| ທະນາຄານໂລກຄາດຄະເນວ່າ, ເສດຖະກິດຫວຽດນາມຈະເຕີບໂຕ 4,7% ໃນປີ 2023 ແລະ 5,4% ໃນປີ 2024. | |
| HSBC: ສອງກຳລັງຊຸກຍູ້ການເຕີບໂຕສາມາດຊ່ວຍໃຫ້ GDP ຂອງຫວຽດນາມບັນລຸ 6,3% ໃນປີ 2024 |
ໃນລະຫວ່າງວັນທີ 10-14 ມັງກອນ, ທີ່ຫໍປະຊຸມແຫ່ງຊາດລາວ ຢູ່ນະຄອນຫຼວງວຽງຈັນ, ກະຊວງເຕັກໂນໂລຢີ ແລະການສື່ສານລາວ ໄດ້ເປັນປະທານຈັດງານສັບປະດາດີຈີຕອນແຫ່ງຊາດ 2024 ດ້ວຍຫຼາຍການເຄື່ອນໄຫວປິ່ນອ້ອມການຫັນເປັນດີຈີຕອນຂອງປະເທດ “ລ້ານຊ້າງ”.
 |
| ມອບລາງວັນກ່ຽວກັບການຫັນເປັນດີຈີຕອນຂອງລາວ ປີ 2024. ພາບ: pasaxon.org.la |
ໃນຂອບເຂດຂອງເຫດການ, ໄດ້ດຳເນີນການເຄື່ອນໄຫວຕົ້ນຕໍຄື: ເວທີປາໄສຂັ້ນສູງກ່ຽວກັບການຫັນເປັນດີຈີຕອນ; ກອງປະຊຸມສຳມະນາຊາວໜຸ່ມລາວ ກັບຂະບວນການຫັນເປັນດີຈີຕອນ, ການເລີ່ມຕົ້ນດໍາເນີນທຸລະກິດ...; ມອບລາງວັນກ່ຽວກັບການຫັນເປັນດີຈີຕອນໃນປີ 2024 ແລະບັນດາການເຄື່ອນໄຫວລົງນາມຮ່ວມມື. ເຫດການດັ່ງກ່າວຍັງໄດ້ດຶງດູດເອົາບໍລິສັດເຕັກໂນໂລຢີທັງຢູ່ພາຍໃນ ແລະຕ່າງປະເທດນັບສິບບໍລິສັດ ມາເຂົ້າຮ່ວມວາງສະແດງ ແລະແນະນຳຜະລິດຕະພັນ.
ຕາມທ່ານ ບໍ່ວຽງຄຳ ວົງດາລາ, ລັດຖະມົນຕີກະຊວງເຕັກໂນໂລຢີ ແລະການສື່ສານລາວ ແລ້ວ, ການຈັດງານສັບປະດາດີຈີຕອນ ປີ 2024 ແມ່ນເພື່ອແນໃສ່ສືບຕໍ່ຊຸກຍູ້ຂະບວນການຫັນເປັນດີຈີຕອນຢູ່ລາວ ໃຫ້ລົງເລິກເຂົ້າສູ່ການດໍາລົງຊີວິດຕົວຈິງກວ່າອີກ, ໃນສະພາບການທີ່ລັດຖະບານລາວ ພວມຜັນຂະຫຍາຍວິໄສທັດການພັດທະນາເສດຖະກິດດີຈີຕອນແຫ່ງຊາດ ໄລຍະ 2021-2040, ຍຸດທະສາດການພັດທະນາເສດຖະກິດດີຈີຕອນແຫ່ງຊາດ ໄລຍະ 2021-2030 ແລະແຜນການພັດທະນາເສດຖະກິດດີຈີຕອນແຫ່ງຊາດ ໄລຍະ 2021-2025.
ບູນມີ
