| ການເຕີບໂຕ GDP ປີ 2022 ຂອງ ຫວຽດນາມ ບັນລຸກວ່າ 8%, ສູງສຸດໃນຮອບເວລາ 12 ປີຜ່ານມາ | |
| ການເຕີບໂຕຫວຽດນາມ ຄາດວ່າຢູ່ກຸ່ມລະດັບສູງທີ່ສຸດຢູ່ພາກພື້ນ ອາຊີ - ປາຊີຟິກ |
ການສົ່ງອອກ ແລະ ການໃຊ້ຈ່າຍພາຍໃນປະເທດຟື້ນຕົວຂຶ້ນໃໝ່ຈະແມ່ນສອງກຳລັງໜູນຕົ້ນຕໍ່ເພື່ອຊ່ວຍຍອດຜະລິດຕະພັນພາຍໃນ (GDP) ຂອງ ຫວຽດນາມ ໃນປີ 2024 ອາດຈະບັນລຸ 6,3%. ນີ້ແມ່ນຂໍ້ສັງເກດຂອງທ່ານ Frederic Neumann, ຫົວໜ້ານັກເສດຖະສາດຂອງກຸ່ມຄົ້ນຄ້ວາເສດຖະກິດ ອາຊີ ຂອງ HSBC, ໄດ້ຍົກອອກມາທີ່ກອງປະຊຸມສຳມະນາກ່ຽວກັບແງ່ຫວັງດຳເນີນທຸລະກິດ, ເຊິ່ງໄດ້ຈັດຂຶ້ນໃນວັນທີ 09 ຕຸລາ, ຢູ່ຮ່າໂນ້ຍ.
 |
| ໃນວັນທີ 29 ມິຖຸນານີ້, ຕ່ອງໂສ້ການແກ້ວຜະລິດເລນຂອງວິສາຫະກິດຍີ່ປຸ່ນແຫ່ງໜຶ່ງຢູ່ເເຂວງຮ່ວາບິງ. ພາບ: ຢ່າງຮູຍ |
HSBC ຄາດຄະເນວ່າ, ການເຕີບໂຕເສດຖະກິດຂອງ ຫວຽດນາມ ໃນປີນີ້ຈະບັນລຸ 5% ແລະ ເພີ່ມຂຶ້ນເປັນ 6,3% ໃນປີ 2024, ເຊິ່ງແມ່ນລະດັບສູງສຸດໃນຈຳນວນບັນດາອົງການຈັດຕັ້ງສາກົນຍົກອອກມາ. ທ່ານ Frederic Neumann ຖືວ່າ, ການສົ່ງອອກຂອງ ຫວຽດນາມ ຈະເພີ່ມຂຶ້ນໃນປີ 2024 ເມື່ອຄວາມຕ້ອງການໄດ້ເພີ່ມຂຶ້ນຄືນໃໝ່ ແລະ ຊ່ວຍໃຫ້ ຫວຽດນາມ ເຕີບໂຕຢ່າງແຮງກວ່າ. ກຳລັງໜູນທີ່ 2 ໃຫ້ແກ່ເສດຖະກິດຂອງ ຫວຽດນາມ ໃນປີ 2024 ແມ່ນລາຍຈ່າຍພາຍໃນປະເທດ, ລວມມີການບໍລິໂພກ ແລະ ການຊື້ຂາຍຂອງລັດຖະບານ, ຄາດວ່າກໍ່ຈະເພີ່ມຂຶ້ນ.
ທ່ານນາງ Megan Lawson, ຜູ້ອຳນວຍການໃຫຍ່ ແລະ ຜູ້ອຳນວຍການປະເທດ ERM ຫວຽດນາມ, ເຮັດສະເພາະການໃຫ້ຄຳປຶກສາ ແລະ ການບໍລິການຄຸ້ມຄອງຊັບພະຍາກອນສິ່ງແວດລ້ອມ ໃຫ້ຮູ້ວ່າ: ໃນສະພາບການເງິນທຶນທົ່ວໂລກນັບມື້ນັບເອົາໃຈໃສ່ເຖິງບັນດາປັດໄຈຄວາມຍືນຍົງ, ບັນດາວິສາຫະກິດຄວນເອົາໃຈໃສ່ ESG, ເຊິ່ງເປັນມາດຖານຕີລາຄາກັບສິ່ງແວດລ້ອມ (Environment), ສັງຄົມ (Social) ແລະ ການຄຸ້ມຄອງ (Governance).
ແລະ ທ່ານ Warrick Cleine, ປະທານ ແລະ CEO, ຄູ່ຮ່ວມມືຄຸ້ມຄອງ - ບໍລິການ, ພາສີ ແລະ ນິຕິກຳຂອງ KPMG ຫວຽດນາມ ແລະ ກໍາປູເຈຍ ເຈາະຈິ້ີ້ມຍຸດທະສາດ 3C ສໍາລັບວິສາຫະກິດ, ເຊິ່ງແມ່ນສຸມໃສ່ເຂົ້າແຫຼ່ງເງິນສົດ(cash flow), ທຶນຮອນ (capital) ແລະ ລູກຄ້າ (customer). ໂດຍສະເພາະ, ທຸລະກິດຈໍາເປັນຕ້ອງໄດ້ເອົາໃຈໃສ່ກັບສ່ວນບຸກຄົນໃນເວລາທີ່ດຶງດູດລູກຄ້າ.
ກໍ່ທີ່ກອງປະຊຸມສຳມະນາ, ບັນດານັກຊ່ຽວຊານຂອງ HSBC ຄາດຄະເນວ່າ GDP ຂອງ ຫວຽດນາມ ໃນໄຕມາດທີ 4 ຈະເພີ່ມຂຶ້ນປະມານ 6% ແລະ ປີ 2023 ຈະເພີ່ມຂຶ້ນປະມານ 5%.
ດີງເລື້ອງ
