| ສະມາຄົມມິດຕະພາບຫວຽດນາມ - ລາວ ຢູ່ນະຄອນ ຫາຍຟ່ອງ ຕ້ອງເພີ່ມທະວີການເຂົ້າຮ່ວມຂອງລຸ້ນໜຸ່ມ | |
| ຫາຍຟ່ອງ: ເປັນຄັ້ງທຳອິດຈັດຕັ້ງງານບຸນ ວັດທະນະທຳພື້ນເມືອງໝູ່ເກາະທະເລຫວຽດນາມ |
ການແຂ່ງຂັນເວົ້າພາສາ ຍີ່ປຸ່ນ ຢູ່ນະຄອນ ຫາຍຟ່ອງ ຄັ້ງທີ 8 ປີ 2024 ໄດ້ດຶງດູດການເຂົ້າຮ່ວມຂອງຜູ້ເຂົ້າແຂ່ງຂັນເປັນຈຳນວນຫຼວງຫຼາຍທີ່ມາຈາກບັນດາວິສາຫະກິດ, ສູນພາສາຕ່າງປະເທດ, ໂຮງຮຽນມັດທະຍົມຕອນປາຍ ແລະ ມັດທະຍົມຕອນຕົ້ນ... ໃນບໍລິເວນນະຄອນ. ຜ່ານຮອບແຂ່ງຂັນເບື້ອງຕົ້ນ, ຄະນະຈັດຕັ້ງໄດ້ຄັດເລືອກເອົາຜູ້ເຂົ້າການແຂ່ງຂັນ 10 ຄົນທີ່ດີເດັ່ນ ເພື່ອເຂົ້າໃນຮອບຊີງຊະນະເລີດ.
ທີ່ຮອບຊີງຊະນະເລີດ, ຜູ້ເຂົ້າແຂ່ງຂັນ 10 ຄົນໄດ້ແບ່ງອອກເປັນ 2 ກຸ່ມ, ໄດ້ຂຶ້ນກ່າວບົດນຳສະເໜີຕາມລຳດັບດ້ວຍທັດສະນະ, ຄວາມຮູ້ຂອງຕົນກ່ຽວກັບບັນດາຂົງເຂດຄື: ການຮ່ວມມື, ພົບປະແລກປ່ຽນວັດທະນະທຳມິດຕະພາບ ຫວຽດນາມ - ຍີ່ປຸ່ນ ແລະ ຕອບຄຳຖາມຂອງຄະນະກຳມະການໂດຍກົງເພື່ອເຮັດສຳເລັດການແຂ່ງຂັນ.
 |
| ຜູ້ເຂົ້າແຂ່ງຂັນພວມນໍາສະເໜີທີ່ການແຂ່ງຂັນ. (ພາບ: haiphong.gov.vn) |
ຈົບການແຂງຂັນ, ຄະນະຈັດຕັ້ງ ໄດ້ມອບລາງວັນທີ 1 ກຸ່ມ B (ສຳລັບນັກຮຽນມັດທະຍົມຕອນຕົ້ນໃນບໍລິເວນນະຄອນ) ໃຫ້ແກ່ຜູ້ເຂົ້າແຂ່ງຂັນ ຫງວຽນເຟືອງແອງ, ນັກຮຽນຫ້ອງ 9A3 (ຊັ້ນ ມ4) ຂອງໂຮງຮຽນມັດທະຍົມຕອນຕົ້ນ ຮວ່າງຢ້ຽວ ດ້ວຍບົດນຳສະເໜີ “ຮອຍຍິ້ມຂອງຄວາມສຸກ” ແລະ ລາງວັນທີ 1 ກຸ່ມ A ໃຫ້ແກ່ຜູ້ເຂົ້າແຂ່ງຂັນ ເຈີ່ນຕ໋ວນແທ່ງ ດ້ວຍບົດນຳສະເໜີ “ຂົວມິດຕະພາບ ຫວຽດນາມ - ຍີ່ປຸ່ນ”.
ການແຂງຂັນ ຈັດໂດຍພະແນກພົວພັນຕ່າງປະເທດນະຄອນ ຫາຍຟ່ອງ, ສະຫະພັນບັນດາອົງການມິດຕະພາບນະຄອນ ຫາຍຟ່ອງ, ສະມາຄົມວິສາຫະກິດ ຍີ່ປຸ່ນ ປະຈຳ ຫວຽດນາມ - ສາຂາສະມາຄົມ ຫາຍຟ່ອງ. ນີ້ແມ່ນການເຄື່ອນໄຫວ ເພື່ອຝຶກຝົນທັກສະການສື່ສານ, ການນຳສະເໜີ ແລະ ຄວາມສາມາດໃນການເວົ້າພາສາຍີ່ປຸ່ນ, ລະດົມສົ່ງເສີມການຮຽນຮູ້ ແລະ ນຳໃຊ້ພາສາ ຍີ່ປຸ່ນ, ໂຄສະນາຮູບພາບປະເທດ, ປະຊາຊົນ ແລະ ນະຄອນ ຫາຍຟ່ອງ ເຖິງເພື່ອນມິດສາກົນ. ນອກຈາກນັ້ນ, ນີ້ຍັງເປັນໂອກາດທີ່ຈະຮຽນຮູ້ພາສາ ຍີ່ປຸ່ນ ເວົ້າສະເພາະ ແລະ ວັດທະນະທໍາທີ່ເປັນມູນເຊື້ອຂອງດິນແດນແຫ່ງດອກສະກຸຣະ ເວົ້າລວມ.
ພິເສດ, ການເຄື່ອນໄຫວວັດທະນະທຳນີ້ ໄດ້ປະກອບສ່ວນປັບປຸງການພົວພັນມິດຕະພາບທີ່ຕິດພັນກັນ, ຄວາມສາມັກຄີລະຫວ່າງ 2 ປະເທດ, ປະຊາຊົນ 2 ປະເທດ ຫວຽດນາມ ແລະ ຍີ່ປຸ່ນ, ເພີ່ມທະວີການຮ່ວມມືກັບບັນດາທ້ອງຖິ່ນຂອງ ຍີ່ປຸ່ນ, ພິເສດແມ່ນ ຫາຍຟ່ອງ ໄດ້ດຶງດູດວິສາຫະກິດໃຫຍ່ຂອງ ຍີ່ປຸ່ນ ມາລົງທຶນເຂົ້າໃນນະຄອນ.
ກ່າວຄຳປາໄສທີ່ເຫດການນີ້, ທ່ານຮອງປະທານຄະນະກຳມະການປະຊາຊົນນະຄອນ ຫາຍຟ່ອງ ເລຄັກນາມ ໃຫ້ຮູ້ວ່າ ຢູ່ ຫາຍຟ່ອງ, ຍີ່ປຸ່ນ ແມ່ນຄູ່ຮ່ວມມືດ້ານເສດຖະກິດ, ການຄ້າ, ການລົງທຶນ, ການທ່ອງທ່ຽວ ແລະ ແຮງງານແຖວໜ້າ ດ້ວຍການປະກອບສ່ວນສຳຄັນຂອງບັນດາກຸ່ມເສດຖະກິດໃຫຍ່ຂອງ ຍີ່ປຸ່ນ. ເປັນເວລາຫຼາຍປີມານີ້, ພາສາ ຍີ່ປຸ່ນ ໄດ້ຮັບການສອນຢູ່ໂຮງຮຽນມັດທະຍົມປາຍຫຼາຍແຫ່ງຢູ່ນະຄອນ ຫາຍຟ່ອງ, ໂດຍໄດ້ຮັບການຕອບຮັບຢ່າງຕັ້ງໜ້າຈາກນັກຮຽນ. ພາສາ ຍີ່ປຸ່ນ ກໍເປັນເຄື່ອງມືທີ່ຈໍາເປັນ ເພື່ອນັກສຶກສາຫຼາຍຄົນທີ່ຈະຮຽນຕໍ່ລະດັບສູງ ຫຼື ເຂົ້າຮ່ວມບັນດາການເຄື່ອນໄຫວພົບປະແລກປ່ຽນວັດທະນະທໍາໃນປະເທດ Fusang ທີ່ສວຍງາມ.
ຕາມທ່ານ ນາມ ແລ້ວ, ການແຂ່ງຂັນກ່າວປາໄສພາສາ ຍີ່ປຸ່ນ ຄັ້ງທີ 8 ໄດ້ຈັດຕັ້ງເພື່ອເພີ່ມທະວີຄວາມເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນສອງປະເທດ, ປະກອບສ່ວນກໍ່ສ້າງລຸ້ນໜຸ່ມຢ່າງຄົບຊຸດໄດ້ມີຄວາມຮູ້ຄວາມສາມາດຢ່າງພຽງພໍ, ສູ້ຊົນເພື່ອສັນຕິພາບຂອງບັນດາຊາດ.
ທ່ານ ນາມ ກໍຫວັງວ່າ ນອກຈາກຂອບເຂດຂອງການແຂ່ງຂັນຄັ້ງນີ້, ຂະບວນການຮຽນພາສາ ຍີ່ປຸ່ນ ຈະກາຍເປັນຈຸດພົ້ນເດັ່ນກ່ຽວກັບຈິດໃຈທີ່ຢາກຊອກຮູ້ຮ່ຳຮຽນ, ປະກອບສ່ວນສ້າງແຫຼ່ງຊັບພະຍາກອນມະນຸດ, ຜູ້ເກັ່ງກ້າ, ປະກອບສ່ວນເພີ່ມພູນຄູນສ້າງ, ຍົກສາຍພົວພັນມິດຕະພາບລະຫວ່າງນະຄອນ ຫາຍຟ່ອງ ແລະ ບັນດາທ້ອງຖິ່ນ ຍີ່ປຸ່ນ ຂຶ້ນສູ່ລະດັບສູງໃໝ່.
ມິງດຶກ
