ໂຄງການ “ວັນເຊີດຊູວັນພາສາຫວຽດນາມ ໃນປະຊາຄົມຊາວຫວຽດນາມ ອາຢູ່ຕ່າງປະເທດ ໄລຍະ 2023-2030” ໄດ້ຮັບການອະນຸມັດຈາກທ່ານນາຍົກລັດຖະມົນຕີ ແຕ່ວັນທີ 3 ສິງຫາ 2022, ສາມາດຖືວ່າແມ່ນບາດກ້າວບຸກທະລຸໃນວຽກງານຮັກສາ, ພັດທະນາພາສາ ຫວຽດນາມ ໃນປະຊາຄົມຊາວຫວຽດນາມ ອາໄສຢູ່ຕ່າງປະເທດ, ສ້າງກຳລັງຜັກດັນທີ່ສໍາຄັນ ເພື່ອຊຸກຍູ້ບັນດາການເຄື່ອນໄຫວສິດສອນ, ຮ່ຳຮຽນ ແລະ ຕອບສະຫນອງຄວາມມຸ່ງປາຖະຫນາ ແລະ ຄວາມຕ້ອງການຢ່າງແທດຈິງຂອງຊຸມຊົນ.
ປະຊາຄົມຊາວຫວຽດນາມ ຢູ່ຫຼາຍປະເທດສົມທົບກັນຢ່າງຕັ້ງໜ້າກັບອົງການຕາງໜ້າ ຈັດຕັ້ງບັນດາການເຄື່ອນໄຫວຕອບສະໜອງວັນເຊີດຊູພາສາຫວຽດນາມ ເຊັ່ນ: ສ້າງຕັ້ງບັນດາຄະນະພາສາ ຫວຽດນາມ ສະເພາະ ໃນສະມາຄົມ; ເປີດໃໝ່ ຫຼື ເປີດກ້ວາງຂະໜາດຂອງບັນດາໂຮງຮຽນ, ຫ້ອງຮຽນເພື່ອສິດສອນ ແລະ ຮຽນພາສາ ຫວຽດນາມ; ສ້າງຕັ້ງ“ເວທີປາໄສຮັກສາພາສາຫວຽດນາມ ຢູ່ຕ່າງປະເທດ”; ຈັດຕັ້ງບັນດາການສຳມະນາ, ກອງປະຊຸມເຈລະຈາ... ແບ່ງປັນປະສົບການກ່ຽວກັບວິທີການສິດສອນ ແລະ ຮຽນພາສາຫວຽດນາມ.
 |
| ທ່ານນາງຮອງລັດຖະມົນຕີ ເລທິທູຮັ່ງ ທີ່ພິທີເປີດຕູ້ປຶ້ມພາສາ ຫວຽດນາມ ເພື່ອຮັບໃຊ້ປະຊາຄົມຊາວ ຫວຽດນາມ ຢູ່ ຝະລັ່ງ ໃນເດືອນ ກໍລະກົດ 2024. |
ພິເສດແມ່ນບັນດາການເຄື່ອນໄຫວວັນເຊີດຊູພາສາຫວຽດນາມ ໃນວັນທີ 8 ກັນຍາ ແລະ ການແຂ່ງຂັນ “ຄົ້ນຫາທູດພາສາຫວຽດນາມ ໃນປະຊາຄົມຊາວຫວຽດນາມ ອາໄສຢູ່ຕ່າງປະເທດ” - ພາຍຫຼັງ 2 ປີແຫ່ງການຈັດຕັ້ງ - ໄດ້ຄັດເລືອກ ແລະ ເຊີດຊູທູດພາສາຫວຽດນາມ 10 ຄົນຢູ່ບັນດາບໍລິເວນ, ອາຍຸແຕກຕ່າງກັນ, ໃນນັ້ນ ທູດອາຍຸນ້ອຍທີ່ສຸດແມ່ນມີພຽງແຕ່ 8 ປີເທົ່ານັ້ນ (ຍີ່ປຸ່ນ) ແລະ ຍັງມີທູດທີ່ເປັນຄົນຕ່າງປະເທດ (ລາວ) ນຳອີກ.
ການເຂົ້າຮ່ວມຢ່າງຕັ້ງໜ້າຂອງບັນດາອົງການຕາງໜ້າ, ຄວາມຂະຫຍັນຂັນເຄື່ອນ, ຕອບສະໜອງຂອງບັນດາສະມາຄົມ, ອົງການ, ບຸກຄົນຊາວຫວຽດນາມ ອາໄສຢູ່ຕ່າງປະເທດ ໄດ້ສະທ້ອນໃຫ້ເຫັນເຖິງປະເທດຊາດ ເພື່ອໃຫ້ພວກຂ້າພະເຈົ້າຈັດຕັ້ງບັນດາການເຄື່ອນໄຫວເຊີດຊູພາສາຫວຽດນາມ ຢູ່ບັນດາບໍລິເວນ.
- ຫວ່າງມໍ່ໆມານີ້, ພາສາຫວຽດນາມ ໄດ້ກາຍເປັນພາສາທາງການຢູ່ San Francisco, ອາເມລິກາ. ນີ້ແມ່ນໜຶ່ງໃນບັນດາຕົວຢ່າງທີ່ສະແດງໃຫ້ເຫັນວ່າ ຄວາມຕ້ອງການນຳໃຊ້ພາສາຫວຽດນາມ ນັບມື້ນັບເພີ່ມຂຶ້ນຢູ່ບັນດາປະເທດໃນໂລກ, ມີບົດບາດບໍ່ໜ້ອຍໃນການຊຸກຍູ້ການເຊື່ອມໂຍງ ແລະ ພັດທະນາຂອງປະຊາຄົມ. ຂໍຮຽນຖາມທ່ານ, ທ່ານນາງຕີລາຄາເລື່ອງນີ້ຄືແນວໃດ?
ວັນທີ 11 ມິຖຸນາ 2024, ສະພາຕິດຕາມກວດການະຄອນ ແລະ ເທດສະມົນທົນ San Francisco ໄດ້ຜ່ານມະຕິຕົກລົງການນຳໃຊ້ພາສາຫວຽດນາມ ໃນບັນດາການບໍລິການສາທາລະນະເຊັ່ນ: ການແປ, ການປະກາດ, ເອກະສານໃນເວັບໄຊ, ຄຽງຄູ່ກັບພາສາອັງກິດ, ຈີນ, ສະເປນ ແລະ ຟີລິບປິນ.
ໂດຍໄດ້ຮັບການຮັບຮູ້ວ່າເປັນໜຶ່ງໃນພາສາທາງການຢູ່ San Francisco, ພາສາ ຫວຽດນາມ ບໍ່ພຽງແຕ່ແມ່ນພາສາສື່ສານຂອງປະຊາຄົມຊາວ ຫວຽດນາມ ເທົ່ານັ້ນ, ຫາກຍັງແມ່ນວິທີເພື່ອໃຫ້ປະຊາຄົມມີສຽງເວົ້າໃນບັນດາການເຄື່ອນໄຫວເສດຖະກິດ, ວັດທະນະທຳ ແລະ ການເມືອງຂອງປະຈຳຖິ່ນ. ຜ່ານນັ້ນ, ກໍ່ໄດ້ສ້າງເງື່ອນໄຂສະດວກໃຫ້ແກ່ການຮັກສາ, ໂຄສະນາພາສາຫວຽດນາມ ແລະ ອະນຸລັກຮັກສາເອກະລັກວັດທະນະທຳຫວຽດນາມ ຢູ່ໃນຊຸມຊົນ. ລຸ້ນໜຸ່ມຫວຽດນາມ ທີ່ເກີດ ແລະ ເຕີບໃຫຍ່ຢູ່ຕ່າງປະເທດສາມາດສືບຕໍ່ຮ່ຳຮຽນ ແລະ ນຳໃຊ້ພາສາແມ່, ໂດຍຜ່ານນັ້ນ ກໍ່ຮັກສາການເຊື່ອມໂຍງເຂົ້າກັບຮາກຖານ ແລະ ວັດທະນະທຳຂອງຊາດ.
- ຂໍຮຽນທ່ານນາງ, ທ່ານນາງໄດ້ຕີລາຄາບົດບາດຂອງຖັນແຖວ “ທູດ” ພາສາຫວຽດນາມ - ບັນດາອາຈານສາສະໝັກ - ໃນການຮັກສາ ແລະ ເສີມຂະຫຍາຍພາສາຫວຽດນາມ ຢູ່ຕ່າງປະເທດຄືແນວໃດ?
ຖັນແຖວ“ທູດພາສາຫວຽດນາມ” ນີ້ມີບົດບາດສຳຄັນທີ່ສຸດໃນການຮັກສາ ແລະ ເສີມຂະຫຍາຍພາສາຫວຽດນາມ ໃນປະຊາຄົມຊາວຫວຽດນາມ ໃນທົ່ວໂລກ. ບໍ່ພຽງແຕ່ແມ່ນຜູ້ສອນພາສາໂດຍກົງເທົ່ານັ້ນ, ຫາກຍັງແມ່ນບັນດາປັດໄຈສຳຄັນໃນການອະນຸລັກຮັກສາ ແລະ ສົ່ງເອກະລັກວັດທະນະທຳຫວຽດນາມ ໃຫ້ລຸ້ນໜຸ່ມທີ່ເກີດ, ເຕີບໃຫຍ່ຢູ່ຕ່າງປະເທດ ແລະ ສາກົນ. ເຂົາເຈົ້າຊ່ວຍໃຫ້ຜູ້ຮຽນ, ພິເສດແມ່ນລຸ້ນໜຸ່ມຂອງຊາວ ຫວຽດນາມ ທີ່ເກີດຢູ່ຕ່າງປະເທດ, ເຂົ້າໃຈກົກເຄົ້າເຫງົ້າກໍຂອງຕົນໂດຍຜ່ານພາສາແມ່. ການຮຽນພາສາຫວຽດນາມ ບໍ່ພຽງແຕ່ແມ່ນການຮຽນພາສາເທົ່ານັ້ນ, ຫາກຍັງແມ່ນການດູດຊຶມຮີດຄອງປະເພນີຂອງບ້ານເກີດເມືອງນອນນຳອີກ.
ບັນດາ “ທູດ" ເຫຼົ່ານີ້ ໄດ້ເຄື່ອນໄຫວດ້ວຍຄວາມອາສາສະຫມັກທັງໝົດ, ຫຼາຍຄົນບໍ່ໄດ້ຮັບຄ່າແຮງງານແຕ່ຍັງອຸທິດເວລາ ແລະ ຄວາມພະຍາຍາມຂອງຕົນ ເພື່ອເປົ້າຫມາຍຮັກສາພາສາ ແລະ ວັດທະນະທໍາ. ສິ່ງດັ່ງກ່າວ ໄດ້ສະແດງໃຫ້ເຫັນຄວາມຮັບຜິດຊອບສູງຕໍ່ປະຊາຄົມ, ປະເທດຊາດ ແລະ ແຫຼ່ງລະດົມໃຫຍ່ໃຫ້ແກ່ຊາວຫວຽດນາມ ອາໄສຢູ່ຕ່າງປະເທດ ໃນການຮັກສາພາສາຫວຽດນາມ ໃນສະພາບແວດລ້ອມສາກົນ. ພວກຂ້າພະເຈົ້າ ມີຄວາມຖືເປັນສຳຄັນ, ຮູ້ບຸນຄຸນ ແລະ ສັນຍາວ່າຈະຮ່ວມເດີນທາງກັບຄູອາຈານໃນອາຊີບອັນສູງສົ່ງຂອງຕົນ.
- ຂໍຂອບໃຈທ່ານນາງຮອງລັດຖະມົນຕີ !
 | ຍສໝ - ທ່ານນາງ ຫງວຽນທິຢ້ຽວລິງ, ປະທານສະຫະສະມາຄົມຊາວໜຸ່ມ, ນັກສຶກສາ ຫວຽດນາມ ປະຈຳ ເອີລົບ ໃຫ້ຮູ້ຄືແນວນັ້ນເມື່ອຕີລາຄາກ່ຽວກັບບົດບາດຂອງຊາວໜຸ່ມຫວຽດນາມ ອາໄສຢູ່ຕ່າງປະເທດໃນວຽກງານຂອງຄະນະຊາວໜຸ່ມຢູ່ຕ່າງປະເທດ. |
 | ບັນດາອົງການປະຊາຊົນໃນທົ່ວໂລກຊົມເຊີຍ ສະຫາຍເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ຍສໝ - ເນື່ອງໃນໂອກາດທີ່ ສະຫາຍກຳມະການກົມການເມືອງ, ປະທານປະເທດ ຫວຽດນາມ ໂຕເລີມ ໄດ້ຮັບເລືອກຕັ້ງເປັນເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ບັນດາອົງການ, ບຸກຄົນໃນທົ່ວໂລກທີ່ເປັນເພື່ອນມິດ, ຄູ່ຮ່ວມມືຂອງສະຫະພັນບັນດາອົງການມິດຕະພາບ ຫວຽດນາມ ແລະ ບັນດາອົງການສະມາຊິກ ໄດ້ສົ່ງຈົດໝາຍ, ໂທລະເລກ ເພື່ອຊົມເຊີຍທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ. |
ມີງດຶກ
