 | ຫວຽດນາມ - ລາວ: ເພີ່ມທະວີການຮ່ວມມືດ້ານການຫັນເປັນດີຈີຕອນ, ປະຕິຮູບລະບຽບການການບໍລິຫານ ແລະ ສື່ສານ |
| ເພີ່ມທະວີການປ້ອງກັນ, ຕ້ານອາດຊະຍາກຳຢາເສບຕິດ ຢູ່ອະນຸພາກພື້ນແມ່ນ້ຳຂອງ ເປີດກ້ວາງ. |
ໃນສົກຮຽນ 2023 – 2024, ມະຫາວິທະຍາໄລສ້າງຄູ-ມະຫາວິທະຍາໄລ ດານັງ ຈະໄດ້ຮັບນັກສຶກສາຕ່າງປະເທດ 108 ຄົນ ທີ່ພວມຮ່ຳຮຽນໃນໂຄງການກະກຽມພາສາຫວຽດນາມ. ໃນນັ້ນ, ມີນັກສຶກສາລາວ 107 ຄົນທີ່ໄດ້ຮັບເລືອກຕາມເປົ້ົ້າໝາຍສັນຍາທຶນການສຶກສາລະຫວ່າງລັດຖະບານຂອງສອງປະເທດ, ທຶນການສຶກສາຂອງນະຄອນ ດານັງ ແລະ ທຶນການສຶກສາຂອງແຂວງ ດັກລັກ. ນັກສຶກສາ ມຽນມາ ຄົນດຽວ ໄດ້ລົງທະບຽນຮຽນທຶນສ່ວນຕົວ.
ຕາມຂໍ້ມູນທີ່ການພົບປະ ແລະ ພິທີອັດໂຄງການຫຼັກສູດກະກຽມພາສາຫວຽດນາມ ສົກຮຽນ 2023 – 2024 ໂດຍມະຫາວິທະຍາໄລສ້າງຄູ-ມະຫາວິທະຍາໄລ ດານັງ ຈັດຕັ້ງແລ້ວ, ເມື່ອຮຽນພາສາຫວຽດນາມ ຢູ່ໂຮງຮຽນ, ບັນດານັກສຶກສາຕ່າງປະເທດ ຈະໄດ້ພ້ອມທັງຫຼໍ່ຫຼອມບັນດາທັກສະພາສາຄື: ຟັງ, ເວົ້າ, ອ່ານ, ຂຽນ. ນອກຈາກການຮຽນໃນຫ້ອງຮຽນ, ນັກສຶກສາ ຍັງສາມາດເຂົ້າຮ່ວມການເຄື່ອນໄຫວທີ່ໜ້າຟົດຟື້ນຫຼາຍແຫ່ງເຊັ່ນ: ໄປຢ້ຽມຢາມຕົວຈິງທາງດ້ານວັດທະນະທຳ ແລະ ພາສາຢູ່ບັນດາທ້ອງຖິ່ນ, ເຂົ້າຮ່ວມບັນດາການແຂ່ງຂັນ, ບັນດາການເຄື່ອນໄຫວຕອບສະໜອງບັນດາວັນບຸນ, ບຸນເຕັດ ຫວຽດນາມ; ໄດ້ຮັບຄຳແນະນຳ ເພື່ອກຳນົດທິດອາຊີບຢູ່ໂຮງຮຽນສະມາຊິກຂອງມະຫາວິທະຍາໄລ ດານັງ ທັງໝົດ... ຜ່ານນັ້ນ, ກໍ່ຊ່ວຍໃຫ້ນັກສຶກສາມີຄວາມໝັ້ນໃຈຕົນເອງກ່ວາໃນການສື່ສານ, ເຊື່ອມຕົວເຂົ້າກັບສະພາບແວດລ້ອມແຫ່ງການຮ່ຳຮຽນຂອງນັກສຶກສາຢູ່ໂຮງຮຽນ ແລະ ເຂົ້າໃຈວັດທະນະທຳ, ຮີດຄອງປະເພນີຂອງຊາວ ຫວຽດນາມ ກ່ວາອີກ. ໂຮງຮຽນ ຍັງໄດ້ຈັດຫ້ອງພັກທີ່ມີຄຸນນະພາບສູງໃຫ້ແກ່ນັກສຶກສາ; ສົ່ງຄູອາຈານ, ນັກສຶກສາຫວຽດນາມ ຮ່ວມເດີນທາງ, ໜູນຊ່ວຍນັກສຶກສາຕ່າງປະເທດ ໂດຍຜ່ານໂຄງການ “ນັກສຶກສາຫວຽດນາມ ໜູນຊ່ວຍນັກສຶກສາຕ່າງປະເທດ”...
 |
| ທ່ານ ຮສຈ.ປອ ຫງວຽນວັນຫຽວ (ທີສອງຈາກຂວາ), ຮອງອະທິການບໍດີໂຮງຮຽນມະຫາວິທະຍາໄລສ້າງຄູ-ມະຫາວິທະຍາໄລ ດານັງ ໄດ້ມອບໃບຍ້ອງຍໍໃຫ້ແກ່ນັກສຶກສາຕ່າງປະເທດ. (ພາບ: ued.udn.vn) |
ກ່າວຄຳປາໄສທີ່ການພົບປະ, ທ່ານ ຮສຈ.ປອ ຫງວຽນວັນຫຽວ, ຮອງອະທິການບໍດີໂຮງຮຽນມະຫາວິທະຍາໄລສ້າງຄູ-ມະຫາວິທະຍາໄລ ດານັງ ຫວັງວ່າ ບັນດານັກສຶກສາຕ່າງປະເທດ ຈະບັນລຸໄດ້ໝາກຜົນສູງສຸດໃນການສອບເສັງ ເພື່ອຕີລາຄາກຳລັງຄວາມສາມາດພາສາຫວຽດນາມ ໃນໄລຍະທີ່ຈະມາເຖິງ ເພື່ອສືບຕໍ່ປະຕິບັດຄວາມຝັນທີ່ຈະເຂົ້າຮຽນສະເພາະຂະແໜງທີ່ຕົນເລືອກໄວ້. ທ່ານ ຍັງປາດຖະໜາວ່າ ນັກສຶກສາຈະຮັກສາຄວາມຮັກແພງທີ່ມີໃຫ້ປະເທດຊາດ, ປະຊາຊົນ ຫວຽດນາມ ແລະ ຄວາມຮັກແພງຕໍ່ພາສາຫວຽດນາມ.
ຕາງໜ້ານັກສຶກສາຕ່າງປະເທດ, ນາງ ທັດສະນີ ພົມມະສີ, ນັກສຶກສາລາວ ໃຫ້ຮູ້ວ່າ ຂະບວນການຮຽນຢູ່ໂຮງຮຽນ ໄດ້ຊ່ວຍໃຫ້ຂ້າພະເຈົ້າໄດ້ຮັບຄວາມຮູ້,ປະສົບການ ແລະ ການລົງຕົວຈິງທີ່ໜ້າຈັບໃຈຫຼາຍຢ່າງ. ອັນລ້ຳຄ່າທີ່ສຸດກ່ວາ ແມ່ນຄວາມຊົງຈຳກັບຄູອາຈານ, ເພື່ອນມິດຫວຽດນາມ ທີ່ຂ້າພະເຈົ້າຈະບໍ່ມີວັນລືມ.
ເນື່ອງໃນໂອກາດນີ້, ຄະນະຈັດຕັ້ງໂຄງການ ໄດ້ມອບໃບຍ້ອງຍໍຂອງທ່ານ ອຳນວຍການໂຮງຮຽນມະຫາວິທະຍາໄລສ້າງຄູ-ມະຫາວິທະຍາໄລ ດານັງ ໃຫ້ແກ່ນັກສຶກສາຕ່າງປະເທດ 3 ຄົນ ເຊິ່ງມີການປະກອບສ່ວນຫຼາຍຢ່າງໃນວຽກງານຄຸ້ມຄອງ, ບຳລຸງສ້າງນັກສຶກສາຕ່າງປະເທດຂອງໂຮງຮຽນ.
ປະຈຸບັນ, 100% ຂອງນັກສຶກສາຕ່າງປະເທດໃນໂຄງການກະກຽມພາສາຫວຽດນາມ ໃນສົກຮຽນ 2023 - 2024 ໄດ້ສຳເລັດຫຼັກສູດການຮຽນ ແລະ ຈະເຂົ້າຮ່ວມການສອບເສັງຕີລາຄາກຳລັງຄວາມສາມາດພາສາຫວຽດນາມ ໃຫ້ຊາວຕ່າງປະເທດ ເຊິ່ງຈັດຂຶ້ນຢູ່ມະຫາວິທະຍາໄລສ້າງຄູ-ມະຫາວິທະຍາໄລ ດານັງ.
 | ເພີ່ມທະວີການຮ່ວມມືດ້ານດຳເນີນທຸລະກິດ, ການລົງທຶນ, ປະກອບສ່ວນພັດທະນາການພົວພັນ ຫວຽດນາມ - ລາວ ຍສໝ - ໃນຂອບເຂດການຢ້ຽມຢາມ ແລະ ເຮດວຽກຢູ່ ຫວຽດນາມ, ຕອນບ່າຍວັນທີ 4 ມິຖຸນາ, ຄະນະຜູ້ແທນຂັ້ນສູງອົງການກວດກາແຫ່ງລັດ ລາວ ໂດຍສະຫາຍ ຄຳພັນ ພົມມະທັດ, ກຳມະການກົມການເມືອງ, ເລຂາທິການສູນກາງພັກ, ຫົວໜ້າຄະນະກວດກາສູນກາງພັກປະຊາຊົນປະຕິວັດລາວ, ຫົວໜ້າຄະນະປ້ອງກັນ, ຕ້ານການສໍ້ລາດບັງຫຼວງຂັ້ນສູນກາງ, ຫົວໜ້າອົງການກວດກາແຫ່ງລັດ ລາວ ເປັນຫົວໜ້າຄະນະ ໄດ້ໄປຢ້ຽມຢາມ ແລະ ເຮັດວຽກຢູ່ທະນາຄານການຄ້າຫຸ້ນສ່ວນການລົງທຶນ ... |
 | ເພີ່ມທະວີການແບ່ງປັນ, ການຮ່ວມມືກ່ຽວກັບວຽກງານພິມຈຳໜ່າຍລະຫວ່າງ ຫວຽດນາມ - ລາວ ຍສໝ - ວັນທີ 5 ມິຖຸນາ, ຢູ່ນະຄອນດານັງ, ຄະນະປະຕິບັດງານສໍານັກພິມ ແລະ ຈໍາໜ່າຍປື້ມແຫ່ງລັດ ລາວ ໄດ້ມີການໄປຢ້ຽມຢາມ ແລະ ເຮັດວຽກກັບບໍລິສັດພິມໜັງສືພິມປະຊາຊົນ ດານັງ ຈຳກັດຜູ້ດຽວ ແລະ ສຳນັກພິມຈຳໜ່າຍການເມືອງແຫ່ງຊາດ ສຶ ເຖິດ. |
ມີງດຶກ
