ການເຊື່ອມຕໍ່ວິສາຫະກິດ |
ຊ ສະຫວັດ
