| ສ້າງກົນໄກກອງປະຊຸມຂັ້ນສູງສະພາແຫ່ງຊາດສາມປະເທດກໍາປູເຈຍ, ລາວ, ຫວຽດນາມ | |
| ທ່ານເອກອັກຄະລັດຖະທູດລາວ: ຫວຽດນາມ ຈະປະກອບສ່ວນຮັບປະກັນສິດທິມະນຸດໃນພາກພື້ນ ແລະ ສາກົນໃຫ້ດີກວ່າເກົ່າ |
ໃນວັນທີ 29 ກັນຍາ, ສະຫາຍພັນເອກພິເສດ ໂງແອັງທູ, ຮອງຫົວໜ້າບັນນາທິການໜັງສືພິມກອງທັບປະຊາຊົນຫວຽດນາມ ແລະສະຫາຍພັນໂທ ຄອນສະຫວັນ ໄຊຍະລາດ, ຮອງຫົວໜ້າ ບັນນາທິການໜັງສືພິມກອງທັບປະຊາຊົນລາວ ໄດ້ນໍາໜ້າຄະນະພະນັກງານໜັງສືພິມກອງທັບປະຊາຊົນລາວ ໄປຢ້ຽມຢາມ ແລະເຮັດວຽກທີ່ກອງບັນຊາການທະຫານແຂວງ ທ໊າຍງວຽນ ເນື່ອງໃນໂອກາດທີ່ຄະນະມາເຂົ້າຮ່ວມຊຸດອົບຮົມກ່ຽວກັບວຽກງານສື່ມວນຊົນ ຢູ່ຫວຽດນາມ.
ກ່າວຄຳເຫັນທີ່ການເຮັດວຽກ, ສະຫາຍພັນເອກພິເສດ ຟານກວຽດຖັ໊ງ, ຮອງຫົວໜ້າການເມືອງ ກອງບັນຊາການທະຫານແຂວງ ທ໊າຍງວຽນ ໃຫ້ຮູ້ວ່າ: ກອງບັນຊາການທະຫານແຂວງທ໊າຍງວຽນ ມີຄວາມດີໃຈທີ່ໄດ້ຕ້ອນຮັບພະນັກງານໜັງສືພິມກອງທັບປະຊາຊົນລາວ ມາຢ້ຽມຢາມ, ແລກປ່ຽນບົດຮຽນປະສົບການ ກ່ຽວກັບວຽກງານກໍ່ສ້າງອົງຄະນະພັກ ຂອງກອງບັນຊາການທະຫານແຂວງ ທ໊າຍງວຽນ.
 |
ຄະນະພະນັກງານໜັງສືພິມກອງທັບປະຊາຊົນລາວ ຢ້ຽມຢາມ ແລະເຮັດວຽກຢູ່ກອງບັນຊາການທະຫານແຂວງທ໊າຍງວຽນ |
ໃນເວລາຢ້ຽມຢາມ, ແລກປ່ຽນບົດຮຽນປະສົບການຢູ່ກອງບັນຊາການທະຫານແຂວງ ທ໊າຍງວຽນ, ສະຫາຍພັນເອກພິເສດ ຟານກວຽດຖັ໊ງ ຫວັງວ່າ ຄະນະພະນັກງານໜັງສືພິມກອງທັບປະຊາຊົນລາວ ຈະໄດ້ຮັບເອົາຄວາມຮູ້ ແລະປະສົບການທີ່ເປັນປະໂຫຍດ ແລະມີຄວາມປະທັບໃຈອັນດີງາມກ່ຽວກັບປະເທດຊາດ ແລະຊາວຫວຽດນາມ.ຕາງໜ້າໃຫ້ຄະນະ, ສະຫາຍພັນໂທ ຄອນສະຫວັນ ໄຊຍະລາດ ສະແດງຄວາມປິຕິຊົມຊື່ນທີ່ໄດ້ມາຢ້ຽມຢາມ, ແລກປ່ຽນປະສົບການ ແລະສະແດງຄວາມຂອບໃຈຕໍ່ການຕ້ອນຮັບຢ່າງສົມກຽດ, ຮອບຄອບຖີ່ຖ້ວນຂອງການນຳກອງບັນຊາການທະຫານແຂວງ ທ໊າຍງວຽນ ແລະບັນດາອົງການ, ກົມກອງ; ພ້ອມທັງເນັ້ນໜັກວ່າ ການຢ້ຽມຢາມ ແລະການມາທັດສະນະສຶກສາຄັ້ງນີ້ ສະແດງໃຫ້ເຫັນນ້ຳໃຈສາມັກຄີແບບພິເສດລະຫວ່າງສອງພັກ, ສອງລັດ, ສອງກອງທັບ, ປະກອບສ່ວນຮັດແໜ້ນສາຍພົວພັນອັນສະໜິດສະໜົມລະຫວ່າງສອງປະເທດຫວຽດນາມ - ລາວ.
ຕອນບ່າຍວັນດຽວກັນ, ຄະນະຍັງໄດ້ມີການເຄື່ອນໄຫວແລກປ່ຽນບົດຮຽນກ່ຽວກັບວຽກງານໂຄສະນາ ກັບໜັງສືພິມທະຫານເຂດ 1, ທີ່ການເຮັດວຽກ, ສະຫາຍພັນເອກພິເສດ ໂງຮົ່ງຖ໊າຍ, ຮອງຫົວໜ້າຫ້ອງການເມືອງທະຫານເຂດ 1 ໄດ້ແຈ້ງໃຫ້ຊາບໂດຍຫຍໍ້ກ່ຽວກັບຈຸດພົ້ນເດັ່ນດ້ານປະຫວັດສາດ, ພາລະໜ້າທີ່ ແລະແລກປ່ຽນບົດຮຽນໃນວຽກງານໂຄສະນາຂອງໜັງສືພິມທະຫານເຂດ 1.
ສ່ວນສະຫາຍພັນໂທ ຄອນສະຫວັນ ໄຊຍະລາດ ແບ່ງປັນວ່າ: ການຢ້ຽມຢາມ ແລະຊອກຮູ້ພຶດຕິກຳຕົວຈິງກັບໜັງສືພິມທະຫານເຂດ 1 ແມ່ນເພື່ອແນໃສ່ແລກປ່ຽນບົດຮຽນປະສົບການໃນການຜັນຂະຫຍາຍມາດຕະການໂຄສະນາເຜີຍແຜ່ລະຫວ່າງສອງອົງການສື່ມວນຊົນຂອງກອງທັບສອງປະເທດ ໃຫ້ນັບມື້ນັບມີປະສິດທິຜົນ, ປະກອບສ່ວນເສີມຂະຫຍາຍ ແລະເພີ່ມພູນຄູນສ້າງສາຍພົວພັນແບບພິເສດ ແລະການຮ່ວມມືຮອບດ້ານ ລາວ-ຫວຽດນາມ.
ຄຳຮຸ່ງ
