 | ສະຫະພັນບັນດາອົງການມິດຕະພາບ ຫວຽດນາມ, ແຂວງ ລາວກາຍ ແລກປ່ຽນບັນດາເນື້ອໃນການຮ່ວມມືດ້ານການທູດປະຊາຊົນ |
| ຈຸດນັດພົບຂອງຊາວຫວຽດນາມ ອາໄສຢູ່ຕ່າງປະເທດ ຢູ່ນະຄອນ ໂຮ່ຈີມິນ. |
ທ່ານ ຫງວຽນວັນຢຸງ ໃຫ້ຮູ້ວ່າ ກວ່າ 30 ປີນັບແຕ່ສອງປະເທດ ໄດ້ສ້າງຕັ້ງການພົວພັນທາງການທູດຢ່າງເປັນທາງການ, ການພົວພັນລະຫວ່າງ ຫວຽດນາມ ແລະ ອິດສະຣາແອນ ກໍ່ໄດ້ມີບັນດາບາດກ້າວພັດທະນາຢ່າງຕັ້ງໜ້າໃນຫຼາຍຂົງເຂດເພື່ອສັນຕິພາບ, ສະຖຽນລະພາບ, ການຮ່ວມມື, ພັດທະນາຢູ່ພາກພື້ນ ແລະ ໃນໂລກ.
 |
| ທ່ານຮອງປະທານຄະນະກຳມະການປະຊາຊົນນະຄອນ ໂຮ່ຈິມິນ ຫງວຽນວັນຢຸງ ກ່າວຄຳປາໄສທີ່ພິທີສະເຫຼີມສະຫຼອງ. (ພາບ: ສະຖານທູດ ອິດສະຣາແອນ ປະຈຳ ຫວຽດນາມ) |
ບົນພື້ນຖານນັ້ນ, ທ່ານ ຢຸງ ຢືນຢັນວ່າ ນະຄອນ ໂຮ່ຈີມິນ ຍາມໃດກໍ່ມານະພະຍາຍາມ ແລະ ພາກພູມໃຈທີ່ໄດ້ປະກອບສ່ວນເຂົ້າໃນການພັດທະນາຢ່າງຕັ້ງໜ້ຂອງການພົວພັນສອງຝ່າຍ. ບັນດາໂຄງການຮ່ວມມືເພື່ອຍົກສູງຄຸນນະພາບແຫຼ່ງຊັບພະຍາກອນມະນຸດ; ໂຄງການໜູນຊ່ວຍສ່ວນບຸກຄົນໄວໜຸ່ມເລີ່ມດຳເນີນທຸລະກິດ ແລະ ບັນດາໂຄງການທົດລອງຕົວຈິງການລ້ຽງງົວນົມເຕັກໂນໂລຢີສູງ, ການນຳໃຊ້ລະບົບຄຸ້ມຄອງດິນຟ້າອາກາດ ແລະ ຫົດນ້ຳ, ລະບາຍນ້ຳອັດສະລິຍະ... ເຊິ່ງນະຄອນ ໂຮ່ຈີມິນ ແລະ ບັນດາຄູ່ຮ່ວມມື ອິດສະຣາແອນ ພວມສືບຕໍ່ຜັນຂະຫຍາຍ ດ້ວຍການໜູນຊ່ວຍ, ເຊື່ອມຕໍ່ຂອງສະຖານທຸດ ອິດສະຣາແອນ ແມ່ນຫຼັກຖານພະຍານໃຫ້ແກ່ປະສິດທິຜົນຂອງການຮ່ວມມືໃນການຊຸກຍູ້ການເຕີບໂຕ, ຕິດພັນອັນໝັ້ນຄົງລະຫວ່າງສອງຝ່າຍ.
ການນຳຄະນະກຳມະການປະຊາຊົນນະຄອນ ໂຮ່ຈີມິນ ເນັ້ນໜັກວ່າ ໃນສະພາບການທີ່ນະຄອນ ໄດ້ຮັບອະນຸຍາດການທົດລອງກົນໄກ, ນະໂຍບາຍສະເພາະຈາກສະພາແຫ່ງຊາດ ຫວຽດນາມ ເພື່ອເພີ່ມຄວາມໄວພັດທະນາ, ນະຄອນ ກໍ່ຮຽກຮ້ອງໃຫ້ບັນດາວິສາຫະກິດ, ນັກລົງທຶນ ອິດສະຣາແອນ ຖືນີ້ແມ່ນ “ໂອກາດທອງ” ເພື່ອຍູ້ແຮງການລົງທຶນ, ຊອກຫາກັນບັນດາຮູບແບບ, ໂຄງການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃໝ່.
“ນະຄອນ ໂຮ່ຈິມິນ ແມ່ນມີຄວາມເປັນເອກະພາບກັບທັດສະນະທີ່ໄດ້, ພວມ ແລະ ຍາມໃດກໍຈະໜູນຊ່ວຍ, ຮ່ວມເດີນທາງ ແລະ ສ້າງເງື່ອນໄຂສະດວກທີ່ສຸດໃຫ້ບັນດານັກລົງທຶນຕ່າງປະເທດ, ໃນນັ້ນມີບັນດາວິສາຫະກິດ ອິດສະຣາແອນ, ເຂົ້າມາລົງທຶນ, ທຳການຜະລິດ, ດຳເນີນທຸລະກິດທີ່ມີປະສິດທິຜົນ, ປອດໄພ ແລະ ຍາວນານຢູ່ນະຄອນ". ທ່ານ ຢຸງ ຢືນຢັນ.
 |
| ທ່ານເອກອັກຄະລັດຖະທູດ ອິດສະຣາແອນ ປະຈຳ ຫວຽດນາມ Yaron Mayer ກ່າວຄຳປາໄສທີ່ພິທີສະເຫຼີມສະຫຼອງ. (ພາບ: ສະຖານທູດ ອິດສະຣາແອນ ປະຈຳ ຫວຽດນາມ) |
ກ່າວຄຳປາໄສທີ່ພິທີ, ທ່ານເອກອັກຄະລັດຖະທູດ ອິດສະຣາແອນ ປະຈຳ ຫວຽດນາມ Yaron Mayer ໄດ້ແບ່ງປັນຄວາມໝາຍປະຫວັດສາດຂອງວັນເອກະລາດແຫ່ງຊາດ ອິດສະຣາແອນ ແຕ່ 76 ປີກ່ອນ. ທ່ານເອກອັກຄະລັດຖະທູດ ເນັ້ນໜັກວ່າ ອິດສະຣາແອນ ແລະ ຫວຽດນາມ ມີການພົວພັນການທູດ ແລະ ເປັນເພື່ອນມິດມາເປັນເວລາ 3 ທົດສະວັດ ດ້ວຍການທີ່ ຫວຽດນາມ ກາຍເປັນຈຸດໝາຍປາຍທາງແຖວໜ້າສຳລັບຊາວ ອິດສະຣາແອນ ທັງດ້ານການທ່ອງທ່ຽວ ແລະ ດຳເນີນທຸລະກິດ. ການພົວພັນລະຫວ່າງສອງປະເທດສ່ວນໃຫຍ່ແມ່ນອີງໃສ່ການຮ່ວມມືທາງດ້ານເສດຖະກິດ ແລະ ເຕັກໂນໂລຢີ. ສັນຍາການຄ້າເສລີ ອິດສະຣາແອນ - ຫວຽດນາມ ທີ່ໄດ້ຮັບການລົງນາມໃນເດືອນ ກໍລະກົດ 2023 ແມ່ນຂີດໝາຍສຳຄັນທີ່ໄດ້ຮັບການສ້າງຕັ້ງບົນຄວາມໄວ້ເນື້ອເຊື່ອໃຈ ແລະ ຄວາມມຸ່ງມາດປາດຖະໜາລວມໃຫ້ອານະຄົດທີ່ມີການແບ່ງປັນ.
ທ່ານເອກອັກຄະລັດຖະທູດ Yaron Mayer ໃຫ້ຮູ້ຕື່ມອີກວ່າ ວົງເງິນການຄ້າລະຫວ່າງ ອິດສະຣາແອນ ແລະ ຫວຽດນາມ ບັນລຸກ່ວາ 2,7 ຕື້ USD ໃນປີ 2023; ບໍລິສັດຂົນສົ່ງທະເລ Zim ຂອງ ອິດສະຣາແອນ ໄດ້ເປີດເສັ້ນທາງການຄ້າໂດຍກົງລະຫວ່າງສອງປະເທດ. ຄຽງຂ້າງນັ້ນ, ການຮ່ວມມືດ້ານການສຶກສາ, ວິທະຍາສາດ, ຄົ້ນຄ້ວາ ກໍ່ໄດ້ນຳເອົາບັນດານັກວິທະຍາສາດ, ນັກຮຽນຮູ້ໜຸ່ມຂອງ 2 ປະເທດ ສົມທົບກັນ, ປະກອບສ່ວນບົດບາດສຳຄັນໃນການກໍ່ສ້າງອະນາຄົດແຫ່ງການພົວພັນລະຫວ່າງ 2 ປະເທດ ແລະ ນະຄອນ ໂຮ່ຈີມິນ ເປັນສູນກາງຂອງບັນດາຄວາມມານະພະຍາຍາມນີ້ .
 |
| ນັກສີລະປິນ ເປຍໂນ ຊາວອິດສະຣາແອນ ທ່ານ Oren Dashti ໄດ້ສະແດງບົດດົນຕີປະສານສຽງພື້ນເມືອງຂອງຊາວຫວຽດນາມ ກັບນັກສີລະປິນ ໄວໂອລິນ ຫວຽດນາມ ທີ່ພິທີສະເຫຼີມສະຫຼອງ. (ພາບ: ສະຖານທູດ ອິດສະຣາແອນ ປະຈຳ ຫວຽດນາມ) |
ໃນພິທີ, ນັກສີລະປິນ ເປຍໂນ ຊາວອິດ ສະຣາແອນ ທ່ານ Oren Dashti ໄດ້ສະແດງບັນດາບົດເພງທີ່ໄດ້ແຕ່ງເປັນພິເສດໃຫ້ເຫດການນີ້, ໃນນັ້ນມີບົດດົນຕີປະສານສຽງພື້ນເມືອງຂອງຊາວຫວຽດນາມ ກັບນັກສີລະປິນ ໄວໂອລິນ ຫວຽດນາມ. ດົນຕີສໍາລັບເຫດການດັ່ງກ່າວໄດ້ຖືກປະພັນໂດຍວົງດົນຕີປະສານສຽງ Jerusalem ທີ່ມີຊື່ສຽງຂອງ ອິດສະຣາແອນ.
 | ເພີ່ມທະວີການຮ່ວມມືດ້ານດຳເນີນທຸລະກິດ, ການລົງທຶນ, ປະກອບສ່ວນພັດທະນາການພົວພັນ ຫວຽດນາມ - ລາວ ຍສໝ - ໃນຂອບເຂດການຢ້ຽມຢາມ ແລະ ເຮດວຽກຢູ່ ຫວຽດນາມ, ຕອນບ່າຍວັນທີ 4 ມິຖຸນາ, ຄະນະຜູ້ແທນຂັ້ນສູງອົງການກວດກາແຫ່ງລັດ ລາວ ໂດຍສະຫາຍ ຄຳພັນ ພົມມະທັດ, ກຳມະການກົມການເມືອງ, ເລຂາທິການສູນກາງພັກ, ຫົວໜ້າຄະນະກວດກາສູນກາງພັກປະຊາຊົນປະຕິວັດລາວ, ຫົວໜ້າຄະນະປ້ອງກັນ, ຕ້ານການສໍ້ລາດບັງຫຼວງຂັ້ນສູນກາງ, ຫົວໜ້າອົງການກວດກາແຫ່ງລັດ ລາວ ເປັນຫົວໜ້າຄະນະ ໄດ້ໄປຢ້ຽມຢາມ ແລະ ເຮັດວຽກຢູ່ທະນາຄານການຄ້າຫຸ້ນສ່ວນການລົງທຶນ ... |
 | ສະຫະພັນບັນດາອົງການມິດຕະພາບນະຄອນ ຫາຍຟ່ອງ: ມີຫຼາຍໝາກຜົນຢ່າງຕັ້ງໜ້າ ໃນວຽກງານດ້ານການທູດປະຊາຊົນ ຍສໝ - ໃນໄລຍະ 2018-2023, ສະຫະພັນບັນດາອົງການມິດຕະພາບນະຄອນ ຫາຍຟ່ອງ ໄດ້ປະຕິບັດບັນດາການເຄື່ອນໄຫວສັນຕິພາບ, ຄວາມສາມັກຄີ, ມິດຕະພາບ ຢ່າງຕັ້ງໜ້າ; ຍູ້ແຮງການລະດົມການຊ່ວຍເຫຼືອທີ່ບໍ່ຂຶ້ນກັບລັດຖະບານຕ່າງປະເທດ; ຜັນຂະຫຍາຍບັນດາກົນໄກປະສານງານວຽກງານດ້ານການທູດປະຊາຊົນຢ່າງຄົບຊຸດ, ມີປະສິດທິຜົນ... ຜ່ານນັ້ນ ກໍ່ສ້າງພື້ນຖານທີ່ໝັ້ນແກ່ນໃຫ້ແກ່ການເຄື່ອນໄຫວໃນຊຸມປີຕໍ່ໄປ, ປະກອບສ່ວນພັດທະນາເສດຖະກິດ - ສັງຄົມຂອງນະຄອນ ຫາຍຟ່ອງ. |
ມິງດຶກ
