 | "ສະໜາມ" ທີ່ເປັນປະໂຫຍດສໍາລັບນັກຮຽນທີ່ຮັກພາສາ ຍີ່ປຸ່ນ ຢູ່ນະຄອນ ຫາຍຟ່ອງ |
| ສະມາຄົມມິດຕະພາບຫວຽດນາມ - ລາວ ຢູ່ນະຄອນ ຫາຍຟ່ອງ ຕ້ອງເພີ່ມທະວີການເຂົ້າຮ່ວມຂອງລຸ້ນໜຸ່ມ |
 |
| ບັນດາຜູ້ແທນໄດ້ຖ່າຍຮູບທີ່ລະນຶກ. (ທີ່ມາ: ເຮື່ອງຫວຽດ) |
ວັນທີ 26 ພຶດສະພາ, ຢູ່ນະຄອນ Augsburg, ສະມາຄົມຊາວຫວຽດນາມ - ເຢຍລະມັນ ຢູ່ເຂດ Swabian ໄດ້ຈັດຕັ້ງພິທີໄຂສົກຮຽນເປີດຫ້ອງຮຽນພາສາ ຫວຽດນາມ ແນໃສ່ເພື່ອໜູນຊ່ວຍລຸ້ນໜຸ່ມທີ່ເກີດ ແລະ ເຕີບໃຫຍ່ຢູ່ ເຢຍລະມັນ ກໍ່ຄືລູກຫຼານຂອງບັນດາຄອບຄົວວັດທະນະທຳ ຫວຽດນາມ - ເຢຍລະມັນ ໄດ້ຮຽນພາສາຫວຽດ ແລະ ປະກອບສ່ວນອະນຸລັກຮັກສາ ຄວາມງາມທາງດ້ານມູນເຊື້ອວັດທະນະທໍາຂອງຊາດ.
ເຂົ້າຮ່ວມໂຄງການມີຄະນະຜູ້ແທນສະຖານກົງສຸນໃຫຍ່ ຫວຽດນາມ ປະຈຳ Frankfurt am Main; ທ່ານ Gregor Lang, ສະມາຊິກສະພານະຄອນ Augsburg ແລະ ເດັກນ້ອຍ ຫວຽດນາມ ເປັນຈຳນວນຫຼວງຫຼາຍພ້ອມກັບພໍ່ແມ່ຜູ້ປົກຄອງ.
ກ່າວຄຳປາໃສເປີດລາຍການ, ທ່ານນາງ ເລ່ແທງເຮື່ອງ, ປະທານສະມາຄົມຊາວ ຫວຽດນາມ - ເຢຍລະມັນ Schwaben ໄດ້ເນັ້ນໜັກເຖິງຄວາມສຳຄັນຂອງການສິດສອນ ແລະ ປົກປັກຮັກສາພາສາ ຫວຽດນາມ ໃຫ້ແກ່ເດັກນ້ອຍ ຫວຽດນາມ ທີ່ເກີດ ແລະ ເຕີບໃຫຍ່ຢູ່ ເຢຍລະມັນ.
ທ່ານປະທານສະມາຄົມຊາວ ຫວຽດນາມ - ເຢຍລະມັນ Schwaben ແບ່ງປັນວ່າ: “ຫ້ອງຮຽນພາສາ ຫວຽດນາມ ແມ່ນບ່ອນອະນຸລັກຮັກສາພາສາ ຫວຽດນາມ ໃຫ້ລຸ້ນໜຸ່ມ, ບໍ່ພຽງແຕ່ໜູນຊ່ວຍໃຫ້ນ້ອງໆຮັກສາພາສາບ້ານເກີດເມືອງນອນເທົ່ານັ້ນ ຫາກຍັງມີຄວາມເຂົ້າໃຈກ່ຽວກັບຮີດຄອງປະເພນີ, ວັດທະນະທຳ ແລະ ປະຫວັດສາດບັນດາເຜົ່າ, ເພີ່ມທະວີສາຍພົວພັນອັນສະໜິດສະໜົມໃນຄອບຄົວ, ພັດທະນາຕົນເອງ ກໍຄືຮັກສາການເຊື່ອມໂຍງຊຸມຊົນ”.
ທ່ານນາງ ເລ່ແທງເຮື່ອງ ກໍ່ເນັ້ນໜັກວ່າ, ສະມາຄົມ ຫວຽດນາມ - ເຢຍລະມັນ Schwaben ຍາມໃດກໍ່ມຸ່ງໄປສູ່ບ້ານເກີດເມືອງນອນ , ຮັກສາບັນດາມູນເຊື້ອວັດທະນະທຳຂອງຊາດ, ໃນນັ້ນມີພາສາ ຫວຽດນາມ. ນອກຈາກຫ້ອງຮຽນພາສາ ຫວຽດນາມ, ບັນດາສະມາຊິກຂອງສະມາຄົມກໍ່ບໍ່ລັງເລທີ່ຈະຈັດຕັ້ງບັນດາການເຄື່ອນໄຫວວັດທະນະທໍາຜ່ານຫຼາຍຮູບຫຼາຍແບບທີ່ອຸດົມສົມບູນ ແລະ ຫຼາກຫຼາຍເຊັ່ນ: ບຸນໄຫວ້ພະຈັນ, ການລະຫຼິ້ນພື້ນບ້ານ, ການດຳເນີນຊີວິດຂອງຊຸມຊົນ, ເພື່ອເພີ່ມທະວີການຕິດຕໍ່ສື່ສານເປັນພາສາຫວຽດນາມ, ຊ່ວຍເຫຼືອຄົນລຸ້ນທີ່ເກີດ ແລະ ເຕີບໃຫຍ່ທີ່ນີ້ໄດ້ມີການພົວພັນໃກ້ຊິດກັບພາສາກໍາເນີດຂອງເຂົາເຈົ້າ.
 |
| ຫົວໜ້າກົງສຸນໃຫຍ່ທ່ານ ລືວຊ່ວນໂດ່ງ ໄດ້ສະແດງຄວາມຂອບອົກຂອບໃຈ ແລະ ຫວັງວ່າໃນໄລຍະຈະມາເຖິງ, ຈະສືບຕໍ່ໄດ້ຮັບຄວາມເອົາໃຈໃສ່, ຮ່ວມເດີນທາງ, ອຳນວຍຄວາມສະດວກຈາກອຳນາດການປົກຄອງນະຄອນ Augsburg. (ທີ່ມາ: ເຮື່ອງຫວຽດ) |
ພິເສດ, ມີການເຂົ້າຮ່ວມພິທີໄຂສົກຮຽນຂອງຄະນະຜູ້ແທນສະຖານກົງສຸນໃຫຍ່ ຫວຽດນາມ ປະຈຳ Frankfurt am Main. ກ່າວຄຳປາໄສທີ່ລາຍການ, ຜູ້ຕາງໜ້າຄະນະ, ຫົວໜ້າກົງສຸນໃຫຍ່ ລືວຊ່ວນໂດ່ງ ໃຫ້ຮູ້ວ່າ: ການຮັກສາຄວາມງາມດ້ານມູນເຊື້ອວັດທະນະທຳຢູ່ເຂດຫ່າງໄກຈາກບ້ານເກີດເມືອງນອນ, ໃນນັ້ນມີພາສາ ຫວຽດນາມ ແມ່ນອັນສຳຄັນທີ່ສຸດ; ການຮັກສາພາສາ ຫວຽດນາມ ໃຫ້ຜ່ານຫຼາຍລຸ້ນຄົນຈະສ້າງວົງຍະນະຍາດປະຊາຄົມຊາວ ຫວຽດນາມ ໃຫ້ນັບມື້ນັບເຕີບໃຫຍ່ເຂັ້ມແຂງ, ມຸ່ງໄປສູ່ບ້ານເກີດເມືອງນອນ ແລະ ປະເທດຊາດ.
ສະຖານກົງສູນໃຫຍ່ຈະພ້ອມກັບສະມາຄົມ ຫວຽດນາມ - ເຢຍລະມັນ Schwaben ໃນການກໍ່ສ້າງ ແລະ ເປີດກວ້າງບັນດາຫ້ອງຮຽນພາສາ ຫວຽດນາມ, ໝູນຊ່ວຍໃຫ້ເດັກນ້ອຍໄດ້ມີໂອກາດ ເພື່ອເພີ່ມທະວີທັກສະພາສາ ຫວຽດນາມ. ຜ່ານໂຄງການ, ຫົວໜ້າກົມສູນໃຫຍ່ທ່ານ ລືວຊ່ວນໂດ່ງ ໄດ້ແບ່ງປັນແຜນການພົບປະກັບອຳນາດການປົກຄອງທຸກຂັ້ນຂອງປະເທດເຈົ້າພາບໃນໄລຍະຈະມາເຖິງ ໂດຍປາດຖະໜາຢາກນຳບັນດາຫ້ອງຮຽນພາສາ ຫວຽດນາມ ເຂົ້າໃນລະບົບໂຮງຮຽນສາທາລະນະຂອງ ເຢຍລະມັນ.
ສຳລັບຜູ້ຕາງໜ້າສະພານະຄອນ Augsburg, ທ່ານ Gregor Lang ໄດ້ສະແດງຄວາມປິຕິຊົມຊື່ນ ແລະ ພາກພູມໃຈຕໍ່ບັນດາການເຄື່ອນໄຫວທີ່ໜ້າຟົດຟື້ນ ແລະ ມີລັກສະນະຕັ້ງໜ້າຂອງສະມາຄົມ ຫວຽດນາມ - ເຢຍລະມັນ Schwaben, ປະກອບສ່ວນສ້າງສາ, ພັດທະນາ ແລະ ເຮັດໃຫ້ ”ຮູບພາບວັດທະນະທຳ ແລະ ຊົນເຜົ່າທີ່ຫຼາກຫຼາຍ” ຂອງນະຄອນ Augsburg ເວົ້າສະເພາະ ແລະ ຂອງ ເຢຍລະມັນ ເວົ້າລວມ ມີຄວາມອຸດົມສົມບູນ, ມີຊີວິດຊີວາ.
ພ້ອມກັນນັ້ນ, ທ່ານ Gregor Lang ຍັງໄດ້ແບ່ງປັນວ່າໄດ້ເຫັນພ້ອມ ທັງຈະສະເໜີຄວາມປາດຖະໜາຂອງກົງສຸນໃຫຍ່ທີ່ກ່າວມານີ້ຕໍ່ສະພານະຄອນ; ສືບຕໍ່ຮ່ວມເດີນທາງ, ໜູນຊ່ວຍ ແລະ ສ້າງເງື່ອນໄຂໃຫ້ສະມາຄົມ ຫວຽດນາມ - ເຢຍລະມັນ Schwaben ນັບມື້ນັບພັດທະນາ.
ໃນຕອນທ້າຍຂອງພິທີໄຂສົກຮຽນ, ມີການສະແດງສີລະປະກ່ຽວກັບບ້ານເກີດເມືອງນອນ, ຄູ-ອາຈານ ແລະ ໂຮງຮຽນ ໂດຍພໍ່ແມ່ປະຊາຊົນ ແລະ ນັກຮຽນໄດ້ສະແດງ. ຜ່ານນັ້ນ, ພໍ່ແມ່ປະຊາຊົນກໍ່ສະແດງຄວາມປິຕິຊົມຊື່ນ, ຕື່ນຕາຕື່ນໃຈ ແລະ ຫວັງວ່າ ຫ້ອງຮຽນພາສາ ຫວຽດນາມ ຂອງສະມາຄົມຊາວ ຫວຽດນາມ - ເຢຍລະມັນ Schwaben ຈະແມ່ນບ່ອນເພື່ອໃຫ້ລູກຫຼານມີຄວາມຮູ້ສຶກປອດໄພໃນການຮຽນ, ຝຶກຊ້ອມ, ພົບປະແລກປ່ຽນ ແລະ ເຊື່ອມໂຍງຢ່າງເລິກເຊິ່ງກວ່າດ້ວຍພາສາບ້ານເກີດເມືອງນອນ ຢູ່ໃນຕ່າງປະເທດ; ແມ່ນຄົນລຸ້ນຕໍ່ໄປທີ່ປົກປັກຮັກສາຄວາມສວຍງາມຂອງມູນເຊື້ອວັດທະນະທຳ, ສີສັນຂອງຊາດ, ຍາມໃດກໍ່ມຸ່ງໄປສູ່ບ້ານເກີດເມືອງນອນ.
 | City tour - ທ່າອ່ຽງທ່ອງທ່ຽວ “ພົ້ນເດັ່ນ” ຢູ່ນະຄອນ ຫາຍຟ່ອງ ມີນັກທ່ອງທ່ຽວຫຼາຍຄົນມາຈາກນະຄອນຫຼວງ ຮ່າໂນ້ຍ ແລະ ບັນດາແຂວງເຂດໃກ້ຄຽງມາ ຫາຍຟ່ອງ ເພື່ອຮັບປະທານບັນດາເຍື່ອງອາຫານຢູ່ເຂດຖະໜົນທີ່ເປັນເອກະລັກສະເພາະ. |
 | ນ້ຳໃຈອົບອຸ່ນຂອງປະຊາຊົນໃນໄລຍະເກີດໂລກລະບາດໂຄວິດ-19 ຢູ່ນະຄອນ ໂຮ່ຈີມິນ ມີຊາວນະຄອນ ໂຮ່ຈີມິນ ນັບແສນຄົນພວມປະສົບກັບຄວາມຫຍຸ້ງຍາກດ້ານວຽກເຮັດງານທຳ, ລາຍຮັບ, ຕະຫຼອດຮອດຄາບເຂົ້າໃນແຕ່ລະມື້. ພ້ອມກັບການໜູນຊ່ວຍຂອງອຳນາດການປົກປ້ອງ, ການແບ່ງປັນຂອງບັນດາທ້ອງຖິ່ນອື່ນໆ. |
ມິງດຶກ
