ປະກອບສ່ວນເຂົ້າໃນການພັດທະນາເສດຖະກິດ - ສັງຄົມ, ພື້ນຖານໂຄງລ່າງຢູ່ ລາວ
ໂດຍສະແດງຄວາມຍີນດີຕ້ອນຮັບຄະນະຜູ້ແທນຂັ້ນສູງອົງການກວດກາແຫ່ງລັດ ລາວ ທີ່ມາຢ້ຽມຢາມ ແລະ ເຮັດວຽກຢູ່ທະນາຄານ BIDV, ທ່ານ ເລງອກເລີ່ມ, ຜູ້ອຳນວຍການໃຫຍ່ທະນາຄານ BIDV ໃຫ້ຮູ້ວ່າ ດ້ວຍປະຫວັດແຫ່ງການສ້າງສາ ແລະ ພັດທະນາ 67 ປີ, ພາຍໃຕ້ການນຳພາຂອງລັດຖະບານ ແລະ ທະນາຄານແຫ່ງລັດ ຫວຽດນາມ, BIDV ຍາມໃດກໍ່ເຊື່ອມຊຶມບັນດາຂໍ້ຊີ້ນຳ, ທິດທາງເພື່ອຜັນຂະຫຍາຍບັນດາໜ້າທີ່ຢ່າງມີປະສິດທິຜົນ, ພະຍາຍາມຍູ້ແຮງການປ່ຽນແປງໃໝ່ຢ່າງມີປະສິດທິຜົນ, ຍາມໃດກໍ່ປະຕິບັດບັນດາຄາດຫມາຍແຜນການດຳເນີນທຸລະກິດທີ່ໄດ້ຮັບມອບຫມາຍສຳເລັດຜົນຢ່າງຄົບຊຸດ ແລະ ຮ້ອບດ້ານ; ເປັນທະນາຄານກຳລັງຫຼັກແຫຼ່ງໃນການປະຕິບັດນະໂຍບາຍການເງິນຢ່າງມີປະສິດທິຜົນ, ບັນດາວິທີແກ້ໄຂການໜູນຊ່ວຍລູກຄ້າ ເພື່ອປະກອບສ່ວນເຂົ້າໃນການຟື້ນຟູ ແລະ ພັດທະນາເສດຖະກິດ.
ໃນສະພາບແວດລ້ອມແຫ່ງການດຳເນີນທຸລະກິດທີ່ຫຍຸ້ງຍາກ ແລະ ຜັນແປໃນ 5 ເດືອນຕົ້ນປີ 2024, BIDV ໄດ້ຜັນຂະຫຍາຍການເຄື່ອນໄຫວດຳເນີນທຸລະກິດ ເພື່ອຮັບປະກັນຄວາມປອດໄພ, ລຸລ່ວງ, ບັນລຸໄດ້ໝາກຜົນຈຳນວນໜຶ່ງ. ລະອຽດ: ຊັບສິນທັງໝົດບັນລຸເກືອບ 2,32 ລ້ານຕື້ດົ່ງ (ປະມານ 90 ຕື້ USD), ເພີ່ມຂຶ້ນ 2,7% ເມື່ອທຽບໃສ່ຕົ້ນປີ 2024, ສືບຕໍ່ເປັນທະນາຄານການຄ້າຫຸ້ນສ່ວນທີ່ມີຂອບຂະໜາດຊັບສິນທັງໝົດໃຫຍ່ທີ່ສຸດໃນທ້ອງຕະຫຼາດຫວຽດນາມ…
 |
| ທ່ານ ຜູ້ອໍານວຍການໃຫຍ່ BIDV ເລຫງອກເລີ່ມ ລາຍງານທີ່ການເຮັດວຽກ. ພາບ: Van Diep/TTXVN |
ຜູ້ຕາງໜ້າ BIDV ໃຫ້ຮູ້ວ່າ ເຄືອຂ່າຍທຸລະກິດຂອງ BIDV ທີ່ກວ້າງຂວາງ ລວມມີ 1.085 ສາຂາ, ຫ້ອງການທຸລະກໍາຢູ່ພາຍໃນ ແລະ ຕ່າງປະເທດ, ບໍລິສັດລູກ 10 ແຫ່ງ ແລະ ບັນດາການມີໜ້າການຄ້າຢູ່ ລາວ, ກໍາປູເຈຍ, ມຽນມາ, ລັດເຊຍ, ໄຕ້ຫວັນ (ຈີນ) ດ້ວຍພະນັກງານຫຼາຍກວ່າ 28.000 ຄົນທີ່ໄດ້ບຳລຸງສ້າງຢ່າງມີແບບມີແຜນ, ມີປະສົບການທີ່ກວ້າງຂວາງ... BIDV ປະຈຸບັນໃຫ້ບໍລິການລູກຄ້າສ່ວນບຸກຄົນຫຼາຍກວ່າ 19 ລ້ານຄົນ ແລະ ລູກຄ້າວິສາຫະກິດເກືອບ 500.000 ແຫ່ງ, ມີສາຍພົວພັນກັບຫຼາຍກວ່າ 2.300 ສະຖາບັນທີ່ມີລັກສະນະນິຕິກຳການເງິນໃນ 178 ປະເທດ ແລະ ເຂດແຄວ້ນໃນທົ່ວໂລກ...
ຄຽງຂ້າງນັ້ນ, ການຜັນຂະຫຍາຍບັນດານະໂຍບາຍ, ທິດທາງໃຫຍ່ຂອງພັກ ແລະ ລັດ ຫວຽດນາມ ໃນການເປີດກ້ວາງການພົວພັນຕ່າງປະເທດ, ການຮ່ວມມືສາກົນ, BIDV ແມ່ນສະຖາບັນການເງິນປະຈັນບານພ້ອມກັນກັບບັນດາວິສາຫະກິດ ຫວຽດນາມ ເຂົ້າຮ່ວມການລົງທຶນ, ດຳເນີນທຸລະກິດຢູ່ຕ່າງປະເທດ. ໃນນັ້ນ, ລາວ ເປັນທ້ອງຕະຫຼາດຕ່າງປະເທດແຫ່ງທຳອິດທີ່ BIDV ສ້າງຕັ້ງການມີໜ້າດຳເນີນທຸລະກິດຕັ້ງແຕ່ປີ 1999 ດ້ວຍການສົມທົບກັບທະນາຄານການຄ້າ ລາວ (BCEL) ເພື່ອສ້າງຕັ້ງທະນາຄານຮ່ວມທຸລະກິດລາວ-ຫວຽດນາມ ເພື່ອຜັນຂະຫຍາຍສັນຍາການຮ່ວມມືດ້ານວັດທະນະທຳ - ວິທະຍາສາດ - ເຕັກນິກລະຫວ່າງ ຫວຽດນາມ - ລາວ ຕາມການຊີ້ນຳຂອງການນຳສອງປະເທດ.
ໃນທ້ອງຕະຫຼາດ ລາວ, ຫວ່າງມໍ່ໆມານີ້, BIDV ໄດ້ຜັນຂະຫຍາຍຫຼາຍການເຄື່ອນໄຫວຄື: ການໃຫ້ກູ້ຢືມ ແລະ ອຸປະຖຳບັນດາໂຄງການເສດຖະກິດ, ການເມືອງທີ່ສຳຄັນ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງລາວ. ມາຮອດປະຈຸບັນ, BIDV ໄດ້ອຸປະຖຳໂດຍກົງໃຫ້ 11 ໂຄງການ ດ້ວຍຍອດເງິນລົງທຶນກວ່າ 480 ລ້ານ USD. ບັນດາໂຄງການພາຍຫຼັງນຳເຂົ້າເຄື່ອນໄຫວໄດ້ເສີມຂະຫຍາຍຜົນສຳເລັດ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາພື້ນຖານໂຄງລ່າງ ແລະ ເສດຖະກິດ - ສັງຄົມຢູ່ລາວ, ຊ່ວຍເຊື່ອມຕໍ່ຄົມມະນາຄົມການ, ຄ້າລະຫວ່າງສອງປະເທດ, ປະກອບສ່ວນແກ້ໄຂວຽກເຮັດງານທຳໃຫ້ຄົນງານນັບແສນຄົນຢູ່ ລາວ. ນອກຈາກນັ້ນ, ການເຄື່ອນໄຫວລົງທຶນປະກອບສ່ວນທຶນ ແລະ ຊີ້ນຳ, ໜູນຊ່ວຍບັນດາການມີໜ້າດ້ານການຄ້າຂອງ BIDV ຢູ່ລາວ ກໍ່ໄດ້ດຳເນີນທຸລະກິດຢ່າງມີປະສິດທິຜົນ, ປະກອບສ່ວນຢ່າງຕັ້ງໜ້າເຂົ້າໃນການປະຕິບັດນະໂຍບາຍການເງິນ ແລະ ຮັບໃຊ້ເປົ້າໝາຍການພັດທະນາເສດຖະກິດ-ສັງຄົມ, ປະກອບສ່ວນເຂົ້າລາຍຮັບອາກອນໃຫ້ງົບປະມານ ລາວ.
ການກຳນົດທິດດໍາເນີນທຸລະກິດໃນໄລຍະຈະມາເຖິງຢູ່ ລາວ, BIDV ສືບຕໍ່ກໍານົດປະເທດ ລາວ ເປັນທ້ອງຕະຫຼາດຈຸດສຸມທີ່ມີລັກສະນະຍຸດທະສາດອັນຍາວນານ ໃນການເຄື່ອນໄຫວລົງທຶນໄປຍັງຕ່າງປະເທດ ແລະ ລະບົບເຄືອຂ່າຍຂອງ BIDV. ບັນດາການມີໜ້າດ້ານການຄ້າຂອງ BIDV ບໍ່ພຽງແຕ່ມີໜ້າທີ່ໃນການຮັກສາ ແລະ ພັດທະນາບັນດາການເຄື່ອນໄຫວດຳເນີນທຸລະກິດຫຼັກເທົ່ານັ້ນ ຫາກຍັງປະກອບສ່ວນຊຸກຍູ້ການພົວພັນເສດຖະກິດດ້ານການລົງທຶນ, ການເມືອງ, ການຄ້າ, ວັດທະນະທຳ, ການປ້ອງກັນຊາດ - ປ້ອງກັນຄວາມສະຫງົບ ລະຫວ່າງ ຫວຽດນາມ - ລາວ ອີກດ້ວຍ.
BIDV ຈະສືບຕໍ່ໜູນຊ່ວຍ, ຊີ້ນຳບັນດາການມີໜ້າຢູ່ລາວ ເພື່ອປະຕິບັດບັນດາໜ້າທີ່ການເມືອງ, ເສດຖະກິດຕາມການມອບໝາຍຂອງພັກ, ລັດ ແລະ ລັດຖະບານ,ໃຫ້ເປັນຢ່າງດີ ສ້າງບັນດາມາດຕະການທີ່ແທດຈິງ ແລະ ເຂັ້ມແຂງຢ່າງຕັ້ງໜ້າ ເພື່ອຜັນຂະຫຍາຍການເຄື່ອນໄຫວດຳເນີນທຸລະກິດຢ່າງມີແບບມີແຜນ, ຍາວນານ, ມີປະສິດທິຜົນ, ຖືກຕາມລະບຽບກົດໝາຍຂອງປະເທດປະຈຳຖິ່ນ, ສ້າງສາຍພົວພັນທີ່ແໜ້ນແຟ້ນ ແລະ ຍືນຍົງກັບບັນດາຄູ່ຮ່ວມມື, ວິສາຫະກິດ ແລະ ປະຊາຄົມຊາວລາວ, ເປັນຄູ່ຮ່ວມມືທີ່ເປັນມິດ, ມີຄວາມຮັບຜິດຊອບຕໍ່ສັງຄົມ ແລະ ມີຄວາມໄວ້ວາງໃຈສູງ.
ຕາງໜ້າໃຫ້ຄະນະຜູ້ແທນຂັ້ນສູງອົງການກວດກາລັດແຫ່ງ ສປປ ລາວ, ສະຫາຍ ຄຳພັນ ພົມມະທັດ ໄດ້ສະແດງຄວາມຂອບໃຈ BIDV ທີ່ໄດ້ຕ້ອນຮັບຢ່າງສົມກຽດ; ພ້ອມກັນນັ້ນ, ກໍ່ສະແດງຄວາມຊົມເຊີຍບັນດາຜົນງານ, ໝາກຜົນຂອງທະນາຄານ BIDV ໃນຕະຫຼອດຂະບວນການກໍ່ສ້າງ ແລະ ພັດທະນາ. ທະນາຄານ ໄດ້ຜັນຂະຫຍາຍບັນດາການຊີ້ນຳ, ການກຳນົດທິດທິດນະໂຍບາຍຂອງພັກ ແລະ ລັດ ເປັນຢ່າງດີ, ປະກອບສ່ວນເຂົ້າໃນການພັດທະນາເສດຖະກິດ - ສັງຄົມຂອງຫວຽດນາມ, ກໍຄືເປີດກ້ວາງເຄືອຂ່າຍດຳເນີນທຸລະກິດ; ໃນນັ້ນ ມີບັນດາການມີໜ້າດ້ານການຄ້າຢູ່ ລາວ.
ສະຫາຍ ຄຳພັນ ພົມມະທັດ ໄດ້ສະແດງຄວາມຮັບຮູ້, ຂອບອົກຂອບໃຈທະນາຄານ BIDV ທີ່ໄດ້ຜັນຂະຫຍາຍບັນດາການເຄື່ອນໄຫວປ່ອຍເງິນກູ້, ອຸປະຖຳບັນດາໂຄງການເສດຖະກິດ, ການເຄື່ອນໄຫວລົງທຶນເປັນຢ່າງດີ ແລະ ຊີ້ນຳ, ໜູນຊ່ວຍບັນດາການມີໜ້າການຄ້າ BIDV ຢູ່ ລາວ ດຳເນີນທຸລະກິດຢ່າງມີປະສິດທິຜົນ. ຈາກນັ້ນ, ປະກອບສ່ວນຢ່າງຕັ້ງໜ້າເຂົ້າໃນການປະຕິບັດນະໂຍບາຍການເງິນ, ປະກອບສ່ວນເຂົ້າໃນການພັດທະນາເສດຖະກິດ - ສັງຄົມ, ພື້ນຖານໂຄງລ່າງຂອງລາວ.
ສະຫາຍ ຄຳພັນ ພົມມະທັດ ກໍ່ໄດ້ອວຍພອນທະນາຄານ BIDV ສືບຕໍ່ປະສົບຜົນສຳເລັດຫຼາຍຢ່າງ ແລະ ພັດທະນາ, ປະກອບສ່ວນຊຸກຍູ້ການພົວພັນລະຫວ່າງ ຫວຽດນາມ ແລະ ລາວ.
ສືບຕໍ່ເປີດກວ້າງການຮ່ວມມືດ້ານດຳເນີນທຸລະກິດ ແລະ ການລົງທຶນຢູ່ ລາວ
ກ່ອນໜ້ານັ້ນ, ໃນຂອບເຂດການຢ້ຽມຢາມ ແລະ ເຮັດວຽກຢູ່ ຫວຽດນາມ, ວັນທີ 3 ມິຖຸນາ, ຄະນະຜູ້ແທນຂັ້ນສູງອົງການກວດກາແຫ່ງລັດ ລາວ ໂດຍສະຫາຍ ຄຳພັນ ພົມມະທັດ ເປັນຫົວໜ້າຄະນະໄດ້ໄປຢ້ຽມຢາມ ແລະ ເຮັດວຽກຢູ່ກຸ່ມບໍລິສັດອຸດສາຫະກຳ-ໂທລະຄົມມະນາຄົມກອງທັບ (Viettel) ຫວຽດນາມ. ເຂົ້າຮ່ວມມີທ່ານຮອງປະທານອົງການກວດກາລັດຖະບານ ຫວຽດນາມ ເຢື່ອງກວກຮູຍ.
ໂດຍແຈ້ງກ່ຽວກັບສະພາບການດຳເນີນທຸລະກິດ, ການລົງທຶນຢູ່ລາວ ໂດຍສັງເຂບ, ທ່ານ ພົນຈັດຕະວາ ໂດ້ມິງເຟື່ອງ, ຮອງຜູ້ອໍານວຍການໃຫຍ່ກຸ່ມບໍລິສັດ Viettel ໃຫ້ຮູ້ວ່າ Viettel ໄດ້ລົງທຶນເຂົ້າໃນລາວ ນັບແຕ່ເດືອນກຸມພາ 2008 ຕາມຮູບແບບຮ່ວມທຸລະກິດ. ໃນເດືອນຕຸລາ 2009, ຫົວຫນ່ວຍ ໄດ້ເປີດຕົວເຄືອຂ່າຍສັນຍານໂທລະສັບມືຖືຢ່າງເປັນທາງການພາຍໃຕ້ຍີ່ຫໍ້ Unitel. ພາຍຫຼັງ 14 ປີແຫ່ງການດຳເນີນທຸລະກິດ, ປະຈຸບັນ Unitel ແມ່ນເຄືອຂ່າຍໂທລະຄົມໃຫຍ່ທີ່ສຸດ ດ້ວຍຜູ້ໃຊ້ເບີ 3,5 ລ້ານຄົນ, ກວມເອົາ 57% ຂອງອັດຕາສ່ວນກວມທ້ອງຕະຫຼາດ; ແມ່ນຫນຶ່ງໃນບັນດາບໍລິສັດທີ່ປະກອບສ່ວນງົບປະມານຫຼາຍທີ່ສຸດ; ສ້າງວຽກເຮັດງານທຳໃຫ້ແຮງງານປະມານ 27.000 ຄົນ; ໄດ້ຮັບການຮັບຮູ້ເປັນຕົວແບບພົ້ນເດັ່ນໃນການຮ່ວມມືທາງດ້ານເສດຖະກິດ.
 |
| ສະຫາຍ ຄຳພັນ ພົມມະທັດ, ຫົວໜ້າຄະນະກວດກາສູນກາງພັກປະຊາຊົນປະຕິວັດລາວ, ຫົວໜ້າຄະນະປ້ອງກັນ, ຕ້ານການສໍ້ລາດບັງຫຼວງຂັ້ນສູນກາງ, ຫົວໜ້າອົງການກວດກາແຫ່ງລັດ ລາວ ໄດ້ໄປຢ້ຽມຢາມເຂດວາງສະແດງຜະລິດຕະພັນເຕັກໂນໂລຢີຂອງກຸ່ມບໍລິສັດ Viettel. ພາບ: Van Diep/TTXVN |
Viettel ໄດ້ຜັນຂະຫຍາຍສະຖານີກະຈາຍຄື້ນ 9.441 ແຫ່ງ (ໃນນັ້ນປະມານ 4.788 ສະຖານີ 4G), ສາຍເຄເບີນໄຍແກ້ວກວ່າ 37.500 ກິໂລແມັດ. ບໍລິສັດ Unitel ມີຄວາມພູມໃຈໃນການປະກອບສ່ວນສ້າງໂຄງລ່າງເຄືອຂ່າຍທີ່ໃຫຍ່ທີ່ສຸດ, ກະຈາຍຄື້ນໄປທົ່ວປະເທດເຖິງ 100% ບັນດາເມືອງ; ໃນນັ້ນ ການບໍລິການ 4G ກະຈາຍຄື້ນໄປເຖິງ 70% ຂອງໝູ່ບ້ານ, ເຮັດໃຫ້ ລາວ ກາຍເປັນໜຶ່ງໃນບັນດາປະເທດທີ່ມີເຂດກະຈາຍຄືນ ແລະ ມີລະດັບຄວາມໄວ 4G ທີ່ດີ່ທີ່ສຸດໃນອາຊີຕາເວັນອອກສ່ຽງໃຕ້, ນຳເອົາອິນເຕີເນັດຄວາມໄວສູງໄປສູ່ປະຊາຊົນທຸກຄົນ... Viettel ກໍ່ປະຕິບັດຫຼາຍໂຄງການສັງຄົມທີ່ມີຄວາມໝາຍເຊັ່ນ: ອິນເຕີເນັດຟຣີສໍາລັບໂຮງຮຽນ; ຝຶກອົບຮົມບຸກຄະລາກອນທີ່ມີຄຸນນະພາບສູງຫຼາຍຮ້ອຍຄົນໃນຂົງເຂດເຕັກໂນໂລຢີຂໍ້ມູນໃຫ້ແກ່ລາວ; ໜູນຊ່ວຍການກໍ່ສ້າງໂຮງຮຽນ, ສຸກສາລາ, ປະຊາຊົນທີ່ໄດ້ຮັບຜົນກະທົບຈາກໄພນ້ຳຖ້ວມ, ໄພທຳມະຊາດ, ໂຄວິດ-19...
ໂດຍສະແດງຄວາມຂອບໃຈຕໍ່ການຕ້ອນຮັບຢ່າງສົມກຽດຂອງກຸ່ມບໍລິສັດ Viettel, ຕາງໜ້າຄະນະຜູ້ແທນຂັ້ນສູງອົງການກວດກາລັດແຫ່ງ ສປປ ລາວ, ສະຫາຍ ຄຳພັນ ພົມມະທັດ ເນັ້ນໜັກວ່າ ໃນຕະຫຼອດໄລຍະກວ່າ 30 ປີ, Viettel ຍາມໃດກໍ່ມານະພະຍາຍາມຄົ້ນຄວ້າ, ປະດິດສ້າງ, ສ້າງກຸ່ມບໍລິສັດໃຫ້ນັບມື້ນັບເຂັ້ມແຂງ. ສະຫາຍ ຄຳພັນ ພົມມະທັດ ກໍ່ໄດ້ອວຍພອນໃຫ້ກຸ່ມບໍລິສັດ Viettel ນັບມື້ນັບປະສົບຜົນສຳເລັດ ແລະ ພັດທະນາກວ່າອີກ; ພ້ອມກັນນັ້ນ, ກໍ່ສືບຕໍ່ເປີດກ້ວາງການຮ່ວມມືດ້ານດຳເນີນທຸລະກິດ ແລະ ການລົງທຶນຢູ່ລາວ.
 | ຊຸກຍູ້ການແລກປ່ຽນວັດທະນະທຳ ຈີນ-ຫວຽດນາມ ໂດຍຜ່ານການຮ່ວມມື, ການພົບປະແລກປ່ຽນການທ່ອງທ່ຽວ ຍສໝ - ວັນທີ 21 ພຶດສະພາ, ຢູ່ຮ່າໂນ້ຍ ໄດ້ດຳເນີນ “ການສຳມະນາວັດທະນະທຳ: ຊາ ແລະ ໂລກ” ແລະ ການສຳມະນາສົ່ງເສີມວັດທະນະທຳການທ່ອງທ່ຽວ ກວາງຊີ (ຈີນ). ເຫດການຄັ້ງນີ້ ໂດຍສູນວັດທະນະທຳ ຈີນ ປະຈຳ ຮ່າໂນ້ຍ ພ້ອມກັນກັບພະແນກວັດທະນະທຳ ແລະ ທ່ອງທ່ຽວ ກວາງຊີ ຈັດຕັ້ງ. |
 | ຫຼາຍຂໍ້ສະເໜີ ເພື່ອເພີ່ມທະວີການພົບປະແລກປ່ຽນປະຊາຊົນລະຫວ່າງ ຫວຽດນາມ - ເນປານ ຍສໝ - ນີ້ແມ່ນເນື້ອໃນທີ່ໄດ້ປຶກສາຫາລືໃນການພົບປະລະຫວ່າງທ່ານ ຫງວຽນຫງອກຮຸ່ງ, ຮອງປະທານສະຫະພັນບັນດາອົງການມິດຕະພາບ ຫວຽດນາມ ກັບຄະນະຜູ້ແທນສະພາສັນຕິພາບ ແລະ ຄວາມສາມັກຄີ ເນປານ ໂດຍທ່ານ Rabindra Adhikari, ປະທານສະພາ ເປັນຜູ້ນຳໜ້າຄະນະ ໃນວັນທີ 20 ພຶດສະພາ ທີ່ຮ່າໂນ້ຍ. |
ມິງດຶກ
