ເນື່ອງໃນໂອກາດການຢ້ຽມຢາມ ຫວຽດນາມ ທາງລັດຖະກິດຂອງທ່ານປະທານາທິບໍດີ ລັດເຊຍ Vladimir Putin (19-20 ມິຖຸນາ), ທ່ານ ຮສ.ປອ Maxim Syunnerberg, ສະຖາບັນບັນດາປະເທດ ອາຊີ-ອາຟຣິກາ ຂຶ້ນກັບມະຫາວິທະຍາໄລແຫ່ງຊາດ Moscow ທີ່ມີຊື່ Lomonosov (IAAS MGU) ໄດ້ສະແດງຄວາມຄາດຫວັງກ່ຽວກັບໝາກຜົນການຢ້ຽມຢາມຈະນຳມາໃຫ້ການພົວພັນ ຫວຽດນາມ - ລັດເຊຍ.
 |
| ທ່ານ ຮສ.ປອ Maxim Syunnerberg, ສະຖາບັນບັນດາປະເທດ ອາຊີ-ອາຟຣິກາ ຂຶ້ນກັບມະຫາວິທະຍາໄລແຫ່ງຊາດ Moscow ທີ່ມີຊື່ Lomonosov, ລັດເຊຍ (ທີ່ມາ:TTXVN) |
ໃນຖານະເປັນລູກຊາຍຂອງອະດີດນັກຂ່າວອາສຸໂສ Aleksey Syunnerberg, ຜູ້ທີ່ໄດ້ໃຊ້ເວລາຫຼາຍ, ມີຄວາມກະຕືລືລົ້ນໃນການຄົ້ນຄວ້າ ແລະ ຂຽນກ່ຽວກັບຫວຽດນາມ ຢູ່ສໍານັກຂ່າວສານ Sputnik, ທ່ານ ຮສ.ປອ Maxim Syunnerberg ມີຄວາມຮູ້ພື້ນຖານ ແລະ ເລີກເຊິ່ງກ່ຽວກັບຫວຽດນາມ.
ທ່ານ Syunnerberg ຍົກອອກວ່າ ປີ 2024 ແມ່ນປີຂີດໝາຍສະເຫຼີມສະຫຼອງ 30 ປີແຫ່ງການລົງນາມໃນສົນທິສັນຍາກ່ຽວກັບຫຼັກການພື້ນຖານຂອງການພົວພັນມິດຕະພາບລະຫວ່າງ ສະຫະພັນລັດເຊຍ - ສາທາລະນະລັດສັງຄົມນິຍົມ ຫວຽດນາມ (16 ມິຖຸນາ 1994-16 ມິຖຸນາ 2024) ), ຕັ້ງຮາກຖານ ແລະ ພື້ນຖານດ້ານກົດໝາຍໃຫ້ແກ່ການພົວພັນໃນໄລຍະພັດທະນາໃໝ່. ຫວຽດນາມ ແມ່ນຄູ່ຮ່ວມມືສຳຄັນຂອງລັດເຊຍ ຢູ່ອາຊີຕາເວັນອອກສ່ຽງໃຕ້ ແລະ ແມ່ນໜຶ່ງໃນບັນດາຄູ່ຮ່ວມມືຍຸດທະສາດຂອງ ລັດເຊຍ ຢູ່ ອາຊີ.
ເມື່ອຫວນຄືນປະຫວັດສາດ, Tsar Nikolai II (1868-1918) ໄດ້ມາຢ້ຽມຢາມ ຫວຽດນາມ ໃນເວລາດຳລົງຕຳແໜ່ງເປັນລາຊະກຸມມານສືບທອດບັນລັງໃນປີ 1891. ສະນັ້ນ, ການພົວພັນ ຫວຽດນາມ - ລັດເຊຍ ບໍ່ພຽງແຕ່ໄລ່ແຕ່ປີ 1950, ເມື່ອ 2 ປະເທດສ້າງຕັ້ງການພົວພັນທາງການທູດເທົ່ານັ້ນ, ຫາກຍັງມີໄລຍະທີ່ດົນກວ່ານັ້ນອີກ.
ບັນດານັກປະຕິວັດ ຫວຽດນາມ, ໃນນັ້ນມີປະທານ ໂຮ່ຈີມິນ ໄດ້ຮ່ຳຮຽນຢູ່ ລັດເຊຍ. ໃນຂະນະນັ້ນ, ລັດເຊຍ ກໍ່ບໍ່ລືມການປະກອບສ່ວນຂອງບັນດານັກຮົບ ຫວຽດນາມ ທີ່ອາສາສະໝັກເຂົ້າຮ່ວມກອງທັບແດງ ໂຊວຽດ ເພື່ອຕໍ່ສູ້ຕ້ານຟາດຊິດ ເຢຍລະມັນ, ປົກປັກຮັກສານະຄອນ Moscow ໃນສົງຄາມປ້ອງກັນຊາດຄັ້ງໃຫຍ່ປີ 1941.
ທີ່ກອງປະຊຸມ Geneva ປີ 1954, ສະຫະພາບໂຊວຽດ ຍັງມີບົດບາດສຳຄັນເມື່ອປຶກສາຫາລືກ່ຽວກັບເສັ້ນຊາຍແດນຊົ່ວຄາວແບ່ງເຂດສອງພາກຂອງ ຫວຽດນາມ. ພິເສດ, ບໍ່ສາມາດບໍ່ເວົ້າເຖິງການຊ່ວຍເຫຼືອອັນໃຫຍ່ຫຼວງທີ່ບໍ່ສາມາດທົດແທນໄດ້ຂອງສະຫະພາບໂຊວຽດ ໃຫ້ຫວຽດນາມ ໃນສົງຄາມຕໍ່ຕ້ານຈັກກະພັດ ອາເມລິກາ. ປີ 1978, ສະຫະພາບໂຊວຽດ ແລະ ຫວຽດນາມ ໄດ້ລົງນາມໃນສົນທິສັນຍາມິດຕະພາບ ແລະ ການຮ່ວມມື.
ຫຼັງຈາກນັ້ນ ແມ່ນ ຫວຽດນາມ ໃນໄລຍະແຫ່ງສັນຕິພາບ, ພັດທະນາຢ່າງວ່ອງໄວ ແລະ ການເຊື່ອມໂຍງເຂົ້າກັບສາກົນຢ່າງເລິກເຊິ່ງກ້ວາງ. ສິ່ງທີ່ດີໃຈທີ່ສຸດແມ່ນການຢ້ຽມຢາມ ຫວຽດນາມ ປີ 2001 ຂອງປະທານາທິບໍດີ Putin ໄດ້ສ້າງກຳລັງແຮງອັນໃໝ່ໃຫ້ແກ່ການພັດທະນາການພົວພັນລະຫວ່າງ ຫວຽດນາມ ແລະ ລັດເຊຍ ແຕ່ຕົ້ນສະຕະວັດທີ 21.
ທ່ານ ຮສ.ປອ Syunnerberg ໃຫ້ຮູ້ວ່າ ການຢ້ຽມຢາມໃນປີ 2001 ແມ່ນພິເສດທີ່ສຸດສຳລັບທ່ານໃນຖານະສ່ວນຕົວ ເພາະວ່າໃນເວລານັ້ນ ທ່ານພວມຝຶກງານຢູ່ ຫວຽດນາມ ແລະ ໄດ້ເຂົ້າຮ່ວມການພົບປະຂອງທ່ານປະທານາທິບໍດີ Putin ກັບບັນດາຜູ້ຕາງໜ້າບັນດາສິດເກົ່າຈາກບັນດາມະຫາວິທະຍາໄລ ໂຊວຽດ.
ສະນັ້ນ, ທ່ານ Putin ໄດ້ມາຢ້ຽມຢາມ ຫວຽດນາມ 4 ຄັ້ງ ແລະ ການຢ້ຽມຢາມທາງລັດຖະກິດແຕ່ວັນທີ 19-20 ມິຖຸນານີ້ ແມ່ນຄັ້ງທີ 5.
ອີກເທື່ອໜຶ່ງ, ຫວຽດນາມ ແມ່ນໜຶ່ງໃນບັນດາປະເທດທຳອິດທີ່ ທ່ານ Putin ໄປຢ້ຽມຢາມໃນຕອນເລີ່ມຕົ້ນອາຍຸການຂອງປະທານາທິບໍດີສະໄໝໃໝ່, ຄ້າຍຄືກັບການຢ້ຽມຢາມຂອງທ່ານໃນປີ 2001, ເຊິ່ງໄດ້ດຳເນີນພາຍຫຼັງທີ່ທ່ານໄດ້ເຂົ້າຮັບຕຳແໜ່ງປະທານາທິບໍດີສະໄໝທຳອິດຂອງທ່ານ.
ແຕ່ລະການຢ້ຽມຢາມຂອງບັນດາປະມຸກລັດ ຍາມໃດກໍຕັ້ງຫວັງວ່າຈະສ້າງກຳລັງແຮງໃໝ່ໃຫ້ແກ່ການພົວພັນລະຫວ່າງສອງປະເທດ. ກັບ ຫວຽດນາມ, ທ່ານ Syunnerberg ເຊື່ອໝັ້ນວ່າ ກຳລັງຜັກດັນຈະເປັນພິເສດທີ່ສຸດ ຍ້ອນຮູບການທີ່ດີ ແລະ ຕັ້ງໜ້າ ເຊິງທ່ານປະທານາທິບໍດີ Putin ໄດ້ມີຢູ່ ຫວຽດນາມ ແລະ ໃນການພົວພັນກັບ ຫວຽດນາມ.
 | ການພົວພັນສາມັກຄີແບບພິເສດລະຫວ່າງ ຫວຽດນາມ - ລາວ ນັບມື້ນັບພັດທະນາ ຍສໝ - ວັນທີ 14 ມີນານີ້, ຢູ່ສຳນັກງານສູນກາງພັກ, ທ່ານນາງ ເຈື່ອງທິມາຍ ກໍາມະການກົມການເມືອງ, ຜູ້ປະຈຳຄະນະເລຂາທິການ, ຫົວໜ້າຄະນະຈັດຕັ້ງສູນກາງພັກກອມມູນິດ ຫວຽດນາມ ໄດ້ຕ້ອນຮັບທ່ານນາງ ຄຳເພົາ ເອີນທະວັນ, ເອກອັກຄະລັດຖະທູດຜູ້ມີອຳນາດເຕັມແຫ່ງສາທາລະນະລັດ ປະຊາທິປະໄຕ ປະຊາຊົນລາວ ເຂົ້າຢ້ຽມຂ່ຳນັບເນື່ອງໃນໂອກາດທີ່ຮັບໜ້າທີ່ປະຕິບັດງານຢູ່ ຫວຽດນາມ. |
 | ການພົວພັນລະຫວ່າງປະຊາຊົນ ແມ່ນພື້ນຖານການຮ່ວມມື, ພັດທະນາ ຫວຽດນາມ- ໄທ ຍສໝ - ນັ້ນແມ່ນຄຳເຫັນຂອງທ່ານ ນາງ Wiraka Moodhitaporn, ຫົວໜ້າກົງສຸນໃຫຍ່ໄທ ປະຈຳນະຄອນ ໂຮ່ຈີມິນ, ທີ່ກອງປະຊຸມສະເຫຼີມສະຫຼອງວັນຊາດ 96 ປີ ແຫ່ງລາດຊະອານາຈັກໄທ (5 ທັນວາ 1927 – 5 ທັນວາ 2023) ເຊິ່ງໄດ້ຈັດຂຶ້ນໃນວັນທີ ວັນທີ 7 ທັນວານີ້ ຢູ່ນະຄອນໂຮ່ຈີມິນ. ... |
ມິງດຶກ
