 | ນະຄອນ ໂຮ່ຈິມິນ ສ້າງ “ໂອກາດທອງ” ໃຫ້ບັນດາວິສາຫະກິດ ອິດສະຣາແອນ ລົງທຶນ, ຮ່ວມມືດຳເນີນທຸລະກິດ |
| ວັດທະນະທຳ ແລະ ການທ່ອງທ່ຽວ ຫວຽດນາມ ໄດ້ສ້າງຄວາມປະທັບໃຈໃນວັນບຸນກົງສຸນ Lyon 2024 |
ການສຳມະນາໂດຍກະຊວງມໍລະດົກວັດທະນະທຳ, ທ່ອງທ່ຽວ ແລະ ຫັດຖະກຳສິລະປະ ປະເທດ ສາທາລະນະລັດ ອິດສະລາມ ອີຣານ ສົມທົບກັບສະຖານທູດສາທາລະນະລັດ ອິດສະລາມ ອີຣານ ປະຈຳ ຫວຽດນາມ ຈັດຕັ້ງ, ເພື່ອແນະນຳຄວາມສາມາດບົ່ມຊ້ອນດ້ານການທ່ອງທ່ຽວຂອງ ອີຣານ, ພ້ອມກັນນັ້ນ ກໍ່ສ້າງເວທີປາໄສພົບປະ, ແລກປ່ຽນລະຫວ່າງວິສາຫະກິດຂອງສອງປະເທດ. ຜ່ານນັ້ນ, ກໍ່ນຳເອົາບັນດາຂໍ້ມູນ, ຮູບພາບທີ່ແທ້ຈິງກ່ຽວກັບ ອີຣານ ໄປສູ່ບັນດາວິສາຫະກິດທ່ອງທ່ຽວ ແລະ ຊາວ ຫວຽດນາມ, ປະກອບສ່ວນຊຸກຍູ້ການພົບປະແລກປ່ຽນວັດທະນະທຳ, ທ່ອງທ່ຽວລະຫວ່າງ 2 ປະເທດກ່ວາອີກ.
 |
| ທ່ານ Ali Asghar Shalbafian Hosseinabadi, ຮອງລັດຖະມົນຕີກະຊວງມໍລະດົກວັດທະນະທຳ, ທ່ອງທ່ຽວ ແລະ ຫັດຖະກຳສິລະປະ ອີຣານ ກ່າວຄຳປາໄສທີ່ເຫດການ. (ພາບ: ຮົງແອງ) |
ຕາມທ່ານເອກອັກຄະລັດຖະທູດ Ali Akbar Nazari ແລ້ວ: ອີຣານ ມີຊື່ສຽງດ້ວຍບັນດາຮ່ອງຮອຍປະຫວັດສາດບູຮານ; ບັນດາມໍລະດົກໂລກທີ່ໄດ້ຮັບການຮັບຮອງຈາກອົງການ UNESCO; ທິວທັດທໍາມະຊາດທີ່ສວຍງາມໃນ Mazandaran; ບັນດາກິດຈະກຳສະຖາປັດຕະຍະກຳທີ່ງົດງາມຂອງ Isfahan, Shiraz; ບັນດາຕະຫຼາດທີ່ເຕັມໄປດ້ວຍສີສັນຂອງ Tabriz. ດ້ວຍປະຫວັດສາດອັນຍາວນານ, ວັດທະນະທຳທີ່ອຸດົມສົມບູນ, ປະຊາຊົນທີ່ຮັກແພງແຂກຄົນ, ເປັນມິດ, ອີຣານ ມີຄວາມສາມາດບົ່ມຊ້ອນຫຼາຍຢ່າງເພື່ອດຶງດູດນັກທ່ອງທ່ຽວສາກົນ, ໃນນັ້ນມີ ຫວຽດນາມ. ໃນຂະນະນັ້ນ, ຊາວຫວຽດນາມ ກໍ່ມີຄວາມຮັກແພງແຂກ, ມີຄວາມເມດຕາກະລຸນາ; ປະເທດຫວຽດນາມ ມີທິວທັດທຳມະຊາດທີ່ສວຍງາມ, ມີເອກະລັກພິເສດຂອງທິດຕາເວັນອອກ ເປັນຈຸດໝາຍປາຍທາງທີ່ດຶງດູດນັກທ່ອງທ່ຽວ ອີຣານ. ທ່ານເອກອັກຄະລັດຖະທູດ Ali Akbar Nazari ເຊື່ອໝັ້ນວ່າ 2 ປະເທດ ຫວຽດນາມ - ອີຣານ ຈະມີຄວາມສາມາດບົ່ມຊ້ອນ ແລະ ກາລະໂອກາດ ເພື່ອພັດທະນາການທ່ອງທ່ຽວ ໂດຍຜ່ານການແລກປ່ຽນປະສົບການ ແລະ ການຮ່ວມມື.
ຕາມທ່ານ Ali Asghar Shalbafian Hosseinabadi, ຮອງລັດຖະມົນຕີກະຊວງມໍລະດົກວັດທະນະທຳ, ທ່ອງທ່ຽວ ແລະ ຫັດຖະກຳສິລະປະ ອີຣານ ແລ້ວ, ເຖິງວ່າ ຫວຽດນາມ ແລະ ອີຣານ ມີຄວາມສາມາດບົ່ມຊ້ອນຫຼາຍຢ່າງໃນການພັດທະນາການທ່ອງທ່ຽວ ແຕ່ການພົບປະແລກປ່ຽນ, ການສົນທະນາດ້ານການທ່ອງທ່ຽວລະຫວ່າງ 2 ປະເທດຍັງບໍ່ທັນມີຄວາມຫຼາກຫຼາຍ, ອຸດົມສົມບູນ. ທ່ານຫວັງວ່າ ການສຳມະນາຈະປະກອບສ່ວນຊຸກຍູ້ການແລກປ່ຽນດ້ານການທ່ອງທ່ຽວ, ຜ່ານນັ້ນ ກໍ່ເພີ່ມທະວີການພົບປະແລກປ່ຽນປະຊາຊົນລະຫວ່າງສອງປະເທດ.
 |
| ຜູ້ຕາງໜ້າວິສາຫະກິດ ຫວຽດນາມ ແລະ ອີຣານ ໄດ້ປຶກສາຫາລືຢູ່ລາຍການ “Roadshow ທ່ອງທ່ຽວ ອີຣານ - ອາຊີຕາເວັນອອກສ່ຽງໃຕ້ 2024 - ການສຳມະນາການທ່ອງທ່ຽວ ອີຣານ - ຫວຽດນາມ”, ໃນວັນທີ 1 ກໍລະກົດ ຢູ່ ຮ່າໂນ້ຍ. (ພາບ: ຮົງແອງ) |
ທ່ານ ຮວ່າງດ້າວເກື່ອງ, ຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ໃຫ້ຮູ້ວ່າ ຫຼາຍການເຄື່ອນໄຫວຮ່ວມມື, ສົ່ງເສີມການທ່ອງທ່ຽວໃນຂອບເຂດສອງຝ່າຍ ແລະ ຫຼາຍຝ່າຍ ໄດ້ຮັບການຜັນຂະຫຍາຍຢ່າງມີປະສິດທິຜົນ, ດຶງດູດການເຂົ້າຮ່ວມຂອງບັນດາອົງການ, ສະມາຄົມ, ວິສາຫະກິດທ່ອງທ່ຽວສອງປະເທດ. ເດືອນສິງຫາ 2023, ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ອີຣານ, ກະຊວງວັດທະນະທຳ, ກິລາ ແລະ ທ່ອງທ່ຽວ ໄດ້ຈັດຕັ້ງບັນດາການເຄື່ອນໄຫວ, ເຫດການແນະນຳຮູບພາບປະເທດຊາດ, ປະຊາຊົນ, ການທ່ອງທ່ຽວວັດທະນະທຳ ຫວຽດນາມ ຢູ່ ອີຣານ ຢ່າງສຳເລັດຜົນ, ໂດຍຜ່ານນັ້ນ ກໍ່ເຮັດໃຫ້ປະຊາຊົນສອງປະເທດສະໜິດສະໜົມກັນ, ເຂົ້າໃຈເຊິ່ງກັນ ແລະ ຮັກແພງເຊິ່ງກັນແລະກັນກວ່າ.
 | ຫວຽດນາມ ສະເໜີໃຫ້ UNCTAD ສືບຕໍ່ໜູນຊ່ວຍບັນດາປະເທດພວມພັດທະນາ ຍສໝ - ເວທີປາໄສການນຳທົ່ວໂລກເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນສ້າງຕັ້ງກອງປະຊຸມສະຫະປະຊາຊາດ (ສປຊ) ກ່ຽວກັບການຄ້າ ແລະ ການພັດທະນາ (UNCTAD) ໄດ້ດຳເນີນຢູ່ສຳນັກງານ ສປຊ ທີ່ນະຄອນ Geneva, ສະວິດ ແຕ່ວັນທີ 12 – 13 ມິຖຸນາ, ຕາມເວລາທ້ອງຖິ່ນ. |
 | ເພີ່ມທະວີການຮ່ວມມືດ້ານດຳເນີນທຸລະກິດ, ການລົງທຶນ, ປະກອບສ່ວນພັດທະນາການພົວພັນ ຫວຽດນາມ - ລາວ ຍສໝ - ໃນຂອບເຂດການຢ້ຽມຢາມ ແລະ ເຮດວຽກຢູ່ ຫວຽດນາມ, ຕອນບ່າຍວັນທີ 4 ມິຖຸນາ, ຄະນະຜູ້ແທນຂັ້ນສູງອົງການກວດກາແຫ່ງລັດ ລາວ ໂດຍສະຫາຍ ຄຳພັນ ພົມມະທັດ, ກຳມະການກົມການເມືອງ, ເລຂາທິການສູນກາງພັກ, ຫົວໜ້າຄະນະກວດກາສູນກາງພັກປະຊາຊົນປະຕິວັດລາວ, ຫົວໜ້າຄະນະປ້ອງກັນ, ຕ້ານການສໍ້ລາດບັງຫຼວງຂັ້ນສູນກາງ, ຫົວໜ້າອົງການກວດກາແຫ່ງລັດ ລາວ ເປັນຫົວໜ້າຄະນະ ໄດ້ໄປຢ້ຽມຢາມ ແລະ ເຮັດວຽກຢູ່ທະນາຄານການຄ້າຫຸ້ນສ່ວນການລົງທຶນ ... |
ມີງດຶກ
